Sona.kz

Метка: Түркия

  • Түркиядағы мектептегі атыс: 16 адам жараланып, шабуылдаушы өзіне қол жұмсады

    Түркиядағы мектептегі атыс: 16 адам жараланып, шабуылдаушы өзіне қол жұмсады

    Түркияның Сиверек қаласындағы мектептердің бірінде жантүршігерлік оқиға орын алды, деп хабарлайды Sona.kz 24KZ-ке сілтеме жасап.

    Жергілікті билік өкілдерінің хабарлауынша, осы білім ордасының 19 жастағы бұрынғы түлегі мектеп ғимаратына басып кіріп, бейберекет оқ жаудырған. Шабуыл салдарынан кем дегенде 16 адам түрлі дәрежедегі жарақат алды, олардың арасында кәмелетке толмаған оқушылар мен ұстаздар бар. Барлық зардап шеккендер жедел түрде қалалық ауруханаларға жеткізілді, дәрігерлер олардың бір бөлігінің жағдайы тұрақты екенін, алайда кейбірінің әлі де бақылауда екенін мәлімдеді.

    Құқық қорғау органдары шабуылдаушыны құрықтау кезінде күдіктінің өзіне қол жұмсағанын растады. Ол полиция қолына түспес үшін оқиға орнында атып өлген. Қазіргі уақытта Сиверек полициясы бұл қылмыстың себебін және 19 жастағы жігіттің мұндай қадамға неліктен барғанын анықтау үшін тергеу амалдарын жүргізіп жатыр. Мектеп айналасы қоршауға алынып, қауіпсіздік шаралары күшейтілді. Бұл оқиға 2026 жылдың 14 сәуірінде бүкіл әлемдік БАҚ-тың назарына ілігіп, Түркиядағы мектептердегі қауіпсіздік жүйесінің осалдығы туралы пікірталастарды қайта жандандырды.

  • Түркиядан зергерлік бұйымдар сылтауымен алаяқтық жасаған күдікті қайтарылды

    Түркиядан зергерлік бұйымдар сылтауымен алаяқтық жасаған күдікті қайтарылды

    Қазақстан Республикасының Бас прокуратурасы Ішкі істер министрлігінің Интерпол ұлттық орталық бюросымен және Сыртқы істер министрлігінің қолдауымен Түркия Республикасынан алаяқтық қылмыстары үшін іздеуде жүрген Қазақстан азаматын елге қайтарды, деп хабарлайды Sona.kz ҚР Бас прокуратурасына сілтеме жасап.

    Тергеу деректеріне сәйкес, 2024 жылы Қызылорда қаласында күдікті зергерлік бұйымдарды арзан бағамен алып беруге уәде етіп, жәбірленушілердің ақшасын алдап иемденген. Оның әрекеттерінен сегіз адам зардап шегіп, келтірілген материалдық шығынның жалпы сомасы шамамен 130 млн теңгені құраған.

    Қылмыстар жасалғаннан кейін күдікті ел аумағынан шығып кетіп, халықаралық іздеуге жарияланған. Жедел-іздестіру шаралары барысында ол Түркия аумағында ұсталып, кейін Қазақстанға экстрадицияланды.

    Қазіргі уақытта күдікті тергеу изоляторына қамалды. Оған тағылған айыптар бойынша 5 жылдан 10 жылға дейін бас бостандығынан айыру және мүлкін тәркілеу жазасы қарастырылған.

  • Өрт Түркияны шарпыды: Османияда орманшы қаза тапты, эвакуация жалғасуда

    Өрт Түркияны шарпыды: Османияда орманшы қаза тапты, эвакуация жалғасуда

    Түркияда орман өрттері: бір адам қаза тапты, жүздеген адам эвакуацияланды

    Түркия аумағында ондаған аймақты шарпыған ірі орман өрттері болып жатыр, деп хабарлайды Sona.kz Kazinform агенттігіне сілтеме жасап.

    Ресми дерекке сәйкес, ең қайғылы жағдай Османия провинциясында тіркелді. Өрт сөндіруге бара жатқанда өрт сөндіру көлігі аударылып, орманшы Адем Назым Демирель көз жұмды. Тағы төрт әріптесі жарақат алып, дәрігерлердің бақылауында.

    Өрттер Кахраманмараш, Измир, Чанаккале, Эдирне, Маниса, Болу және басқа да аймақтарда әлі де жалғасуда. Чанаккаледе 2 220 адам эвакуацияланды, оның 237-сі теңіз арқылы. Барлығы 139 адам зардап шеккен, төртеуі ауруханада жатыр.

    Өртті сөндіруге жүздеген өрт сөндіруші мен еріктілер, сондай-ақ әуе және жерүсті техникасы жұмылдырылған. Билік тұрғындарды ерекше сақ болуға, табиғатта от жақпауға және өрт белгілері байқалған жағдайда дереу хабарлауға шақырады.

  • Түркияда өткен түні жер сілкінісі болды

    Түркияда өткен түні жер сілкінісі болды

    Түркияның Мугла провинциясында түнде 5,8 балдық жер сілкінісі тіркелді. Эпицентрі Мармарадан 10 шақырым жерде, 68 шақырым тереңдікте орналасқан.

    Ішкі істер министрі Али Ерликаяның мәліметінше, зілзаладан 14 жастағы қыз көз жұмды. Тағы 69 адам жараланды, олардың көбі үреймен терезеден секіріп, жарақат алған. 46 адам ауруханада ем қабылдап жатыр, қалғандарына оқиға орнында алғашқы көмек көрсетілген.

    Билік ірі қирау болмағанын хабарлады. Қазір құтқару қызметтері жағдайды бақылауда ұстап отыр.

  • Украина президенті Түркияға барды

    Украина президенті Түркияға барды

    Владимир Зеленский Анкараға Режеп Тайып Ердоғанның шақыруымен барған. Мұны Түркия Президенті әкімшілігінің өкілі Фахреттин Алтун айтып отыр.

    Сапар барысында екі елдің стратегиялық әріптестігі мен ынтымақтастығын нығайту талқыланады. Ең бастысы, көшбасшылар Украинадағы соңғы оқиғалар және басқа да аймақтық, жаһандық мәселелер туралы пікір алмасады деп жоспарланған.

    17 ақпанда елдің СІМ-нің басшысы Хакан Фидан Анкара Украинадағы бейбітшілікті нығайту және елді қалпына келтіру үшін кез келген рөл атқаруға дайын екенін хабарлаған еді. Оның сөзінше, келісімге келу оңайға соқпайды.

    – Идеалды әлемде біз Украинаның аумақтық тұтастығын сақтағымыз келеді. Бірақ қазір, өкініштісі сол жағымсыз шешімдер қабылдауға тура келеді. Қазір тараптар бұл таңдауды жасауға тырысуда: олар не бере алады, нені сақтай алады, кейінірек не туралы сөйлесуге болады, – деді ол.

    Фидан сондай-ақ, қақтығыстың барлық қатысушысы, соның ішінде тікелей соғыспайтындар да өз басымдықтарын бірінші орынға қоятынын атап өтті.

    Зеленский әлеуметтік желісінде Түркияға ресми сапары аясында тұтқындардың үйіне оралуын, азық-түлік қауіпсіздігі мәселелерін талқылау жоспарланғанын жеткізді.

    Материалды көшіріп басқанда және басқаша пайдалану кезінде azh.kz сайтына гиперсілтеме міндетті түрде қойылуы тиіс. Сондай-ақ ВК, Instagram пабликтерінде жариялауға тыйым салынады.

  • Түркияда тағы да жер сілкінді

    Түркияда тағы да жер сілкінді

    Еуропалық Жерорта теңізі сейсмологиялық орталығы эпицентрі Маниса қаласынан солтүстік-батысқа қарай 135 км жерде орналасқан, 243 мың адам тұратын елді мекенде 5 балдық жерасты дүмпулері болғанын анықтады.

    Жер сілкінісінің ошағы 10 шақырым тереңдікте жатыр. Зардап шеккендер мен ғимараттың қирауы жайлы ақпарат болған жоқ.

    AFAD төтенше жағдайлар басқармасы, сонымен қатар жер сілкінісі Чанаккале провинциясына жақын жерде 23:38-де тіркелгенін хабарлады, ошақ Түркия жағалауынан 7 км қашықтықта Эгей теңізінде 8,65 км тереңдікте орналасыпты.

    Жер сілкінісі көрші провинцияларда да сезілген. Басқарманың хабарлауынша, қазіргі уақытта жағымсыз әсерлер тіркелген жоқ. Қызметкерлері мен жергілікті билік тексеруді жалғастырып жатыр.

    Айта кетейік, 2023 жылдың 6 ақпанында Түркияның Кахраманмараш провинциясының Пазарджик аймағында магнитудасы 7 балдан асатын екі жер сілкінісі тіркелген еді.

  • Түркияда температура -33-ке дейін төмендеді

    Түркияда температура -33-ке дейін төмендеді

    4 қаңтарға қараған түні Эрзурум провинциясының Текман ауданында термометр рекордтық минус 33,1 градусқа дейін төмендеген.

    Түркияның метеорологиялық бас басқармасы Эрзурумдағы Гаджиомер ауылын «елдегі соңғы 24 сағаттағы ең суық нүкте» деп жариялады.

    Өзендер мен көлдерді мұз басып қалды. Тұрғындарға аса қажет болмаса көшеге шықпауға кеңес берілді.

    Ардахан провинциясының Геле ауданында 28,8 градус аяз, Эрзинджанның Чайырлы ауданында — минус 27,8, Ванның Чалдыран ауданында — минус 26,6, Сарыкамышта (Карс) — минус 22,1 болды.

    Метеорологиялық орталықтың хабарлауынша, Түркияның шығысындағы қатты аяз 8 қаңтарға дейін жалғасады.

     

  • Анкарадағы теракт құрбандарының саны бес адамға жетті

    Анкарадағы теракт құрбандарының саны бес адамға жетті

    Түркия Ішкі істер министрлігінің басшысы Али Ерликая TRT Haber телеарнасының эфирінде Анкарадағы лаңкестік әрекеттен қаза тапқандар саны бес адамға жеткенін, тағы 22 адам жарақат алғанын мәлімдеді, деп хабарлайды ТАСС ақпарат агенттігі.

    «Терактіде қаза тапқандар саны 5 адамға жетті, зардап шеккендердің жалпы саны 22 адам, оның үшеуі ауруханадан шығарылды. Біздің бағалауымызша, шабуыл Күрдістан жұмысшы партиясының әрекетімен байланысты болуы мүмкін. Шабуылдаушыларды анықтағаннан кейін біз ақпарат және басқа да дәлелдермен бөлісеміз», — деді министр.

    Ол сондай-ақ Түркия президенті Режеп Тайип Ердоғанның шабуыл туралы ақпарат түскен сәттен бастап қауіп жойылғанға дейін ақпарат алып отырғанын айтты.

  • Анкарада теракт болды

    Анкарада теракт болды

     Түркияның Анкара қаласында әскери ұшақтар мен ғарыш техникасын шығаратын «TUSAŞ» корпорациясы ғимаратының маңында теракт болды. Бұл лаңкестік әрекетті ұйымдастырды деген екі күдікті мерт болды, тағы бір адам бостандықта жүргені айтылады. Бұл туралы Түркияның Sabah агенттігі хабарлады.

    Басылымның хабарлауынша, жергілікті уақытпен сағат 15:20 шамасында Анкараның Кахраманказан ауданындағы «TUSAŞ» корпорациясы ғимаратының жанында бомба жарылды. Жарылыстар мен оқ даусын естіген қауіпсіздік күштері, өрт сөндірушілер мен жедел жәрдем бригадалары оқиға орнына дереу жеткен.

    Түркия Ішкі істер министрі Али Ерликая екі лаңкестің (әйел адам және ер адам) көзі жойылғанын растап, олардың аты-жөні анықталып жатқанын хабарлады. Ол сондай-ақ, соңғы лаңкес жойылғанға дейін күрестің жалғасатынын айтып, ресми ақпарат көздерінің мәлімдемелеріне құлақ түруді сұрады.

    Біз лаңкестерді анықтауды жалғастырудамыз, олардың кім екенін анықтағаннан кейін олардың қай лаңкестік ұйымға жататынын хабарлаймыз, – деді министр.

    Ел президенті Режеп Тайып Ердоған БРИКС саммиті аясында Ресей президенті Владимир Путинмен кездесуінде 4 адамның қаза тауып, 14 адамның жараланғанын хабарлады.

    – Осы жантүршігерлік лаңкестік әрекетті айыптаймын, шейіттерімізге Алладан рақым тілеймін, – деді.

    Елдің Әділет министрі Йылмаз Тунчтың айтуынша, Анкара Бас прокуратурасы лаңкестік әрекетке қатысты тергеуді бастап, оқиғаны тергеуге бас прокурордың 1 орынбасары мен 8 прокурор тағайындалған.

  • Ердоғанның басты қарсыласы Фетхуллах Гүлен қайтыс болды

    Ердоғанның басты қарсыласы Фетхуллах Гүлен қайтыс болды

    84 жастағы Гүлен ауруханада қайтыс болды. Бұл туралы оның немере інісі Эбуселеме Гүлен X әлеуметтік желісінде хабарлады.

    «Фетуллаһ Гүленнің ақтық демі үзілді. Алла Тағала рақымына бөлесін», – деп жазды Эбуселеме Гүлен X әлеуметтік желісінде.

    CNN Turk арнасының таратқан ақпартынан, Фетхуллах Гүленнің соңғы жылдары бүйрегі ауырып, қант диабеті және деменциямен күрескені белгілі болды.

    Естеріңізге сала кетейік, Түрік билігі оны 2016 жылы әскери төңкеріс жасамақ болды деп айыптаған болатын. Төңкеріс салдарынан 251 адам қаза тапты. Гүленнің өзі Түркияда сырттай айыпталып, Анкара Вашингтоннан оны елге экстрадициялауды талап еткен. Түркияда оның FETO қозғалысы террористік ұйым деп танылған.

    Фетхуллаһ Гүлен 1941 жылы Түркияның шығысында дүниеге келген. Діни экстремизмге және исламды саясиландырудың түрлі формаларына қарсы шыққан мұсылман әлемінің ең ықпалды ғалымдарының бірі болды. Ол Түркияда және басқа елдерде, соның ішінде Орталық Азияда оқу мен тәрбие беру, мектептер ашу мәселелеріне ерекше көңіл бөлген. Ол 1999 жылдан бері АҚШ-та тұрды