Sona.kz

Метка: Тергеу

  • Қазақстанда 11 әуежайға қатысты тергеу басталды

    Қазақстанда 11 әуежайға қатысты тергеу басталды

    Қазақстанда 11 әуежайға қатысты тергеу жұмыстары басталды. Бұған авиаотынның қымбаттығы себеп болды, деп хабарлайды Sona.kz Tengrinews.kz.-ке сілтеме жасап.

    Ведомство жүргізген талдау халықаралық жолаушылар және жүк тасымалдаушы әуе компанияларына отынның негізсіз қымбат сатылғанын көрсетті.

    «Әуежайлар арқылы отын сату оның құнын 60 пайызға дейін арттырады. Соңғы бес жылда бұл жүк тасымалының 36 пайызға, халықаралық рейстердің 58 пайызға қысқаруына алып келді», – делінген агенттік мәлімдемесінде.

    Сонымен қатар тексерістер екінші деңгейлі көтерме нарықтағы авиаотын жеткізушілерін де қамтиды.

    Бұған дейін Өскемен әуежайында миллиондаған қаржыны жымқыру схемасы анықталғаны хабарланған болатын. Тергеу дерегінше, бес жыл бойы әуежайдың бұрынғы президенті мен лауазымды тұлғалары жалақыны негізсіз өсіріп, жалған сыйақылар тағайындап және жасанды келісімшарттар арқылы қаражатты иемденіп отырған. Мемлекетке келтірілген жалпы шығын 157 миллион теңгені құрады.

  • «Қазтелекомға» қатысты тергеу басталды

    «Қазтелекомға» қатысты тергеу басталды

    Қазақстанның Бәсекелестікті қорғау және дамыту агенттігі «Қазтелекомға» қатысты тергеу жүргізуді бастады, деп хабарлайды Sona.kz ZTB арнасына сілтеме жасап.

    Ведомство дерегінше, 2024 жылы компания интернет-пакеттердің тарифін 20%-ға дейін қымбаттатқан. Атап айтқанда, жылдамдығы 100, 200 және 500 Мбит/с топтамалардың бағасы көтерілген. Агенттік бұл әрекет монополиялық жоғары бағаның белгісі болуы мүмкін деп отыр.

    Сонымен бірге, басқа операторлардың нарыққа шығуына кедергі келтірген бірқатар тосқауылдар анықталды. Мысалы, тұрғын үйлерге интернет тарту қиынға соққан, ал кабельдік канализацияға қол жеткізу үшін заңда қарастырылмаған төлем алынған.

    АЗРК араласқаннан кейін «Байланыс туралы» заңға түзетулер енгізіліп, виртуалды операторлардың қызметін жеңілдетуге және радиожиіліктерді бөлу бойынша сауда-саттыққа қатысуына мүмкіндік берілді.

    «Сондай-ақ, ұялы байланыс қызметтерінің бағасына талдау жүргізілді. Зерттеу нәтижесінде монополиялық жоғары баға қою белгілері анықталды. Қазіргі таңда ұялы байланыс операторы бойынша да тергеу тағайындау мәселесі қарастырылып жатыр», – делінген агенттік хабарламасында.

  • Экс-вице-министрлердің пәтерінен миллиардтар табылды: тергеу мәліметі жарияланды

    Экс-вице-министрлердің пәтерінен миллиардтар табылды: тергеу мәліметі жарияланды

    Қазақстанда бұрынғы вице-министрлерге қатысты тергеу ісі барысында шенеуніктердің бірінің пәтерінен ірі көлемде қолма-қол ақша табылғаны хабарланды. Бұл туралы Қаржы мониторингі агенттігі мәлімдеген.

    Күдіктілерге мемлекет қаржысын жымқырды деген айып тағылып отыр. Тергеу мәліметінше, олар делдал компаниялар арқылы бюджет қаражатын қолма-қол ақшаға айналдырып, заңсыз схемалар жасаған.

    Бастапқы нұсқада «Қазақстан тұрғын үй компаниясының» бұрынғы басқарма төрағасы деген мәлімет көрсетілген болатын. Алайда бұл ақпарат дәлелсіз және шындыққа сәйкес келмейді.

    Біздің редакциямызға АО «Қазақстан тұрғын үй компаниясының» баспасөз қызметінің жетекшісі хабарласып, келесі түсініктемені жолдады:
    «Материалда көрсетілген “Қазақстан тұрғын үй компаниясының” бұрынғы басқарма төрағасы туралы ақпарат шындыққа жанаспайды. Тергеу аясында ұсталғандардың ешқайсысының біздің компанияға қатысы жоқ. Ақпаратты түзетуді сұраймыз», – делінген ресми хатта.

    Осыған байланысты материал редакцияланды. Біз жалған немесе дәлелсіз ақпарат таралмауына аса мән береміз және ресми органдармен кері байланысты әрдайым ескереміз.

  • Ақнәр Хамит: Екінші құрбысы өз нұсқасын айтты

    Ақнәр Хамит: Екінші құрбысы өз нұсқасын айтты

    Қайғылы түнде бірге болған екінші құрбысы Рана алғаш рет мәлімдеме жасап, оқиға барысын баяндады.

    Рананың айтуынша, сол түні Ақнәр мен Дидар дәмханадан кейін өз пәтеріне шақырып, алкоголь ішкен. Біраз уақыттан соң Ақнәрдің мінезі күрт өзгеріп, айқайлап, құрбыларына шабуыл жасаған. Рана оны “өз-өзіне қол жұмсамақ болды, сүрелер оқыды, түсініксіз әрекеттер жасады” деп сипаттады.

    Рана Ақнәрдің бұрын да терезеден секірмек болғанын, ақпанда жатақханада және сәуірде Дидардың үйінде осындай жағдай қайталанғанын айтты.

    Полиция істің бақылауда екенін мәлімдеді. Қазір “Өзін-өзі өлтіруге итермелеу” бабы бойынша тергелуде. Қоғам белсенділері мен отбасы “Қинау” және “Адам өлтіру” баптарын қосуды талап етуде. Күдіктілер бостандықта жүр.

  • Ақнәр Хамиттің жұмбақ қазасы: Анасы шындық іздеуде

    Ақнәр Хамиттің жұмбақ қазасы: Анасы шындық іздеуде

    Ресми нұсқа — «өз-өзіне қол жұмсау», бірақ анасы бұл — қасақана кісі өлтіру деп есептейді.

    Оның қолында қызының азапталғанын дәлелдейтін бейне мен соңғы хабарламасы бар:
    «Қасымыздағы қыз біреуді қылқындырып жатыр…»

    Ақнәрдің денесінде зорлық белгілері анықталған. Сараптама да екі қыздың мас, ал марқұмның қанында ішімдік болмағанын көрсеткен.

    Анасы тергеудің баяу жүріп жатқанына наразы. Полиция тергеу жалғасуда деп жауап берген.
    Халықаралық ұйымдар да істі әділ тергеуді талап етті.

  • Гүлмира Сатыбалдыға тағы бір іс бойынша тергеу жүріп жатыр

    Гүлмира Сатыбалдыға тағы бір іс бойынша тергеу жүріп жатыр

    Сыбайлас жемқорлыққа қарсы қызмет Гүлмира Сатыбалдыға қатысты жаңа қылмыстық істі тергеп жатыр. Бұл жолы ол «VOSTOCHKA» деп аталатын тұрғын үй кешенінің құрылысына байланысты тергеліп отыр.

    Антикордың ресми мәліметінше, аталған кешенді салу кезінде заң бұзушылықтар болған. Қазір тергеу жүріп жатыр, сол себепті басқа ақпарат әзірге жарияланбайды.

    Еске салайық, Гүлмира Сатыбалды — Қайрат Сатыбалдының бұрынғы әйелі. Өткен жылы сот оны бопсалау, заңсыз бостандықтан айыру және өз бетінше әрекет ету баптары бойынша кінәлі деп танып, 12 жылға соттаған болатын.

  • КДВ Қазақстан компаниясына тергеу басталды

    КДВ Қазақстан компаниясына тергеу басталды

    Антимонополиялық агенттік бұл кәсіпорын тең жағдайдағы әріптестерге әртүрлі баға қойғанын анықтаған. Мұндай әрекет бәсекелестік заңын бұзуы мүмкін.

    Агенттік заңбұзушылықты жоюды сұрап, ескерту жіберген. Бірақ компания талапты орындамаған. Сол себепті ресми тергеу басталған.

    KDV Kazakhstan – ресейлік KDV Group холдингінің Қазақстандағы өкілі. Олар «Яшкино», Babyfox, Calve сияқты бренд өнімдерін сатады.

  • Нығматулиннің ұлы рейдерлік іс бойынша тергеліп жатыр

    Нығматулиннің ұлы рейдерлік іс бойынша тергеліп жатыр

    Бұл туралы Қаржылық мониторинг агенттігі хабарлады.

    Бұған дейін полиция “өз бетімен билік ету” бабы бойынша сотқа дейінгі тергеу жүргізіп жатқанын растаған. Енді іс Алматы қаласының Экономикалық тергеу департаментіне беріліп, “рейдерлік” бабымен тергеліп жатқаны белгілі болды.

    Бұл бап бойынша ең ауыр жаза – 12 жылға дейін бас бостандығынан айыру. Нұрлановтың нақты процессуалдық мәртебесі әзірге белгісіз.

  • Шерзат Болаттың өлімі: іс прокурорға жолданды

    Шерзат Болаттың өлімі: іс прокурорға жолданды

    Шерзат Полатты өлтіру ісі бойынша тергеу аяқталды. Алматы облысының полиция департаменті мән-жайды айтты.

    Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

    Қылмыстық іс 62 томнан тұрады, оның ішінде барлық жиналған дәлелдемелер, сараптама қорытындылары, жауап алу хаттамалары және басқа да маңызды материалдар бар. Әрбір тергеу әрекеті қылмыстық заңнама талаптарына сәйкес жүргізілді, тергеудің барлық кезеңдерінде заңдылық, ашықтық және объективтілік қамтамасыз етілді. Тергеудің барысы және процесс қатысушыларының конституциялық құқықтарының сақталуы прокуратура органдарының бақылауында болды.

  • Шерзат Болаттың өліміне қатысты тергеу аяқталды

    Шерзат Болаттың өліміне қатысты тергеу аяқталды

    Бұл туралы Алматы облысының полиция департаменті ақпарат таратты. Тараптар қылмыстық іс материалдарымен танысуға кіріседі.

    «Өткен жылы 4 қазанға қараған түні болған кәмелетке толмаған адамды өлтіру фактісі бойынша қылмыстық істі тергеу аяқталды. Қазіргі уақытта тараптарды сотқа дейінгі тергеу материалдарымен таныстыру процесі жүріп жатыр. Тараптар танысқаннан кейін қылмыстық іс оның заңдылығын тексеру және сотқа жіберу туралы мәселені шешу үшін прокурорға жіберіледі», – деп хабарлады облыстық ПД баспасөз қызметі.

    Өткен жылдың 4-ші қазанында Талғар қаласындағы төбелес кезінде  Шерзат Полат қайтыс болғаны белгілі.  12 қазан күні түнде қара жамылған отбасының үйі өртеніп кетті. Алматы облысының полиция департаменті бөтеннің мүлкін қасақана жою фактісі бойынша іс қозғаған.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Жақында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған. Сонымен қатар Шерзат Болаттың әкесі Қаржаубай Нұрымов 15 тәулікке қамаған болатын.

    «Біздің жұмысымыздың маңызды кезеңдерінің бірі артта қалды», – деді жәбірленушілердің адвокаттары.