Sona.kz

Метка: Түркістан облысы

  • Түркістан облысында діни экстремистер қамауға алынды

    Түркістан облысында діни экстремистер қамауға алынды

    Күдіктілер әлеуметтік желіде тыйым салынған материалдар жариялаған, олардан есірткі мен қару табылды. 

    Түркістан облысында полицейлер Ұлттық қауіпсіздік комитетімен бірлесіп, діни араздық қоздырды және экстремистік материалдар таратады деген күдікпен діни радикалдар тобын ұстады.

    Күдіктілер радикалды діни көзқарас негізінде біріккен Мақтаарал ауданының тұрғындары. Тергеушілердің айтуынша, олар әлеуметтік желілерде өзге дін өкілдерін масқаралайтын материалдар жариялап, бұған дейін сот тыйым салған экстремистік бейнелер мен аудиожазбаларды белсенді таратқан.

    Тінту кезінде күдіктілерден экстремистік мазмұндағы 20-дан астам кітап пен брошюралар, есірткі заттары, заңсыз қарулар мен оқ-дәрілер тәркіленді.

    Топ жетекшілері деген күдікпен сот шешімімен қамауға алынған адамдарға Ішкі істер министрлігі тергеу амалдары жүргізіліп жатқанын хабарлады.

    Сотталушы орындығында сегіз адам отырғаны туралы бұрын жазғанбыз. Олар экстремистік ұйым құрып, терроризмді насихаттаумен айналысқан. Сонымен қатар, айыпталушылар радикалды діни идеология таратып, зайырлы мемлекеттік жүйені құлатуды жоспарлаған.

  • «Жұмыс визасын жасап беремін» деген алаяқ ​92 миллион теңге иемденген

    «Жұмыс визасын жасап беремін» деген алаяқ ​92 миллион теңге иемденген

    Түркістан облысында алаяқ 2023-2024 жылдар аралығында 23 жәбірленушіні Оңтүстік Корея мемлекетіне еңбек қызметін жүзеге асыру үшін жұмыс визасын жасап беремін деп алдау арқылы 92 020 000 теңге жымқырған, деп хабарлайды ҚР Бас прокуратурасы.

    Сот барысында мемлекеттік айыптаушы сотталушының кінәсін толық дәлелдеді. Өз кезегінде алаяқ 6 жыл мерзімге бас бостандығынан айырылды, сондай-ақ 23 жәбірленушілердің азаматтық талап қоюлары қанағаттандырылды. Сот үкімі заңды күшіне енген жоқ.

  • Түркістан облысында 10-сынып оқушысы суицид жасаған

    Түркістан облысында 10-сынып оқушысы суицид жасаған

    Түркістан облысының Бәйдібек би ауданында 10-сынып оқушысы суицид жасаған.

    Оқушы не үшін өзіне қол жұмсағаны әзірге белгісіз. Otyrar.kz мәліметінше, қазіргі уақытта соталды тергеу жүріп жатыр.

    — Қылмыстық іс бойынша процессуалдық прокурор тағайындалды. Тиісті нұсқаулар берілді. Қазіргі уақытта қажетті тергеу амалдары жүргізілуде. Бұл қылмыстық іс облыстық прокуратураның бақылауында. Қазақстан Республикасы Қылмыстық-процестік кодексінің 201-бабына сәйкес өзге мәліметтер жария етуге жатпайды, деп түсіндірді Түркістан облысының прокуратурасы.

  • Түркістан облысында полиция қызметкері қаза тапты

    Түркістан облысында полиция қызметкері қаза тапты

    Түркістан облысында құқық бұзушыны қуу кезінде жол-патрульдік полиция инспекторы көз жұмды.    

    Бұл туралы Ішкі істер министрі Ержан Сәденов мәлімдеді.

    Қызметтік міндетін атқару барысында құқық бұзушыны қуу кезінде қаза тапқан Түркістан облысы полиция департаментінің жол-патрульдік полиция инспекторы, полицияның аға лейтенанты Қанат Ғабитовтың туыстары мен жақындарына шын жүректен көңіл айтамын, – деп жазды ол Facebook-тегі парақшасында.

  • Қыз зорлаған 17 жасар жігітке үкім шықты

    Қыз зорлаған 17 жасар жігітке үкім шықты

    Түркістан облысында 14 жасар қызды зорлаған 17 жастағы жасөспірімге қатысты жаңа үкім шықты. Айыпталушы 7,5 жылға бас бостандығынан айырылды.

    #НеМолчиKZ қорының басшысы Дина Таңсәрі істің жай-жапсарын баяндады. Оның айтуынша, бірінші сатыдағы сот құқық бұзушыға қысқа мерзімге үкім шығарды, ал апелляциялық шағым жазаны бас бостандығын шектеуге ауыстырды.

    Бірақ Жоғарғы сот апелляциялық соттың шешімін бұзып, істі қайта жіберді.

    «Апелляциялық сот 14 жастағы қызды зорлаған жігітке қатысты шешімді қайта қарады. 17 жастағы жасөспірім қызды зорлап, өзін-өзі өлтіремін деп қорқытқан. Бұл іс 2023 жылдан бері жалғасып келеді. Біз барлық ақпарат пен дәйекті төрт күн бұрын жарияладық. Алғашында 2 жылға бас бостандығынан айырылса, кейін апелляциялық сот оны 2 жылға бас бостандығын шектеу жазасына кесті. Нәтижесінде 28 ақпанда сот барлық дәлелдемелерді, скриншоттарды, чаттарды, фотосуреттерді, қорғаушы мен айып тағушы тараптарының дәлелдерін назарға алды және ол оны 7,5 жылға бас бостандығынан айырды», – деді Таңсәрі.

    Еске салайық, жан түршігерлік қылмыс жайлы 2023 жылдың қазан айында белгілі болды. Жәбірленуші 9 рет зорлық көрген. Ол 17 жастағы жасөспірімнің пышақпен қорқытып, кәмелетке толмаған қызды онымен жыныстық қатынасқа түсуге мәжбүрлегенін хабарлады.

  • Түркістан облысында терроризмді насихаттаған азаматтар сотталды

    Түркістан облысында терроризмді насихаттаған азаматтар сотталды

    Түркістан облысында терроризмді насихаттағаны және экстремистік ұйымның қызметіне қатысу арқылы басқару тәртібіне қарсы қылмыстық құқық бұзушылық жасаған  азаматтар сотталды. 

    Жамбыл облысының тұрғыны өткен жылдың қазан айында Telegram әлеуметтік желісінде «Ислам үшін» атты парақша ашып, онда заңсыз террористік құрылым ретінде танылған «Мұсылман бауырлар» және «Өзбекстан-исламдық қозғалысы» халықаралық террористік ұйымдарының бейне жазбаларын таратқан.

    Сол сияқты, Түркістан облысының тұрғыны желтоқсан айында «WhatsApp» және «Facebook» әлеуметтік желілері арқылы бірнеше рет «Хизб-ут-Тахрир» діни экстремистік ұйымының бейнежазбаларын таратқан. Мемлекеттік айыптаушылар сот барысында сотталушылардың кінәсін толық дәлелдеп, бас бостандығынан айыру жазасын тағайындауды сұраған. Терроризмді насихаттаған кінәлі тұлғаларға 7 жыл мерзімге бас бостандығынан айыру жазасы тағайындалып, жазаны қылмыстық-атқару жүйесінің қауіпсіздігі барынша жоғары мекемесінде өтеу тағайындалды.

  • Түркістан облысында жігіт 14 жастағы қызды қорқытып, бірнеше рет зорлаған

    Түркістан облысында жігіт 14 жастағы қызды қорқытып, бірнеше рет зорлаған

    Түркістан облысы Сайрам ауданында жігіт мектеп оқушысын бірнеше рет зорлап келген. 

    Бұл туралы «Не молчи» қоры мәлімдеді. Бұл жағдай 2 жыл бұрын болған. 2022 жылы 17 жастағы 11-сынып оқушысы 7-сынып оқитын 14 жастағы қызбен кездеседі. Жігіт қызды пышақпен қорқытып, жыныстық қатынасқа мәжбүрлейді.

    Кәмелет жасына толмаған қыз болған жағдайды біреуге айтуға қорқады. Жігіт асылып өлетінін, өліміне қыз кінәлі екенін айтып қолхат қалдыратынын, кейін оны түрмеге қамайтынын айтып қызды қорқытады.

    Бірнеше рет жігіт қызды қорқытып, азаптаған. Ол өзінің қолын кесіп, өміріне қауіп төндірген. Кейін жігіт өзін қыздың үйінде өлтіретінін, өліміне қыздың туыстары кінәлі болатынын айтып, қорқытуын тоқтатпаған.

    2023 жылдың қаңтарынан шілдесіне дейін жігіт қызды тағы бірнеше рет зорлайды. Қыздың анасы бар жағдайды біледі. Кейін бірден Сайрам ауданының полиция басқармасына арыз жазады. Алайда сот әлі күнге дейін жалғасып келеді. Жігіт әлі күнге дейін бостандықта жүр.

    «Не молчи» қоры жоғарғы соттан осы мәселені біржақты етуді сұрады. Қордың мәліметінше, қыз осы жылы мектеп бітіреді екен. Ал жігіт жауапкершілікке тартылуы керек ересек адам.

  • Түркістанда Қазақ-корей университеті салынып жатыр

    Түркістанда Қазақ-корей университеті салынып жатыр

    Түркістанда Қазақ-корей бірлескен университеті ғимаратының құрылысы жалғасып жатыр. Бұл бастама Президент Қасым-Жомарт Кемелұлы Тоқаевтың білім сапасын арттыру үшін әлемдегі озық жоғары оқу орындарының филиалдарын елімізде ашу тапсырмасына орай қолға алынған.

    Жауапты басшылар мен мердігер компания басшысымен пікір алмасып, атқарылып жатқан жұмыстар туралы есептерін тыңдады.

    – Ғимарат биыл аяқталып, оқу жылына толық дайын болуы тиіс. Ұйымдастыру, үйлестіру жұмыстарымен де біраз уақыт кетеді. Сондықтан құрылыс қарқынын төмендетпей, сапалы әрі жүйелі атқарыңыздар, – деген Нұралхан Көшеров 18 қабатты ғимаратты аралап көрді. Сапалы құрылыс материалдарын қолдануды тапсырды.

    Бүгінде ғимараттың құрылысы қарқынды. Сыртын қаптау, терезелерін орнату жұмыстары жүруде. Нысан тамыз айында тапсырылады деп жоспарланған. Бірақ мамыр айына дейін аяқтап, тапсыру көзделіп отыр. Жұмысшылар саны да жеткілікті, құрылыс қарқынды.

  • Түркістан облысында 1,9 миллиард теңге жымқырған қылмыстық топ ұсталды

    Түркістан облысында 1,9 миллиард теңге жымқырған қылмыстық топ ұсталды

    Түркістан облысында 1,9 миллиард теңге бюджет қаражатын жымқырған қылмыстық топ ұсталды. 

    Қылмыстық топ «Сыбаға» мемлекеттік бағдарламасы аясында ірі қара малды сатып алуға бағытталған жеңілдетілген несие алудың алаяқтық схемасын пайдаланған. Мемлекеттік несие алу өтінімдерін қарау жөніндегі комиссияның төрағасы болып қызмет атқарған ұйымдастырушы қылмыстық схеманы әзірлеп, қатысушылардың әрекеттерін үйлестірген.

    Қазіргі уақытта қылмыстық іс аясында 27 адам күдікті деп танылды.

  • Мақтаарал ауданында білім бөлімінің қызметкерлері 2,4 млрд теңге жымқырған

    Мақтаарал ауданында білім бөлімінің қызметкерлері 2,4 млрд теңге жымқырған

    Түркістан облысының прокуратурасы Мақтаарал ауданы Білім бөлімінің 43 лауазымды тұлғасы  мен жауапты қызметкерлеріне қатысты бюджет қаржысын (2,4 млрд теңгеден астам) жымқыру фактісі туралы істі сотқа жолдады.

    Ақша білім саласында жұмыс істемейтін тұлғалардың есепшотына заңсыз жалақы аудару арқылы ұрланған.

    Бүгінде күдіктілер 333,5 млн теңге көлемінде мемлекетке келтірілген залалды қайтарды, сондай-ақ олардың қылмыстық жолмен табылған 649,7 млн теңгені құрайтын мүліктеріне тыйым салынды.