Sona.kz

Метка: Үкім

  • Алматыда нарколаборатория ұйымдастырған ер адамға үкім шықты

    Алматыда нарколаборатория ұйымдастырған ер адамға үкім шықты

    Алматыда жасырын нарколаборатория ашқан 35 жастағы ер адам сегіз жылға бас бостандығынан айырылды, деп хабарлайды Sona.kz Kazinform-ға сілтеме жасап.

    Айыпталушы өткен жылдың қазан айында ұсталған. Ол Медеу ауданындағы жеке секторда есірткі өндіретін жасырын зертхана ұйымдастырған.

    Арнайы операция барысында полиция қызметкерлері 21 келіден астам дайын мефедрон, химиялық реагенттер және өндіріс пен қаптауға арналған жабдықтарды тәркіледі.

    Қалалық Полиция департаментінің есірткі қылмысына қарсы іс-қимыл басқармасының бастығы Мұрат Жұмабаевтың айтуынша, сот шешімі заңды әрі әділ.
    — Бұл қылмыс қоғамға елеулі қауіп төндіреді. Полиция осындай фактілерге қарсы жүйелі жұмыс жүргізуде, — деді ол.

    Сондай-ақ полиция өкілдері есірткі жасау және тарату қатаң қылмыстық жауапкершілікке әкелетінін еске салды.

    Айта кетейік, бұған дейін екі шетелдік азамат Қазақстанға 770 келі героин алып өтпек болғаны үшін сотталған еді.

  • Жиембай айыптауды өзгертуге талап қойды

    Жиембай айыптауды өзгертуге талап қойды

    Шымкент әкімінің орынбасары Руслан Берденовке қастандық жасады деп сотталған Ернар Жиембай үкімге келіспейтінін мәлімдеді, деп хабарлайды Sona.kz Informburo.kz-ке сілтеме жасап.

    Оның айтуынша, ол тоғыз жылға бас бостандығынан айыру жазасын өтеуге дайын, бірақ айыптауды қайта саралауды талап етеді. Жиембайдың сөзінше, әрекеті кісі өлтіруге оқталу емес, ҚК-нің 106-бабы бойынша «денсаулыққа қасақана ауыр зиян келтіру» ретінде қаралуы тиіс.

    «Тоғыз жыл болса да, әділ баппен болсын – кісі өлтіру ниетінсіз. Өйткені бұл іс аяқталған қылмыс: ауыр зиян келді, бірақ биологиялық өлім болған жоқ», — деді ол.

    Сондай-ақ Жиембайдың айтуынша, жанжал Берденовпен болған жеке кикілжіңнен туындаған. Оның сөзінше, шенеунік өзін балағаттап, жағасынан алып, түрмеге отырғызатынын айтқан.

    Апелляциялық шағым түсіру жоспары туралы сұраққа Жиембай әзірге жауап бере алмайтынын айтты. Ал жәбірленуші Руслан Берденовтің адвокаты пікір білдіруден бас тартты.

  • Перизат Қайратқа қатысты сот: 10 жыл жаза, 1,5 млрд теңге өтемақы және мүлікті тәркілеу

    Перизат Қайратқа қатысты сот: 10 жыл жаза, 1,5 млрд теңге өтемақы және мүлікті тәркілеу

    Астанадағы қалалық сот қоғам назарын аударған Перизат Қайрат пен оның анасы Гайни Алашбаеваға қатысты қылмыстық іс бойынша үкім шығарды, деп хабарлайды Sona.kz тілшісі.

    Сот үкімі бойынша:
    – Перизат Қайрат 10 жылға бас бостандығынан айырылды
    – Анасы Гайни Алашбаева 7 жылға сотталды
    – Екеуінен бірігіп 1,5 миллиард теңге өндірілетін болды. Бұл сома 50 азаматтық талап арызды қанағаттандыру үшін белгіленген

    Тәркіленетін мүлік:
    – Элиталы тұрғын үйлердегі пәтерлер мен паркинг орындары:
    • Akbulak Riviera, Sensata Plaza, Highvill Ishim Gold, «Көк Жайлау»
    – Қымбат автокөліктер:
    • Mercedes-Benz S450, Lexus LX 600, Mercedes-Benz EQE, Haval H6 GT
    – Rebel Flowers гүл бизнесіндегі 100% үлесі
    – 97 млн теңге және 22 000 АҚШ доллары

    Адвокат Асланбек Дәулетияровтың мәлімдемесі:
    Сот үкімі шықпас бұрын адвокат Перизат Қайратты кінәсіз деп санайтынын айтып, оның қайырымдылық қызметі шынайы болғанын және айыптауға нақты дәлелдер ұсынылмағанын алға тартты.

    Іс барысындағы детальдар:
    – Сот процесі бірнеше рет жабық режимге ауыстырылды
    – Сотта жәбірленуші тараптар анасы Гайни Алашбаеваны да толық жауапқа тартуды талап етті
    – Мемлекеттік айыптаушы Перизат Қайратқа 10 жыл, ал анасына 8 жыл сұраған болатын

    Бұл үкіммен қоғамда резонанс тудырған іс бойынша нүкте қойылды. Енді үкім заңды күшіне ену үшін апелляциялық сатыдан өтуі мүмкін.

  • Үкім уақыты белгіленді: Перизат Кайрат ісі бойынша шешім бүгін шығады

    Үкім уақыты белгіленді: Перизат Кайрат ісі бойынша шешім бүгін шығады

    Перизат Кайрат пен анасы Гайни Алашбаеваға қатысты атышулы іс бойынша сот үкімі 25 шілде күні сағат 15:00-де шығарылады. Бұл туралы Sona.kz Tengrinews.kz-ке сілтеме жасап хабарлайды.

    Астана қаласындағы соттың хабарлауынша, үкім ашық отырыста жарияланбақ. Бұған дейін процесс бірнеше мәрте жабық форматқа ауыстырылған еді.

    Айта кетейік, бұған дейін прокурор Перизат Кайратқа — 10 жыл, ал оның анасына — 8 жыл бас бостандығынан айыруды және мүліктерін тәркілеуді сұраған болатын.

  • Талғардағы қанды оқиға: Шерзат Полатты өлтіргендерге үкім шықты

    Талғардағы қанды оқиға: Шерзат Полатты өлтіргендерге үкім шықты

    Талғардағы 16 жастағы Шерзат Полатты қатыгездікпен өлтіру ісі бойынша тоғыз адамға үкім шықты. Басты айыпталушы Абзал Шынасыл 23 жылға сотталды. Тергеу мәліметінше, дәл осы күдікті Шерзатқа пышақ сұғып, өліміне себеп болған. Сонымен қатар, Равиль Сакиев 20 жылға, Азамат Токтаубаев 15 жылға, Нұркияс Ілиясов 9 жылға, Шыңғыс Белғожаев, Дархан Аскентаев, Нұрбол Токтаубаев және Дидар Қалиахмет әрқайсысы 7 жылға сотталды. Ал кәмелетке толмаған Думан Ысқақ қылмыс туралы хабарламағаны үшін 1 жыл 6 айға бас бостандығынан айырылды.

    Қанды оқиға 2024 жылғы 4 қазанда Шерзат әкесінің дүкенінде жұмыс істеп жүргенде басталған. Сатып алушымен жанжал шығып, артынша бірнеше адам жиналып, төбелеске ұласқан. Пышақ жарақатын алған Шерзат ауруханаға жеткізілгенімен, аман қалмады. Кейін марқұмның үйі өртеніп, туыстарының бірі өзіне қол салған. Іс қоғамның кең назарын аударып, Ішкі істер министрлігі бақылауына алған.

  • Жалған тұқым егу: Аграрлық зерттеу университетінің лауазымды тұлғасы сотталды

    Жалған тұқым егу: Аграрлық зерттеу университетінің лауазымды тұлғасы сотталды

    ҚазҰАЗУ лауазымды тұлғалары ұрлық жасағаны үшін сотталды.
    Алматы қаласының прокуратурасы Қазақ ұлттық аграрлық зерттеу университетінің (бұдан әрі — Университет) жалған тұқым егу және егу орындарын өңдеу жолымен бюджет қаражатын ұрлау фактісі бойынша сотқа дейінгі тергеп-тексеруді аяқтады.

    Бұған дейін Бас прокуратураның тапсырмасымен Университеттің қызметіне тексеру жүргізілген. Онда 2020 жылы Университет жалпы сомасы 43,8 млн теңгеге қант жүгерісінің тұқымын, «аммофос» минералды тыңайтқышы мен аммиакты селитрасын сатып алуға мемлекеттік сатып алу туралы 3 шарт жасасқаны анықталған.

    Тексеру жоғарыда аталған тауарлардың іс жүзінде жеткізілмегенін, ақша қаражатының қолма-қол ақшаға айналдырылғанын көрсетті

    «№2 Медеу аудандық сотының үкімімен Университеттің «Саймасай»  оқу-тәжірибелік шаруашылығының директоры Қылмыстық кодекстің 189-бабы 4-бөлігінің 2-тармағында көзделген қылмысты жасағаны үшін кінәлі деп танылып, 7 жылға шартты түрде бас бостандығынан айыруға сотталды», — делінген Алматы қаласы прокуратурасының хабарламасында. 

    Ведомсвтоның ақпаратына сәйкес, залал толық көлемде өтелді.

    Үкім заңды күшіне енді.

  • Ақбөкен мүйізін тасымалдамақ болған тұрғын 8 жылға сотталды

    Ақбөкен мүйізін тасымалдамақ болған тұрғын 8 жылға сотталды

    Қостанай облысында ақбөкен мүйізін заңсыз тасымалдамақ болған күдіктіге сот үкімі шықты

    Айыпталушы мүйіздерді Астанадан Қостанайға апармақ болған.

    Полицейлер көлікті Әулиекөл тас жолында тоқтатып, 823 ақбөкен мүйізін тапты. Келтірілген шығын көлемі екі миллиард теңгеден асты.
    Сот айыпталушыны 8 жылға бас бостандығынан айырды. Үкім әлі заңды күшіне енген жоқ.

  • Алматыда әйелін пышақтап өлтірген экс-күйеуі 15 жылға сотталды

    Алматыда әйелін пышақтап өлтірген экс-күйеуі 15 жылға сотталды

    Алматы қаласының қылмыстық істер жөніндегі мамандандырылған ауданаралық сотында Әл-Бейне Зарипованың күйеуіне сот шешімі шықты. Әйелін пышақтап өлтірген экс-күйеуі жәбірленушінің шотынан ақша аударып алған.

     «Сот үкімімен З. Кінәлі деп танылып, оған 15 жыл мерзімге бас бостандығынан айыру жазасы тағайындалды. Сотталған азаматтан «С» ЖШС-ң пайдасына 4 700 000 теңге материалдық залал, сонымен қатар, бес жәбірленушінің пайдасына 20  000 000 теңге моральдық шығын өндірілді», — делінген соттың хабарламасында.

    Прокурор сотталушыны кінәлі деп танып, 15 жылға бас бостандығынан айыру жазасын тағайындауды сұрады.

    Үкім заңды күшіне енген жоқ.

  • 22 жастағы Мәтжан Жанесеновты атып өлтірген әскери қызметші сотталды

    22 жастағы Мәтжан Жанесеновты атып өлтірген әскери қызметші сотталды

    Қиялы шекара заставасында әріптесін атып, қамауға алынған әскери қызметші сотталды. Сот оны 3 жылға бас бостандығынан айырды.

    Жазаны қылмыстық атқару жүйесінің қауіпсіздігі орташа мекемелерінде өтеуі белгіленді. Сотталғаннан моральдық зиян өндірілді.

    Сот үкімі күшіне енген жоқ.

    Айта кетейік, Ақтөбе облысындағы Қиялы шекара заставасының әскери қызметшісі Р.Байбақтинге алғашында Қылмыстық кодекстің «Адам өлтіру» бабы бойынша айып тағылып, тергеу жүрді. Кейін қылмыстық іс «Аффект жағдайында жасалған адам өлтіру» бабына сараланды.

    «ҚР Қылмыстық кодексінің 99-бабының 1-бөлігімен, яғни, адам өлтірді деп сотқа берілді. Сотпен анықталғаны жәбірленуші жүйелі түрде Байбақтинге құқыққа қайшы беймаралдық іс-әрекеттер жасаған. Аталған мән-жайлар куәлардың жауаптарымен дәлелін тапты. Сонымен қатар іс бойынша Ақтөбе, Алматы және Астана қалаларында сот-психологиялық, психиатриялық сараптамалар жүргізіліп, сарапшылар Байбақтин қылмыс жасаған уақытта аффект жағдайында болды деген қорытындыға келді»,- делінген Қылмыстық істер жөніндегі мамандандырылған аудараралық әскери сотының хабарламасында.

    Ведомствоның ақпаратына сәйкес,
    сот отырысында 5 сарапшыдан жауап алынды. Барлығы бірауыздан Байбақтиннің аффект жағдайында қылмыс жасағанын бекітті. Сот іс материалдарын зерттеп, сарапшылардың қорытындыларын негізге алып, Байбақтиннің іс-әрекетін ҚК 101-бабының 1-бөлігіне саралады.

     

    «Яғни, сотталушы 2023 жылғы 2 желтоқсанда аффект жағдайында адам өлтірді. Атап айтқанда жәбірленушінің жүйелі түрде құқыққа қайшы беймаралдық мінез-құлқына байланысты туындаған ұзаққа созылған психиканың күйзелтетін ахуалдан болған. Кенеттен туындаған қатты жан күйзелісі аффект жағдайында жасалған адам өлтіру. 2024 жылдың 13 қыркүйегі күні сот үкімімен Байбақтин ҚК 101-бабы 1-бөлігінде көзделген қылмыстық құқықбұзушылық жасағаны үшін кінәлі деп танып, оған 3 жыл бас бостандығынан айыру жазасы тағайындалды», — деп толықтырды Қылмыстық істер жөніндегі мамандандырылған аудараралық әскери соты.

    Еске салсақ, оқиға былтыр желтоқсан айында болды. Мәртөк ауданындағы Қиялы шекара заставасында 22 жастағы Мәтжан Жанесенов көз жұмды. Ол – Ақтөбе облысы Байғанин ауданының тумасы.

  • Шымкентте диспансер басшысы мен есепшісі 2 жылға сотталды

    Шымкентте диспансер басшысы мен есепшісі 2 жылға сотталды

    Шымкент қаласының қылмыстық істер жөніндегі ауданаралық соты «Шымкент қаласының дәрігерлік-дене шынықтыру диспансері» КММ басшысы И. Долбиловаға және осы ұйымның бухгалтері М. Абдукаримоваға қатысты үкім шығарды.

    «Олар іс жүзінде еңбек қызметін жүзеге асырмаған тұлғаға жалақыны заңсыз есептеу жолымен 3,4 млн теңге сомасында бюджет қаражатын жымқырғаны үшін кінәлі деп танылды», — делінген Сыбайлас жемқорлыққа қарсы іс-қимыл агенттігінің хабарламасында.

    Ведомствоның мәліметінше, сот үкімімен басшы мен есепші мемлекеттік қызметте қызмет атқару құқығынан өмір бойына айырылған.  Оларға  2 жылға бас бостандығынан айыру түріндегі жаза тағайындалды.

    Сот үкімі заңды күшіне енді.