Бұл туралы қалалық денсаулық сақтау басқармасы мәлімдеді.
Оқиға 9 сәуірге қараған түні болған. Мотоцикл жүргізушісі Mercedes көлігімен соқтығысып, кейін жол бойындағы үш жұмысшыны – екі ер адам мен бір әйелді қағып кеткен. Екі ер адам оқиға орнында мерт болды. Әйел түрлі жарақатпен ауруханаға жеткізілді.
Мотоцикл жүргізушісі аман қалған, қазір ол да ауруханада. Қылмыстық іс қозғалды, тергеу жалғасып жатыр.
Алматыда жүк көлігі 7 жасар қыз баланы қағып кетіп, салдарынан бүлдіршін оқиға орнында қаза тапты.
Қалалық полиция департаментінің мәліметінше, жол-көлік оқиғасы Алатау ауданында Бурундайская мен Новая көшелерінің қиылысында сағат 12:17-де болған.
Қайтыс болған қыз сол сәтте жаяу жүргіншілер жолағымен өтіп бара жатқан. Алайда жүк көлігі уақытында тоқтамай, оны қағып кеткен.
Ауыр жарақат алған бүлдіршін оқиға орнында жан тапсырған.
Жол апатына байланысты ҚР Қылмыстық кодексінің абайсызда адам өліміне әкеп соққан жол-көлік оқиғасы бабы бойынша қылмыстық іс қозғалды. Қазір оқиғаға қатысты қажетті сараптамалар тағайындалып, тергеу амалдары жүргізіліп жатыр.
аиландтың Пхукет қаласында 1 сәуірде түн ортасында мотоцикл мінген шетелдік жол апатының құрбаны болды, деп хабарлайды Пхукет жаңалықтары.
Жергілікті басылымның хабарлауынша, Bypass Rd күре жолы бойындағы жол апатында қаза тапқан шетелдік мотоциклшінің Қазақстан азаматы екені анықталды. Қаза тапқан адамның жеке басын Vachira Phuket Hospital ауруханасы растады.
Куәгерлердің Facebook желісінде таратқан ақпаратына сәйкес, Honda Forza мінген мотоциклші қатты жылдамдықпен келе жатып, жарық бағанасына соғылған. Kusoldharm қорының құтқарушылары ұялы телефонының экранында орыс тілінде жазбалар тұрған соң бастапқыда оны Ресей азаматы болуы мүмкін деп шамалаған.
26 ақпанда «Алматы-Астана» автожолының 56 шақырымында болған жол апаты оқиғасы бойынша тергеу жүргізіліп жатыр.
Алдын ала мәліметтер бойынша, BMW-728 көлігінің жүргізушісі қарама-қарсы қозғалыс жолағына шығып, Ford Mondeo автокөлігімен соқтығысқан. Соққы салдарынан Ford өртеніп кеткен. Оқиға орнында Ford көлігінің жүргізушісі мен екі жолаушысы, сондай-ақ BMW-нің бір жолаушысы қаза тапты. BMW жүргізушісі түрлі жарақаттармен ауруханаға жеткізілді.
Қазіргі уақытта сотқа дейінгі тергеу амалдары жүргізілуде. Оның нәтижелері бойынша процессуалдық шешім қабылданады. Полиция жүргізушілерді жол қозғалысы ережелерін қатаң сақтауға шақырады.
Отырыс барысында «AMANAT» партиясы фракциясының мүшесі, депутат Данабек Исабеков ҚР Цифрлық даму, инновациялар және аэроғарыш өнеркәсібі министрі Жаслан Мәдиевке депутаттық сауал жолдады.
Президент Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында жүргізушілерді даярлау деңгейінің де төмендеп кеткенін, соның салдарынан жол апаттары көбейіп кеткенін, бұл мәселе қоғамның зор алаңдаушылығын туғызып отырғанын атап өтті.
Өз сауалында халық қалаулысы жол-көлік апаттарының көптігіне тоқталып, нақты фактілерді келтірді:
– Қазір жол апатының өзектілігі артып, жыл сайын дүниежүзінде 1,19 миллион адам жол-көлік оқиғасынан көз жұмады. Қазақстандағы көрсеткіш те жоғары. 2024 жылы 31,5 мың жол-көлік оқиғасы орын алып, соның салдарынан 2 579 адам бақилық болды. Жол апаттары жылдамдықты шамадан тыс арттыру, мас күйінде рөлге отыру және ережені өз деңгейінде сақтамай көлік жүргізу салдарынан жиі жол апаттары орын алады. Бұл дегеніміз, көлік жүргізушілер арасында жауапкершілік төмендеп, жолда жүру ережесін сақтамайтындар көп.
Бұған әсер ететін фактілер көп. Соның бірі – жүргізуші куәлік беретін орындардағы сыбайлас жемқорлық. Әрине, бақылау жоқ жерде жөнді тәртіп те болмайды. 2009 жылы Ішкі істер министрілігі жүргізушілерді даярлайтын оқу ұйымдарын лицензиялау алынғалы мониторингтік бақылау тоқтады. Қазір автомектептерде оқымай-ақ анықтама алып, Мамандандырылған Халыққа қызмет көрсету орталығында сынақ тапсыра алады. Қазіргі уақытта автомектептер ешқандай жауапкершілік алмайды, куәлік алуға ниеттілерге оқыды деген анықтама онды-солды береді. Содан кейін мамандандырылған ХҚО теориялық және практикалық емтиханнан өтудің түрлі әдіс-тәсілін қарастырады.
– Теориялық және практикалық емтихандарды тапсыру процесінде бұзушылықтар бар. Халыққа қызмет көрсету орталықтарында автоматтандырылған жүйемен емтихан тапсыру кезінде манипуляцияны қолданудың 222 фактісі анықталды. Біз Көкшетау қаласында, Өскеменде өсу фактілері анықталып, жауапты мамандар жазаланғанын жақсы білеміз, – деді депутат.
Әлем елдерінің тәжірибесіне қарағанда, Аустралия, Жапония, Италия, Финляндия, Швеция және Германияда жүргізуші куәлігін алу өте қиын. Бұл елдердің кез келгенінде автомектептер жүргізушіге жоғары талап қояды. Мәселен, рейтингте бірінші орында тұрған Аустралияда жүргізуші куәлігін алу үшін бірнеше жыл керек. Осы уақыт ішінде жүргізу екі рет теориялық, екі рет практикалық сынақтан өтеді екен.
– Бізге де әлем елдерінің үздік тәжірибелерін саралап, жүргізуші куәлігін беруді қатаңдататын заң нормаларын қабылдау маңызды, – деген депутат бұл мәселені шешу үшін министрге келесідей ұсыныстар айтты:
Біріншіден, білім беру жүйесі – мектептерде жолда жүру тәртібі мен көлікті жүргізу негізін үйрететін арнайы факультативті курстар оқыту маңызды деп санаймыз. Біздің буын мектеп оқығанда мұндай игілікті көргенімізді айту керек-ақ. Сондықтан Оқу-ағарту және Ішкі істер министрлігі ортақ оқу бағдарламасын әзірлеуге мән бергені дұрыс.
Екіншіден, теориялық тестілеуді Мемлекеттік қызмет істері агенттігіне беру қажет деп санаймыз.
Үшіншіден, автодромдарды халықаралық стандарттарға сәйкестендіру керек.
Төртіншіден, автомектептерге лицензия беруді қарастырып, олардың жауапкершілігін арттыру керек. Мәселен, жыл көлемінде белгілі бір автомектепті бітірген жүргізушілер көп рет жолда жүру ережесін бұзса, ондай орталықтың лицензиясын кері алу тетігін реттеу керек. Мұндай тәжірибе Еуропа елдерінде сәтті қолданып отырғанын айту маңызды.
– 2025 жылғы 15 қаңтар сағат 07:30 шамасында «Алматы-Өскемен» автожолының 28 шақырым учаскесінде («Алматы-Қонаев» бағытында) 18 автокөліктің қатысуымен жол-көлік оқиғасы орын алды. Апат қалың тұман кезінде болды.
Алдын ала мәліметке сәйкес, оқыс оқиға жүргізушілер шектеулі көрініс кезінде жылдамдық режимі мен қауіпсіз арақашықтықты сақтамауы салдарынан болған, – делінген хабарламада.
Оқиға болған жол учаскесі ІА техникалық санатқа жатады, 6 жолақты. Жолдың жүру бөлігі құрғақ, ақаусыз және бөгде заттар болмаған.
Жол-көлік оқиғасы нәтижесінде зардап шеккендер мен қаза тапқандар жоқ. Қосымша мәліметтер анықталуда.
Республикалық маңызы бар тасжолдарда өз бетімен жайылып жүрген, қараусыз қалған малдың кесірінен жол-көлік оқиғалары жиі тіркелуде. Сондай оқиғаның бірі Жетісу облысы, Ескелді ауданында тіркелді.
Осы жылдың 8 желтоқсаны күні Әділ Бейсенбаев жол-көлік апатына ұшыраған. Оның айтуынша, Ескелді ауданы, Биғаш ауылына жақындаған тұста тас жолға аяқ астынан 30 шақты жылқы шығып қалған.
«Сол күні қар жауған еді. Ескелді ауданы, Биғаш деген ауылға таяп қалғанда алдымнан 30 шақты жылқы жүгіріп шығады.
Қашайын десем, екі жақта да ор. Аударылып кететінімді білдім. Жер қар, мұз болған соң қайта ақырын келе жатқанмын. Содан бірінші, екінші жылқыны соқтым. Ал қалғандары үріккеннен үстімнен таптап өте шықты. Жануарларға ештеңе болған жоқ. Дереу жол полиция қызметкерлерін шақырдым. Олар келіп хаттама толтырып, сызып, есептеді. Ал артынан жеткен учаскелік полиция жылқыларға құр қарап тұрып, ешқандай әрекет жасамай кетіп қалды. Шын мәнінде, олар жылқылардың құлағындағы енін, қандай да бір белгісін фотоға түсіріп, бейнетаспаға жазып алуы керек екен.
Оны енді біліп жатырмыз. Аудан тұрғындары учаскелік полиция ауылдың мыңғырған жылқысы бар бай тұрғындарын біледі, содан кейін де өтірік таппай жүр деуі бекер емес. Негізі сол күні қар жауды. «Ізінен адасып қалдық» дейтіндей бір-екі жылқы болса түсінікті, бұл жерде 30-40 жылқыны тез-ақ тауып алатын еді», – дейді жәбірленуші.
Бүгін көпбалалы әке Әділ Серікұлы істің алға жылжымай жатқанын айтып, бейнежолдау жасады. «Оқиғаның болғанына 12 күн өтсе де, ешқандай нәтиже жоқ. Жетісу облыстық полициясы хабарласқан сайын «Ертең табамыз» деумен келеді. Іс жүзінде аттың иесі кім екенін іздеп те жатқан жоқ.
Ал егер жол апаты кезінде өзім өліп кетсем, не болар еді? Жағдай қазіргідей сол күйі қалар ма еді? Сондықтан Бас прокуратураға, ҚР Мемлекеттік қызмет істері агенттігі, Антикорға, жергілікті Ішкі істер департаментіне, облыстық прокуратураға арыз түсірдім. Егер олар көмектеспесе, менде полицияға деген сенім мүлдем қалмайды.
Ал аудандағы тұрғындардың қандай малы бар екенін білмесе, учаскелік полцияның не керегі бар? Немесе білсе де, сол адамды жауып тұр. Сондықтан көлік жүргізушілері, жолда абай болыңыздар. Егер осындай жағдайға тап болсаңыз, жануардың белгісі мен енін қарап, түсіріп алу керек. Әйтпесе, бірдеңе дәлелдеу қиын болады», – деді жәбірленуші.
2024 жылдың 2 желтоқсанында Алматы-Шелек-Қорғас автожолының 40-шақырымында ауыр жол-көлік оқиғасы болды.
Алдын ала ақпарат бойынша, 32 жастағы Nissan Teana көлігінің жүргізушісі қауіпсіз қашықтықты сақтамай, Beiben жүк көлігімен соқтығысқан.
Оқиға салдарынан жеңіл көліктің жүргізушісі алған ауыр жарақаттарынан оқиға орнында қайтыс болды.
«Қазіргі уақытта аталған факті бойынша сотқа дейінгі тергеу амалдары басталды. Құқық қорғау органдары жүргізушілерге жол қозғалысы ережелерін сақтау, сондай-ақ қауіпсіз қашықтықты ескерудің маңыздылығын тағы да еске салады», – делінген хабарламада.
Қарағанды облысында жантүршігерлік жол апатынан 7 адам оқиға орнында тіл тартпай кетті.
Облыстық полиция департаментінің мәліметінше, 15 қараша күні сағат 10.00 шамасында «Алматы-Екатеринбург» тас жолында Құрма ауылына 2 шақырым жетпей «Тойота Альфард» автокөлігінің жүргізушісі алдын ала болжам бойынша көліктің руліне ие бола алмай аударылып қалған.
«Жол-көлік оқиғасының салдарынан жүргізуші және оның 6 жолаушысы оқиға орынында қайтыс болды. Сонымен қоса, 12 жастағы жолаушы ауруханаға жеткізілді. Аталған дерек бойынша қылмыстық іс қозғалды.
Қарағанды облысының Полиция департаменті көлік жүргізушілерден жол жүру ережесін қатаң сақтап, жылдамдықты шектен тыс асырмауды сұрайды», — делінген хабарламада.
Полиция қызметкерлерінің мәліметінше, екі жағдайда да құқық қорғау органдары қылмыстық іс қозғап, қажетті сараптамалар тағайындаған.
Алғашқы апат Қаскелең қаласы маңындағы Алматы-Бішкек тасжолында тіркелді. Toyota Camry көлігінің жүргізушісі жолды рұқсат етілмеген жерден кесіп өтіп бара жатқан жаяу жүргіншіні қағып кетті. Өкінішке қарай, ол ауыр жарақаттарынан оқиға орнында жан тапсырды.
Екінші қайғылы оқиға Іле ауданының Ынтымақ ауылында болды. Алматы-Өскемен тасжолында Lexus RX-350 көлігінің жүргізушісі жолды белгіленбеген жерден кесіп өтпек болған жаяу жүргіншіні қағып кетіп, салдарынан ол да сол жерде көз жұмды.
Құқық қорғау органдары көлік жүргізушілеріне жылдамдықты шектеу ережелерін сақтауды және жолда аса мұқият болуды ескертеді. Әсіресе, кешкі уақыттарда және көріну шектелген жағдайларда ерекше сақ болу маңызды. Сондай-ақ жаяу жүргіншілерге жолды тек арнайы белгіленген жерлерде өту қажеттігін, қауіпсіздік ережелерін қатаң сақтау маңызды екенін тағы бір рет еске салады, – делінген хабарламада.