Қазақстан Конституциялық сотының төрағасы Эльвира Әзімова жұмыс істемейтін ата-аналардың кішкентай балаға қараған уақытын еңбек өтіліне қосу туралы ұсыныс айтты. Бұл бастама зейнетке шығу кезінде олардың мүддесін қорғауға бағытталған.
Парламент палаталарының бірлескен отырысында сөйлеген сөзінде Әзімова:
«Жас балаға тікелей күтім жасаған уақытты еңбек өтіліне қосу, сондай-ақ әлеуметтік қорғаудың жаңа тәсілдерін қарастыру қажет», — деді.
Егер бұл ұсыныс қабылданса, жұмыс істемей, бала тәрбиесімен үйде отырған ата-аналар үшін де еңбек өтілі жүретін болады. Бұл, әсіресе, көпбалалы аналар мен әлеуметтік тұрғыда әлсіз топтар үшін маңызды қолдау болмақ.
Бастама әлеуметті қорғаудың жаңа бір бағытына айналуы мүмкін.
