Sona.kz

Рубрика: Әлем жаңалықтары

  • 189 адам «Хелен» дауылынан қаза тапты

    189 адам «Хелен» дауылынан қаза тапты

    АҚШ президенті Джо Байден мен вице-президент Камала Харрис «Хелен» дауылынан зардап шеккен аймақтарға аттанды. Соңғы мәліметке қарағанда, жауындатып соққан сұрапыл желден қаза тапқандар саны 189-ға жеткен. Сонымен қатар, бес штатта 1 миллиондай үй мен кәсіпорын жарықсыз отыр. Бұған қоса, Оңтүстік және Солтүстік Каролина, Джорджия, Флорида, Теннесси штаттарында сан мың үй қирап, көпірлер мен жолдар, құбырлап бұзылып, жүздеген мың тұрғын ауыз сусыз қалды. Қазір апат жайлаған аудандарда іздеу-құтқару операциялары жалғасып жатыр.
    «Ассоушиэйтед пресс» агенттігінің хабарлауынша, кейінгі күндері Атлант мұхитында «Кирк», «Лесли» атты дауылдар күшейіп келеді. Дегенмен, олардан төнген қауіп жөнінде әзірге ескерту жасалмай отыр.

  • СІМ: Иран, Израиль, Ливандағы қазақстандықтар референдумда дауыс бермейді

    СІМ: Иран, Израиль, Ливандағы қазақстандықтар референдумда дауыс бермейді

    ҚР Сыртқы істер министрлігі Иран, Израиль, Ливанда Қазақстанның елшілігі күшейтілген режимде жұмыс істеп жатқанын мәлім етті. Аталған ведомствоның ресми өкілі Айбек Смадияровтың мәліметінше, осы үш елдегі күрделі ахуалға байланысты референдумның дауыс беру учаскелері жұмыс істемейді. Ондағы қазақстандықтар референдумға дауыс бермейді.

    «Соңғы бірнеше айда Таяу Шығыстағы жағдай айтарлықтай шиеленісті. Осыған байланысты Израиль, Иран және Ливандағы қазақстандық дипломаттар күшейтілген жұмыс режимде жұмыс істеп жатыр. Осы елдердегі Қазақстан азаматтарымен байланыс құрылды, олармен тұрақты байланыс бар. Елдегі жағдайға байланысты қажетті ұсыныстар беріледі. Қазақстанның елшіліктері әскери-саяси жағдайдың шиеленісуіне байланысты елден кету керектігін бірнеше рет жариялады», — деді Айбек Смадияров.

  • Иран Израиль аумағын 200-ге жуық зымыранмен атқылаған

    Иран Израиль аумағын 200-ге жуық зымыранмен атқылаған

    Иран сейсенбінің кешінде Израиль аумағына 200-ге жуық зымыран жіберген. Ислам республикасының билігі Израильдің тек әскери нысандарына оқ жаудырғанын мәлімдеді. Бұған қоса кең ауқымды соғысты қаламайтынын жеткізді. Ислам революциясы сақшыларының корпусы, Хамас лидері Исмаил Хания мен «Хезболла» лидері Хасан Насралланың өлімі үшін кек алу мақсатында Израильге соққы бергенін мәлімдеді. Ал Израиль кек қайтарған жағдайда, Тегеран жойқын шабуылмен жауап беретінін де ескертті. Иранның ракеталарын Израиль АҚШ-тың эсминец кемелерінің көмегімен атып түсірген. Премьер-министр Биньямин Нетаньяху Иран Израиль аумағын баллистикалық зымырандармен атқылап, үлкен қате жібергенін және сол үшін жауап беретінін мәлімдеді. Тегеранның шабуылынан кейін Израиль әскерилері «Хезболла»-ның Бейруттегі нысандарына соққы берген.

  • Бельгиялықтар ереуілдетіп жатыр: әуе рейстері тоқтап, 40 мың адам жолдан қалды

    Бельгиялықтар ереуілдетіп жатыр: әуе рейстері тоқтап, 40 мың адам жолдан қалды

    Бельгияда  әуежай қызметкерлері ереуілдетіп жатыр.  Салдарынан әуе рейстері тоқтады.  40 мыңнан астам адам жолдарынан қалды. Ал, наразылық білдірушілер қатарында әуежайда жұмыс істейтін тазалықшыдан бастап, түрлі қызмет көрсету саласының мамандары бар. Олар жалақының алдығына қарсылық білдіріп, табыстарын  көбейтуді талап етуде. Осы ереуілдің кесірінен бүгін Брюссель және Шарлеруа қаласының әуежайынан ұшуы тиіс барлық рейс кейінге шегерілді. Жолаушылар бүгін әуежайға түнеуге мәжбүр.

     

  • НАТО-ның бас хатшысы қызметінен кетті

    НАТО-ның бас хатшысы қызметінен кетті

    Оның ұйымның Бас хатшысы ретіндегі мерзімі аяқталды. 1 қазанда оның орнына Нидерландтың бұрынғы премьер-министрі Марк Рютте келді. Бұл туралы альянстың ресми сайты мәлімдеді.

    Жазда Рютте кандидатурасын НАТО-ға мүше 32 елдің тұрақты өкілдері түгел қолдаған.

    Марктың мықты бас хатшы болуы үшін керемет алаңы бар. Ол 14 жыл премьер-министр болып жұмыс істеді, төрт түрлі коалициялық үкіметті басқарды. Сондықтан ол қалай қатынас жасауды және қалай консенсус құруды біледі. Бұл НАТО-да өте жоғары бағаланатын дағдылар. Сондықтан НАТО сенімді қолда болады, – деді Столтенберг рәсім алдында.

    2014 жылдан бастап НАТО-ның Бас хатшысы қызметін норвегиялық саясаткер Йенс Столтенберг атқарды. Жаңа Бас хатшы Марк Рютте Нидерланды премьер-министрінің қызмет ету мерзімі бойынша рекорд орнатты. 55 жастағы саясаткер, консервативті ардагер, еуропалық саяси сахнада 12 жыл ішінде оннан астам ішкі дағдарыстарды бастан өткерді.

  • Қазақстан Оңтүстік Кореяның еңбекке рұқсат беру жүйесіне енгісі келеді

    Қазақстан Оңтүстік Кореяның еңбекке рұқсат беру жүйесіне енгісі келеді

    Қазақстан Оңтүстік Кореяның еңбекке рұқсат беру жүйесі, яғни, Employment Permit System жүйесіне енгісі келеді. Еңбек және халықты әлеуметтік қорғау вице-министрі Асқарбек Ертаев Оңтүстік Кореяға жұмыс сапары аясында Корея Республикасы Жұмыспен қамту және еңбек министрлігінің өкілдерімен осы мәселені талқылады.

    «Қазақстан мигранттардың еңбек және әлеуметтік құқықтарын қорғау үшін құқықтық базаны одан әрі жақсартуға бағытталған бірқатар кешенді шаралар қабылдады. Атап айтқанда, Алматы қаласында Корея Республикасында жұмыс істегісі келетін Қазақстан Республикасының азаматтарын кәсіптік және тілдік даярлау бойынша көпсалалы орталық ашылғалы жатыр», – деді Асқарбек Ертаев.

    Оның айтуынша, Қазақстанның еңбек министрлігі елдегі ішкі істер министрлігімен бірлесіп заңсыз көші-қонның жолын кесуге бағытталған шараларды күшейтіп жатыр.

    «Келіссөздер қорытындысы бойынша Корея Республикасы Жұмыспен қамту және еңбек министрлігінің өкілдері Қазақстанды EPS жүйесіне қосу туралы ниетін тағы да растады, бұл Қазақстан азаматтарына жасалған еңбек шарттары шеңберінде Оңтүстік Кореяда заңды түрде жұмыс істеуге мүмкіндік береді», — деп хабарлады Еңбек министрлігі.

  • АҚШ-та дауыл кезінде 600-дей адам жоғалып кетті

    АҚШ-та дауыл кезінде 600-дей адам жоғалып кетті

    Ал қаза тапқандар саны 116-ға жетіп отыр. Құрбандардың көбі – Солтүстік және Оңтүстік Каролина тұрғындары. Осы аптада бұл аймаққа президент Джо Байден сапар шегіп, жағдаймен танысуға уәде берді.

    Сонымен қатар, жауындатып соққан дауылдан кейбір елді мекендер тұтастай қираған. Және де талай жол зақымданып, көпірлер құлап, көшелер өзенге айналды.

    Ал жарықсыз қалғандар саны 2 миллионға жетіп отыр. Айта кетсек, алапат дауылдан Флорида, Теннесси, Джорджия штаттары да айтарлықтай зардап шекті.

  • Гаитидің 5 млн-ға жуық халқы ашаршылыққа ұшырады

    Гаитидің 5 млн-ға жуық халқы ашаршылыққа ұшырады

    Гаитидің 11 миллиондай халқының 5 жарым миллионға жуығы ашаршылыққа ұшырап жатыр. Олар өздерін және отбасыларын қамтамасыз ете алмайтын жағдайға жеткен. Мұны БҰҰ-ның Дүниежүзілік азық-түлік бағдарламасы хабарлады. Оның дерегінше, 6 мыңдай тұрғын аштықтың ең ауыр түріне душар болған. Елде мұндай жағдайдың қалыптасуына Гаити астанасының 80 пайызын басып алған қылмыскерлердің азық-түлік таситын жолдарды бақылауға алуы себепші. Сонымен қатар, деңгейі 30 %-ға жеткен инфляция, қуаңшылық және 2021 жылғы алапат зілзала да ел тұрмысын қатты нашарлатып жіберген.

  • Қазақстан-Қытай шекарасы үш күнге жабылды

    Қазақстан-Қытай шекарасы үш күнге жабылды

    Қытай Халық Республикасының құрылған күнін мерекелеуге байланысты Қазақстан-Қытай шекарасындағы автомобильді өткізу пункті үш күнге жұмысын тоқтатты. Бұл туралы Мемлекеттік кірістер комитетінің баспасөз қызметі мәлім етті.

    «Мемлекеттік кірістер комитеті Қытай Халық Республикасының құрылған күнін мерекелеуіне байланысты 2024 жылғы 1 қазаннан бастап 3 қазанға дейін Қазақстан-Қытай шекарасындағы автомобильді өткізу пунктерінде тұлғалардың, көлік құралдары мен жүктердің өтуі жүзеге асырылмайтынын хабарлайды», — делінген ақпаратта.

    Қазақстан-Қытай шекарасындағы теміржол өткізу пункттері штатты режимде жұмысын жалғастырады.

  • Жапония Үкіметі толық отставкаға кетті

    Жапония Үкіметі толық отставкаға кетті

    Бірнеше сағат бұрын Жапония премьер-министрі Фумио Кисида мен оның үкіметі толық отставкаға кетті. Парламент министрлер кабинетінің жаңа басшысын бүгін сайлайды. Айта кетсек, Кисида билікке 2021 жылы келді. Ал өткен аптада Кисиданың орнын басуы мүмкін адамның есімі белгілі болды. Ол — 67 жастағы Сигэру Исиба. Исиба жұма күні Либералдық-демократиялық партия басшылығына өткен сайлауда жеңіске жетті. Тағы бір мәлімет: жапон парламентінің төменгі палатасы қазанның 9-да таратылады. Ал осы айдың 27-де елде халпыхалықтық сайлау өтуі керек.