Sona.kz

Рубрика: Оқиғалар

  • Гавайлық турист: Қазақтың рухы ат үстінде

    Гавайлық турист: Қазақтың рухы ат үстінде

    V дүниежүзілік көшпенділер ойындарын көруге  шет елден көптеген туристер келді. Солардың бірі Гавай аралдарынан арнайы келген Томас Борланд. Ол өзінің жарымен бірге келген.

    «Біз Гавай аралдарынан Көшпенділер ойындарын тамашалау үшін арнайы келдік. Көкпар деп аталатын ұлттық ойын түрін бірінші рет тамашаладық. Қазақтардың атқа міну мәдениеті ерекше әсер берді. Қазақтың рухы ат үстінде екенін түсіндім», — дейді гавайлық Томас Борланд.

    V Дүниежүзілік көшпенділер ойындарына қатысуға әлемнің 89 елінен 2500-ге жуық спортшы мен арнайы делегация өкілдері келген.

     

  • Маңғыстаулық 43 оқушы ауруханадан шықты

    Маңғыстаулық 43 оқушы ауруханадан шықты

    Маңғыстауда мектептегі астан уланған оқушылардың 43-і ауруханадан шығарылды. «Балалардың бәрі амбулаторлық бақылауға алынған және жағдайлары жақсы. Тағы 53 бала стационарда ем алуын жалғастырып жатыр. Бұл туралы денсаулық сақтау министрлігі хабарлады. Еске салсақ, 6 қыркүйекте Мұнайлы ауданының №8 мектебінде оқушылар жаппай астан уланып, 400ден астам бала дәрігерге жүгінген болатын. Бұл мәселе мәжілістегі депутаттардың да алаңдаушылығын тудырды. Олар Мектеп асханасында балалар уланса,  санитарлық бақылау станциясы да жауапкершілік алу керек деп отыр әрі білім ошағына жеткізілетін тағам өнімдерінің сапасы мен олардың жарамдылық мерзімін бақылауды күшейту қажет деп есептейді.

    «Қазіргі таңда санитарлық-эпидемиологиялық қызмет мектеп асханаларын жүйелі түрде тексере алмай отыр. Себебі, шағын және орта бизнесті тексеруге мораторий жарияланған кезеңде, асханалар ұзақ уақыт бойы тексеруден өтпеген. Қазір мараторий алынып тасталды. Осыған байланысты санитарлық-эпидемиологиялық қызметтің мектеп асханаларын тұрақты түрде тексеруін қамтамасыз ету қажет. Улану жағдайлары орын алған кезде СЭС жауапкершілігі де қарастырылсын», — деді ҚР Парламенті Мәжілісінің депутаты Наталья Дементьева.

     

     

  • Түрік отбасы Қазақстаннан алған әсерімен бөлісті

    Түрік отбасы Қазақстаннан алған әсерімен бөлісті

    V Дүниежүзілік көшпенділер ойындарын көру үшін Қазақстанға келген түрік отбасы елден алған әсерімен бөлісті.

    «Қазақстан туында неге күн бар екенін енді түсіндік. Бұл жақта күннің шығуы мен батуы өзгеше әдемі»,- деп жазған түрік саяхатшы отбасы өздерінің желідегі парақшасында.  https://www.instagram.com/oralarnereler/

    Бурак пен Идил Қазақтан жайлы бірнеше фото, виидео салып, алған әдемі әсерлерімен бөліскен.

    Естеріңізге сала кетейік, Астанада өтетін 5-ші дүниежүзілік көшпенділер ойындарын көру үшін  түрік отбасы  Анкарадан автобуспен шыққан.  Олар елордаға дейін 5400 шақырым жол жүріп келді.

    Ерлі-зайыпты Идил мен Бурак екі жастағы ұлымен бірге Түркиядан 12-тамыз күні шыққан. Олар Түркия, Грузия, Ресей, Татарстан арқылы 21 қонақта жетті.

     

  • Премьер-Министр барлық мектептердің асханасын тексеруді тапсырды

    Премьер-Министр барлық мектептердің асханасын тексеруді тапсырды

    Премьер-Министр Олжас Бектенов Мұнайлы ауданынының Бесшоқы ауылында балалардың улануына байланысты денсаулық сақтау, оқу-ағарту министрлерін, Маңғыстау облысы әкімінің есептерін тыңдады.

    Бүгінгі таңда 460 бала дәрігерлердің бақылауында, оның 83-і ауруханаға жатқызылды, 2 бала жансақтау бөлімінде. Зардап шеккендердің барлығы, оның ішінде жансақтау бөліміндегі балалардың жағдайы тұрақты. Денсаулығының жақсаруына байланысты реанимацияда жатқан екі бала жалпы бөлімшеге ауыстырылды.

    Қазіргі уақытта ауруханаға улану белгілерімен түскен балалардың барлығына толық көлемде қажетті медициналық көмек, соның ішінде психологиялық көмек көрсетілуде. Оқиға орнында ҚР Оқу-ағарту министрлігі Балалардың құқықтарын қорғау комитетінің өкілдері жұмыс істеп жатыр. Зардап шеккендерге және олардың отбасыларына қолдау шараларын көрсету бойынша жұмыстар жүргізілуде. Тәулік бойы штаб жұмыс істейді.

    Ауру ошағын оқшаулау және жою шараларын күшейту үшін өңірге «Қоғамдық денсаулық сақтау ұлттық орталығы» ШЖҚ РМК «Санитариялық-эпидемиологиялық сараптама және мониторинг ғылыми-практикалық орталығы» филиалының мамандары жіберілді.

    Үкімет басшысының тапсырмасы бойынша бір ай ішінде республикадағы барлық мектептердің асханаларында санитариялық-эпидемиологиялық талаптардың сақталуына мониторинг жүргізіледі. Ол мектептегі тамақтанудың қауіпсіздігін қамтамасыз ету және мұндай жағдайлардың қайталануына жол бермеу шараларын күшейтуге бағытталған.

    №8 мектепте тергеу жұмыстары жүргізіліп жатыр. Кінәлілер жауапқа тартылады.

  • Маңғыстауда 460 бала тамақтан уланды: Оқиға Үкіметтің бақылауында

    Маңғыстауда 460 бала тамақтан уланды: Оқиға Үкіметтің бақылауында

    Маңғыстауда 460 бала тамақтан уланды: Оқиға Үкіметтің бақылауында

    Премьер-Министр Олжас Бектенов Мұнайлы ауданынының Бесшоқы ауылында балалардың улануына байланысты денсаулық сақтау, оқу-ағарту министрлерін, Маңғыстау облысы әкімінің есебін тыңдады.

    Бүгінгі таңда 460 бала дәрігерлердің бақылауында. Оның 83-і ауруханаға жатқызылды. 2 бала жансақтау бөлімінде. Зардап шеккендердің барлығы, оның ішінде жансақтау бөліміндегі балалардың жағдайы бірқалыпты. Денсаулығының жақсаруына байланысты реанимацияда жатқан екі бала жалпы бөлімшеге ауыстырылды.

    Үкімет басшысының тапсырмасы бойынша бір ай ішінде республикадағы барлық мектептердің асханаларында санитариялық-эпидемиологиялық талаптардың сақталуына мониторинг жүргізіледі. Ол мектептегі тамақтанудың қауіпсіздігін қамтамасыз ету және мұндай жағдайлардың қайталануына жол бермеу шараларын күшейтуге бағытталған.

    №8 мектепте тергеу жұмыстары жүргізіліп жатыр. Кінәлілер жауапқа тартылады.

  • Қазақстандық 15 тонна бұрыш Ресей шекарасында кері қайтты

    Қазақстандық 15 тонна бұрыш Ресей шекарасында кері қайтты

    Ресейдің Челябинск облысына Қазақстаннан жеткізілген 18 тонна тәтті бұрышты өткізуге тыйым салынды.

    «Қазақстаннан РФ-ға тәтті бұрыш жеткізуге тыйым салу туралы шешім қабылданды. Тыйым салуға карантиндік фитосанитарлық талаптардың сақталмауы себеп болды. Бұрыштың көп бөлігі таңбаланусыз және қаптамасыз тасымалданған», — делінген 6 қыркүйекте жарияланған хабарламада.

    Ресейдің Россельхознадзор ведомствосының мәліметінше жүк Қазақстанға кері қайтарылды. Ал тасымалдаушыға қатысты әкімшілік құқық бұзушылық туралы іс қозғалды.

  • Ақтөбе облысындағы оқушы өліміне қатысты жаңа деректер белгілі болды

    Ақтөбе облысындағы оқушы өліміне қатысты жаңа деректер белгілі болды

    Ақтөбе облысындағы оқушы өлімімен аяқталған төбелес кезінде он бес баланың  болғаны анықталды. Оның бес-алтауы мұғалімдердің балалары, дейді марқұрмның әпкесі. Марқұның жақыны олардың тамыр-таныстары көп болғандықтан  жауапкершілікке тартылмай қала ма, деп алаңдап отыр. Сондықтан істің әділ тергелуін талап етеді. Облыстық прокуратура өкілдері оқушы өліміне қатысты үш жасөспірімнің қамауға алынғанын хабарлады. Полиция, күдіктілер ешбір сыбайластарына қарамастан жазаға тартылатынын айтты. Ауданға арнайы комиссия жіберілді. Қайғылы оқиғадан кейін мектеп директоры қызметінен босатылды.

    «Бойы ұзын, ірі болатын. Әрқашан өзінің сыныптастарын қорғап жүретін. Сол кезде балалар айтыпты, естіп жатырмыз, Нұржанды қаттырақ ұрыңдар деген екен. Жанды жерлерінен соқққан.  Ең сорақысы он бес бала бола тұра менің інімді далаға, өлім аузына тастап кете барған», -деді марқұмның әпкесі АЯЖАН СЫДЫҚОВА

    Марқұмның туыстары жоғары сыныпта оқитындар кішілеріне әлімжеттік жасағанын айтады. Әрі бұл жағдай бірнеше жыл бойы жалғасып келгеніне сенімді. Бұл мәліметтерді қаза болған он төрт жастағы Нұржанның әпкесі айтып берді.Оқушы өлімімен аяқталған оқиға 2-ші қыркүйекте, кешкі мезгілде ауыл сыртындағы ескі моншаның аумағында болған. Жоғары сынып оқушылары тоғызыншы сыныпта оқитындарды ұрған.

     

  • Үлкен Ақсу ауылына мал өнімдерін әкелуге, әкетуге тыйым салынды

    Үлкен Ақсу ауылына мал өнімдерін әкелуге, әкетуге тыйым салынды

    5 қыркүйекте Республикалық ветеринариялық зертхана 2 бас ІҚМ сынамаларында сібір жарасының болуын растайтын бактериологиялық зерттеулердің нәтижелерін алды.

    Үлкен Ақсу ауылында тірі жануарлар мен мал шаруашылығы өнімдерін әкелуге және әкетуге тыйым салынды. Аумақтық ветеринариялық инспекция ЖАО ветеринариялық дәрігерлерімен бірлесіп жануарларды аулалық тексеру, вакцинациялау және жануарлар иелерімен түсіндіру жұмыстарын жүргізеді.

    Елді мекенге тарату іс-шараларын жүргізу, оның ішінде дезинфекция жүргізу үшін АШМ-нің Республикалық эпизоотияға қарсы отряды көшіріледі, қажетті мамандар мен арнайы техника штаты бар.

    Ол жерде Ветеринариялық бақылау және қадағалау комитеті төрағасының міндетін атқарушы Самат Төлегенов жүр.

    Қолданыстағы алгоритмге сәйкес барлық қажетті ветеринариялық-санитариялық шаралар өткізіледі және ауыл шаруашылығы министрлігінің ерекше бақылауында болады.

  • Ұйғыр ауданындағы Сібір жарасына қарсы күрес шаралары жалғасуда

    Ұйғыр ауданындағы Сібір жарасына қарсы күрес шаралары жалғасуда

    Ветеринария мамандары ауыл шаруашылығы жануарларын қауіпті індеттерден қорғау үшін шараларды үздіксіз жүргізуде. Атап айтқанда, Жарық тума учаскесінде мал дәрігерлері 141 бас ірі қара малға сібір жарасына қарсы екпе екті.

    Сонымен қатар, ветеринарлар инфекция ошағын жою мақсатында 1800 шаршы метр қора жайды дезинфекциялады. Залалсыздандыру жұмыстары дезстройлайт препаратының 1 пайыздық ерітіндісімен жүргізілді.

    Ал Үлкен Ақсу ауылдық округінде ауру жұқтыруы мүмкін 25 ит пен 4 мысық ауланып, тиісті ветеринарлық тексеруден өтті. Бұл шаралар адамдар мен жануарлардың денсаулығын қорғауға бағытталған.

    Ветеринария мамандары ауыл тұрғындарын мал ауруларының алдын алу үшін санитарлық-эпидемиологиялық ережелерді қатаң сақтауға шақырады.

     

  • Ақтөбе облысында екі оқушы адам өліміне қатысты қамауға алынды

    Ақтөбе облысында екі оқушы адам өліміне қатысты қамауға алынды

    Ақтөбе облысында екі оқушы адам өліміне қатысы бар деген күдікпен қамауға алынды. Мектеп директоры қызметінен босатылды.

    «ҚР Қылмыстық процестік кодекстің 128-бабының тәртібімен кәмелетке толмаған 2 күдікті ұсталды. Темір аудандық соты 2 ай мерзімге қамауға алу түріндегі бұлтартпау шарасын санкциялады. Оқиға бойынша тергеп-тексеруді Ақтөбе облыстық полиция департаментінің жедел-тергеу тобы жүргізіп жатыр. Қадағалауды жүзеге асыру тәжірибелі процессуалдық прокурорлар тобына жүктелді. Облыстық прокуратура жергілікті атқарушы органның атына Темір ауданы әкімінің, облыстық Білім басқармасы және аудандық білім бөлімінің лауазымды тұлғаларының жауапкершілігін шешу жөнінде ұсыныс енгізді. Бүгінгі күні қадағалау актісімен Қопа ауылындағы мектептің директоры Р.Е.Қаржауов қызметінен босатылды. Басқа мәліметтер тергеу мүддесіне қатысты жарияланбайды», — деп хабарлады Ақтөбе облыстық прокуратурасының баспасөз қызметі.

    Айта кетейік, оқушы өлімімен аяқталған қайғылы жағдай 2 қыркүйек күні Темір ауданы Кеңесту ауылында болған. Оқушылар төбелескен.  Қайтыс болған 9 сынып оқушысы Қопа орта мектебінде оқыған.