Sona.kz

Рубрика: Оқиғалар

  • Астана кафесіндегі жарылыс: ІІМ оқиға орнынан бейнежазба жариялады

    Астана кафесіндегі жарылыс: ІІМ оқиға орнынан бейнежазба жариялады

    ҚР ІІМ төтенше жағдай кезінде полицейлердің жанып жатқан кафеден адамдарды қалай эвакуациялағаны түсірілген видео жариялады.

    «28 қыркүйекте Астанада Ақыртас көшесіндегі кафелердің бірінде газ баллоны жарылды. ҚР ІІМ Мамандандырылған күзет қызметі басқармасының қызметкерлері бұл оқиғаның куәсі болды. Полицейлер Диас Абитбек, Нұржан Ысқақов және Бақытжан Рахат дереу зардап шеккендерге көмекке асықты», — делінген хабарламада.

    Олар өрт сөндірушілер мен жедел жәрдем шақырып, азаматтарды жанып жатқан ғимараттан эвакуациялай бастағаны атап өтілді.

    «Адамдар өз күштерімен сыртқа шықты, бірақ іште қалып қойғандары да болды. Мен оларға шығуға көмектестім, содан кейін ешкім қалмағанын тексердім. Бақытымызға орай, ол жерде ешкім болған жоқ. Үш минуттан кейін өрт сөндірушілер келді, біз оларға үй-жайда төрт газ баллоны бар екенін ескерттік», — деді Диас Абитбек.

    Ведомство оларға төнген қауіпке қарамастан, полиция қызметкерлері жоғары кәсібилік пен батылдық танытқанын атап өтті.

    «Олардың әрекеттері аса ауыр зардаптардың алдын алды және азаматтардың қауіпсіздігін қамтамасыз етті», – деп қорытындылады ІІМ.

    Бұған дейін Астана қаласының Алматы ауданында екі қабатты үйге бекітілген кафеде газ баллонының жарылғаны хабарланған болатын.

  • Үш бала зорлаған 5 жасар қыздың анасының үстінен қылмыстық іс қозғалмақ

    Үш бала зорлаған 5 жасар қыздың анасының үстінен қылмыстық іс қозғалмақ

    Қостанай облысында 8, 12 және 13 жастағы балалар зорлаған бес жасар қыздың анасының үстінен қылмыстық іс қозғалмақ. Әйелге желіде қызына қастандық жасағандар туралы ақпаратты айтқаны үшін айып тағылды.

    Оқиға туралы қыздың анасы “Не молчи” қорына айтып берген. Деректерге сүйенсек 6 шілде күні анасы 5 жасар қызына жаңа велосипед әкеліп қуантпақ болған. Ойнап жүрген қызын біраз іздеп таба алмаған. Кейін қызы алба-жұлба киіммен қолында бір қап ойыншықтармен өзі үйге қарай келген.

    – Анасы қатты қорққанынан қызына ұрысқан. Қазір сол әрекетіне қатты өкінеді. Себебі ол кезде қыздың да жағдайы нашар болған. Ол ештеңе айтпаған және тұйықталып қалған. Кейін біраз күннен соң ғана болған жайтты атасына айтып берген.

    Анықталғандай үш бала бүлдіршінді қамыс арасына әкетіп екеуі ұстап тұрып, қыздың жыныс мүшелерін ұстаған. Қарсыласып жылағанда таспен ұрған. Үш ұл да қызға зорлық көрсеткен. Кейін ешкімге айтпауы үшін бір қап ойыншық берген, – делінген жазбада.

    Астана адвокаттар алқасының адвокаты Илья Лунев бұл оқиғаның күтпеген жалғасы болғанын жазды.

    – 14 жасқа дейінгі балалар қылмыстық жауапкершілікке тартылмайтыны белгілі, сәйкесінше қылмыс жасағандар ешқандай жазаға тартылмады. Мұны жақсы түсінсе де тергеу әлі де шексіз сараптамалар жасап, жауап алуда. Жәбірленуші қыздың жанын одан әрі жаралауда. Енді бес жасар жәбірленушінің анасының үстінен чаттардың бірінде ұлдардың есімдерін атағаны үшін қылмыстық іс қозғағысы келеді, – деп жазды заңгер Instagram желісінде.

    Лунев Қылмыстық кодекстің 423-бабы «сотқа дейінгі іс жүргізу немесе жабық сот талқылауы туралы мәліметтерді жария ету» туралы айтып отырғанын түсіндірді. Қыздың анасы екі жылға дейін бас бостандығынан айырылуы мүмкін.

  • Жетісу облысында Латвиядан келген туристер құтқарылды

    Жетісу облысында Латвиядан келген туристер құтқарылды

    Жетісу облыстық ПД мәліметінше, Латвиядан келген ерлі-зайыптылар Кербұлақ ауданындағы Ақтау тауларында адасып кеткен. Ерлі-зайыптылардың Қазақстанға туристік визамен 25 қыркүйекте Алтын Емел ұлттық қорығындағы тау жотасына бару үшін келгені белгілі болды.

    «Ерлі-зайыптылар кездейсоқ негізгі топтан артта қалып, байланысын жоғалтты. Іздестіру шараларына Кербұлақ аудандық полициясы мен облыстық департамент қызметкерлері, сондай-ақ ТЖД құтқарушылары, еріктілер мен орманшылар тартылды. Іздеуде тікұшақ пен дрондар пайдаланылды», — деп хабарлады облыстық ПД баспасөз қызметі.

    Жоғалған туристер Басши ауылынан 44 шақырым жерде табылды. Ерлі-зайыптылар қауіпсіз жерге жеткізіліп, қажетті көмек көрсетілді.

    Құтқарылған шетелдіктер оларды іздеуге қатысқандардың барлығына алғыстарын білдіріп, қазақстандық іздеушілердің жоғары кәсібилігін атап өтті.

  • Астанада көлік өртенді

    Астанада көлік өртенді

    Елорданың Төтенше жағдайлар департаменті Есіл ауданындағы үйлердің бірінің ауласында Hyundai көлігі өртенгенін хабарлады.

    «Сағат 05:49-да Есіл ауданында аулада автокөлік жанып жатқаны туралы ақпарат келіп түсті. Дереу шақырту орнына жеке құрамның бес адамы және техника шықты. Өрт 06:08-де жойылды. Автокөліктің багаж бөлімі мен салоны жанып кетті. Сондай-ақ, жалын әсерінен жақын жерде тұрған көлік зардап шекті», – деп хабарлады ТЖД.

  • Қостанай облысында комбайншы қаза тапты

    Қостанай облысында комбайншы қаза тапты

     

    Жазатайым жағдай Денисов ауданының Чебендовка ауылының маңында болды. 49 жастағы комбайншы комбайн тырмасын шөптен тазартып жатқанда, оны барабан тартып кеткен.

    Полиция және еңбек инспекциясы шаруа қожалығының жұмыскері көз жұмғанын растады. Қылмыстық іс қозғалып, тергеу жүріп жатыр.

  • Батыс өңірде жер сілкінді

    Батыс өңірде жер сілкінді

    Қазақстанның Ұлттық деректер орталығы мәліметінше, желі станциялары 24 қыркүйекте Астана уақыты бойынша сағат 14:20-да Атырау облысында жер сілкінісін тіркеген.

    Еуропалық Жерорта теңізі сейсмологиялық орталығы мәліметінше, жер асты дүмпулерінің эпицентрі Атыраудан оңтүстік-шығысқа қарай 134 шақырым жерде орналасқан.

    Ұлттық ядролық орталығы геофизикалық зерттеулер институты желісінің стансалары 2024 жылғы 24 қыркүйекте Астана уақытымен сағат 14:20 шамасында (GMT 09:20) зілзаланы тіркеген.

    «Батыс Қазақстанда жер сілкінісі тіркелді. Эпицентр координаттары: солтүстік ендік – 46,07 градус, шығыс бойлық – 53,30 градус. Магнитудасы – 4,1. Энергетикалық класы – 9,2» делінген ақпаратта.

    Ал, volcanodiscovery.com мәліметіне сүйенсек, жер сілкінісі Атырау облысының аумағында тіркелген.

    Жер сілкінісінің сезілгені туралы мәлімет жоқ.

  • «Алтыналмас» кен орнында жұмысшының мәйіті табылды

    «Алтыналмас» кен орнында жұмысшының мәйіті табылды

    «Алтыналмас» кен орнында үйінді астында қалған жұмысшы Нұрдәулет Нұрмахановтың мәйіті табылды. Бұл туралы компанияның ресми сайтында хабарланды.

    Қайғылы оқиға Жамбыл облысында 18 қыркүйекте болған.

    Нұрдәулет Жексенұлы 2012 жылдың 1 қаңтарынан бастап «Алтыналмас АК» АҚ «Ақбақай» тау-кен байыту кешенінің жылжымалы және стационарлық жабдықтарына күтім жасау және жөндеу учаскесінде сорғы қондырғыларының машинисі болып жұмыс істеген. 2017 жылы жабдыққа техникалық күтім жасау және жөндеу слесары болды.

    «Алтыналмас АК» АҚ қаза тапқан қызметкердің отбасына материалдық көмек көрсетеді және тиісті төлемдер бойынша өзінің барлық міндеттемелерін орындайды, — делінген ресми ақпаратта.

  • Пәкістанда Қазақстан елшісі мінген кортеж колоннасында жарылыс болды

    Пәкістанда Қазақстан елшісі мінген кортеж колоннасында жарылыс болды

    Қазақстан елшісі мінген кортеж колоннасында жарылыс болды. Сыртқы істер министрлігінің хабарлауынша, оқиға Пәкістанның провинцияларының бірінде болған. Кортежде Қазақстаннан бөлек, Ресей, Португалия, Эфиопия, Индонезия, Иран секілді 12 елдің елшісі болған. Олар Сват қаласына туризм мәселелері бойынша конференцияға аттанған. Жарылыс салдарынан бір полицей қаза тапты. Үш адам зардап шекті.

  • Алматы облысында жол апатынан үш адам көз жұмды

    Алматы облысында жол апатынан үш адам көз жұмды

    Zeekr 001 спорттық электромобильінің жүргізушісі Талғар-Есік автожолындағы қарсы жолаққа шығып, Daewoo Matiz автокөлігімен соқтығысқан. Апат салдарынан Daewoo Matiz-тегі екі жолаушы сол жерде қайтыс болды. Жүргізуші есін жимастан аудандық аурухананың реанимация бөлімінде қайтыс болды.

    Жол апаты фактісі бойынша полиция қылмыстық іс қозғады. Zeekr 001 жүргізушісі қамауға алынды. Тергеу жалғасуда.

    Аймақ полициясы барлық жүргізушілерді жылдамдық режимін, жол қауіпсіздігі талаптарын мүлтіксіз сақтауға және ҚР Жол ережелерін бұзбауға шақырады.

     

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • Алматы облысында газ жарылып, 1 адам қаза тапты

    Алматы облысында газ жарылып, 1 адам қаза тапты

    Өкінішке қарай, үй иесі көз жұмды. Полицияның мәліметінше, жарылыс болғанда үйде тоңазытқыш жеткізушілер болған. Олар зардап шекпеген.

    «Қаза тапқан адамның мәйіті мәйітханаға жеткізілді, сот-медициналық сараптамасы тағайындалды. Қазір оқиғаның жай-жапсары анықталуда», — деп жазды облыстық ПД.

    Жарылыстың қатты болғаны соншалық, көрші тұрғын үйге де зақым келген, ал 3 үйдің терезелері сынып кеткен. Жарылыс орын алған үйге былтыр көгілдір отын тартылған. Қаза тапқан ер азаматтың туыстары бұған дейін үй иесінің газдан қауіптеніп жүргенін алға тартып отыр. Бірақ, газ желілері мамандардың тексерісінен өткен.