Sona.kz

Рубрика: Жаңалықтар

  • Шерзат ісі: Куәгерлер қансырап жатқан жәбірленушіні көргенін айтты

    Шерзат ісі: Куәгерлер қансырап жатқан жәбірленушіні көргенін айтты

    Куәлік бергендердің қатарында Арлан Құсайынов, Данияр және Дарын Жанболатұлы, Сәкен Әкежанов, Дәулет Мұхамедұлы мен Әділхан Рузиев бар.

    Сәкен Әкежанов терезеден жерде жатқан баланы бірнеше жігіттің тепкілеп жатқанын көріп, жедел жәрдем шақырған. Ал Данияр Жанболатұлы оқиға орнында бір жігіттің басынан қан ағып тұрғанын айтса, Арлан Құсайынов атыс туралы анасы ескерткен соң барғанын жеткізді. Екеуі де алғашқыда болған жағдайды түсінбеген, тек төбелес шығар деп ойлаған.

    Куәгерлердің сөзінше, олар қарудың оғын, қан іздерін, жарақат алғандарды көрген. Бірақ күдіктілер мен жәбірленушілерді танымайтындарын айтты. Судья бейнежазбаның авторын анықтау бойынша тексеріс жүргізіп жатқанын мәлімдеді. Іс бойынша негізгі айғақтар — 3 пышақ пен 1 мылтық.

  • Қонаевта бейіт маңынан 40 тонна қоқыс шығарылды

    Қонаевта бейіт маңынан 40 тонна қоқыс шығарылды

    Бұл жолы қаланың коммуналдық қызмет көрсетуші компаниясы бейіт аумағын тазарту жұмыстарын ұйымдастырды.

    Тазалық шарасына 10 адам мен 2 арнайы техника жұмылдырылып, нәтижесінде бейіт маңынан 40 тоннаға жуық тұрмыстық және құрылыс қалдықтары шығарылды.

    Қалалық әкімдік тұрғындарды бейіт аумағында тазалық сақтауға, қоқыс қалдырмауға және қоршаған ортаға құрметпен қарауға шақырды. Сондай-ақ сенбіліктерді тұрақты түрде өткізіп тұру қажет екенін еске салды.

  • Ақтөбеде мектеп оқушысы суицид жасады

    Ақтөбеде мектеп оқушысы суицид жасады

    Ақтөбе облысы Мәртөк ауданында 15 жастағы оқушы қыз өзіне қол жұмсады. Марқұмның денесін туыстары ауладан тапты.

    Ақтөбе облысы Мәртөк ауданында оқушы қыздың өліміне қатысты полиция іс қозғады. Тергеу амалдары жүріп жатыр.

    Қайғылы оқиға 29 сәуір күні күндіз марқұмның үйінде болды. Оқушы осы оқиғаның алдында сабаққа барып келген. Сол күні оғаш мінез-құлық танытпағаны айтылады. Ресми мәліметке сүйенсек, өлім алдында хат жазып қалдырмаған.

    «2025 жылғы 29 сәуірде Мәртөк ауданының 9-сынып оқушысы өз-өзіне қол жұмсап қайтыс болды. Жасөспірім ата-әжесімен және анасымен тұрған.   Бала ол күні сабаққа барған, мінез-құлқында оғаш әрекет байқалмаған», – деп хабарлайды Ақтөбе облыстық білім басқармасы.

    Қазіргі таңда құзырлы органдар оқиғаның себебін анықтап жатыр. Оқушы толыққанды отбасында өскен. Ата-анасы, ата-әжесімен бірге тұрады. Марқұмның денесін атасы тапқан.

  • Руслан Берденовке жасалған шабуыл: Шымкент әкімдігі пікір білдірді

    Руслан Берденовке жасалған шабуыл: Шымкент әкімдігі пікір білдірді

    Оқ тиген Шымкент қаласы әкімінің орынбасары Руслан Берденов пен «Тұрғын үй Шымкент» ЖШС директоры Ернар Жиембай арасындағы жанжал туралы ақпарат жоқ. Бұл туралы Шымкент қалалық ішкі саясат басқармасының жауабында айтылған.

    «Берденов пен «Тұрғын үй Шымкент» ЖШС директоры Жиембай арасындағы 10 күн бұрын болды делінген қандай да бір жанжал туралы расталған мәлімет жоқ», – делінген әкімдіктің жауабында.

    Ернар Жиембай 21 сәуірге дейін «Тұрғын үй Шымкент» мекемесінің директоры болды. Аталмыш компания Шымкент қалалық құрылыс басқармасына қарайды. Оқиғадан кейін күдікті қызметінен босатылғаны айтылған.

    «Атқарылған құрылыс жұмыстарының сапасын, жобалау-сметалық құжаттаманың сәйкестігін, бюджет қаржысының тиімді әрі мақсатты пайдаланылуын тексеру мақсатында құрылыс басқармасы Шымкент бойынша ішкі мемлекеттік аудит департаментіне «Тұрғын үй Шымкент» ЖШС орындаған нысандарға тиісті тексеру жүргізу туралы өтінішпен ресми хат жолдады», – деп хабарлады Шымкент қалалық ішкі саясат басқармасы.

  • Алматының ботаникалық бағы уақытша жабылады

    Алматының ботаникалық бағы уақытша жабылады

    – Басқа күндері жұмыс кестесі өзгеріссіз қалады. Ботаникалық бақ күн сайын сағат 09:00-ден 20:00-ге дейін жұмыс істейді. Кассадағы техникалық үзіліс: 15:00-15:30. Санитарлық күн техникалық себептер бойынша немесе айдың бірінші дүйсенбісі мереке күніне сәйкес келсе, кейінге қалдырылуы мүмкін, – деп хабарлады бақтан.

    Еске салайық, бұған дейін дауыл салдарынан Алматы ботаникалық бағы бірнеше күнге жабылған болатын.

  • Қонаевта 75 отбасыға атаулы әлеуметтік көмек көрсетілді

    Қонаевта 75 отбасыға атаулы әлеуметтік көмек көрсетілді

    Негізгі нәтижелер:
    •Атаулы әлеуметтік көмек (АӘК): 75 отбасыға 11,5 млн теңге төленді. Жалпы бөлінген қаражат – 209,8 млн теңге.
    •Кепілдендірілген әлеуметтік пакет: 377 балаға 1,5 млн теңге төленді.
    •Тұрғын үй көмегі: 13 отбасыға 331,9 мың теңге берілді.
    •Мүгедектігі бар балаларды үйде оқытатын отбасыларға: 47 бала үшін 1,4 млн теңге әлеуметтік көмек көрсетілді.
    •Мерекелік және атаулы күндерге орай: ҰОС ардагері Оксана Бетебаеваға 5 млн теңге көлемінде біржолғы көмек берілді. Сондай-ақ Ауған соғысының 91 ардагеріне 17,8 млн теңге төленді.
    2025 жылдың басынан әлеуметтік қызметтер порталы арқылы:
    •200 адам – гигиеналық құралдармен,
    •18 адам – кресло-арбамен,
    •28 адам – протездік-ортопедиялық құралдармен қамтамасыз етілді.
    Сонымен қатар 37 адам санаторлық-курорттық емделуге жіберілді, 43 адам жеке көмекші қызметін алды.
    Қосымша қолдау:
    •Туберкулезбен ауыратын 20 азаматқа 1,1 млн теңге,
    •Аз қамтылған көпбалалы отбасылардың балаларына балабақша төлемақысын субсидиялауға 608,2 мың теңге бөлінді.
  • Бір топ баланы ұрған жасөспірімнің ісін министр жеке бақылауына алды

    Бір топ баланы ұрған жасөспірімнің ісін министр жеке бақылауына алды

    Оқу-ағарту министрі Ғани Бейсембаев әлеуметтік желіде жасөспірім бір топ баланы тұрғызып қойып, ұрып жатқан бейнежазбаға қатысты түсінік берді.

    – Әдетте жұмыс кестесінің тығыздығына байланысты әлеуметтік желілердегі жазбаларды тұрақты бақылауға мүмкіндік бола бермейді. Сондықтан жарияланған арыз-шағымдарды демалыс күндері арнайы қарап шығуға тырысамын. Кейде әлеуметтік желілер арқылы расымен де алаңдаушылық тудыратын мәселелерден хабардар болып жатамыз. Мысалы, Алматы облысы оқушыларының шағымы мені бейжай қалдырмады. Мәселе білім алушылардың құқығы бұзылуы, мектептегі тамақтану жағдайының санитариялық талаптарға сай ұйымдастырылмауы сияқты фактілердің болу ықтималдығына байланысты, – деп жазды желідегі парақшасында Ғани Бейсембаев.

    Осы орайда министр жергілікті атқарушы органдардың өз міндеттерін толықтай орындамай отырғанын айтты.

    «Бала құқығын қорғау шараларын заңнамалық тұрғыда күшейту мақсатында министрлік тарапынан үш негізгі заңнамаға 94 түзету енгізіліп, 2024 жылы тексеруден өткен 342 білім беру ұйымының 24-інде басшылар әкімшілік, 78-і тәртіптік жауапкершілікке тартылғанына қарамастан, мұндай жағдайлар әлі де кездесіп отыр. Аталған жағдай жеке бақылауымда. Балалардың құқығын қорғау комитеті мен аумақтық білім сапасын қамтамасыз ету департаментінің қатысуымен арнайы жұмыс комиссиясын құруды тапсырдым. Комиссия қолданыстағы заңнама аясында барлық қажетті шараны қабылдайды. Алматы облысының басшылығы бұл мәселені шұғыл түрде қолға алып, алдағы уақытта мұндай келеңсіздіктерге жол бермеу үшін нақты әрі жүйелі іс-шаралар қабылдайды деп сенемін», – дейді ведомство басшысы.

    Ғ.Бейсембаевтың айтуынша, әр баланың қауіпсіздігі – білім беру жүйесінің барлық деңгейінде орындалуы тиіс стратегиялық міндет.

    «Балалардың құқығы мен қауіпсіздігін қамтамасыз ету министрліктің тұрақты бақылауындағы мәселе екенін жергілікті әкімдіктер де жақсы біледі. Тағы да өңірлердегі білім саласының басшыларын осындай маңызды мәселелерге жоғары жауапкершілікпен қарауға шақырамын», – дейді министр.

  • Оралда ток соққан бала көз жұмды

    Оралда ток соққан бала көз жұмды

    Орал қаласында ток соққан 9 жастағы бала ауруханада қайтыс болды.  БҚО Денсаулық сақтау басқармасының баспасөз қызметінен мәлім еткендей, бала облыстық көпбейінді балалар ауруханасында 1 мамырдан 2-сіне қараған түні көз жұмды.

    БҚО Полиция департаментінің баспасөз қызметі осы қайғылы оқиғаға байланысты тергеу амалдары жалғасып жатқанын жеткізді.

    «Қылмыстық іс бойынша тиісті сараптамалар тағайындалды. Өзге ақпарат ҚР Қылмыстық іс жүргізу кодексінің 201-бабына сәйкес жария етуге жатпайды», – деп хабарлады ведомстводан.

    Айта кетейік, Батыс Қазақстан облысы Полиция департаментінің мәліметінше, подстанция төбесінде жүрген 2015 жылы туған баланы ток соққан. Бала дереу ауруханаға жеткізілген еді. Куәгерлердің айтуынша, бала подстанция төбесінде қалып қойған допты алып, жерге тастаған. Төмен түсе бергенде, тоққа түсіп қалған. Бала денесінің 95 пайызы күйіп қалғаны айтылды.
  • Шымкентте жүргізуші куәлігін сатумен айналысқан топ әшкереленді

    Шымкентте жүргізуші куәлігін сатумен айналысқан топ әшкереленді

    Шымкентте қаржы мониторингі агенттігі прокуратурамен бірлесіп, жүргізуші куәлігін пара арқылы заңсыз берген қылмыстық топтың жолын кесті. Тергеу мәліметінше, 2023–2024 жылдары Халыққа қызмет көрсету орталығының №2 бөлімінің басшысы Ж.Р. Мурашимовтың басшылығымен емтихан тапсырмай-ақ куәлік беру схемасы құрылған. «Қызметтің» бағасы 150–400 мың теңге болған.

    Кемінде 500 адам заңсыз жүргізуші куәлігін алған. Тергеу аясында 200 млн теңгеден асатын мүлікке (2 үй, 2 пәтер, 2 жер учаскесі, 10 көлік) бұғат қойылды. Сот санкциясымен 12 күдікті қамауға алынды. Іс бойынша тергеу жалғасуда.

    Мамандардың айтуынша, мұндай құжат беру жол қозғалысы қауіпсіздігіне тікелей қауіп төндіреді. Соңғы екі жылда Шымкентте жол апаты екі есеге артқан — 2022 жылы 398 оқиға болса, 2024 жылы 878-ге жетті.

  • Қонаевта жолдар жөнделіп жатыр

    Қонаевта жолдар жөнделіп жатыр

    Былтырғы жылы 22 көшенің шұңқырлары жамалып, 9 көшеде ағымдағы жөндеу жүргізілді. Биыл бұл жұмыстар өз жалғасын тауып, көлік қозғалысын жеңілдетуге кешенді шаралар қолға алынды.

    2024 жылы жол қозғалысы қауіпсіздігін арттыру мақсатында 700-ге жуық жол белгісі орнатылып, 2000 жол белгісінің бағандарын бояу жұмыстары жүргізілді. Бұл жұмыстар да кезең-кезеңімен жалғасып жатыр.

    Айта кетейік, былтыр 8, 9 және 10-шағынаудандарда жолды күрделі жөндеу жұмыстары басталды. Алдағы уақытта Көшпенділер қалашығына апаратын жаңа жол салу да жоспарда бар.

    Қалада жол-көлік инфрақұрылымын дамыту бағытында ауқымды жобалар қолға алынған. Кешенді даму жоспарына сәйкес, жалпы саны 16 жобаны іске асыру көзделіп отыр. Бұл бастамалар Қонаев қаласының келбетін жақсартып қана қоймай, тұрғындарға қолайлы әрі қауіпсіз орта қалыптастыруға мүмкіндік береді.

     

    Посмотреть эту публикацию в Instagram

     

    Публикация от Қонаев қаласының әкімдігі (@qonaev_akimdigi)