Sona.kz

Рубрика: Жаңалықтар

  • Қазақстанда үйсіз-күйсіздерге арналған уақытша баспана пайда болады

    Қазақстанда үйсіз-күйсіздерге арналған уақытша баспана пайда болады

    Қазақстанда үй-күйсіз көше кезіп жүрген қаңғыбастарға, түрмеден жазасын өтеп шыққандар мен зорлық-зомбылық құрбандарына арналған уақытша болу ұйымдары құрылады. Еңбек және халықты әлеуметтік министрлігі тиісті бұйрық жариялады.

    «Уақытша болу ұйымдары тұрғылықты жері жоқ адамдарға, бас бостандығынан айыру орындарынан босатылған және пробация қызметінде есепте тұрған адамдарға, сондай-ақ адам саудасының және тұрмыстық зорлық-зомбылықтың құрбандарына арналған», – делінген құжатта.

    Мұндай ұйымдар қалаларда халық саны 100 мың адамнан көп болған кезде құрылады. Ал елді мекендерде, аудандарда және ауыл округтерінде тұрғындар саны 50 мың және одан асқан жағдайда, жергілікті атқарушы органның шешімімен бір аудан деңгейінде уақытша болу ұйымын құруға болады.

    Бұйрық он күн өткен соң күшіне енеді.

  • Ер адам бұрынғы әйелін көлікпен қасақана қағып кеткен

    Ер адам бұрынғы әйелін көлікпен қасақана қағып кеткен

    2025 жылы 6 қаңтар күні таңертең Павлодарда 41 жастағы әйелді көлік қағып, ауыр жарақат алған. Көлікті оның бұрынғы азаматтық күйеуі жүргізген.

    Жәбірленушінің достарының айтуынша, ол алты жылдық қарым-қатынастан кейінгі айырылысуды қабылдай алмаған. Қайғылы оқиға болған күні ол әйеліне қоңырау шалып, жұмысқа апарып тастауды ұсынған. Әйел бас тартса да, ер адам көндірген. Жолда тағы да жанжалдасқан. Жеткен кезде, ол әйелді көліктен шығармай қойған. Жәбірленуші қашып, аялдамаға қарай жүгірген. Сол сәтте ер адам оны көлікпен қағып кетті.

    Дәрігерлер жамбас сүйегінің бірнеше жерден сынғанын, жұмсақ тіндердің жыртылғанын және қатты қан жоғалтқанын анықтады. Дәрігерлердің барлық күш-жігеріне қарамастан, бір аяғын ампутация жасауға тура келді.

    Полиция тергеу жүргізуде.

  • Қазақстан темір жолы қызметкері есірткімен ұсталды

    Қазақстан темір жолы қызметкері есірткімен ұсталды

    Жедел іздестіру кешенін өткізу барысында есірткі өткізумен айналысқан қаланың екі тұрғыны қолға түскен.

    Ұсталғандардың бірі «ҚТЖ — Жүк тасымалы» ЖШС қызметкері екені белгілі болды. Тінту барысында шамамен 700 грамм есірткі тәркіленді, электрон таразы, электрошокер, пневматикалық мылтық, 2 мылтық және оқ-дәрі алынды.

    Қылмыстық кодекстің екі бабы бойынша полиция қылмыстық іс қозғады. Күдіктілер қамауға алынды, — деді Павлодар облысы Полиция департаменті өкілі.

  • Алматыға 1,7 млн турист келді

    Алматыға 1,7 млн турист келді

    Бұл туралы туризм және спорт министрінің орынбасары Ержан Еркінбаев Алматы қаласының тұрғындарымен есеп беру кездесуінде айтты, деп хабарлайды El.kz ақпарат агенттігі.

    Вице-министрдің айтуынша, Дүниежүзілік экономикалық форумның рейтингінде Қазақстан туристік бағыттар тізімінде 119 мемлекет ішінде 52-орынға ие болды.

    2024 жылдың алғашқы тоғыз айының қорытындысы бойынша Қазақстанның туристік саласы тұрақты өсім көрсетті. Алматы қаласы бұл салада ерекше көзге түсіп отыр. 2024 жылдың тоғыз айында Алматыға 1,7 миллион турист келген, оның 1,2 миллионы – ішкі туристер, ал 500 мыңы – шетелдік қонақтар. Бұл өткен жылдың осы кезеңімен салыстырғанда 14,2%-ға көп.

    Алматы қаласының туристік инфрақұрылы қарқынды дамып келеді. 2024 жылы мегаполистегі орналастыру орындарының саны 366-ға жетті, бұл өткен жылмен салыстырғанда 21 орынға көп. Туристік орналастыру саласында көрсетілген қызметтің жалпы көлемі 70 миллиард теңгеге жетті, – деп атап өтті Ержан Еркінбаев.

    2024 жылы мемлекет тарапынан туризмді қолдау көлемі 2,5 есе артты. Мемлекеттік бағдарлама аясында 32 жобаға қолдау көрсетілді. Оның ішінде туристік нысандар құрылысы, қонақ үй қызметін жақсарту және көлік құралдарын дамыту шаралары бар.

     

  • Бағанашылдағы балалар үйінің жанындағы ағаштарды кесуге қатысты: Билік мән-жайды түсіндірді

    Бағанашылдағы балалар үйінің жанындағы ағаштарды кесуге қатысты: Билік мән-жайды түсіндірді

    Бұған дейін Бағанашылдағы №1 балалар үйінің айналасында дау туып, мекемені Қонаев қаласына көшіру туралы мәселе көтерілген.

    Алайда, сол кезде тәрбиеленушілерді алаңдатқан жайт бұл ғана емес, өз қолдарымен егіп, баптаған ағаштардың бейберекет кесілуі еді. Олар арнайы бейнежолдау жасап, өздері отырғызған ағаштарға жанашырлық танытқанда бірден қала тұрғындарының назарына ілігіп, тиісті мекемеге арыз-шағым түсе бастады.

    Sona.kz редакциясы балалар алаңдаушылық білдірген ағаштардың мәселесіне қатысты Алматы қаласының экология және қоршаған ортаны қорғау департаментіне хабарласып, ресми жауап алған едік. Департамент басшысы орынбасары М.Қожекеновтің мәлімдеуінше, азаматтар шағымынан кейін мән-жайды анықтау мақсатында арнайы тексеріс жүргізілген.

    Бізге берілген жауапта:

    «2025 жылғы 31 қаңтарда Алматы қаласы Экология және қоршаған ортаны қорғау департаментіне «Е-лицензия» дерекқорын пайдалана отырып, Алматы облысы білім басқармасының «Арнаулы әлеуметтік қызметтерді қажет ететін балаларды қолдаудың өңірлік орталығы» КММ-нен Алматы қаласы, Бостандық ауданы, Алматы қаласы, Бостандық ауданы мекенжайы бойынша ағаштарды кесуге өтінім келіп түсті» делінген.

    Бұдан кейін мекеме ұсынылған құжаттар (мемлекеттік акт, орман патологиясы, отырғызу шарты, кепілдік хат, отырғызу схемасы) «Ағаштарды кесуге рұқсат беру» мемлекеттік қызметін көрсету қағидаларының талаптарына сәйкес келген соң, 2025 жылғы 11 ақпанда берілген рұқсат бойынша өтемдік отырғызу шарты бойынша 50 ағаш кесуге рұқсат береді.

    «Алайда, наурыз айының басында қала тұрғындарынан ағаштарды заңсыз кесуге қатысты әлеуметтік желілер мен мессенджерлер арқылы арыз-шағымдар келіп түскен. Осыған орай, 2025 жылдың 5 наурызында табиғатты қорғау полициясы және Алматы қаласының Бас ботаникалық бағының ғалымдарымен бірлесе отырып, учаскені аралап, визуалды тексеру жүргізілді.

    Тексеру нәтижелері бойынша, көрсетілген аумақта емен ағаштары анықталмаған. Бірақ басқарма рұқсат бермеген 18 ағашты заңсыз кесу және 36 ағашты егеу фактілері тіркелді. Осы жұмыс нәтижесінде басқармаға рұқсат құжаттарынсыз ағаштарды кесу және тәж отырғызу жұмыстарын жүргізген ұйымнан кепілдік хат алынды. Ұйым мынаған міндеттеледі:

    • Заңсыз кесілген 18 ағаштың орнына 900 көшет отырғызу;
    • Егелген 36 ағашқа күтім жасау;
    • Егер қурап қалған жағдайда өтемдік қалпына келтіру жұмыстарын жүргізу.

    Айта кетейік, Алматы облысының білім басқармасы 1 балалар үйінің ғимараты ескіргенін және оны күрделі жөндеуден өткізудің мүмкін еместігін, өйткені ол қомақты қаржы инвестициясын қажет ететінін мәлімдеген болатын. Алайда, тәрбиеленушілер көп мүмкіндіктен қағылатынын айтып, Қонаев қаласына қоныс аударуға қарсылығын білдірді.    Кейінірек балалар омбудсмені Динара Зәкиева балалар үйінде тәрбиеленіп жатқан тәрбиеленушілердің сол ғимаратта қалатынын хабарлады.

    Айта кету керек, қаланың элиталық аймағында орналасқан балалар үйінің жеріне бәзбіреулердің көзі ірі коммерциялық құрылыстар басталған кезде, яғни 2000 жылдардың басында түсе бастады. Жасыл алқапты кесу, үйлерді бұзу, тағы басқа жайттардың орын алғаны сондықтан.  Ал аумағы бойынша Алматы облысы, Қарасай ауданына қарайтын Бағанашылдағы 1941 жылы салынған балалар үйіне тиесілі 9 гектар жер әлі кімді мазалайтыны белгісіз.

  • Риддер қаласында жұмыс уақыты бір сағатқа шегерілді

    Риддер қаласында жұмыс уақыты бір сағатқа шегерілді

    Кеншілер шаһарында мемлекеттік мекемелер, кәсіпорындар және әлеуметтік қызметтер үшін жұмыс кестесі өзгерді. Енді жұмыс күні сағат 08:00-ден 17:30-ға дейін жалғасады. Ал түскі үзіліс 12:00-ден 13:30-ға дейін белгіленді.

    Демек, осындай жаңашылдық облыстағы 13 қала, ауданның 12-сінде енгізілді. Бұл бастама еңбек үдерістерін оңтайландыруға және аймақтың климаттық жағдайларын ескере отырып, жұмыс тиімділігін арттыруға бағытталған. Алайда бұл өзгеріс мектептердің, балабақшалардың және медициналық мекемелердің жұмысына әсер еткен жоқ.

    Риддерліктердің пікірінше, жаңа жұмыс кестесі ыңғайлы.

    «Бұл – дұрыс және уақтылы шешім. Біріншіден, таңертең қараңғыда жұмысқа бармайтын болдық. Екіншіден, таңғы уақытта өнімділік жоғары, жұмыс істеу жеңілірек әрі жылдамырақ», – дейді қала тұрғыны Ляззат Шаяхметова.

    Риддер қаласы әкімінің орынбасары Болат Акужанов жаңа жұмыс кестесі тұрғындармен мұқият талқыланғанын атап өтті. «Біз жергілікті халықпен бірқатар кездесу өткізіп, бұл мәселені жіті талқыладық. Қала тұрғындары бастаманы қолдады», – дейді ол.

    Еске салсақ, бұған дейін Катонқарағай ауданында жұмыс уақыты бір сағатқа кері шегерілгені хабарланған.

  • 14 наурыз – Көрісу күні

    14 наурыз – Көрісу күні

    «Амал мерекесі» қауышу күні ғана емес, бұл ең алдымен – өмірді жаңа парақтан бастауға, өткенге разы болып, болашақты сеніммен қарсы алуға үндейтін мереке.

    14 наурызда қонаққа бару, үлкендерге құрмет көрсету және бір-бірін көктемнің басталуымен құттықтау дәстүрге айналған. Көрісу күні – Наурыздың алғашқы хабаршысы және бізге дәстүріміз бен ортақ құндылықтарымыз біріктіретін бір отбасы екенімізді еске салады.

    Бұл күні адамдар бір-бірімен сағынышпен көрісіп,  мейірімімен бөліседі.

  • Президент қазақстандықтарды Амал күнімен құттықтады

    Президент қазақстандықтарды Амал күнімен құттықтады

    Қазақстан Президенті Қасым-Жомарт Тоқаев Қазақстан халқын әз-Наурыздың бастауы – Амал күнімен құттықтады.

    Мемлекет басшысының сөзінше, амал келгенде амандық білісу – көне заманнан жалғасқан айрықша дәстүріміз.

    Қыстан шығып, шуақты көктемге аман жеткен ағайын осы күні бір-бірімен көріседі. Жастар үлкендерге сәлем беріп, қариялардың батасын алады. Халқымыз ежелден осындай ғұрыптар арқылы бауырмалдық пен жанашырлықты, татулық пен мейірімділікті дәріптеп, ұрпақтың бойына асыл қасиеттерді сіңіре білген. Мұның бәрі қазіргі Қазақстанның Адал азамат тұжырымдамасымен толық үндеседі.

    «Бүгінде Наурыз мейрамы алдындағы көрісу ғұрпы қайта жаңғырып, жалпыұлттық сипат ала бастады. Осы бірегей дәстүріміз еліміздің ырысты ынтымағы мен берекелі бірлігін нығайта түседі деп сенемін. Әр шаңырақ шаттық пен қуанышқа кенелсін! Баршаңызға зор денсаулық, бақ-береке тілеймін! Айдан аман, жылдан есен болайық!», – деді Қасым-Жомарт Тоқаев.

  • Украинадағы соғыс: Ресей мәлімдеме жасады

    Украинадағы соғыс: Ресей мәлімдеме жасады

    Ресей Украинадағы соғысты уақытша тоқтатуға дайын емес. Бұл туралы Путиннің көмекшісі Юрий Ушаков мәлімдеді.

    Ушаковтың айтуынша, Ресейге уақытша атысты тоқтату қажет емес. Оның сөзінше, уақытша бітім туралы ұсыныс – бұл украин әскері үшін тек уақытша үзіліс қана.

    Сондай-ақ, Ушаков «бейбіт әрекетті имитациялайтын қадамдар ешкімге қажет емес» деп санайды. Бұдан бөлек, Ушаков Владимир Путиннің бүгін Украинада уақытша атысты тоқтату режиміне қатысты «нақтырақ және мазмұнды баға» беруі мүмкін екенін айтты.

    Айта кетейік, Украина президенті соғысты бір айға тоқтатуға келіскен болатын. Джидда қаласында өткен келіссөздердің қорытындысы бойынша Украина мен АҚШ делегациялары бірлескен мәлімдеме жасады.

    Оның ең маңызды тармақтары:

    Украина «30 күндік уақытша бітім режиміне» келісуге дайын. Бұл мерзім өзара келісім бойынша ұзартылуы мүмкін, бірақ Ресей Федерациясы бұл шарттарды қабылдап, толығымен орындауы қажет.

  • Америкалықтардың 70 пайызы Трампқа көңілі толмайды

    Америкалықтардың 70 пайызы Трампқа көңілі толмайды

    АҚШ азаматтарының шамамен 70 пайызы президент Дональд Трамп енгізген тарифтердің азық-түлік пен күнделікті тұтыну тауарларының қымбаттауына әкеледі деп күтуде.

    Бұл туралы Ipsos және Reuters агенттігі жүргізген сауалнама нәтижелері көрсетіп отыр.

    Сауалнама қорытындысына сәйкес, америкалықтардың 57%-ы Трамптың экономикалық саясатын тым тұрақсыз деп санайды.

    Сауалнамаға қатысқан респонденттердің 70%-ы, оның ішінде 10 демократтың 9-ы және 10 республикашының 6-ы тарифтердің өсуі азық-түлік пен басқа да күнделікті қажеттіліктердің қымбаттауына алып келеді деп есептейді, – деп хабарлайды Reuters.

    Зерттеу 11-12 наурыз аралығында 18 жастан асқан 1,4 мыңнан астам америкалықтың қатысуымен жүргізілген. Статистикалық қателік 3 пайыздық пунктті құрайды.