Sona.kz

Рубрика: Жаңалықтар

  • ҚМБД: Тұрмысқа шыққан қыздың тегін өзгертуі – харам

    ҚМБД: Тұрмысқа шыққан қыздың тегін өзгертуі – харам

    Қазақстан мұсылмандары діни басқармасы тұрмысқа шыққан қыздың тегін ауыстыруына қатысты пәтуа шығарды.

    ҚМБД-ның шариғат және пәтуа бөлімінің мәлімдеуінше, негізінде әр адам өз тегімен аталуы керек. Тіпті шариғат асырап алған баланың тегін өзгертуге рұқсат бермейді.

    «Әр адам әкесінің атымен аталуы керек. Тұрмысқа шыққан әйел де өз тегінде қалғаны дұрыс. Оны өзгерту – харам болып саналады. Ал күйеуінің тегіне ауысуы не ауыспауы әйелдің өз еркінде, бірақ міндетті емес. Күйеуі де оны өз тегіне ауыстыруға міндеттемеуі керек» деп жазылған ҚМБД пәтуасында.

  • Үш жылда 12,1 млн гектар жер мемлекетке қайтарылды

    Үш жылда 12,1 млн гектар жер мемлекетке қайтарылды

    Игерілмей жатқан және тиімсіз игеріліп отырған телімдерді мемлекеттік жер қорына қайтару жұмыстарының аясында 12,1 млн гектар алқаптың иесі өзгерген.

    Жер ресурстарын басқару комитетінің төрағасы – Жерді пайдалану мен қорғау жөніндегі бас мемлекеттік инспектор Мұрат Теміржанов орталық коммуникациялар қызметінде өткен баспасөз мәслихатында осындай дерек келтірді.

    – Барлық мүдделі мемлекеттік органдардың үйлесімді жұмысының арқасында үш жылда ауқымды жұмыстар атқарылды. Жалпы көлемі 9,4 млн гектар жерде 4 731 жоспардан тыс тексеру жүргізіліп, мемлекеттік қорға 12,1 млн гектар жер қайтарылды. Оның 5,4 млн гектары 2022 жылы, 4,6 млн гектары 2023 жылы, 2,1 млн гектары 2024 жылы қайтарылды, – деді ол.

    – 4,9 млн гектар халықтың қажеттілігі үшін жергілікті органдарға берілді. Оның ішінде 1,9 млн гектар жер жайылым ретінде, 3 млн гектар жер конкурс негізінде жер пайдаланушыларға үлестірілді. Бұл шаралар жайылым тапшылығын азайтып, бұрын пайдаланылмаған жерлерді айналымға қосуға мүмкіндік берді, – деді комитет басшысы.

  • АҚШ-та жүрген қазақстандықтарға ескерту жасалды

    АҚШ-та жүрген қазақстандықтарға ескерту жасалды

    АҚШ-тағы миграциялық саясаттың қатаңдатылуына байланысты Қазақстан елшілігі шетелде құжатсыз, визасыз жүрген қазақстандықтарға ескерту жасады.

    Қазақстан елшілігі АҚШ-тың шекара қауіпсіздігін нығайту және заңсыз миграцияны азайту мақсатында миграциялық саясатын барынша қатаңдатқанына назарларыңызды аударады.

    Шекара қауіпсіздігін нығайтуға және заңсыз миграцияны азайтуға бағытталған шаралар елге заңсыз келген шетелдіктерге (визасыз келген және тұрақты тұруға рұқсаты жоқ азаматтар) және АҚШ-та заңсыз жүрген мигранттарға қатысты болып отыр.

    Қамауға алу және елден шығару сынды мәжбүрлеу шараларымен қатар, АҚШ-қа қайта кіруге шектеулер енгізіліп, сондай-ақ әлеуметтік көмек, жұмыс істеуге рұқсат беретін құжаттар мен басқа да әлеуметтік жеңілдіктерді жою қарастырылуда.

    – АҚШ билігі заңсыз негізде жүрген шетелдіктерге (құжаты жоқ, жарамсыз виза мен тұрақты тұруға рұқсаты (Грин Карта) және басқа құжаттар болмауы) елден өз еркімен кетуге мүмкіндік беріп отыр. Бұл шара Қазақстан азаматтарының депортацияға ұшырау қаупін азайтуға және оның салдарынан болашақта АҚШ визасына өтініш бергенде ел аумағына кіруге тыйым салынуынан сақтануға көмектеседі, – делінген хабарламада.

    Осы мәселеге қатысты тағы бірқатар өзгерістерді атап өтуге болады:

    • «Мексикада қалыңыз» саясаты қайта енгізілді, яғни мигранттар және саяси баспана сұрайтындар миграциялық сотқа шақырғанға дейін Мексикада қалуға міндеттеледі;
    • «Ұста да жібер» (catch and release) шарасы тоқтатылды. Бұл АҚШ шекарасынан заңсыз өткен мигранттар ісі қаралмайынша қамауда болатындығын білдіреді. Оларды арнайы орталықтарға қамап немесе бірден келген елдеріне қайтаратын болады. Сонымен қатар, азаматтар үшінші елдерге де жіберілуі мүмкін (мысалы, «Мексикада болу» бағдарламасы бойынша);
    • Шартты түрде уақытынан ерте босататын немесе АҚШ-қа кіруге алдын ала жеңілдіктер қарастырылған «CBP One» мобильдік қосымшасы жұмысын тоқтатты.

    АҚШ көші-қон заңнамасындағы өзгерістер туралы ресми ақпаратты келесі ресурстардан бақылап отыруды ұсынамыз:

    • АҚШ азаматтығы және иммиграция қызметі (USCIS);
    • АҚШ Мемлекеттік департаменті –  Консулдық мәселелер бюросы.

    Төтенше жағдайлар немесе консулдық-құқықтық көмек қажеттілігі туындаған жағдайда, төмендегі байланыс нөмірлеріне хабарласуды сұраймыз:

    • Қазақстан Республикасының Елшілігі: +1 202 232 5488 ішкі 127, 109, 121;
    • ҚР Нью-Йорк қаласындағы Бас консулдығы: +1 332 207 9632;
    • ҚР Сан-Франциско қаласындағы Бас консулдығы: +1 650 741-8894.
  • Футболдан ұлттық құраманың бас бапкері Станислав Черчесов қызметінен кетті

    Футболдан ұлттық құраманың бас бапкері Станислав Черчесов қызметінен кетті

    Футболдан Қазақстан ұлттық құрамасының бас бапкері Станислав Черчесов қызметінен кетті. ҚФФ хабарлағандай, еңбек шарты тараптардың өзара келісімі бойынша бұзылған. Сондай-ақ Қазақстан құрамасынан жаттықтырушылар штабы толық құраммен кетті.

    Станислав Черчесов 2024 жылдың маусым айында Қазақстан құрамасын басқарды. Оның басшылығымен ұлттық команда УЕФА Ұлттар лигасында 6 матч өткізіп, Норвегиямен тең түсіп, 1 ұпай жинады.

    Футболдан ұлттық құраманың бас бапкері қызметіне үміткерлер тізімі қарастырылып жатыр.

  • Алматы полициясы SMS-кодтардың алаяқтарға қалай көмектесетінін түсіндірді

    Алматы полициясы SMS-кодтардың алаяқтарға қалай көмектесетінін түсіндірді

    Алматы қаласы полиция департаментінің киберқылмыспен күрес басқармасы соңғы уақытта «1414» абоненттік нөмірінен жіберілетін смс-кодтарды заңсыз пайдалануға қатысты интернет-алаяқтық деректерінің көбеюіне алаңдаушылық білдірді.

    Ведомствоның мәліметінше, алаяқтар смс-кодтарды психологиялық айла-шарғы жасау құралы ретінде пайдаланады. Әдетте, жәбірленушіге өзін пошта, салық, коммуналдық қызмет немесе құқық қорғау органының қызметкері ретінде таныстырған бөтен адам қоңырау шалады. Олар жәбірленушіні үшінші тарап қосымшаларын орнатуға немесе сыртқы сілтемелерді басуға мәжбүрлейді. Мұндай әрекеттер жеке деректердің, соның ішінде смс-кодтың қолды болуына әкеледі. Нәтижесінде бұл банк шоттарын бұзуға және қаржылық залал келтіруге себеп болуы мүмкін.

    Алайда, ол «1414» нөмірінен келген смс-кодтардың несие алуға мүмкіндік бермейтінін атап өтті. Себебі банктер биометриялық аутентификация жүйесі мен арнайы қауіпсіздік шараларын қолданады. Дегенмен алаяқтар бұл кодтарды жәбірленушілердің сенімін жаулап алу және психологиялық қысым көрсету құралы ретінде пайдаланады. Мұндай алаяқтық әрекеттердің негізгі құрбандары көбінесе егде жастағы адамдар болады. Бірқатар жағдайларда алаяқтар азаматтарды депозиттерден ақшаларын шешіп алып, «сақтандыру шотына» салуға көндірген. Сонымен қатар, несие алу әрекеті туралы жалған ақпарат таратып, адамдарды мүлкін кепілге қоюға немесе сатуға итермелеген жайттар тіркелген. Көп жағдайда жәбірленушілер алаяқтардың көрсеткен шоттарына өз еріктерімен ақша аударады немесе қаражатты жеткізу қызметінің курьерлері арқылы береді. Полиция азаматтарды абай болуға, күмәнді қоңыраулар мен хабарламаларға жауап бермеуге шақырады.

  • «Қалаулымнан» шыққан Бердах Бекетов 7 жылға сотталды

    «Қалаулымнан» шыққан Бердах Бекетов 7 жылға сотталды

    Алматыда қаңтар оқиғаларына қатысты айыпталушыларға үкім оқылуда, олардың арасында «Қалаулым» бағдарламасының қатысушысы болған Бердах Бекетов 7 сотталды. 

    Бердах Бекетов Қаңтар оқиғасында «жаппай тәртіпсіздік жасады» деп айыпталып, 2022 жылы 22 қаңтарда көшеден ұсталып, қамауға алынды. Оған «Жаппай тәртіпсіздікке қатысты» деген айыппен қылмыстық іс қозғалған. Сот үкімімен бірнеше бап бойынша 7 жылға сотталды.

    Бердах Бекетов тергеу изоляторында отырып үш рет хат жазған. 25 қаңтардағы хатында прокурорлар сөзін тыңдамай жатқанын, азаптау көріп жатқанын жазып, көпшіліктен араша болуды сұраған.Сондай-ақ, Қазақстан президенті Қасым-Жомарт Тоқаевқа кінәсіздігі жайлы хат жазып, араша болуын сұраған.

  • Алғашқы интернеті бар пойыз сапарға шықты

    Алғашқы интернеті бар пойыз сапарға шықты

    Бұл пойыз жолаушыларға интернетке қол жеткізу мүмкіндігін ұсынған Қазақстандағы алғашқы жоба болды. Бұл туралы Қазақстан теміржолы хабарлады.

    «Жаңашылдық спутниктік технологияларды пайдалану арқылы жүзеге асырылып, алғашқы рейсте 500 жолаушы интернеттің артықшылықтарын пайдаланып үлгерді. Сапар барысында жолаушылар WhatsApp арқылы хабар алмасып, YouTube-тан бейнелер көріп, басқа да танымал интернет сервистерін пайдалана алады. Дегенмен, торренттер мен ағынды жүктеу сайттарына қолжетімділік шектелген. Локомотивке орнатылған заманауи спутниктік жабдық бүкіл маршрут бойы тұрақты әрі жоғары жылдамдықтағы интернетпен қамтамасыз етеді», – делінген хабарламада.

    Жобаның жүзеге асырылуы Цифрлық даму, инновациялар және аэроғарыш өнеркәсібі министрлігі, Көлік министрлігі, «Jusan Mobile» телекоммуникация компаниясы және Қазақстандағы Eutelsat-OneWeb ресми дистрибьюторының серіктестігі арқасында мүмкін болды.

  • «Дикий Арман» мен Қайрат Құдайбергенге үкім шықты

    «Дикий Арман» мен Қайрат Құдайбергенге үкім шықты

    Қанды Қаңтар ісі бойынша «Дикий Арман» деген лақап атымен танымал Арман Жұмагелдиев сотталды. 

    Прокурор Жұмагелдиевке 20 жыл, Қайрат Құдайбергенге 8 жыл, ал ҰҚК 5-басқарма бұрынғы басшысы Руслан Ысқақовқа 15 жыл 6 ай түрме жазасын сұраған. Үшеуі де кінәлі деп танылды.

    • Арман Жұмагелдиев – 20 жылға бас бостандығынан айырылды;
    • Қайрат Құдайберген –  8 жылға сотталып, бүкіл мемлекеттік наградалардан айырылды;
    • Руслан Ысқақов – 15 жылға сотталды.
    • Талғат Махат – 1 жыл 3 айға бас бостандығынан айырылды.

    Қылмыс әлемінің серкесі Арман Жұмагелдиевке «Қаңтар» оқиғасы кезінде жаппай тәртіпсіздіктер ұйымдастырғаны және оған қатысқаны үшін айып тағылған. Тергеу болжамы бойынша, ол кездейсоқ өтіп бара жатқан 20-дан астам адамды ұрлап, қару-жарақ ұрлап, адамдарды заңсыз ұстап, олардың бостандығын шектеген.

    Қайрат Құдайбергенге жаппай тәртіпсіздіктерді ұйымдастыру және Жұмагелдиевке белсене көмек көрсету айыптары тағылған. Сот материалдарына сәйкес, экс-депутат наразылық танытушыларды топтарға бөліп, белбеулер таратып, адамдарды ұйымдасқан қылмыстық топтың әрекеттеріне қатысуға шақырған.

    Осы іс бойынша тағы бір айыпталушы, Қазақстанның ұлттық қауіпсіздік комитетінің 5-басқарма бұрынғы басшысы Руслан Ысқақов бар. Ол Жұмагелдиевтің қылмыстық тобына қолдау көрсеткен деп айыпталды. Тергеу материалдары бойынша, Ысқақов «Дикий Арманға» Алматыдағы алаңда адамдарды жиналуға ұйымдастыруды тапсырған.

    Айта кетейік, осы іс бойынша негізгі сот тыңдаулары 2023 жылдың қазан айында басталды. Қаңтар оқиғасы бойынша сот процесі жабық режимде өтті. Себебі алғашқы тыңдауларда Руслан Ысқақовтың мәлімдемесіне байланысты жағдай күрделенді. Ол өз сөзінде ҰҚК басшысының бұрынғы бірінші орынбасары Самат Әбіштің осы оқиғаға қатысы бар екенін айтты. Елдің экс-президенті Нұрсұлтан Назарбаевтың немере інісі Әбіш 2024 жылдың наурыз айында үстінен қозғалған қылмыстық іс бойынша айыпты деп танылып, 8 жылға шартты түрде бас бостандығынан айырылды. Ол қаңтар оқиғасы кезінде билік өкілеттігін асыра пайдаланғаны үшін сотталды.

  • АҚШ TikTok-ты Oracle компаниясына беруі мүмкін

    АҚШ TikTok-ты Oracle компаниясына беруі мүмкін

    Бұл туралы NPR сайтыхабарлаған. Ықтимал инвесторлар арасында Microsoft да бар. Егер бұл жүзеге асса, TikTok акцияларының бақылау пакеті америкалық екі компанияға өтеді.

    Басылымның дереккөздері дегенмен TikTok-қа иелік ететін қытайлық ByteDance компаниясы миноритарлық үлесін сақтап қалатынын айтты. Бұл ретте қосымшаның алгоритмдері, дерек жинау және бағдарламалық жаңартулары Oracle бақылауына өтпек.

    2024 жылдың көктемінде АҚШ-тың өкілдер палатасы TikTok ByteDance иелігінде қалатын болса, оған тыйым салуға мүмкіндік беретін заң жобасын қабылдаған. Конгресс аталған қосымшаны ұлттық қауіпсіздікке қатер деп қарастырады, өйткені Қытай үкіметі ByteDance-ті америкалық пайдаланушылардың деректерін беруге мәжбүрлеуі мүмкін деп санайды.

    АҚШ-тың бұрынғы президенті Джо Байден заңға былтыр сәуірде қол қойды, ал биыл қаңтарда Дональд Трамптың инаугурациясына бірнеше күн қалғанда АҚШ Жоғарғы соты заңды бекітті. Құжат 19 қаңтарда күшіне енді.

    20 қаңтарда, инаугурация күні Трамп бас прокурорға заңның орындалуын 75 күнге кейінге қалдыру туралы бұйрық шығарды. Осы уақыт ішінде президент әкімшілігі TikTok-ты бұғаттамай, ұлттық қауіпсіздікті қорғайтын жаңа тәсілді әзірлеп үлгеруі керек.

    Bloomberg агенттігінің хабарлауынша, Қытай билігі TikTok бақылауын америкалық миллиардер Илон Маскқа беруді қарастырған, бірақ қосымша өкілдері бұдан үзілді-кесілді бас тартқан.

  • Оралда студенттерді бопсалады деген күдікпен қыздар ұсталды

    Оралда студенттерді бопсалады деген күдікпен қыздар ұсталды

    Орал қаласының екі тұрғыны бірнеше қылмыс жасады деген күдікпен ұсталды. Тергеу деректеріне сәйкес, өткен жылдың қазан айында күдіктілер колледж студентін өз шотынан 40 мың теңгені аударуға мәжбүрлеген.

    «Сонымен қатар тергеу барысында ұсталғандардың бірінің басқа да қылмыстарға қатысы бар екені анықталды. Ол мектеп оқушысынан ақша бопсалап, колледж студентінің қаражатын иемденіп, сондай-ақ басқа студенттің ұялы телефонын ұрлап, оны ломбардқа өткізген», – деп жазды ҚР ІІМ.

    Аталған дерек бойынша қылмыстық іс қозғалды. Күдіктілер уақытша ұстау изоляторына қамалды.