Sona.kz

Рубрика: Жаңалықтар

  • Қазақстанда Telegram кеңсесі ашылады

    Қазақстанда Telegram кеңсесі ашылады

    Қазақстанда контенттерді бақылауды арттыру үшін Telegram өкілі тағайындалып, кеңсесі ашылады. Бұл туралы Цифрлық даму, инновациялар және аэроғарыш өнеркәсібі министрі Жаслан Мадиев пен Meta мен Apple сияқты ірі компаниялардың өкілдерімен кездесу барысында белгілі болды, деп хабарлайды Halyq Uni.

    Кездесуде мәліметтер қауіпсіздігі, жалған аккаунттармен күрес және пайдаланушыларды қорғауға қатысты маңызды мәселелер талқыланды.

    Біз, сондай-ақ Telegram платформасымен заңсыз контентті жедел жою және деструктивті арналарды бұғаттау бойынша белсенді түрде ынтымақтастық орнатып жатырмыз. Біздің заңнамаға сәйкес, енді Telegram, WhatsApp және TikTok сияқты интернет-платформалар Қазақстанда өз өкілін тағайындауға міндетті. Telegram-мен олардың өкілін тағайындау және кеңсе ашу туралы келісімге қол жеткізілді – бұл контентті бақылауды арттыруға бағытталған маңызды қадам, – деп атап өтті Жаслан Мадиев.

    Сонымен қатар, министрлік Meta компаниясымен алаяқтық схемаларға қарсы күрес жұмыстарын бастауға алды. Meta өкілдері Қазақстан тап болып отырған интернет-алаяқтық көптеген елдер үшін ортақ проблема екенін атап өтті. Соңғы тоқсанда Meta жасанды интеллект технологияларын пайдалана отырып, әлем бойынша 1,2 миллиард жалған аккаунтты бұғаттады.

    Цифрлық даму министрлігі қазақстандықтардың цифрлық платформаларда қауіпсіздігін қамтамасыз ететін сенімді инфрақұрылымды құру үшін халықаралық серіктестермен жұмысын жалғастырады.

  • Мемлекетке 177 млрд теңге көлемінде қаражат қайтарылды

    Мемлекетке 177 млрд теңге көлемінде қаражат қайтарылды

    Активтерді қайтару жөніндегі жұмыс шеңберінде арнаулы мемлекеттік қор бүгінде 177 млрд теңгеден астам ақшалай қаражатпен толықтырылды.

    Тізілім субъектілерімен жасалған келісімдердің нәтижелері бойынша шамамен 147 млрд теңге, процестік келісімдері бойынша 19 млрд теңге, активтерді өткізуден 6 млрд теңгеден астам, соттардың шешімдері бойынша шамамен 5 млрд теңге және жылжымайтын мүлікті жалғаберуден 165 млн теңгеден астам қаражат түсті, — делінген Бас прокуратураның хабарламасында.

    Ведомствоның ақпараптына сәйкес, өткізілген активтердің ішінде екі вилла, әкімшілік ғимарат, тұрғын үй, пәтер, жер учаскесіжәне екі сәнді автокөлік бар.

    Активтерді табысты өткізудің бір мысалы болып Алматы қаласындағы жер учаскесі табылады, ол «Заңсыз иемденілген активтерді мемлекетке қайтару туралы» Заң субъектісінен 176 млн теңге бағамен қабылданып, 657 млн теңгеге, яғни бастапқы бағалау құнынан төрт есе артық сатылған.

    Сонымен қатар, тізілім субъектілерімен келісімдер бойынша арнаулы мемлекеттік қорды 150 млрд теңгеден астам сомаға ақшалай қаражатпен қосымша толықтыру күтілуде.

    Барлық қайтарылған ақша қаражаты елдің әлеуметтік және экономикалық жобаларын іске асыру үшін пайдаланылатын болады.

    Бұл бағыттағы жұмыс жалғасуда.

  • Елде 250 мыңға жуық бала балабақша кезегінде тұр

    Елде 250 мыңға жуық бала балабақша кезегінде тұр

    Елде 250 мыңға жуық бала балабақша кезегінде тұр. Оның ішінде 2-5 жас аралығындағы бала саны – 107 мың. Арнайы брифинг өткізген сала министрлігі өкілдерінің айтуынша, бұл мәселе көп ұзамай шешіледі. 2027 жылға дейін жаңадан 300 мың орындық балабақша ашылады. Кадр тапшылығы проблемасы да күн тәртібінде. Биыл «Мектепке дейінгі тәрбие мен білім беру педагогикасы» мамандығы бойынша 39 университетке 1200 грант бөлінген. Сонымен бірге, бұл жұмысқа 119 колледж үлес қосады. Министрлік өкілі Астана, Алматы қалалары мен Қызылорда, Атырау, Қарағанды облысында педагог жетіспейтінін айтты. Кәсібилік те — басты назарда.

     

  • Қазақстанның 4 университеті әлемдік озық оқу орындарының рейтингіне енді

    Қазақстанның 4 университеті әлемдік озық оқу орындарының рейтингіне енді

    Қазақстанның 4 университеті Times Higher Education 2025 рейтингіне енді. Олар: Назарбаев университеті, әл-Фараби атындағы Қазақ Ұлттық университеті, Л.Н.Гумилев атындағы Еуразия Ұлттық университеті және Сәтбаев университеті, деп хабарлайды Kazinform тілшісі.

    Назарбаев университеті 501-600 орынға жайғасып, бірнеше қатарға көтерілді. Университет, әсіресе, «Білім беру» санаты бойынша 251-300 диапазонында ерекшеленді. Бұл оның осы саладағы мұғалімдерді даярлау мен академиялық зерттеулердегі көшбасшылығын айқындайды.

    Әл-Фараби атындағы Қазақ ұлттық университеті 1201-1500 диапазонына жайғасып, «Оқыту» және «Халықаралық көзқарас» санаттарында айтарлықтай жетістіктер көрсетті.

    Л.Н.Гумилев атындағы Еуразия ұлттық университеті 1201-1500 диапазонында өз позициясын сақтап, «Оқыту» және «Дәйексөздер» санаттары бойынша бағалауда аздаған өзгерістер байқатты.

    Өткен жылы 1501+ диапазонында болған Сәтбаев университеті де өз позициясын сақтап қалды, бірақ «Халықаралық көзқарас» санаты бойынша көрсеткіштерді жақсартты.

    Озық оқу орындарының көшін британиялық оқу орны бастап, бірінші орынға жайғасты. Оксфорд университеті тоғызыншы жыл қатарынан тағы да үздік деп танылды. Одан кейін АҚШ-тың Массачусетс технологиялық институты келеді. Ал Гарвард және Принстон университеттері үшінші және төртінші орындарға ие болды. Соңғысы былтырғы рейтингке қарағанда екі саты жоғарылады. Кембридж университеті өткен жылғы бесінші орнын сақтап қалды.

    Ұлыбритания және АҚШ жоғарғы орындары жүлдегер атанса, Еуропадағы бірнеше университет артта қалды. Тек Швейцарияның Цюрих университеті 11-орынды иеленіп, ілгерілеушілік танытты. Ал Мюнхен техникалық университеті 26-орынға көтеріліп, Германия тарихында болмаған деңгейге жетті. Бұл осы елдегі университеттердің қарқынды дамып келе жатқанын айқындайды.

    Керісінше, Франция, Нидерланд және Швейцариядағы бірқатар университет сәтсіздікке ұшырады. Мысалы, Делфт техникалық университеті 56-орынға түсіп, Нидерланд корольдігіндегі жоғарғы оқу орындарының деңгейі төмен екендігін көрсетті.

    Еуропалық университеттердің әлсіздігіне Азиядан, әсіресе Қытай, Оңтүстік Корея және Жапониядан жеткен бәсекелестік себеп. Азия университеттері айтарлықтай алға жылжып, жаһандық рейтингте тез көтеріліп жатыр.

    Рейтинг авторы 20 жылдық тарихы бар Times Higher Education журналының жаһандық байланыстар жөніндегі бас маманы Фил Бэйти еуропалық оқу орындарын көштен қалып қоймауға үндеді. Ол әсіресе, Франциядағы 50 университеттің 19-ның рейтингі төмендеп, 10-ы тарихта болмаған нашар нәтиже көрсеткенін атап өтті.

  • Павлодарда өртенген үйден ер адамның мәйіті табылды

    Павлодарда өртенген үйден ер адамның мәйіті табылды

    Павлодар облысының Малиновка ауылында өртеніп кеткен үйден ер адамның мәйіті табылды. 1969 жылы туған марқұм үйде жалғыз тұрған.

    Шарбақты ауданы Малиновка ауылында 1969 жылғы ер адам өз үйінде тосыннан болған өрттен көз жұмды. Оқиға бүгін таңертең болған.

    14 қазан күні сағат 06.12-де Шарбақты ауданы Малиновка ауылындағы жер үйден өрт шыққаны туралы хабарлама келіп түсті. Өрт сөндірушілер оқиға орнына жедел жетіп, жалынды сөндіруге кірісті. Алаңы 15 шаршы метр аумақта ағаш еден және терезе жақтаулары өртенген. Өрт сөндіру барысында үйден 1969 жылғы ер адамның мүрдесі. Ол аталған үйде жалғыз тұрған. Өртке ӨСБ-7 күштері мен құралдары жұмылдырылды. Оқиғаның себебі анықталып жатыр, – деп хабарлады Павлодар облысы ТЖД баспасөз қызметі.

  • Қазақстан азаматтығын алу үшін мемлекеттік тілді білу талаптары белгіленді

    Қазақстан азаматтығын алу үшін мемлекеттік тілді білу талаптары белгіленді

    Ғылым және жоғары білім министрінің 2024 жылғы 8 қазандағы бұйрығымен азаматтыққа қабылдау немесе азаматтықты қалпына келтіру кезінде мемлекеттік тілді бастауыш деңгейде, Конституция негіздерін, сондай-ақ Қазақстан тарихын білудің көлемі бекітілді.

    Азаматтыққа қабылдау кезінде мемлекеттік тілді бастауыш деңгейде кемінде 36 балл, Қазақстан Республикасы Конституциясының негіздерін 9 балдан кем емес, сондай-ақ Қазақстан тарихын білу көлемі 15 балдан кем емес болуы бекітілсін. немесе Қазақстан Республикасының азаматтығын қалпына келтіру, делінген құжатта.

    Бұйрық 12 қазанда күшіне енді.

  • Илон Масктың «Super Heavy» зымыран тасығышы сәтті қонды

    Илон Масктың «Super Heavy» зымыран тасығышы сәтті қонды

    SpaceX компаниясының инженерлері алғаш рет «Super Heavy» зымыран тасығышын кеңістіктен ұстап алып, тұғырына қайта қондырды, деп хабарлайды BBC.

    Илон Масктың компаниясы «Starship» зымыранын бесінші рет сынақтан өткізіп, осы нәтижеге жетті. Әдетте зымырандар әуеге жіберілгенннен кейін, айлаққа қайта қонбай, мұхитқа барып құлайтын еді.

    Бұл жолғы «Starship-тің» үдеткіші 33 қозғалтқышпен жабдықталған, яғни ең қуатты ракета болды. Оның күші 74 меганьютонға тең. Инженерлер болашақта зымыранды ұшақ секілді тек отынын ауыстырып, бірнеше рет қолдануға болатындай етіп жетілдіргісі келеді.

    Илон Масктың Starship бағдарламасының түпкі мақсаты – Марс планетасына адам қоныстандыру. Бұл бағдарлама Масктың тағы бір жобасы – жер жүзінің түкпір-түкпіріне спутниктер арқылы ғаламтор орнататын «Starlink-тің» дамуына серпін береді.

  • Сахараны соңғы елу жылда болмаған су басты

    Сахараны соңғы елу жылда болмаған су басты

    Сахараны соңғы елу жылда болмаған су басты. Марокконың оңтүстік-щығысында бір жылдық көлемнен артық жауын жауған. Мамандардың айтуынша, мұндай ауа райы жарты ғасырда болмаған. Аумағы 9,4 млн шаршы шақырымды құрайтын Сахара әлемдегі ең ыстық шөл дала. Жауын-шашынның мұндай көп мөлшері ауа райын өзгертуә мүмкін. Себебі, ауада ылғал көбейсе, бұланып, ол дауылдың тұруына себеп болуы мүмкін.

  • Бразилияда толассыз нөсерден 7 адам қаза тапты

    Бразилияда толассыз нөсерден 7 адам қаза тапты

    Бразилияның халық көп қоныстанған Сан-Паулу қаласында толассыз нөсерден 7 адам қаза тапты. Күшті жел тұрып, 2 миллионнан астам тұрғын электр жарығынсыз қалған. Желдің екпіні сағатына 100 шақырымға жеткен. Ағаштар, ғимараттар қабырғалары құлады. Қазір электр қуатын қайта қалпына келтіру жұмыстары жүріп жатыр.

  • 2026 жылғы «Болашақтың ойындары» Қазақстанда өтеді

    2026 жылғы «Болашақтың ойындары» Қазақстанда өтеді

    2026 жылғы «Болашақтың ойындары» Қазақстанда өтеді. Бұл жөнінде туризм және спорт министрлігі ресми түрде мәлімдеді. Еліміз дәстүрлі спорт түрлері мен киберспортты біріктіретін бірегей турнир өткізу мүмкіндігіне ие болды.  Бұл турнирді өткізу құқығына Қазақстаннан бөлек, Перу мен Чили мемлекеттері үміткер болған еді. Қатысушылар жарыста физикалық және цифрлық форматтарды біріктіретін бағдарламаларда сынға түседі. «Болашақтың ойындарын» Қазақстанда өткізу бастамасын Президент Қасым-Жомарт Тоқаев 2024 жылы Қазан қаласында өткен алғашқы ойындардың ашылу салтанатында ұсынған еді. Келесі жылғы турнир БАӘ-де, ал 2026 жылы Астанада өтетін болып бекітілді.