Sona.kz

Рубрика: Жаңалықтар

  • Қазақстанда жыл соңына дейін 20 мыңнан астам жас әскерге жіберіледі

    Қазақстанда жыл соңына дейін 20 мыңнан астам жас әскерге жіберіледі

    Олар Қарулы Күштер, Ұлттық ұлан, Шекара қызметі, Төтенше жағдайлар және Мемлекеттік күзет қызметі құрылымдары қатарын толықтырмақ.

    ІІМ өкілінің мәліметінше, елімізде 700 мыңнан аса адам әскер қатарында есепте тұр. Арнайы өткен брифинг барысында әскердегі қауіпсіздік мәселелері мен әскери қызметтен жалтарғандарға қатысты жаза туралы да айтылды.

    Мерзімді әскери қызметке шақырылудан бас тартқаны үшін заңнамада қылмыстық және әкімшілік жауаптылық көзделген. Әскери ортада құқық бұзушылықтардың алдын алу үшін жеке құрам мен жұмысқа жаңа бастамалар енгізілген. Барлық әскери бөлімдерде бейнебақылау жүйелері орнатылған. Тұрақты негізде социологиялық сауалнамалар жүргізіледі, психологтар жұмыс істейді,-деді ҚР қарулы күштері бас штабы ұйымдастыру-жұмылдыру жұмысы департаменті бастығының орынбасары Фархат Айдарбаев.

    Бұдан бөлек, азаматтарды Отан алдындағы борышын өтеуге ынталандырудың жаңа тетіктері талқыланды. Мысалы әскерге шақырылғандарға білім беру саласында жеңілдіктер жасау, сондай-ақ мерзімді әскери қызметке баратындар үшін кредиттік демалыс беру қарастырылған.

  • Есірткі сататындар ашқан 118 чат пен интернет-арна бұғатталды

    Есірткі сататындар ашқан 118 чат пен интернет-арна бұғатталды

    Қалалық прокуратураның ақпаратынша, жыл басынан бері Астанада есірткінің заңсыз айналымына қатысты 987 қылмыс тіркелген, оның 249-ы есірткіні сатумен байланысты.

    «Заңсыз айналымнан 578 келі есірткі тәркіленіп, жойылды, соның ішінде мефедрон – 254 келі, каннабис – 224 келі, гашиш – 80 келі, кокаин – 48 гр. Прокуратураның үйлестіруі негізінде құқық қорғау органдары 3 есірткі зертханасын анықтады. Тыйым салынған заттарды сату бойынша жұмыс істейтін 118 чат пен интернет-арналар бұғатталды», – деп мәлімдеді ведомство.

    Бұдан бөлек, граффити арқылы есірткіні жарнамалаудың көптеген фактісі тіркелген. Қылмыстық кодекстің 299-1-бабы (есірткі, психотроптық заттарды немесе сол тектестерді, прекурсорларды насихаттау немесе заңсыз жарнамалау) бойынша 14 сотқа дейінгі тергеу басталды. Бір адам сотталған.

  • Талғардағы жасөспірім өлімі: полиция бейнебақылаудағы жазбалардың өшірілгенін жоққа шығарды

    Талғардағы жасөспірім өлімі: полиция бейнебақылаудағы жазбалардың өшірілгенін жоққа шығарды

    Алматы облысының Полиция департаменті камераға түсіп қалған Талғардағы жанжалдың бейнежазбалары жойылды деген ақпаратты жоққа шығарды.

    «Әлеуметтік желілер мен бұқаралық ақпарат құралдарында Талғар ауданындағы қайғылы оқиға болған жерден бейнебақылау камераларының жазбалары өшірілді деген жалған ақпарат тарауда.
    Сотқа дейінгі тергеп-тексеру шеңберінде барлық қолда бар бейнежазбалар полиция тарапынан тәркіленіп, қылмыстық іс материалдарына заттай дәлел ретінде тіркелгенін хабарлаймыз», — делінген Алматы облыстық Полиция департаменті баспасөз қызметінің хабарламасында.

    Ведомствоның ақпаратына сәйкес, қазіргі уақытта тергеу барысында барлық бейнежазбалар зерттеліп, оқиғаға қатысушылардың әрекеттеріне құқықтық баға берілетін болады.

    «Тек ресми ақпаратқа сенуге шақырамыз және жалған ақпаратты тарату қылмыстық жауапкершілікке дейін әкелуі мүмкін екенін еске саламыз. Бейненің бар екендігі туралы ақпаратты растау ретінде постқа скриншот қоса беріледі», — деп толықтырды полицияның баспасөз қызметінен.

    Еске салайық, 4 қазанда Талғар қаласындағы төбелестен 16 жастағы жасөспірім қайтыс болғанын хабарлаған болатынбыз.https://sona.kz/kk/on-alty-zhastagy-sherzattyn-olimi-sot-talgarda-zheti-kuediktini-2-ayga-qamady-8337/

  • Ақбөкен мүйізін тасымалдамақ болған тұрғын 8 жылға сотталды

    Ақбөкен мүйізін тасымалдамақ болған тұрғын 8 жылға сотталды

    Қостанай облысында ақбөкен мүйізін заңсыз тасымалдамақ болған күдіктіге сот үкімі шықты

    Айыпталушы мүйіздерді Астанадан Қостанайға апармақ болған.

    Полицейлер көлікті Әулиекөл тас жолында тоқтатып, 823 ақбөкен мүйізін тапты. Келтірілген шығын көлемі екі миллиард теңгеден асты.
    Сот айыпталушыны 8 жылға бас бостандығынан айырды. Үкім әлі заңды күшіне енген жоқ.

  • 2027 жылы Қазақстанда дзюдодан Әлем чемпионаты өтеді

    2027 жылы Қазақстанда дзюдодан Әлем чемпионаты өтеді

    Бұл туралы Туризм және спорт министрі Ербол Мырзабосынов әлеуметтік желідегі парақшасында хабарлады.
    Министр Будапештке сапарында Халықаралық Дзюдо Федерациясының (IJF) президенті Мариус Визермен маңызды кездесу өткізді.

    «2027 жылы дзюдодан Әлем чемпионатын Қазақстанда өткізу туралы келісімге келдік. Бұл еліміз үшін үлкен абырой, әрі қазақстандық спортшылар үшін үлкен мүмкіндік болмақ. Өйткені чемпионат Лос Анджелес олимпиадасының қарсаңында өтеді», — деп атап өтті Мырзабосынов.

    Сонымен қатар, Халықаралық дзюдо федерациясы академиясының өкілдігін Қазақстанда ашу туралы уағдаластыққа қол жеткізілді.

  • Маймыл шешегі: Конгода жұқтырғандар саны 30 мыңнан асты

    Маймыл шешегі: Конгода жұқтырғандар саны 30 мыңнан асты

    Конго Демократиялық Республикасында қаңтардан бері маймыл шешегін жұқтырғандар саны 30 мыңнан асып кеткен. Бұл — Африка контиНентінде осы аурумен биылдыққа ауырғандардың 90 пайызы. Мұны Дүниежүзілік денсаулық сақтау ұйымы мәлімдеді. Қазір инфекцияның таралуын тоқтату үшін Солтүстік және Оңтүстік Киву провинцияларында халықты вакциналау науқаны жүргізіліп жатыр. Сол үшін елге 265 мың дана екпе жеткізілген. Бірақ мұнша екпе аздық етіп отыр. Айта кетсек, тамызда осы індетке байланысты халықаралық деңгейде төтенше жағдай жарияланғаны белгілі

  • АҚШ-та 1 млн астам адам шұғыл қауіпсіз жерге көшеді

    АҚШ-та 1 млн астам адам шұғыл қауіпсіз жерге көшеді

    АҚШ-тың оңтүстік-шығысына тағы бір жойқын дауыл жақындап келеді. Қуаты бесінші деңгейге көтерілген «Милтон» атты құйын ертең халық тығыз орналасқан Флорида шығанағы жағалауына жетеді деп болжанып отыр. Жергілікті билік 1 миллионнан астам адамға шұғыл қауіпсіз жерге көшуді бұйырды. Салдарынан жолдарда ондаған шақырым көлік кептелісі пайда болды. Мамандар қозғалысты жеңілдету үшін жол жиектерімен жүруге рұқсат бергенімен қозғалыс әлі де баяу. Жанармайдың жетпеуі де эвакуацияға кедергі келтіріп жатыр. Көп бекетте жанармай таусылған. Дауылдың алдында әуежайлар жұмысын тоқтатты. Мектептер мен әлеуметтік нысандар да уақытша жабылды. Қазір жылдамдығы сағатына 260 шақырымға жеткен дауылдың қуаты жағалауға жеткенде бірашама бәсеңдеуі ықтимал. Дегенмен соның өзі аймақтың инфрақұрылымына үлкен зиян тигізуі мүмкін.

  • Дастан Рыспеков Ұлытау облысының әкімі лауазымына тағайындалды

    Дастан Рыспеков Ұлытау облысының әкімі лауазымына тағайындалды

    Мемлекет басшысының Жарлығымен Дастан Адайұлы Рыспеков Ұлытау облысының әкімі лауазымына тағайындалды. Бұл туралы Ақорданың баспасөз қызметі мәлім етті.

    Рыспеков Дастан 1984 жылы Жезқазған қаласында туған. Әл-Фараби атындағы Қазақ Ұлттық университетін және ҚазМЗУ Алматы заң академиясын бітірген.

    Еңбек жолын 2006 жылы Алматы қаласындағы Экономика және бюджетті жоспарлау департаментінің болжамдау және түсімдер бөлімінің бас маманы ретінде бастаған.

    2007-2016 жылдары Алматы қаласында Экономика және бюджеттік жоспарлау департаментінде, Алматы қаласы бойынша Тексеру комиссиясында, Астана қаласы республикалық бюджеттің атқарылуын бақылау жөніндегі есеп комитетінде басшылық лауазымдарда жұмыс істеді.

    2018-2019 жылдары — Павлодар облысы Кәсіпкерлік, сауда және туризм басқармасының басшысы, Павлодар қ..

    2019 жылдың сәуір айынан бастап «Астана ЭКСПО-2017» ҰК» АҚ Экономика және бюджетті жоспарлау департаментінің директоры қызметін атқарды.

    2020 жылдың ақпан айынан бастап Мәдениет және спорт министрлігі Туризм индустриясы комитетінің төрағасы қызметін атқарды.

    Еске сала кетейік, бұған дейін Мемлекет басшысының Жарлығымен Берік Әбдіғалиұлы Ұлытау облысының әкімі лауазымынан босатылғанын хабарлаған болатынбыз.

  • Берік Әбдіғалиұлы Ұлытау облысының әкімі лауазымынан босатылды

    Берік Әбдіғалиұлы Ұлытау облысының әкімі лауазымынан босатылды

     «Мемлекет басшысының Жарлығымен Берік Әбдіғалиұлы Ұлытау облысының әкімі лауазымынан босатылды», — делінген хабарламада.

    Берік Әбдіғалиұлы Ұлытау облысының әкімі болып 2022 жылы тағайындалған болатын.

  • WBO ұйымы Жәнібек Әлімханұлының келесі қарсыласын атады

    WBO ұйымы Жәнібек Әлімханұлының келесі қарсыласын атады

    Дүниежүзілік бокс ұйымы (WBO) Қазақстандық боксшы Жәнібек Әлімханұлына (16-0, 11КО) міндетті қарсылас белгіледі.

    WBO ұйымының ресми хабарламасына сәйкес, Қазақстандық боксшы орта салмақтағы WBO тұжырымы бойынша әлем чемпионы титулын ұлыбританиялық боксшы Хамза Ширазға (21-0,17КО) қарсы қорғауы керек.

    WBO ұйымы міндетті жекпе-жек туралы хабарламаны екі боксшының промоутерлеріне ескерткен. Қос тарапқа жекпе-жек өткізуге келіссөз жүргізу үшін 15 күн берілді. Егер боксшылардың командасы ортақ шешімге келе алмаса, жекпе-жек WBO ережесіне сәйкес бәс саудаға салынады және ең төменгі сома 200 мың доллар көлемінде белгіленген.

    Айта кетейік, отандасымыз жұма күні Сиднейде жаңазеландиялық Андрей Михайловичті 9-раундта техникалық нокаутпен жеңіп, орта салмақтағы IBF әлем чемпионы титулын сәтті қорғады.

    Бұған дейін хабарлағанымыздай, WBO ұйымы жекпе-жекке бір күн қалғанда, Жәнібек-Михайлович айқасында қазақстандық боксшыға WBO титулын қорғауға ордер берді. Алайда, Михайловичтің командасы тек IBF титулы үшін жұдырықтасатынын алға тартып, бокс кешінде WBO титулы сарапқа салынбады.
    Сондай-ақ, WBO ұйымы Жәнібек Әлімханұлына чемпиондық атағын сақтап қалу үшін 5 күн уақыт берді.