Sona.kz

Рубрика: Қаржы

  • Ұлттық банк алаяқтар жалған несиелік шоттарды рәсімдейтінін ескертеді

    Ұлттық банк алаяқтар жалған несиелік шоттарды рәсімдейтінін ескертеді

    Қазақстан Ұлттық банкі алаяқтардың ҚҰБ-тың ресми бланкісін қолданып, жалған құжат ұсынған жағдайлар жиілеп кеткенін ескертеді.

    Алаяқтар жалған несиелік шоттарды пайдаланып схемалар жасаған. Алаяқтар ҚҰБ-тың ресми бланкісін қолданып, азаматтарға «несиелік шоты бар» немесе «қарызын өтеу керек» деп хабарлап, жалған құжаттар жіберуде.

    Олар сенімге кіру үшін бұл құжаттарға Ұлттық Банктің уәкілетті тұлғасының қолын, аты-жөнін және мөрін қойып көрсетеді. Бұл әрекеттер арқылы алаяқтар адамдарды ақша аударуға мәжбүрлеп, қаражатын ұрлауға тырысады.

    Сондай-ақ, алаяқтар жасанды интеллект технологияларын пайдаланып, Ұлттық Банк қызметкерінің бейнесін қолдана отырып жалған бейнероликтер жасайды және әлеуметтік желілерде жалған инвестициялық компаниялар туралы жарнамалар орналастырады. Олар тіпті ұрланған ақшаны қайтару үшін «тегін заңгерлік көмек» ұсынатындарын жариялайды.

    Ұлттық Банк азаматтарды қырағылық танытуға, күмәнді шоттарға ақша жібермеуге және тексерілмеген құжаттарға сенбеуге шақырады. Банк жеке шоттарға қызмет көрсетпейтінін, кредит берумен айналыспайтынын және халықпен ақшалай есеп айырыспайтынын еске салады. Сондай-ақ, белгісіз адамдардан телефон қоңырауы түссе, әңгімені тоқтатып, мемлекеттік органның ресми нөміріне хабарласуға кеңес береді.

    Егер алаяқтық әрекетке тап болсаңыз, Қазақстан Республикасының құқық қорғау органдарына хабарласыңыз. Қосымша кеңес алу үшін Ұлттық Банктің Байланыс орталығына 1477 нөміріне қоңырау шалуға болады

  • Ескі көлікке — жаңа мүмкіндік

    Ескі көлікке — жаңа мүмкіндік

    Осы мәселені шешу үшін Қазақстан автомобиль одағы ескі көліктерді халықтан сатып алып, орнына жаңа көлікке жеңілдік ұсынуды және утилизация бағдарламасын енгізуді ұсынды.

    Елдегі автопарктің жартысынан көбі – 10 жылдан асқан көліктер. 2 миллионы 20 жылдан аса уақыт жүріп жүргендер. Жаңа бастама осы мәселені шешуге бағытталған.

  • Ұлттық банк базалық мөлшерлемені өзгеріссіз қалдырды

    Ұлттық банк базалық мөлшерлемені өзгеріссіз қалдырды

    Бұл шешімге инфляция қарқыны, сыртқы жағдайлардағы тұрақсыздық және экономикалық белгісіздік себеп болған. Келесі жоспарлы шешім 5 маусымда жарияланады.

    Базалық мөлшерлеме – банк секторы мен несие нарығына бағыт беретін негізгі құрал. Ол экономиканың ақшалай айналымына, инфляция деңгейіне тікелей әсер етеді.

  • Қазақстанда қандай кредиттер кешіріледі?

    Қазақстанда қандай кредиттер кешіріледі?

    Қаржы нарығын реттеу және дамыту агенттігі төрағасының орынбасары Олжас Қизатов қазақстандықтарға алаяқтар арқылы рәсімделген несиелерді есептен шығаруға жол ашатын заңнамаға енгізілмек өзгерістерді түсіндірді.

    Мәжіліс депутаттары бүгін екінші оқылымда қаржы нарығын дамыту және қаржылық қызметтер тұтынушыларының құқықтарын қорғау мәселелері жөніндегі заң жобасын қабылдады.

    Қаржы нарығын реттеу және дамыту агенттігі төрағасының орынбасары Олжас Қизатовтың айтуынша, қазіргі қолданыстағы заңнамада алаяқтар рәсімдеген несиелерді тек сот шешімі арқылы ғана есептен шығару көзделген. Мұндай талап көбіне зардап шеккен азаматтардың өз құқықтарын толыққанды қорғауына елеулі кедергі келтіріп отыр. Осыған орай заң жобасы аясында сотқа дейінгі тәртіппен қарыздарды есептен шығаруға мүмкіндік беретін жаңа негіздер енгізу ұсынылған. Атап айтқанда, Қизатов алғашқы несие рәсімделген кезде банкке немесе микроқаржы ұйымына (МҚҰ) клиенттің жеке өзі келуі міндеттелетінін атап өтті. Сондай-ақ, 24 сағаттық «суыту мерзімі» енгізілмек – бұл кезеңде азамат алған несиеден бас тарта алады.

    Бұған қоса, белгілі бір әлеуметтік топтарға қосымша талаптар қойылады. Яғни несие беру үшін қосымша келісім алу міндетті болады. Егер осы талаптар сақталмаса, банк немесе микроқаржы ұйымы мұндай несиені сотқа жүгінбей-ақ есептен шығаруы тиіс. Сонымен қатар, заң жобасында қаржы ұйымдары тарапынан биометриялық сәйкестендіру рәсімін бұзу, алаяқтыққа қарсы орталықтың талаптарын елемеу, не болмаса клиенттің жеке деректерін заңсыз қолдану жағдайларында сот арқылы есептен шығаруға негіз болатын жаңа тетіктер қарастырылған, – деді Олжас Қизатов.

    Қизатовтың айтуынша, егер мұндай заңбұзушылықтар сотта дәлелденсе, банктер мен микроқаржылық ұйымдар тиісті несиелерді міндетті түрде есептен шығаруы тиіс болады.

  • Еңбекке жарамсыздық жәрдемақысы қалай төленеді?

    Еңбекке жарамсыздық жәрдемақысы қалай төленеді?

    Комитет өкілі Талант Ермановтың айтуынша, сырқаттанған қызметкерге жұмыс беруші өтемақы төлеуге міндетті. Ол ресми еңбекке жарамсыздық парағы негізінде есептеледі.

    Жәрдемақы мөлшері қызметкердің орташа күндік жалақысына негізделіп, жұмысқа шықпаған күндерге төленеді. Заң бойынша оның ең жоғары сомасы – 98 300 теңге (25 АЕК).

  • Мүгедектік пен асыраушысынан айырылу жәрдемақысы өсті

    Мүгедектік пен асыраушысынан айырылу жәрдемақысы өсті

    2025 жылы бөлінген қаржы:
    • Мемлекеттік жәрдемақылар – 107,8 млрд тг
    • Әлеуметтік сақтандыру қоры – 14,8 млрд тг

    Алушылар саны:
    • Мүгедектік бойынша – 539,9 мың адам
    • Асыраушысынан айырылу бойынша – 194,5 мың адам

    Жәрдемақы мөлшері:
    • I топ – 101 702 тг
    • II топ – 81 362 тг
    • III топ – 55 474 тг
    • Орташа төлем: 70-72 мың тг

    2025 жылдан бастап төлемдер 6,5%-ға өсті.

  • Қазақстанда алтынға инвестиция салудың жаңа мүмкіндігі пайда болды

    Қазақстанда алтынға инвестиция салудың жаңа мүмкіндігі пайда болды

    Бұл жаңа құралды ҚР Ұлттық банкі іске қосып, AIX биржасында саудалауды бастады.

     Gold Coin қалай жұмыс істейді?
    • 1 Gold Coin = 1/20 трой унциясы алтын
    • Бағасы LBMA әлемдік котировкалары мен доллар бағамына негізделеді
    • Tabys қосымшасы арқылы сатып алуға, сатуға және сыйға тартуға болады
    • 20 Gold Coin жинағандар оны Ұлттық банктің филиалдарында физикалық ÚKI монетасына айырбастай алады

    Ұлттық банк өкілдерінің айтуынша, бұл инвесторларға алтынды цифрлық және физикалық форматта сақтауға мүмкіндік береді, сондай-ақ алтынға инвестиция жасауды бұрынғыдан да қолжетімді әрі ыңғайлы етеді.

  • Болат Назарбаевтың иелігіндегі ауыр машина жасау зауытының активтері мемлекетке қайтады

    Болат Назарбаевтың иелігіндегі ауыр машина жасау зауытының активтері мемлекетке қайтады

    Алматыда ауыр машина жасау зауытының мүлкі заңсыз сатылып кеткен. Мәмілелер жарамсыз болып шықты. Кәсіпорын 80 мың шаршы метр аумағынан айырылып қала жаздады.

    Бұған дейін Алматы қаласының прокуратурасы Зауыт мүлкін заңсыз сату фактілерін анықтаған болатын. Қала прокуратурасының қадағалау актісін орындау шеңберінде Мемлекеттік мүлік және жекешелендіру комитеті сотқа мәмілелерді жарамсыз деп тану туралы талап-арызбен жүгінген

    Талап-арыздың мазмұнында зауытқа 37 га астам жер учаскесін және жалпы ауданы 79 966 м2 болатын 94 тұрғын емес үй-жайды қайтару көрсетілген.

    Сот талапкердің талаптарын қанағаттандырды, апелляциялық саты шешімді күшінде қалдырды.

    Болат Назарбаев 2007 жылы сәуірде «Темир кон» серіктестігінен «Алматы ауыр машина жасау зауыты» жарғылық капиталының 86,78 пайыз акциясын сатып алған.

  • Вячеслав Ким Jusan банкті сатып алмақшы

    Вячеслав Ким Jusan банкті сатып алмақшы

    Kaspi.kz акционері әрі директорлар кеңесінің төрағасы Вячеслав Ким қаржы нарығын реттеу және дамыту агенттігіне Jusan Bank акцияларының 97,5%-ын сатып алуға өтінім беретінін мәлімдеді.

    Мен Jusan Bank акцияларының 97,5% сатып алуға өтініш бердім. Қазір бұл өтінім қаржы нарығын реттеу және дамыту агенттігінің қарауында. Реттеуші өтінімді егжей-тегжейлі зерттегеннен кейін шешім қабылдайды.

    «Мен бұл мәміленің Kaspi.kz компаниясына қатысы жоқ екенін атап өтемін», – деді Ким.

    Заң бойынша жасасу үшін мұндай келісімді әуелі алу міндетті, кейін 50 жұмыс күнге дейін өтінім қаралады. Мәміленің егжей-тегжейі ашылмаған.

    Бастапқыда Jusan Bank (бұрынғы Цеснабанк) бұрынғы қорғаныс министрі Әділбек Жақсыбековпен байланысты Цесна тобына тиесілі болды.

    2019 жылы оны Halyk Bank сатып алды. Ол көп ұзамай оны Назарбаев Университетінің білім беру қорымен байланысты First Heartland Securities тобына қайта сатты. Қазір банк FHS бақылауында.

  • Тоқаев Үкіметтің қосымша құн салығын көтеру туралы ұсынысын қолдады

    Тоқаев Үкіметтің қосымша құн салығын көтеру туралы ұсынысын қолдады

    Президент Қасым-Жомарт Тоқаев Үкіметтің қосымша құн салығын (ҚҚС) ұлғайту жөніндегі ұсынысын қолдады.

    Үкіметтің кеңейтілген отырысында Ұлттық экономика министрі Серік Жұманғарин ҚҚС бойынша шекті 15 миллион теңгеге дейін төмендетуді көздейтін жаңа салық реформасын ұсынды. Бұл ретте оның мөлшерлемесін арттыру жоспарланып жатыр. Министрлер кабинетінің мүшелері бұл соманы парламент мүшелерімен талқылайды.

    Мемлекет басшысы бұл ұсынысты қолдады.