Sona.kz

Рубрика: Қазақстан жаңалықтары

  • Талдықорғандағы жемқорлыққа қарсы шарадан жемқорлықтың иісі аңқып тұр

    Талдықорғандағы жемқорлыққа қарсы шарадан жемқорлықтың иісі аңқып тұр

    Оған өткен бейсенбіде Талдықорғаннан бір жігіт хабарласып, кездесу ұйымдастыру туралы ұсыныс айтқан. «Осы уақытқа дейін Талдықорғанда оқырманмен бес минуттық та кездесу өткізбеппін» деп, шақыртуды қабыл алғанын жазды.

    Алайда Талдықорғанға барған соң кездесу жиыны көзбояушылық екеніне көз жеткізген. Жазушы кездесуге барғанда алдынан «Сыбайлас жемқорлыққа қарсы еркін форматтағы» кездесу деген жазуды көреді. Өзін екі жас қыз қарсы алады. Жазушының «Менің жемқорлыққа қатысым не?» деген сұрағына, күмілжіп дұрыс жауап бере алмаған. «Ақыры келдім ғой» деген ол бір сағаттай отырса да, ешкім келмеген. Ұйымдастырушы – Қоғамдық даму басқармасы мен облыстық антикор екен.

    Ең сорақысы, қайтар кезінде жазушының шотына елу мың теңге түскен. Бір қыз қоңырау шалып, бұл ақшаның қаламақы екенін айтқан. Көзбояушылыққа ренжіген жазушы ақшаны кері салып жібергенін қоса кетті.  Бұған қатысты желідегі оқырмандар да «Жемқорлықтың өзі Антикордан бастала ма? Сыбайлас жемқорлық деген осы..» деген пікір қалдырды.

    Бүгін Жетісу облысының жастар ұйымы жазушы, журналист Қанат Тілеуханның ашына жазған постына қатысты жауап беріпті. Жетісу облысының жастар ұйымы 29 мамырда мемлекеттік сатып алу порталы арқылы аталған ұйым мен Жетісу облысының қоғамдық даму басқармасы (тапсырыс беруші) арасында қоғамда сыбайлас жемқорлыққа қарсы мәдениет пен парасаттылықты нығайтуға бағытталған жобаны ұйымдастыру бойынша көрсетілетін қызметтерді мемлекеттік сатып алу туралы шарт жасалғанын хабарлайды. Техникалық ерекшелікке сәйкес, ұйым жыл соңына дейін кемінде 21 іс-шара өткізуді және ұйымдастыруды жоспарлаған.

    – Өз кезегінде, 17 қазанда техникалық ерекшелікке сәйкес, басқармамен TEDx форматында іс-шараны, сондай-ақ оның шеңберінде спикер ретінде Қанат Тілеухан шақырылған бағдарламаны өткізу келісілді. Алайда, алдын ала келіссөздер барысында біз спикермен күн тәртібіне сай шараның «Сыбайлас жемқорлықсыз болашақ» тақырыбында өтетінің хабардар етпедік және келіспедік. Сондай-ақ, 21 қазанда іс-шараны өткізу күні біз қатысушылардың санын толық қамтамасыз етпедік (кемінде 100 адам), нәтижесінде оғаш себептер орын алды және спикер іс-шараны өткізу орнынан кетті. Жоғарыда айтылғандардың негізінде біз аталған іс-шараның шығындарын өз есебімізге аламыз. Сонымен қатар, іс-шара есептілікке енгізілмейді және қайта өткізіледі, – делінген ұйымның хабарламасында.

    Sona.kz тілшісі жазушы, журналист Қанат Тілеуханға хабарласып, бұл шараға шақырту қайдан түскенін сұрады.

    «Мұндай жағдай менің басымда алғаш рет болып тұр. Көпшілік жұрт мені түсінбей жатыр. «Неге жетіп бардың?» деген сұрақтар қойыпты. Осыны түсіндіре кетейін. Өткен аптада маған «Халық шығармашылығы» орталығынан хабарласты. Бұл орталық Мәдениет басқармасына қарайды. Сосын мен мұны бір шығармашылық кездесу шығар деп ойладым. Алдын ала «Баннерлерің бар ма? Инстаграмдағы парақшама салып қояйын» дедім. Содан жоқ болып кетті, ешкім ештеңе жіберген жоқ. Талдықорғанға барсам, әлгіндей жағдайға тап болдым. Жиынды Қоғамдық даму департаментінің тапсырысымен өткізіп жатыр екен. Бұған «Халық шығармашылығы» орталығының не қатысы бар? Екеуі екі басқа» деп түсінбедім. Тағы бір ойым, түрлі тренинг, семинарлар өтіп жатады ғой. Мысалы, «Жемқорлық әрекетке жоласаң, соңы осындай баппен сотталасың» деген сияқты. Бәлкім, бұлар басқа форматта, шығармашылық тұрғыдан келіп, шақырып отырған шығар» деп бір сағаттай күттім. Сөйтсем, аяғы әлгіндей боп кетті ғой. Бірақ бұл жағдайға қатысты ешкім хабарласып, кешірім сұраған жоқ», – деп жауап берді Қанат Тілеухан.

    Расында, әр саладағы жемқорлықты әшкерелейтін Сыбайлас жемқорлыққа қарсы іс-қимыл агенттігі өз қолын өзі былғап отырған жоқ па? Мемлекеттік ұйым бюджеттің 50 мың теңгесін ешбір ресми құжатсыз банк картасына қалай салып жібереді? Егер бұл шараны өткізу туралы арнайы байқау ұйымдастырылса, қаламақы құжатпен берілуі керек емес пе?! Демек, мұның өзі сыбайлас жемқорлыққа қарсы өткен жиында жемқорлықтың иісі аңқып тұрғанын көрсетпей ме? Ал бұл тұрғыда Сыбайлас жемқорлыққа қарсы іс-қимыл агенттігі не дер екен? Біз бұл мәселе жөнінде тиісті мекемеге хабарласып едік, тек қана ресми түрдегі сауалға ғана жауап беретінін жеткізді.

  • Тұрлыхановтың ұлы 1,5 жылға бас бостандығынан айырылды

    Тұрлыхановтың ұлы 1,5 жылға бас бостандығынан айырылды

    Депутат Дәулет Тұрлыхановтың ұлы Нұрасыл Болаттың бас бостандығын шектеуді бас бостандығынан айыру жазасына ауыстыруға қатысты Алматы қаласы Медеу ауданының №2 аудандық сотында үкім шықты. Ол 1,5 жылға бас бостандығынан айырылды.

    Нұрасыл Айболат жазасын орташа қауіпсіздіктегі колонияда өтейді. Оған нақты 1,5 жыл 10 күнге бас бостандығынан айыру үкімі шығып, сот залында қамауға алынды. 

    Айта кетейік, депутаттың ұлына екі ереже бұзу бойынша айып тағылуда. Алғашқысы 2024 жылдың 11 қазанында тіркелді. Ол күні Нұрасыл Болат «Elegant Hall» түнгі клубында болды, бұл көңіл көтеру орындарына баруға тыйым салу ережесін бұзу болып есептелді. Екінші ереже бұзу фактісі 12 қазанда орын алды, ол кезде оның «Queen» караоке-барда болғаны бойынша пробациялық бақылаудың ережесін бұзғаны үшін айып тағылған болатын.

  • 9 сынып оқушысы «PATRIOT» төсбелгісімен марапатталды

    9 сынып оқушысы «PATRIOT» төсбелгісімен марапатталды

    Жазда, яғни 4 маусым күні Іле ауданында тұрғын үйден өрт шыққан еді. Сол кезде Іле ауданы №39 гимназиясының 9 сынып оқушысы Камитбек Ихсан өртке оранған үйден 63 жастағы қарт кісімен 12 жастағы немересін аман алып шығып, құтқарып қалды. Оған осы ерлігі үшін «PATRIOT» төсбелгісімен марапаттап, Алматы облысы білім басқармасы басшысының атынан ноутбук сыйға тартылды.

  • Тергеу изоляторынан қашқан күдіктіге іздеу салынды

    Тергеу изоляторынан қашқан күдіктіге іздеу салынды

    Алматы облысы Полиция департаменті Уақытша ұстау изоляторынан қашып кеткен 30.05.1998 жылы туылған Бекарыс Сәбитұлы Қалмырзаевқа іздеу саламыз.

    Егер Сіз іздеуде жүрген адам туралы қандай да бір ақпарат білсеңіз, келесі телефондар арқылы дереу полицияға хабарлауды сұраймыз: +7 727 727 90 44, +7 777 427 2915, +7 778 900 02 55 немесе 102.

  • Қайтарылған активтер есебінен екі облыста әлеуметтік нысандар салынады

    Қайтарылған активтер есебінен екі облыста әлеуметтік нысандар салынады

    Мемлекет басшысының тапсырмасы бойынша Үкімет Ақмола облысының Зеренді ауылында құны 2,1 млрд теңге болатын спорт кешенін және Түркістан облысының Темірлан аулында 890 млн теңгеге музыка мектебін салу жөніндегі алғашқы екі әлеуметтік жобаны іске асыруға арнаулы мемлекеттік қордан қаражат бөлу туралы шешім қабылдады.

    Бұл бастамалар тұрғындарды білім беру және спорттық қызметтермен қамтуды арттыру үшін ауылдық жерлерде әлеуметтік инфрақұрылымды дамытуға бағытталған.

    Мәселен, Ақмола облысының Зеренді ауылында ауданы 6 мың шаршы метрден асатын, бір ауысымда 80 адамды қабылдайтын спорт кешенін салу жоспарланып отыр. Нысан белсенді тұрғындарға бос уақытытын тиімді өткізуге мүмкіндік береді – ауданда 14,5 мыңнан астам адам жүйелі түрде спортпен шұғылданады. Жобаға сәйкес, орталықта күрес, бокс, шаңғы тебу сынды спорт түрлерімен айналысу үшін жабдықталады, 2 жаттығу залы қажетті құрал-жабдықтармен қамтылады. Сондай-ақ кешенде спортшыларды жаттықтыру мен сауықтыру жұмыстарын сапалы әрі тиімді іске асыру үшін қажетті құрал-жабдық және басқа да қосалқы үй-жайлар қарастырылған.

    Түркістан облысының Темірлан аулында 300 орындық жаңа өнер мектебін салу жоспарланып отыр. 1974 жылы қабырғасы каркастан салынған қазіргі ғимарат заманауи санитарлық және өрт қауіпсіздігі талаптарына сай емес, күрделі жөндеуге жарамайды. Соған қарамастан бүгінгі таңда кешен жұмыс істеп тұр – орталықта 420-ға дейін бала оқиды, бұл оның қазіргі қабылдау мүмкіндігінен 2 есеге артық, 45 мұғалім сабақ береді. Жаңа жоба ауылда өнер саласында қосымша сапалы білім алу үшін жағдай жасайдыі. Балалар жайлы ортада музыкамен, хореографиямен айналысуға мүмкіндік алады.

    Бүгінде арнаулы мемлекеттік қорда 177 млрд теңге жинақталған. Бұл қаражаттың барлығы әлеуметтік және инфрақұрылымдық объектілерді салуға, басқа да әлеуметтік маңызды мақсаттарға, соның ішінде денсаулық сақтау, білім беру, бұқаралық спорт және тағы басқа салалардағы жобаларды іске асыруға бағытталатын болады.

  • Талғарда изолятордан күдікті қашып кетті

    Талғарда изолятордан күдікті қашып кетті

    Зорлау қылмысына күдікті 33 жастағы Бекарыс Қалмырзаев Талғар қаласындағы уақытша ұстау изоляторынан қашып кетті.

    Ол айыпталып отырған бап бойынша өмір бойына бас бостандығынан айырылу қаупі бар. Бұл оқиға туралы алғаш болып «Президентке хаттар» телеграм арнасы хабарлады.

    Алматы облысының полициясы дереу «Сирена» жоспарын жариялап, қашқынды ұстау мақсатында негізгі бағыттарда блокпосттар қойды.

    Облыстық полиция департаментінің мәліметінше, барлық күштер мен құралдар күдіктіні іздеп, ұстау үшін жұмыс істеп жатыр. Сонымен қатар, қалай қашқанын анықтау үшін қызметтік тексеру басталды.

  • Қазгидромет: Тұман түсіп, көктайғақ болады

    Қазгидромет: Тұман түсіп, көктайғақ болады

    Қарағанды облысының шығысында көктайғақ болады деп күтіледі. Түнде және таңертең облыстың батысында, оңтүстігінде тұман болады.

    Күндіз Түркістан облысының батысында, оңтүстігінде, таулы және тау бөктерлі аудандарында найзағай ойнап, күн райы бұзылады деп күтіледі. Таңертең және күндіз облыстың солтүстігінде, батысында, таулы және тау бөктерлі аудандарында солтүстік-батыстан соққан желдің екпіні 15-20 м/с құрайды. Шымкент пен Түркістан қалаларында да күндіз найзағай ойнап, солтүстік-батыстан жел соғады, күндізгі екпіні — 15-20 м/с.

    Түнде және таңертең Астанада тұман болады деп күтіледі. Түнде Ақмола облысының батысында, оңтүстігінде, шығысында көктайғақ болатыны болжанады. Түнде және таңертең облыстың батысында, солтүстігінде, шығысында, сондай-ақ Көкшетау қаласында да тұман болады.

    Түнде және таңертең Атырау облысының батысында, оңтүстігінде, сондай-ақ Атырау қаласында да тұман түседі деп күтіледі.

    Түнде және таңертең Қостанай облысының солтүстігінде тұман болады.

    Солтүстік Қазақстан облысының оңтүстігінде көктайғақ болады деп болжанады. Облыстың батысында, солтүстігінде, шығысында, сондай-ақ Петропавл қаласында да түнде және таңертең тұман болады деп күтіледі.

    Түнде және таңертең Павлодар облысының батысында, солтүстігінде тұман, көктайғақ болады деп күтіледі. Павлодарда да түнде және таңертең тұман, көктайғақ болады.

    Абай облысында батысында, орталығында оңтүстік-шығыстан оңтүстік-батысқа ойыса соққан желдің екпіні 15-20 м/с құрайды.

    Түнде Шығыс Қазақстан облысының батысында, солтүстігінде, шығысында көктайғақ болады деп күтіледі. Облыстың солтүстігінде, шығысында оңтүстік-шығыстан, оңтүстіктен соққан желдің екпіні 15-20 м/с құрайды.

    Күндіз Алматы облысының орталығында, шығысында оңтүстік-батыстан жел соғады, екпіні — 15-20 м/с. Қонаев қаласында да оңтүстік-батыстан соққан желдің екпіні 15-20 м/с құрайды.

  • Таза Қазақстан: есірткі жарнамалары жаппай жойылуда

    Таза Қазақстан: есірткі жарнамалары жаппай жойылуда

    Астанада бұрыш-бұрыштағы есірткі жарнамалары жаппай жойылуда. Жазбалар тек өшіріліп ғана қоймайды. Артынша қылмыстық іс қозғалады. Тергеу жүргізіледі. Есірткі жарнамаларын жою «Таза Қазақстан» акциясы аясында қолға алынды.

    Оған полицейлер мен астаналық жастар, еріктілер қатысып жатыр. Кезекті науқан Байқоңыр ауданында өтті. Белсенділер қала көркін сақтап ғана қоймай, халықты үлкен кеселден сақтауда.

    Байқоңыр ауданы бойынша 134 мекенжайдан анықталды. Әр  жазбаларға тіркеу жасалып, қылмыстық іс қозғалады», — деді Байқоңыр аудандық жергілікті полиция қызметі бөлім бастығының орынбасары  Рахымжан Құлжанов.  

  • 6 ауданның халқы Өскеменге тез жетеді: ең ұзын көпір ашылды

    6 ауданның халқы Өскеменге тез жетеді: ең ұзын көпір ашылды

    Бұқтырма су қоймасы арқылы өтетін ең ұзын автомобиль көпірінің ашылуына орай ШҚО-дағы алты ауданның тұрғындары Өскеменге жылдам қатынайтын болады. Бұл туралы көлік министрі Марат Қарабаев мәлімдеді.

    Жоба көлік қатынасының ұзақ жылғы мәселесін шешуге бағытталған, көпір алты ауданды: Күршім, Үлкен Нарын, Марқакөл, Қатонқарағай, Тарбағатай және Зайсанды байланыстырады.

    «2019 жылы Мемлекет басшысы тарихи шешім қабылдап, 2020 жылы Бұқтырма су қоймасы арқылы өтетін көпірдің құрылысы басталды. Көпірдің стратегиялық,, әлеуметтік, туристік және транзиттік маңызы бар. Әлеуметтік тұрғыдан алғанда, көпірдің маңында орналасқан алты ауданның, яғни 120 мыңнан астам азаматтың бүгінде облыс орталығына тәулік бойы қатынай алатынын атап өткен жөн», – деді Марат Қарабаев

     

    Министр сонымен қатар ең басты мақсат – көпірдің қауіпсіздігін қамтамасыз ету екенін айтты. Ол үшін екі жағынан 40-қа жуық арнайы мұзжарғыш және көпірді тәулік бойы бақылау үшін тиісті камералар толығымен орналастырылған.

    Құрылыс тәулігіне 80 мыңға дейін автомобиль өткізе алады, өткелге дейін 18 км жаңа жол салынды.

  • Астанада бірнеше көшенің тұрғындары жарықсыз қалды

    Астанада бірнеше көшенің тұрғындары жарықсыз қалды

    «Сағат 15:06-да Алматы ауданында технологиялық ақау орын алып, салдарынан Мыңжылдық аллеясы мен Тәуелсіздік даңғылы, Қордай, А. Байтұрсынов көшелерінің тұтынушылары жарықсыз қалды», —  деп мәлімдеді Астана қаласы әкімдігінің баспасөз қызметінен.

    Ведомствоның ақпаратына сәйкес, қазір жарық қосымша қуат көзі арқылы берілген.

    «Сағат 15:32-де қосымша қуат көзіне ауыстырылды. Қазіргі уақытта аталған мәселенің себебін анықтау мен жою бойынша жұмыстар жүргізілуде»,- деп толықтырды аталған ведомствоның баспасөз қызметінен.