Sona.kz

Рубрика: Қазақстан жаңалықтары

  • «Қазпошта» Қытаймен бірге маркетплейс іске қосады

    «Қазпошта» Қытаймен бірге маркетплейс іске қосады

    «Қазпошта» АҚ электрондық коммерция мен цифрлық технологиялар саласындағы Қытайдың жетекші компанияларымен екі стратегиялық келісімге қол қойды.

    Жоспарға сәйкес, Қазақстанда трансшекаралық маркетплейс іске қосылады. Платформа JD.com International сынды ірі қытайлық ритейлерлердің жеткізу тізбегін пайдаланып, тауарларды тікелей Қытай фабрикаларынан жеткізуге мүмкіндік береді. Жобаны 2025 жылдың IV тоқсанында іске қосу көзделген.

    Президент тапсырмасына сәйкес, трансшекаралық сауданы дамыту үшін «Қазпошта» 2025 жылдың 14 тамызында China Poly Group (CITIC Poly Fund) компаниясымен бірлескен кәсіпорын құрды.

    Жоба аясында шағын және орта бизнеске халықаралық нарыққа шығуға және тиімділігін арттыруға көмектесетін жаңа цифрлық шешімдер енгізіледі.

    Сонымен қатар, Alipay Labs және Whale Cloud Technology компанияларымен келісім жасалды. Ол трансшекаралық саудаға арналған ашық цифрлық экожүйені дамытуға бағытталған. Бұл платформа 2026 жылы іске қосылады.

    Әлемдегі ең ірі төлем жүйелерінің бірі — Alipay, онлайн және оффлайн төлемдерді бірыңғай экожүйеге біріктіру мүмкіндігін ұсынады.

    «Трансшекаралық электрондық сауданы дамыту және бизнеске арналған заманауи сервистер құру — «Қазпоштаның» стратегиялық міндеті. Қытайлық серіктестердің қолдауын жоғары бағалаймыз және бұл жобалар ұзақ мерзімді әріптестіктің негізіне айналады деп сенеміз», — деді «Қазпошта» АҚ басқарма төрағасы Бекежан Жәкеев.

  • 5 млн теңгеден асатын операциялар тексеріледі

    5 млн теңгеден асатын операциялар тексеріледі

    Сенат заңсыз жолмен алынған кірістерді заңдастыруға, терроризмді қаржыландыруға және жаппай қырып-жоятын қаруды таратуды болдырмауға бағытталған заңды қабылдады, деп хабарлайды Sona.kz Kazinform-ға сілтеме жасап.

    Құжат Қаржы мониторингі агенттігінің (ҚМА) өкілеттіктерін кеңейтіп, жаңа субъектілерді қаржылық бақылауға енгізеді.

    Сенатор Бекболат Орынбековтің айтуынша, күдікті операциялар тізіміне енді коммерциялық емес ұйымдар мен байланыс операторлары да кіреді. «Қазір көптеген күмәнді транзакциялар мобильді қосымшалар арқылы өтіп жатыр. Сондықтан бұл сала да бақылауға алынды. Тізімге “Азаматтарға арналған үкімет” те енгізілді», — деді депутат.

    Сондай-ақ 50 миллион теңгеден асатын жылжымайтын мүлік операциялары ҚМА бақылауына өтеді.

    Барлық ұйымдар, ведомстволар мен министрліктер күдікті қаржылық операциялар туралы есеп беруге міндеттеледі. Олар табысты заңдастыруға, терроризмді қаржыландыруға немесе жаппай қырып-жою қаруын айналымға шығаруға қатысты болуы мүмкін.

    Заңда тәуекелдерді бағалау тәртібі де көзделген. Ұлттық бағалауды ҚМА жүргізсе, кәсіпорындар мен мекемелер үш жылда бір рет салалық бағалау өткізуі тиіс.

    Сонымен бірге, 5 миллион теңгеден асатын барлық цифрлық операциялар автоматты түрде тексеріледі.

    Бұған дейін ҚМА онлайн-казино жарнамасына қылмыстық жауапкершілік енгізуді ұсынған еді.

  • Астанада жаңа жұмыс кестесі енгізіледі: мемлекеттік органдар күнін ертерек бастайды

    Астанада жаңа жұмыс кестесі енгізіледі: мемлекеттік органдар күнін ертерек бастайды

    15 қыркүйектен бастап елордада мемлекеттік және квазимемлекеттік құрылымдардың жұмыс уақыты өзгереді, деп хабарлайды Sona.kz қала әкімдігіне сілтеме жасап.

    Жаңа ережеге сәйкес, коммуналдық қызметтер таңғы 07:30-да жұмысын бастайды. Осы уақытта Астана әкімдігі де жұмысқа кіріседі. Бірқатар мемлекеттік органдар мен квазимемлекеттік компаниялар 07:30 бен 08:00 аралығында жұмыс күнін бастайды. Соған сәйкес, олардың жұмыс аяқтау уақыты да ертерек болады.

    Ал жеке құрылымдардың, бизнес нысандарының, мектептердің, балабақшалардың, ауруханалардың, емханалардың, ХҚКО мен басқа да әлеуметтік объектілердің кестесінде ешқандай өзгеріс болмайды.

    Әкімдіктің мәліметінше, кейбір министрліктер мен мемлекеттік органдар қазірдің өзінде жұмыс күнін таңғы 08:00-де бастайды.

  • Берденовке жасалған қастандық: полицейлерге қатысты қылмыстық іс қозғалды

    Берденовке жасалған қастандық: полицейлерге қатысты қылмыстық іс қозғалды

    Шымкент қаласы әкімінің орынбасары Руслан Берденовке жасалған қастандықта қолданылған мылтық Астанада есептен шығарылған болып шықты. Бұл туралы Мәжіліс кулуарында Ішкі істер министрі Ержан Сәденов мәлімдеді, деп хабарлайды Sona.kz Tengrinews.kz-ке сілтеме жасап.

    Министрдің айтуынша, қарудың Шымкентке қалай жеткені – полиция қызметкерлерінің салғырттығының салдары.
    «Иә, өкінішке қарай, мұндай жағдайлар болды. Бұл жерде қаруды біреу сатып жіберген жоқ, бірақ қызметкерлердің жауапсыздығы анық. Қазір қылмыстық іс қозғалды. Тергеу аясында кінәлі кім, қаруды кім өткізген – барлығы анықталады», – деді Сәденов.

    Қастандықтың мән-жайы

    Еске салсақ, 2025 жылғы 21 сәуір кешке Шымкенттегі әкімдік ғимаратының алдында қала әкімінің орынбасары Руслан Берденовке оқ атылды. Чиновник жарақат алып, ауруханаға жеткізілді. Дәрігерлердің төрт сағатқа созылған операциясы сәтті өтті.

    Қастандыққа күдікті Ернар Жиембай оқиға орнында ұсталды. Ол «кісі өлтіруге оқталу» бабымен айыпталуда.

  • Енді ауыр дертке шалдыққан азаматтарға мүгедектікті рәсімдеу жеңілдеді

    Енді ауыр дертке шалдыққан азаматтарға мүгедектікті рәсімдеу жеңілдеді

    Мәжіліс депутаты, «AMANAT» партиясы фракциясының мүшесі Асхат Аймағамбетов еліміздегі мүгедектікті рәсімдеу тәртібіне енгізілген маңызды өзгерістер туралы айтты, деп хабарлайды Sona.kz Azattyq Rýhy-ға сілтеме жасап.

    Аймағамбетовтің айтуынша, енді қол-аяғы ампутацияланған, қатерлі ісікке шалдыққан, инсульт алған және басқа да күрделі диагноз қойылған азаматтар мүгедектігін дәлелдеп, мекемелерді аралап құжат жинаумен әуре болмайды. Бұл рәсімдер қашықтан, проактивті форматта жүргізіледі.

    «Жақында Қарағандыдағы Медико-әлеуметтік сараптама бөлімінің жұмысымен таныстық. Биылдың өзінде 10 401 қызмет көрсетілген, соның 36 пайызы онлайн форматта орындалды. Бұл адамдардың уақытын, жүйкесін және қаражатын үнемдеуге мүмкіндік береді», – деді депутат.

    Жаңа тәртіп онкология, туберкулез, инсульт салдары, аяқ-қол ампутациясы, Даун синдромы, 1-типті қант диабеті, бүйрек жетіспеушілігі мен Паркинсон ауруының ауыр формасы бар азаматтарға қатысты.

    Сонымен бірге, депутат МӘС саласында кадр тапшылығы барын атап өтті. Қазір бөлімшелерде штат бойынша 18 сарапшының орнына 12 маман ғана жұмыс істейді, олардың төртеуі зейнет жасында. Жалақы деңгейінің төмендігі бұл салаға мамандарды тартуды қиындатып отыр.

    Аймағамбетовтің айтуынша, Ақмола және Павлодар облыстарында құжаттарды жолдауды орталықтандыру пилоты іске қосылды. 30 маусымнан бастап ерекше диагноздар бойынша («ампутация», «Даун синдромы», «мукополисахаридоз») мүгедектік арнайы механизм арқылы жедел рәсімделеді. Сондай-ақ міндетті госпитализация талабы алынып тасталмақ.

    «Бұл тек уақытты ғана емес, мемлекет қаражатын да үнемдейді. Өзгерістер табанды түрде жүзеге асатын болады», – деп түйіндеді депутат.

  • «Заңды қорғаудың орнына сатқын болды»: Саденов полициядағы жанжал туралы

    «Заңды қорғаудың орнына сатқын болды»: Саденов полициядағы жанжал туралы

    «Сатқындарға кешірім жоқ!» ІІМ басшысы Жамбыл облысы полиция басшысының орынбасарының ұсталуына қатаң пікір білдірді

    Астанада Ішкі істер министрі Ержан Сәденов Жамбыл облысы ПД бастығының орынбасарының ұсталуына қатысты пікір білдірді, деп хабарлайды Sona.kz NUR.KZ-ке сілтеме жасап.

    ІІМ мәліметінше, арнайы операцияны Ішкі қауіпсіздік департаменті жүргізген. Жоғары лауазымды полицей заңсыз әрекеттер жасады деген күдікке ілінді.

    «Полицейдің міндеті – заңды қорғау, халықты қорғау. Ал бұл жерде — сатқындық. Мен айттым: сатқындарға кешірім жоқ. Бәрі заң аясында анықталды. Біздің ұстанымымыз қатаң, әрі соны мықтап ұстанамыз», — деді Ержан Сәденов.

    Министр Жамбыл облысы полиция департаментінің бастығының отставкасына да түсініктеме берді:
    «Біз әскери тәртіппен жүретін құқық қорғау органымыз. Қарамағындағылар тарапынан заң бұзушылықтар болғандықтан, заң бойынша ол отставкаға кетуге міндетті болды, әрі осы құқығын пайдаланды».

    Қазіргі уақытта ұсталған полицейге қатысты тергеу жүріп жатыр. ІІМ өз қатарындағы сыбайлас жемқорлық пен заң бұзушылыққа қарсы күресті күшейтетінін мәлімдеді.

  • Әскерге шақырудан жалтару: шақыру қағазын алудан бас тарту міндеттен босатпайды

    Әскерге шақырудан жалтару: шақыру қағазын алудан бас тарту міндеттен босатпайды

    Қазақстанда мерзімді әскери қызметке шақыру тәртібі жаңартылды. Бұл туралы Қарулы күштердің Бас штабы ұйымдастыру-мобилизациялық жұмыс департаменті бастығының орынбасары Фархад Айдарбаев СЦК алаңында өткен брифингте айтты, деп хабарлайды Sona.kz Kazinform-ға сілтеме жасап.

    Айдарбаевтың сөзінше, 16 шілдеде Мемлекет басшысы қол қойған «Әскери-патриоттық тәрбие туралы» заңға сәйкес, әскерге шақырылушыларға SMS-хабарлама жіберу ресми ескерту тәсілі ретінде заңды күшіне енді.

    Спикердің айтуынша, әскерге шақыру қағазы мынадай жолдармен жеткізіледі:
    • біріншіден, азаматтың жеке ұялы телефонына SMS-хабарлама түрінде немесе «Электрондық үкімет» порталындағы жеке кабинеті арқылы жолданады. Хабарлама әскерге келу күніне кемінде үш күн қалғанда жіберіледі;
    • екіншіден, егер азаматтың телефон нөмірі болмаса немесе «Электрондық үкіметке» тіркелмесе, қағаз түріндегі шақыру қағазы пошта арқылы немесе тұрғылықты мекенжайына, уақытша тұратын жеріне не жұмыс орнына жеке қолына тапсырылады;
    • үшіншіден, егер азамат шақыру қағазын алудан бас тартса, бұл туралы тиісті белгі қойылып, құжат жергілікті әскери басқару органына қайтарылады. Мұндай жағдайда азамат хабарланған болып есептеледі.

    Сонымен қатар, қажет болған жағдайда шақыру қағазы жергілікті әскери басқару органында да жеке табысталуы мүмкін. Бұл кезде келу мерзімі келесі күннен кешіктірілмей белгіленеді.

    Фархат Айдарбаев әскери қызметтен жалтарғандарға қолданылатын жауапкершілікке де тоқталды. Оның айтуынша:
    • Әкімшілік құқық бұзушылық туралы кодекстің 647-бабына сәйкес, шақыру қағазы бойынша белгіленген күні келмеген азаматқа 5 айлық есептік көрсеткіш (АЕК) көлемінде айыппұл салынады;
    • 648-бап бойынша, медициналық тексеруден жалтарғандарға ескерту немесе 3 АЕК айыппұл қарастырылған;
    • Қылмыстық кодекстің 387-бабына сәйкес, әскери қызметтен заңсыз жалтару 1000 АЕК-ке дейін айыппұлмен, түзеу немесе қоғамдық жұмыстарымен, сондай-ақ 1 жылға дейін бас бостандығынан айырумен жазаланады.

    Сондай-ақ, әдейі өзін жарақаттау, сырқатты қолдан ойлап табу, жалған құжат көрсету сияқты әрекеттер ауырлататын жағдай ретінде қарастырылады және қатаңырақ жаза қолданылады.

  • Алматыда самокатшылар бала арбасына соғылды: сәби аман қалды

    Алматыда самокатшылар бала арбасына соғылды: сәби аман қалды

    Алматыда жасөспірімдердің самокатпен бала арбасына соқтығысу сәті видеоға түсіп, әлеуметтік желілерде қызу талқыланып жатыр, деп хабарлайды Sona.kz Kozachkow Telegram-арнасына сілтеме жасап.

    Жарияланған бейнежазбада екі жасөспірім самокатпен жоғары жылдамдықпен келе жатып, кенеттен жолында тұрған арбаға соғылғаны анық көрінеді. Арбада сәби отырған. Абырой болғанда, арбаның берік қаңқасы баланы жарақаттан қорғап қалды.

    Куәгерлер жасөспірімдерді дереу тоқтатып, полиция шақырған. Алайда тараған ақпаратқа сәйкес, тәртіп сақшылары жасөспірімдерге тек профилактикалық әңгіме жүргізумен шектелді. Бұл жағдай әлеуметтік желілерде наразылық туғызды: көпшілік мұндай оқиғаларға қатаң шара қолдану қажеттігін айтуда.

    Редакция оқиғаға қатысты түсініктеме алу үшін Алматы қалалық полиция департаментіне сауал жолдады. Қазіргі уақытта ресми жауап күтілуде.

    Соңғы жылдары Алматыда самокатқа байланысты жол-көлік оқиғалары жиілеп кетті. 2024 жылы қалада 120-дан астам оқиға тіркелген, оның бірнешеуі балалардың жарақат алуымен аяқталған. Сарапшылар қоғамдық орындарда самокат қозғалысын реттеу және арнайы жолақтар салу қажеттігін бірнеше рет көтерген.

  • Қазақстан Конституциясының 30 жылдығы аталып өтуде

    Қазақстан Конституциясының 30 жылдығы аталып өтуде

    Бүгін – еліміздің басты мемлекеттік мерекелерінің бірі – Конституция күні.

    Қазақстанның Негізгі заңы 1995 жылы бүкілхалықтық референдумда қабылданды. Сол уақыттан бері бұл күн Тәуелсіздіктің, бірліктің және мемлекеттілікті нығайтудың символына айналды. Конституция елдің демократиялық құрылымын, азаматтардың құқықтары мен бостандықтарын, билік жүйесін айқындап берді.

    ? 2022 жылы Конституцияға ауқымды өзгерістер енгізілді: Қазақстан суперпрезиденттік үлгіден күшті Парламенті бар президенттік басқару жүйесіне өтті, жер мен табиғи ресурстар халыққа тиесілі деп бекітілді, азаматтарға Конституциялық сотқа тікелей жүгіну құқығы берілді. Сондай-ақ өлім жазасы түбегейлі жойылды.

    ? Президент Қасым-Жомарт Тоқаев Конституцияны «Тәуелсіздігіміздің берік тұғыры және мемлекеттілікті нығайтудың сенімді бағдары» деп атады. Оның айтуынша, 2022 жылғы конституциялық реформа ел тарихындағы ең мазмұнды өзгерістердің бірі болып, қоғам көптен күткен әділдік, ашықтық және жауапкершілік қағидаттарын бекітті.

    ? Биыл мереке демалыс күндеріне сәйкес келіп, қазақстандықтар үш күн қатарынан – 30, 31 тамыз және 1 қыркүйекте демалады. Елдің барлық өңірінде Конституцияның 30 жылдығына арналған концерттер, көрмелер мен мәдени шаралар ұйымдастырылуда.

  • Ұлттық банк: Балаларға төлем тоқтатылмайды

    Ұлттық банк: Балаларға төлем тоқтатылмайды

    2026 жылы қазақстандық балалар Ұлттық қордан төлем алуды жалғастырады. Бұл туралы Астанада өткен брифингте Ұлттық банк төрағасы Тимур Сүлейменов мәлімдеді, деп хабарлайды Sona.kz Kazinform агенттігіне сілтеме жасап.

    «Қай сарапшылар мұны жоққа шығарып отырғанын білмеймін. Жоқ, жеті айдың қорытындысы бойынша Ұлттық банк Ұлттық қорды басқара отырып, 4,6 млрд доллар пайда тапты. Доходтылық доллармен 8 пайызды құрады. Инвестициялық табыстан шығын жоқ», — деді ол.

    Сүлейменовтің айтуынша, соңғы үш жыл қатарынан қор активтерін арттыруға мүмкіндік беретін тұрақты инвестициялық табыс тіркеліп отыр.

    Алайда төраға 2026 жылғы нақты төлем мөлшері әзірге белгісіз екенін айтты. Бұл көрсеткіш туу деңгейіне, 18 жасқа толатын балалар санына және өзге де факторларға байланысты болады. Дәл жауап 2026 жылдың қаңтарында белгілі болмақ.

    Айта кетейік, бүгін ҚР Ұлттық банкі базалық мөлшерлемені 16,5% деңгейінде сақтап қалды.