Sona.kz

Рубрика: Қоғам

  • Арыс горнизонының әскери қызметкері басына оқ атқан

    Арыс горнизонының әскери қызметкері басына оқ атқан

    Ефрейтордың жағдайы нашар екені айтылды. Қорғаныс министрлігіне қарасты Шымкент горнизонының баспасөз қызметінің хабаралуынша, әскери қызметкер травамтикалық қарудан жарақат алған.

    «16 қыркүйекте тәуліктік кезекшілікті атқару кезінде Арыс гарнизоны әскери бөлімдерінің бірінде келісімшарт бойынша істейтін әскери қызметкері травматикалық қарудан басынан жарақат алды», – деп хабарлайды баспасөз қызметі.

    Алдын ала мәлімет бойынша, әскери қызметкер отбасылық-тұрмыстық жанжалға байланысты өз-өзіне қол жұмсамақ болған. Аудандық ауруханаға жеткізілген әскери қызметкердің жағдайы қазір тұрақты-ауыр деп бағалануда.

    «Оған барлық қажетті медициналық көмек көрсетіліп жатыр. Жағдайы тұрақты-ауыр. Өміріне қауіп төніп тұрған жоқ. Жарақат алу фактісі бойынша қылмыстық іс қозғалып, тергеу іс-шаралары жүргізілуде», – деп хабарлайды Шымкент гарнизонының баспасөз қызметі.

  • Ұлттық спорт орталығының бас есепшісі 117 миллион теңге ұрлаған

    Ұлттық спорт орталығының бас есепшісі 117 миллион теңге ұрлаған

    «Маңғыстау облысының прокуратурасы спорт мекемесінде бюджет қаражатының жұмсалу заңдылығын тексеру барысында ұрлық фактісін анықтады. 2018-2023 жылдар аралығында облыстық ұлттық спорт түрлері орталығының бас есепшісі 117 миллион теңге көлемінде бюджет қаражатын заңсыз иемденгені анықталды» делінген хабарламада.

    Аталған факті бойынша облыс прокуратурасымен тергеу амалдары жүргізіліп, нәтижесінде Қылмыстық кодекстің 371-бабының 2-бөлігі (салақтық) және 189-бабының 4-бөлігі (ұрлық) бойынша қылмыстық іс сотқа жолданды.

    «Сот үкімімен мекеме басшысы өз міндеттерін тиісінше орындамағаны үшін кінәлі деп танылып, «Қазақстан Республикасы Тәуелсіздігінің отыз жылдығына байланысты рақымшылық жасау туралы» заңның негізінде қылмыстық жауапкершіліктен босатылды. Бас есепші бюджет қаражатын ұрлағаны үшін жеті жылға бас бостандығынан айырылды. Сот үкімі заңды күшіне енді», – деп хабарлады прокуратура.

  • Үш адам кәріз емес, ауыз су құдығына түсіп мерт болған:әкімдік пікір білдірді

    Үш адам кәріз емес, ауыз су құдығына түсіп мерт болған:әкімдік пікір білдірді

    Алматы облысындағы Кеген ауданының әкімдігі құдыққа түсіп, мерт болған үш адамның қазасына қатысты пікір білдірді.

    «Көршілерінің айтуынша сағат 18.30 шамасында Аурухана маңы № 22 үйдің жанындағы ауыз су құдығын өз беттерінше жөндеуге түскен. Ешқандай тиісті мекемелерге хабарламаған.

    Өлімінің себебі су құбырына жиналған улы газдан болуы мүмкін, сараптама қортындысымен анықталатын болады.

    Қазіргі таңда қайтыс болған адамдарға сот медициналық сараптама тағайындау үшін Қонаев қаласына жеткізілді»,- делінген Кеген ауданы әкімдігінің баспасөз қызметі берген хабарламада.

    Естеріңізге сала кетейік, бұған дейін Алматы облысының Кеген ауданында үш адамның құдыққа түсіп мерт болғанын хабарлаған болатынбыз. Қаза болғандардың ішінде 15 жастағы бала бар.

     

    https://sona.kz/kk/almaty-oblysynda-uesh-adam-qudyqqa-tuesip-koz-zhumdy-5541/

  • Шатырдан құлаған оқушының бірі белгілі экологтың қызы екен

    Шатырдан құлаған оқушының бірі белгілі экологтың қызы екен

    Кеше таңғы сағат 10:00 шамасында 7-сынып оқитын екі қыз Алматының Жамбыл көшесі мен Сейфуллин даңғылының қиылысындағы көпқабатты үйдің шатырынан құлап көз жұмды.

    Алдын ала белгілі болған мәліметке сенсек, дене шынықтыру сабағынан сұранып кетіп, мектеп күзетшісіне дүкенге баратынын айтқан.

    «Қыздар таңертең сабақтан сұранып кеткен. Олар №25 гимназияда 7-сынып оқитын. Екі қыз да біздің тұрғын үйде тұрмайды. Алайда, біздің үйдегі шатырға шығу оңай болатын. Үйіміз «Железнодорожник» КМК-ға қарайды, оны Жанар Жанұзақова басқарады», – деді тоғызыншы қабат тұрғыны. Тұрғындардың сөзінше, шатырға шығатын есік үнемі ашық жатады. Тіпті олар бірнеше мәрте коммуналдық қызмет басшылығына шатырды жауып тастау керек екенін айтқан.

    Алайда, оқиға сабақ кезінде болса да, мектеп басшылығы түсініктеме беруден бас тартты. Кейбір мәліметтерге қарағанда, қаза тапқан оқушының бірі белгілі эколог Евгений Мұхамеджановтың қызы.

    «Сүйікті қызымыз, кішкентай періштеміз қайтыс болды. Мен сенбеймін, бұлай болуы мүмкін емес», – деп жазды оның жұбайы Балхия Мұхамеджанова Facebook парақшасында.

    Осы оқиғадан кейін бірден әкімдік қаладағы барлық «КСК» мен «ОСИ»-ге шатырға шығатын барлық кіреберісті құлыппен және шынжырмен жабу керек екені туралы хабарлама жіберген.

     

  • Алматыда тұмауға қарсы екпе егу басталды

    Алматыда тұмауға қарсы екпе егу басталды

    Алматыда тұмауға қарсы екпе егу басталды

    Жыл басынан бері шаһарда 19 мыңға жуық адам респираторлық вирустық инфекция жұқтырған. Алматыға биыл 200 мың доза вакцина сатып алынды. Қазір қоймаға 54 мыңнан астамы жеткізілді. Қаладағы емханалар күз басталысымен күшейтілген режимге көшкен. Дәрігерлер күн сайын кешкі 8-ге дейін жұмыс істейді.

    Тұрғындар тұмауға қарсы екпені өздері тіркелген емханадан ала алады. Ол үшін терапевт немесе кезекші дәрігерге барса жеткілікті. Екпе әуелі жүкті әйелдерге салынады. Содан соң, медицина саласының қызметкерлері, балалар мен қарттар, диспансерлік есепте тұрғандар тегін егіледі. Мамандар вирус қыстың қақ ортасында өрши түседі. Сол үшін екпені күздің басында алған дұрыс, деп кеңес береді.

    «Енді не үшін егу жұмыстарын жүргізу керек? Дүниежүзінде бүкіл ғалымдар және эпидемиологтар келесі жылда қандай тұмаудың вирустары кездесетінін алдын ала болжайды. Болжап сол вирустарға қарсы егу жұмыстарын жасайды. Еккен кезде екі аптадан кейін иммунитет үзіліп бастайды. Егер адамда қандай да бір ауру белгілері болса, онда екпе егу жұмыстарын кішкене кідіртеді»,- деді
    инфекционист-дәрігері
    «Тамара Отағанова.

    Қазір мегаполисте жедел жәрдемнің 186 бригадасы жұмыс істеп тұр. Шақыртулар көбейсе, олардың санын 200-ге жеткізбек. Ал инфекциялық стационарларда 530-дан астам орын дайын. Қазір онда 60-қа жуық науқас ем қабылдап жатыр.
    Тұмау суық тиюмен салыстырғанда әлдеқайда қауіпті. Асқынып кетсе, бронхит, өкпе қабынуы мен делбе дертіне ұласуы мүмкін. Сондықтан дер кезінде дәрігерге жүгінген жөн, дейді мамандар.

  • Подвалдан Паралимпиадаға:Еркін Ғаббасов қалай жаттыққанын айтты

    Подвалдан Паралимпиадаға:Еркін Ғаббасов қалай жаттыққанын айтты

    41 жастағы Еркін Ғаббасов Паралимпиадаға қалай жаттыққанын айтты.

    «Подвалдан Паралимпиадан бірақ шықтың деп жолдастарым қалжыңдайды. Бұл әрине қалжың, себебі үлкен жаттығудан өттік. 2021 жылдан дайындалдым»,- деді Паралимпиада ойындарының нысана атудан күміс жүлдегері Еркін Ғаббасов.

    Жеңімпаз, дайындықтың басым бөлігі мектептің жертөлесінде өткенін айтады. Ал, жеңімпаздың жанында жары Шынар әркез қолдау білдіріп жүреді.

    «Біздің үш баламыз бар. Үлкеніміз 21 жаста. Алдағы мақсатымыз Алтын медальға қол жеткізду»,- деді Еркін Ғаббасовтың жары Шынар.

    https://www.instagram.com/reel/C_-ExMyMa5n/?igsh=azBtNnFmZHc4NW0x

     

    Естеріңізге сала кетейік, бүгін Қазақстан Республикасы Президентінің Жарлығымен Париж қаласында өткен XVII жазғы Паралимпиада ойындарында жоғары жетістіктерге жеткен спортшылар мен атлеттердің жаттықтырушылары мемлекеттік наградалармен марапатталды.

     

     

  • Паралимпиада жеңімпаздарына мемлекеттік наградалар табысталды

    Паралимпиада жеңімпаздарына мемлекеттік наградалар табысталды

    Мемлекеттік наградаларды Премьер-Министр Олжас Бектенов табыстады. Қазір шара Үкімет үйінде өтіп жатыр.

    Қазақстан Республикасы Президентінің Жарлығымен Париж қаласында өткен XVII жазғы Паралимпиада ойындарында жоғары жетістіктерге жеткен спортшылар мен атлеттердің жаттықтырушылары мемлекеттік наградалармен марапатталды.

    Атап айтқанда:

    Алтын медаль иегерлері Дегтярев Давид Мамиевич
    І дәрежелі «Барыс» орденімен, Науатбек Ақмарал Маратқызы ІІІ дәрежелі «Барыс» орденімен наградталды.

    Күміс медальға қол жеткізген Ғаббасов Еркін Тілеуғабылұлы, Жұмағали Нұрдәулет Мақсұтұлы және Шәмей Ерғали «Парасат» орденінің кавалерлері атанды.

    «Құрмет» орденімен Паралимпиада ойындарының қола жүлдегерлері Мұқашбеков Дастан Мұратұлы, Райфова Зарина Райфқызы, Федосова Даяна Владимировна және Шүкірбеков Жұрқамырза Бақытұлы марапатталды.

    Ұлттық құрама бас бапкерлері мен спортшылардың жеке жаттықтырушыларының арасынан 5 азаматқа «Парасат» ордені, 7 адамға «Құрмет» ордені берілді. Сонымен қатар екі жаттықтырушы Қазақстан Республикасы Президентінің Құрмет грамотасымен наградталды.

     

  • Қытайлық 100 аса кәсіпорын өз өнімдерін ұсынды

    Қытайлық 100 аса кәсіпорын өз өнімдерін ұсынды

    Қорғас халықаралық ынтымақ орталығында Шаньдунь провинциясы тауарөндірушілерінің экспортқа бағытталған алғашқы көрмесі өтті. Қытай елінің 100-ден аса кәсіпорны өз өнімдерін жұрт назарына ұсынып, сауда-саттық жасады. Ауыл шаруашылығы техникалары, құрылыс материалдары мен құрал-саймандар, басқа да тұрмыстық заттарды саудалауға  делдалсыз, тікелей келісімшарт жасауға мүмкіндік туды. Тауар өндірушілер Қазақстан нарығына сапалы өнімдерін ұсынып, тіпті инвестиция тартуға да ниет білдіріп отыр.

     «Біздің Шыңжаңда және Шандуньде екі зауытымыз бар. Жылына 200 тоннадан астам есік және терезеге қажет металл жабдықтарын шығарамыз. Алматы және Жетісу облысына экспорттауға және сол өңірлерге шағын зауыт салып беруге мүмкіндігіміз бар», — деді  аллюминий зауытының өкілі

    Жанг Жи Юн.

    Қазақстан тарапынан сауда жасауға бұл жолы 200-ге жуық кәсіпкер барып, қызығушылық танытты. Сондықтан мұндай экспортқа бағытталған көрме-жәрмеңкелерді алдағы уақытта Қазақстанда да өтпек. Жалпы Қорғас ынтымақ орталығының әлеуеті жылдан-жылға еселеніп, тәулігіне екі тараптан мыңдаған турист кіріп, арзан бағада сауда жасап қайтып жүр. Ал Қазақстан және Орталық Азия сауда саттық қауымдастығы ұйытқы болған шара екі ел арасындағы экономикалық қарым-қатынасты арттырары сөзсіз.

    «Өте үлкен мүмкіндік. Біз жаңа ғана шыны жүн шығаратын завод өкілдерімен сөйлестік. Олар бізге  келіп, Қазақстанға өзіміздің зауыттарды қойып,  қалай жұмыс істеу керек,  шикізатты қалай аламыз, барлығын үйретіп, көрсетеміз дейді. Бұл керемет.  Ондай ақпаратты  біз үй жақтан таба алмаймыз», — деді жеке кәсіпкер Айрат Талғатұлы.

     

     

     

     

  • Астанада өтетін Димаш Құдайбергеннің концертіне арнайы автобустар қатынайды

    Астанада өтетін Димаш Құдайбергеннің концертіне арнайы автобустар қатынайды

    Қала әкімдігінің хабарлауынша, бұл көрерменнің қауіпсіздігі мен жол кептелісін болдырмау мақсатында қабылданған шара. Арнайы транспорт Салтанат Сарайы, «Әзірет Сұлтан» мешіті және Бас мешіттің жанынан сағат 17:00-ден бастап қатынайды. Ол үшін концерт билетін көрсету қажет. Ал кеш өтетін жерге жеке көлікпен кіруге тыйым салынған. Айта кетейік, бүгін Астана аренада әншінің концерті өтеді.

  • 20 жастан әскерге: петицияға қол жинап жатыр

    20 жастан әскерге: петицияға қол жинап жатыр

    Қазақстандықтар әскерге шақыру жасын өзгерту туралы петицияға қол жинап жатыр. Бастамашы топ, азаматтарды армияға 18 жастан емес, 20 жастан бастап қабылдауды сұрайды. Бұдан әскери қызметтің тиімділігі артып, қорғаныс жүйесінде оң өзгерістер болады делінген құжатта. Яғни, оқу оқып, оң солын ажырата білген кезде, әскерге барғандардың ел алдындағы жауапкершілігі артады дегенді алға тартады. Сондай-ақ, бұл казармадағы әлімжеттік мәселесін де шешпек. Сонымен бірге, петицияда Швеция, Германия, және Австрия елдерінде әскерге шақыру жасы 19-20 жастан басталатыны жазылған. Бұл бастаманы қолдайтындар да, бұдан әскердегі бассыздық тыйылмайды дейтіндер де бар.

    E-Petition сайтында  https://epetition.kz/petition/ee8de9f5-fcb7-4eb7-bb37-b73a50b42be2?petitionDetailTab=SIGNERS&commentPage=0 «Мерзімді әскери қызметке шақыру жасын көтеру туралы» жаңа петиция жарияланды. Қазір петиция 50 дауыс жинап, модерациядан өтіп жатыр.