Sona.kz

Рубрика: Қоғам

  • Балабақша есепшісі 15 млн теңге ұрлаған

    Балабақша есепшісі 15 млн теңге ұрлаған

    Балабақша бухгалтері өзінің қызмет бабын пайдалана отырып, аса ірі көлемде өзіне сеніп тапсырылған бюджет қаражатын ұрлаған (ҚК 189-бабы 4-бөлігінің 2-тармағы).  (далее…)

  • Қорғаныс министрі Жақсылықов үстелді ұрып, генералдарға шүйлікті

    Қорғаныс министрі Жақсылықов үстелді ұрып, генералдарға шүйлікті

    Себебі,   әскери қызметкердің, сарбаздың өлімі туралы ақпарат жиілеп кетті. Ал министр бұған генералдарды кінәлап, үстел ұрып, зекіп сөйледі.

    «Біз Беларусияға айналып барамыз ба? Әлде жоғары лауазымға қол жеткізіп алған соң босаңсып қалдыңдар ма? Дегендеріңе қол жеткіздіңдер, болды ма? Бірінше кезекте, қоғам сендерден нені талап етеді? Жастардың өмірін сақтап қалу. Сендер алдымен қол астындағы адамдардың өміріне жауаптысыңдар. Олардың жұмыс істеуіне барлық жағдайды жасауларың керек», – деді Жақсылықов. 

    Қорғаныс министрі Жақсылықов үстелді тоқпақтап, генералдарға айқай салды

    Ол Әуе қорғанысы күштері бас қолбасшысының орынбасары полковник Талғат Сыздықовқа ескерту жасап, әуе шабуылына қарсы қорғаныс әскерлерінің қолбасшысы генерал-майор Нұртас Қабақовты лауазымынан алу туралы өтініш беретінін айтты.

    Айта кетейік, елімізде 2020 жылдан бері әскерде қаза тапқан сарбаздардың саны 310 адамға жеткен.

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • Egov.kz-те жаңа қызмет пайда болды

    Egov.kz-те жаңа қызмет пайда болды

    Бұрын бала кезінен мүгедектігі бар баланың заңды өкілдері балаларын емханаға тікелей жүгінгенде ғана тіркей алатын. Процедура өтініш берушінің жеке қатысуын ғана емес, сонымен бірге қамқоршылықты немесе қорғаншылықты растайтын сот шешімін немесе басқа құжатты ұсынуды талап ететін.

    «Жаңартылған мемлекеттік қызмет көмегімен қамқоршылар, қорғаншылар, патронат тәрбиешілері және балаға немесе әрекетке қабілетсіз деп танылған адамға қамқорлық жасап, білім беру, тәрбиелеу және олардың құқықтары мен мүдделерін қорғауды жүзеге асыратын басқа да адамдар өздерінің қамқорлығындағы тұлғаларды емханаға өтініш бере алады».

    Көрсетілетін қызметті алу үшін пайдаланушыға:

    • eGov.kz порталында авторизациядан өтіп, «Денсаулық сақтау» бөлімінде «Емханаға тіркелу» қызметін таңдау қажет;
    • өтініш берушінің санатын: «Балаға (18 жасқа дейін, оның ішінде қорғаншылық пен қамқоршылықтағы)» немесе «Заңды өкілге (әрекетке қабілетсіз немесе әрекет қабілеті шектеулі кәмелетке толғандарға)» таңдау керек;
    • аймақ пен ауданды, емхананы, тіркеу себебін (көшу немесе еркін тіркеу), емдеуші дәрігерді таңдап, сонымен қатар көрсетілетін мекенжай мен байланыс телефон нөмірін толтыру қажет;
    • қажетті жолдарды толтырып, ЭЦҚ/QRCode немесе sms-растау арқылы өтінімге қол қою керек.

    Қызметтің нәтижесімен пайдаланушы өтінімді тікелей медициналық ұйымның қарауынан кейін Жеке кабинетінде таныса алады.

    Қызметті тек тұрғылықты жері өзгерген жағдайда ғана емес, сонымен қатар жылына бір реттен жиі емес бір әкімшілік-аумақтық бірлік шеңберінде медициналық ұйымды ауыстырғыңыз келсе де пайдалануға болады.

  • Қазан айында неше күн демалыс?

    Қазан айында неше күн демалыс?

    Республика күніне байланысты қазақстандықтар бес күндік жұмыс аптасында 25, 26, 27 қазан күндері демалады.

    Биыл 25 қазан жұмаға сәйкес келетіндіктен, қазақстандықтар қатарынан үш күн демалады. Ал алты күндік жұмыс аптасымен есептегенде: 25 қазан – демалыс, 26 қазан – жұмыс күні, 27 қазан – демалыс.

  • Алматы метросы жұмыс кестесін өзгертеді

    Алматы метросы жұмыс кестесін өзгертеді

    Бүгін метро әкімшілігі мәлімдеме жасап, 20 қыркүйектен 21 қыркүйекке қараған түні Алмалы бекетінен Абай бекетіне дейінгі аралықтағы рельс бунағын ауыстыру бойынша жоспарлы жұмыстар жүргізілетінін хабарлады.

    Осыған орай, 21 қыркүйек күні метро бекеттері өз жұмысын сағат 07:00-ден бастайды,  – деп хабарлады «Метрополитені» ШЖҚ МКК.

    Әкімшілік уақытша қолайсыздықтар үшін жолаушылардан кешірім сұрады.

     

  • СҚО-да анасы пышақтаған 11 жасар қыз ауруханаға жатқызылды

    СҚО-да анасы пышақтаған 11 жасар қыз ауруханаға жатқызылды

    Жаға ұстатарлық жағдай туралы алғаш ақпаратты жариялаған Бала құқықтары жөніндегі уәкіл Динара Зәкиева болды. Мәліметінше, СҚО-да анасы қызын үй тапсырмасын орындамағаны үшін пышақтап тастаған. Қыз облыстық балалар ауруханасына жатқызылған.

    «Оқушының жағдайы өте ауыр. Қылмыстық іс қозғалды. Комиссия құрылып, экспертиза жасалуда», — деп жазды Динара Зәкиева.

    Артынша комитет жергілікті әкімдік пен комиссияның әйелді қалған балаларын тәрбиелеуден шеттетуге шешім қабылдағанын хабарлады.

    «Медициналық көмек көрсетілуде. Алдағы уақытта психологиялық көмек көрсетіледі. Аталған факті бойынша сотқа дейінгі тергеп-тексеру амалдары жүріп жатыр», — делінген комитет мәлімдемесінде.

    Жағдай жергілікті балалардың құқығын қорғау уәкілінің бақылауына алынды.

  • Қазақстанда қыздарды папилломаға қарсы вакцинациялау басталды

    Қазақстанда қыздарды папилломаға қарсы вакцинациялау басталды

    Қазақстан Республикасының Бас мемлекеттік санитариялық дәрігерінің 2024 жылғы 17 қыркүйектегі № 11 қаулысына сәйкес 11 жастағы қыздар жоспарлы тәртіппен вакцинациялауға жатады. Сондай-ақ 12 жастан бастап 13 жасты қоса алғандағы жастағы қыздарға толықтыра иммундау жүргізіледі.

    Екпе мектептердің медициналық кабинеттерінде ата-аналардың немесе заңды өкілдерінің хабардар етілген келісімін алғаннан кейін жүргізіледі. Сондай-ақ ата-аналардың қалауы бойынша вакцинация тіркелген жердегі емханаларда да жүргізілуі мүмкін.

    Жатыр мойны обыры Қазақстандағы барлық жастағы әйелдер арасында таралуы бойынша екінші орындағы және 25 пен 44 жас аралығындағы әйелдер өлімінің себептері бойынша екінші орындағы қатерлі ісік болып табылады. Жыл сайын елде бұл аурудың 1900-ға жуық жаңа жағдайы тіркеледі. Ғылыми зерттеулер жатыр мойны обырының негізгі себебі АПВ инфекциясын жұқтыру екенін дәлелдеді.

    АПВ-ға қарсы вакцина халықаралық деңгейде өзінің тиімділігі мен қауіпсіздігін дәлелдеді. Бүгінгі таңда АПВ-ға қарсы вакцина әлемнің 135 елінде, соның ішінде Өзбекстан, Қырғызстан және Түрікменстанда қолданылады. Бүгінгі таңда бірқатар елдерде вакцинацияның арқасында әйелдер арасында АПВ-ның таралуы 90%-ға төмендеді.

  • Ауа райы: -6 градусқа дейін суытады

    Ауа райы: -6 градусқа дейін суытады

    Еліміздің шығысында, оңтүстігінде, оңтүстік-шығысында жылжыған фронтальді бөліктердің әсерінен найзағай ойнап, жаңбыр жауады,елдің солтүстігінде, шығысында, оңтүстік-шығыстың таулы аймақтарында түнде және таңертең тұман болады деп күтіледі. Республика бойынша сипат беретін ортақ табиғи құбылыс – желдің екпін алуы.

    Шығыс Қазақстан облысында, Павлодар облысында, Солтүстік Қазақстан облысының шығысында, солтүстігінде, Қарағанды өңірінде, Абай облысының батысында, шығысында, орталығында, Қостанай өңірінің солтүстік-шығысында, Ақмола облысының солтүстігінде, шығысында, Жетісу облысының таулы аудандарында сынап бағаны –1-ден -6 градусқа дейін төмендеп, күн суытады, үсік жүреді.

    Ақтөбе, Ұлытау облыстарында, Жетісу өңірінің батысында, БҚО-ның солтүстік-шығысында, Қызылорда өңірінің солтүстік-шығысында, солтүстік-батысында, Жамбыл облысының оңтүстік-батысында, оңтүстік-шығысында, Қарағанды өңірінің батысында, орталығында, ШҚО-ның батысында, оңтүстігінде, орталығында, Қостанай облысының оңтүстігіне өрт қаупі жоғары болады.

    Қызылорда, Түркістан, Жамбыл, Атырау, Маңғыстау, Батыс Қазақстан облыстарында, Қарағанды өңірінің батысында, шығысында, Ұлытау облысының солтүстігінде, оңтүстігінде, Абай облысының оңтүстігінде,  Жетісу өңірінің солтүстігінде, орталығында, Ақтөбе облысының оңтүстігінде, Алматы облысының солтүстігінде, батысында төтенше өрт қаупі сақталады.

  • Қазақстан «ішкіштер» елі ме?

    Қазақстан «ішкіштер» елі ме?

    Әрбір отбасы орташа есеппен 5,5 мың теңгесін алкогольдік сусындарға жұмсайды, бұл өткен жылмен салыстырғанда 8,1% көп екен.

    Energyprom мәліметтеріне сүйенсек, алкогольге ең көп ақша жұмсайтын аймақтар арасында Шығыс Қазақстан облысы көш басында екен. Өңір тұрғындары 9,5 мың теңге жұмсаған, бұл жыл басымен салыстырғанда 14,8% артық. Үштікке Павлодар облысы мен Алматы кіреді.

    Әлемдік контексте Қазақстан жан басына шаққанда алкоголь тұтыну бойынша 100-орында. Яғни, жылына 5 литр. Бұл тізімде Латвия, Молдова және Германия алдыңғы қатарда, онда көрсеткіш жылына 13 литрге дейін жетеді.

    Бір қызығы, Қытай алкоголь өндірісінен түскен кірістер бойынша көшбасшы болып отыр (336 миллиард АҚШ доллары). Бірақ адам басына шаққанда алкоголь тұтыну бойынша 87-орында, яғни жылына 6 литр.

  • Әлемде коронавирустың жаңа түрі тарап жатыр

    Әлемде коронавирустың жаңа түрі тарап жатыр

    Медициналық сарапшылардың пікірінше, ол жақында әлемде басым штаммға айналуы мүмкін.

    XEC – омикронның KS.1.1 және KP.3.3 субварианттарының гибриді, оның мутациялары осы күзде кең таралуына ықпал етуі мүмкін. Скриппс институтының мәліметтері бойынша, бұл нұсқа Ұлыбритания, Дания, Франция, Ирландия, Швеция, Италия және Испанияда анықталған. Ғалымдар XEC-ті алғаш рет маусымда Берлинде анықтаған еді, қазір ол 11 еуропа еліне және әлемнің басқа 4 еліне де таралған.

    XEC Германия, Бельгия, Словения және Нидерландыда секвенирленген үлгілердің 1%-ын құрайды. Алайда, сарапшылар оның таралуына қарсы вакциналар тиімді болуы мүмкін деп санайды. Еуропалық аурулардың алдын алу және бақылау орталығы (ECDC) қысқы маусымға дейін вакцина алуды ұсынады.