Қазақстанда барлық деңгейдегі мәслихат депутаттарының кезектен тыс сайлауы 2026 жылғы 29 қарашада өтеді. Сайлау күнін Орталық сайлау комиссиясы белгіледі.
Бұған дейін Президент Қасым-Жомарт Тоқаев барлық деңгейдегі мәслихаттардың өкілеттігін мерзімінен бұрын тоқтату туралы жарлыққа қол қойған болатын.
Жарлыққа сәйкес, Орталық сайлау комиссиясына кезектен тыс сайлауды тағайындау, оған дайындық жүргізу және ұйымдастыру шараларын қабылдау тапсырылды.
Енді дауыс беру 29 қараша, жексенбі күні өтеді.
Сайлау қорытындысында жергілікті өкілді органдардың жаңа құрамы жасақталады.
Мәслихат депутаттары жергілікті бюджеттерді бекітуге, өңірлерді дамыту бағдарламаларын қарауға және заңнамада белгіленген өзге де міндеттерді атқаруға қатысады.
