Олар қазір қала сыртындағы әскери дала лагерінде дайындық үстінде. Лагерь 288 шатырдан тұрады, оның ішінде жатын орындар, далалық асханалар мен тұрмыстық бөлмелер қарастырылған. Сарбаздар күніне 6 сағат саптық дайындықтан өтуде.
Парадқа Қарулы күштердің түрлі бөлімшелері қатысады: Ұлттық ұлан, десантшылар, арнайы мақсаттағы жасақ, сондай-ақ әскери қызметтегі әйелдер ротасы. Әйелдер автоматтың жеңіл түрімен сап түзейді. Олардың арасында үш баланың анасы, ефрейтор Светлана да бар.
Сондай-ақ шарада БҰҰ бітімгерлік құрамындағы көгілдір каскалы сарбаздар мен Екінші дүниежүзілік соғыс кезеңінің формасын киген жауынгерлер де болады. Әскери техникалар мен тарихи образдар көрермендерге ерекше әсер қалдырмақ.
