Қазақстан Үкіметі «Alatau» арнайы экономикалық аймағының жаңартылған шекараларын бекітті. Енді оның құрамына Қонаев қаласының, Алатау ауданының, сондай-ақ Талғар және Іле аудандарының аумақтары кіреді. Жаңартылған АЭА-ға порттық мәртебе беріліп, дамуы әуежай инфрақұрылымы мен көліктік-логистикалық жобаларға басымдықпен жүргізіледі, деп хабарлайды Sona.kz Kazinform-ға сілтеме жасап.
2047 жылға дейінгі даму жоспары төмендегідей көрсеткіштерді қамтиды:
•53 қатысушы;
•1666 млрд теңге инвестиция, оның ішінде 1 трлн теңгеден астамы – шетелдік;
•1759 млрд теңге өнім мен қызмет көлемі;
•17,3 мың жаңа жұмыс орны;
•91% қазақстандық қамту деңгейі.
Аумағының кеңеюі ірі логистикалық, өндірістік және инфрақұрылымдық жобаларды іске асыруға мүмкіндік береді. Инвесторлар көлік хабын дамытуға және халықаралық бағыттармен өзара байланыс арттыруға бағытталған бірқатар жобаларды дайындап жатыр.
