Щучинск қаласындағы «Центр плова» дәмханасында болған жарылыстан қаза тапқандар саны тоғыз адамға жетті. Тоғызыншы құрбан бүгін Щучинск аудандық ауруханасында жан тапсырды. Дәрігерлердің мәліметінше, марқұмның денесінің 85 пайызы күйіп кеткен, бұл жарақаттар өмірмен жанаспайтын болып шықты.
Қазіргі уақытта Щучинск аудандық ауруханасында тағы екі науқас жатыр, олардың жағдайы ауыр деп бағалануда. Мамандар олардың жағдайын тұрақтандыру үшін қолдан келгеннің бәрін жасап жатыр, бірақ жарақаттардың ауырлығына байланысты болжам жасау әлі ерте.
Тағы төрт науқас Ақмола облыстық көпсалалы ауруханасында ем қабылдауда. Олардың бірінің жағдайы аса ауыр және қазіргі уақытта өкпені жасанды желдету (ӨЖЖ) аппаратына қосылған. Облыстық орталықтың медицина қызметкерлері күшейтілген режимде жұмыс істеп жатыр.
Еске сала кетейік, осы қайғылы оқиға бойынша қылмыстық іс қозғалып, дәмхана иесі ұсталған болатын. Аймақ билігі қаза тапқандардың отбасыларына көңіл айтты. Қалған зардап шегушілерді емдеу мәселесі облыстық денсаулық сақтау басқармасы басшылығының жеке бақылауында.
Теміржол маңында жалғыз жүрген 4 жасар баланы машинист құтқарып қалды
Жетісу облысында жүк пойызының машинисі теміржол маңындағы далада жалғыз жүрген төрт жасар баланы байқап, құрамды тоқтатты, деп...
