Черногорияда «НеМолчиKZ» қорының негізін қалаушы Дина Таңсәрі ұсталды.
Ол ұсталарының алдында қысқа видеоүндеу жазып үлгерген. Ертең оны экстрадициялау мәселесі бойынша сот отырысы өтеді.
«Мені қазір ғана ұстап, Подгорица полициясына алып келді. Ертең экстрадиция бойынша сот болады. Не болатынын білмеймін, бірақ таңға дейін ұстау туралы айтты. Неге бұлай жасағанын түсінбедім, бірден сотқа апаруға болар еді. Қазір достарымнан қолдау сұраймын. Бар үмітім – экстрадиция болмайды дегенге», – дейді ол видеоүндеуде.
Естеріңізге сала кетейік, «НеМолчи» қорының басшысы Дина Таңсәріге қатысты бірден алты қылмыстық іс қозғалып, іздеу жарияланған.
