ҚР Денсаулық сақтау министрлігі әлеуметтік маңызы бар аурулардың жаңартылған тізімін жариялады, деп хабарлайды Sona.kz TengriHealth-ке сілтеме жасап.
Жаңа бұйрыққа сәйкес, 2026 жылғы 1 қаңтардан бастап тізімде тек 11 негізгі ауру түрі қалады. Олардың қатарында туберкулез, ВИЧ, қатерлі ісіктер, психикалық бұзылыстар, орфандық және жүйке жүйесінің ауыр аурулары бар.
Ал қант диабеті, церебралды сал (ДЦП), ревматизм және дәнекер тіннің жүйелі аурулары (мысалы, қызыл жегі, склеродермия) тізімнен шығарылды.
Бұған дейін министрлік қант диабетімен ауыратын науқастар енді тегін медициналық көмекті тек міндетті әлеуметтік медициналық сақтандыру (МӘМС) аясында алатынын хабарлаған еді. Бұл жаңалық қоғамда алаңдаушылық тудырған.
Қазір елімізде 500 мыңнан астам адам диабетке шалдыққан, олардың ішінде 5,6 мың бала бар. Сарапшылардың айтуынша, бұл шешім дәрі-дәрмекпен қамту мен тұрақты бақылауға кері әсер етуі мүмкін.
