Қазақстанда алғашқы медициналық-санитарлық көмек қызметкерлерін ынталандыру жүйесі өзгерді. Енді медбикелер, фельдшерлер және акушерлер сапалы жұмысы үшін қосымша төлемдер ала алады. Бонус мөлшері тоқсан сайын 1,7 млн теңгеге дейін жетуі мүмкін, деп хабарлайды Sona.kz Денсаулық сақтау министрлігіне сілтеме жасап.
Министрліктің мәліметінше, сыйақы науқастарды динамикалық бақылау, жүрек-қан тамырлары және диабет ауруларын басқару, созылмалы дерттерді ерте анықтау, жүкті әйелдермен жұмыс, сондай-ақ туберкулез бен онкологияны диагностикалау көрсеткіштеріне байланысты беріледі.
«Жаңа шаралар бастапқы буын мамандарын ынталандырып, созылмалы аурулармен күресте ұзақ мерзімді әсер береді», — деді ведомствода.
