Қазақстанда музыкалық шығармалардың қолданылуын автоматты түрде тіркеп, авторларға сыйақыны есептейтін бірыңғай цифрлық платформаны енгізу жоспарланып отыр, деп хабарлайды Sona.kz Tengrinews.kz-ке сілтеме жасап.
Оның айтуынша, жаңа жүйе авторларға жеке кабинет арқылы өз контентінің қай жерде және қандай көлемде пайдаланылғанын бақылауға мүмкіндік береді. Ал пайдаланушылар есептеулердің дұрыстығын тексере алады. Жобаның негізгі мақсаты авторлық құқық саласының ашықтығын арттыру және барлық орындалуларды дәл есепке алу.
Министрлік мәліметінше, теледидар мен радио автоматты тану жүйесіне қосылу жұмыстарын бастап кетті. Егер музыкалық шығарма эфирде орындалса, бұл ақпарат цифрлық жүйеде автоматты түрде тіркеледі және сыйақы белгіленген ережелерге сәйкес есептеледі.
Платформа кезең-кезеңімен енгізіледі. Заң күшіне енгеннен кейін бірінші кезеңде эфирлік және кабельдік хабар тарату ұйымдары жүйе арқылы жұмыс істей бастайды.
2026 жылдың 1 шілдесінен бастап жүйеге театрлар, кинотеатрлар және филармониялар қосылады. 2027 жылдың 1 қаңтарынан бастап платформа барлық басқа пайдаланушылар үшін міндетті болады.
Әділет министрлігі автоматтандыру роялти есептеудегі дауларды азайтып, авторлар мен музыкалық контентті пайдаланушылар арасындағы өзара әрекеттестіктің ашықтығын арттырады деп есептейді.
