Осыған байланысты Қонаев қаласының әкімдігі белгіленбеген орындарда қоқыс тастайтындарға бақылауды күшейтті. Соңғы бір аптада ҚР ӘҚБтК-нің 505-бабына (Қалалар мен елді мекендердің аумақтарын абаттандыру қағидаларын бұзу) сәйкес, 2 адамға ескерту беріліп, 1 адамға айыппұл салынды.
Сондай-ақ тазалық сақтамағандармен Полиция басқармасы да күресуде. Тамыз айында ҚР ӘҚБтК-нің 505-бабы бойынша 149 адамға ескерту беріліп, 1 жеке тұлғаға 43250 тг айыппұл салынды. Ал ҚР ӘҚБтК-нің 434-2 бабына (Ортақ пайдаланылатын орындарды ластау) сәйкес, 64875 тг айыппұл салынды.
ТҮКШ бөлімінің мамандары тұрғындарды айналаны ластамауға, “Таза Қазақстан” принципін ұстануға шақырады.
