Қазақстан азаматтары шетелдік онлайн-дүкендерден алған тауарлары үшін 5% мөлшерінде кедендік төлем төлеуге міндеттелуі мүмкін. Бұл ЕАЭО-ның Кеден кодексіне енгізілетін жаңа ережелер аясында қарастырылып жатыр.
Комитет мәліметінше, мұндай тауарлар енді “электрондық сауда тауарлары” деп жеке санатқа бөлінеді. Арнайы декларация да енгізіледі. Алайда құны 200 еуроға дейінгі заттар бұрынғыдай баж салығынан босатылады.
Тапсырыс жеткізу екі жолмен жүреді: шетелден тікелей немесе отандық қойма арқылы. Ереже ЕАЭО елдері мақұлдағаннан кейін күшіне енеді.
