Ақмола облысының Щучинск қаласында ерлі-зайыпты қаза тапқан жеке үйді өртеді деген күдікпен 39 жастағы жергілікті тұрғын ұсталды.
«Алдын ала мәлімет бойынша 39 жастағы жергілікті тұрғын тұрғын үйді қасақана өртеген. Ол ұсталып, уақытша ұстау изоляторына қамалды», — деп хабарлады Ақмола облысының Полиция департаменті.
Өрт түнде жеке тұрғын үйде болған. Өрт сөндірілгеннен кейін құтқарушылар үй ішінен 1968 жылы туған ер адам мен әйелдің денесін тапқан. Қаза тапқандар ерлі-зайыпты болған.
Өрт 90 шаршы метр аумақты шарпыған. Оны сөндіруге ТЖД-ның 16 қызметкері мен төрт техника жұмылдырылған.
Қазір сотқа дейінгі тергеу жүргізіліп жатыр. Полиция оқиғаның себебі мен барлық мән-жайын анықтауда.
Ұсталған адамның қаза тапқандарға кім болып келетіні және олармен таныс болған-болмағаны әзірге ресми түрде айтылған жоқ.
