Ақмола облысының Щучинск қаласында түнде жеке тұрғын үй өртеніп, екі адам қаза тапты.
Өңірлік ТЖД мәліметінше, өрт 90 шаршы метр аумақты шарпыған.
Өрт сөндірілгеннен кейін үй ішінен 1968 жылы туған ер адам мен әйелдің денесі табылды. Қаза тапқандар ерлі-зайыпты болған.
Өртті сөндіруге ТЖД-ның 16 қызметкері мен төрт техника жұмылдырылды.
Өрттің шығу себебі анықталып жатыр.
Ақмола облысының Полиция департаменті оқиғаның Бурабай аудандық полиция бөлімінде тіркелгенін хабарлады.
Оқиға орнында полиция қызметкерлері мен арнайы қызмет өкілдері жұмыс істеп жатыр. Болған жағдайдың барлық мән-жайы анықталуда.
