Бұл туралы Мемлекет басшысы VI Дүниежүзілік көшпенділер ойындарының жеңімпаздары мен жүлдегерлерін марапаттау рәсімінде айтты.
«Қазан айында Конституцияның 46-бабына сәйкес Қазақстан халқына Жолдауымды жариялап, алдағы кезеңге арналған мақсат-міндеттерді айқындаймын», — деді Қасым-Жомарт Тоқаев.
Президент бұған дейін елдегі мемлекеттік институттарды жаңарту жұмыстарына тоқталды.
Ол Вице-Президент тағайындалғанын, Үкіметтің жаңартылған құрамы жұмысқа кіріскенін және Қауіпсіздік Кеңесінің Аппараты құрылғанын атап өтті.
Алдағы уақытта Қазақстан Халық Кеңесінің құрамы да бекітілуі тиіс.
Сонымен қатар Құрылтай депутаттарының келісімімен Конституциялық Сот судьяларын, Орталық сайлау комиссиясы мен Жоғары аудиторлық палата мүшелерін тағайындау жоспарланып отыр.
Тоқаевтың айтуынша, бұл өзгерістер жүзеге асырылып жатқан кешенді реформалардың бір бөлігі.
Қазан айындағы Жолдауда Мемлекет басшысы елдің алдағы кезеңдегі негізгі даму басымдықтарын және мемлекеттік органдардың алдында тұрған міндеттерді айқындайды деп күтіледі.
2026 жылғы 1 шілдеде күшіне енген Қазақстанның жаңа Конституциясының 46-бабында Президенттің елдегі жағдай және ішкі және сыртқы саясаттың негізгі бағыттары туралы Қазақстан халқына Жолдау жасау өкілеттігі бекітілген.
