Қолданыстағы талаптарға сәйкес, әр үй иесі өз үйіне іргелес жатқан 5 метрге дейінгі аумақтың тазалығы мен абаттандырылуын қамтамасыз етуі тиіс.
Қалада жүргізілген мониторинг барысында шеткі шағынаудандардағы жеке тұрғын үйлердің маңында шөп өсіп, аумақтардың тиісті деңгейде күтіп ұсталмағаны анықталды. Мұндай жағдай қаланың жалпы санитарлық және эстетикалық көрінісіне әсер етеді.
Қазіргі таңда бұл аймақтарды ретке келтіруге коммуналдық қызмет мамандары тартылып, арамшөптер шабылып, көшелер мен үй маңдары тазалануда.
❗️2026 жылғы 1 шілдеден бастап күшіне енген жаңа қағидаларға сәйкес, тұрғындар өз үйлеріне іргелес аумақты тұрақты түрде күтіп ұстауға, қоқысты уақытылы жинауға, арамшөптерді шауып, тазалық пен абаттандыру талаптарын сақтауға міндетті.
Сонымен қатар абаттандыру қағидаларын бұзғаны үшін ҚР ӘҚБтК шеңберінде жауапкершілік қарастырылған.
