Оқиға Соколов-Сарыбай кен-байыту өндірістік бірлестігінің Соколов шахтасында болған. 280 метр тереңде жұмыс істеп жатқан шахтер қаза тапты.
Ақпаратты комбинаттың баспасөз қызметі растады.
«Өндірісте құрылыс жұмыстары жүргізілген. Содан кейін 280 метр тереңдікте тау-кен массасының бір бөлігі опырылып, жұмысшының үстіне құлап, басып қалған. Қызметкер ауыр жарақат алып, тіл тартпастан қаза тапты. Қазіргі таңда тергеу амалдары жүргізіліп жатыр», — делінген ресми хабарламада.
Кәсіпорын ұжымы көңіл айтып, сондай-ақ марқұмның отбасына қажетті көмек көрсетілетінін мәлімдеді.
Добавить комментарий