Sona.kz

Метка: алаяқ

  • Атыраулық әйел адамдардан 80 млн теңгеге жуық ақша жымқырған

    Атыраулық әйел адамдардан 80 млн теңгеге жуық ақша жымқырған

    Атырауда 80 млн теңгеге жуық қаражатты жымқырған интернет-алаяқ ұсталды, – деп хабарлайды Polisia.kz.

    Атырау облысының 31 жастағы тұрғыны онлайн-банкинг арқылы тұрғындарға несие қаражатын қолма-қол алып беретінін айтып, алаяқтық қылмысын жасаған.

    Күдікті осындай жолмен 30 қылмыс жасап, тұрғындарға 80 млн теңгеге жуық шығын келтірген.

    Қазіргі таңда 31 жастағы күдіктіге қатысты алаяқтық дерегімен қылмыстық іс қозғалып, тергеу амалдары жүргізіліп жатыр. Өзге ақпарат тергеу мүддесіне сәйкес жариялауға жатпайды.

    Полиция интернет-алаяқтардан сақ болуға және жеке деректерді құпия ұстау шақырады.

  • 21 адамды алдап, 101 млн теңге пайда көрген алаяқ сотталды

    21 адамды алдап, 101 млн теңге пайда көрген алаяқ сотталды

    Шығыс Қазақстан облысы Зайсан ауданында 21 адамды алдап соққан алаяқ 6 жарым жылға түрмеге қамалды.

    Зайсан аудандық сотында аса ірі мөлшерде алаяқтық жасаған адамға қатысты қылмыстық іс қаралды. Белгілі болғандай, ол таныстарына «Даму» кәсіпкерлікті дамыту бағдарламасы бойынша қомақты несие алатынын, бірақ соған ақша құю қажеттігін айтқан. Сол кезде алған ақшасын екі есе қылып қайтарып беретіндігіне сендірген.

    – 2022 жылдың сәуір айынан бастап 2024 жылдың наурыз айына дейін 21 адамнан жалпы мөлшері 101 563 988 теңге алған. Сот барысында жәбірленушілер айыпталушыдан материалдық шығынды өндіріп беруді және қатаң жаза тағайындауды сұрады. Сотталушының асырауында кәмелетке толмаған екі баласының болуы іс бойынша жазаны жеңілдететін мән-жай деп танылды, – деп хабарлады ШҚО сотының баспасөз қызметінен.

    Сот шешімімен Қ. есімді 6 жыл 6 ай мерзімге бас бостандығынан айырылды. Жәбірленушілерге келтірілген материалдық шығын толықтай өндірілді. Үкім әлі заңды күшіне енген жоқ.

     

  • Ақмолада көрші есебінен 1,2 млн теңге несие рәсімдеген алаяқ ұсталды

    Ақмолада көрші есебінен 1,2 млн теңге несие рәсімдеген алаяқ ұсталды

    Белгілі болғандай, күдікті жәбірленушінің сеніміне кіріп, телефонын алып, банк қосымшасы арқылы 1,2 миллион теңге рәсімдеген.

    Қазір бұл дерекке қатысты тергеу жүріп жатыр. Полиция азаматтарға жеке деректер мен банк қосымшаларына бөгде адамдардың қол жеткізуіне жол бермеуді ескертеді.

  • «Жұмыс визасын жасап беремін» деген алаяқ ​92 миллион теңге иемденген

    «Жұмыс визасын жасап беремін» деген алаяқ ​92 миллион теңге иемденген

    Түркістан облысында алаяқ 2023-2024 жылдар аралығында 23 жәбірленушіні Оңтүстік Корея мемлекетіне еңбек қызметін жүзеге асыру үшін жұмыс визасын жасап беремін деп алдау арқылы 92 020 000 теңге жымқырған, деп хабарлайды ҚР Бас прокуратурасы.

    Сот барысында мемлекеттік айыптаушы сотталушының кінәсін толық дәлелдеді. Өз кезегінде алаяқ 6 жыл мерзімге бас бостандығынан айырылды, сондай-ақ 23 жәбірленушілердің азаматтық талап қоюлары қанағаттандырылды. Сот үкімі заңды күшіне енген жоқ.

  • Тұрғындарды 78 млн теңгеге алдап кеткен азамат қолға түсті

    Тұрғындарды 78 млн теңгеге алдап кеткен азамат қолға түсті

    Батыс Қазақстан облысы ПД экстремизмге қарсы іс-қимыл басқармасының қызметкерлері 25 жастағы жергілікті тұрғынды ұстады.

    Күдікті техника мен автокөлік сатып алу, ұялы телефон сату, тауарлық несиені қолма-қол ақшаға айналдыру және ақшаны көбейту сияқты желеулерді пайдаланып, адамдарды сеніміне кірген.

    Мәселен, 2023 жылдың қазан айында ол Орал қаласының бір тұрғынын тауарлық несиені қолма-қол ақшаға айналдыру сылтауымен 4 миллион теңгеден астам қаржыға алдап кеткен. Сондай-ақ сәуір мен қазан айлары аралығында тағы бір қала тұрғынына тұрмыстық техника жеткізіп беремін деп, 4,5 миллион теңгеден астам шығын келтірген. Тергеу барысында алаяқтың құрбандары негізінен өз таныстары екені анықталды.

    Қазіргі уақытта күдіктіге қатысты 14 алаяқтық дерегі бойынша тергеу амалдары жүргізілуде. Келтірілген жалпы шығын көлемі 78 миллион теңгеден асады. Ұсталған азамат уақытша ұстау изоляторына қамалып, өз кінәсін мойындады.

    Ол алдап алған қаражаттың басым бөлігін бәс тігуге жұмсағанын айтқан. Құқық қорғау органдары тұрғындарды қырағы болуға шақырады. Егер сіз алаяқтардың арбауына түсіп қалсаңыз, тез арада полицияға хабарласқаныңыз жөн.

  • Елімізде алаяқтықтың тағы бір түрі пайда болған

    Елімізде алаяқтықтың тағы бір түрі пайда болған

    Интернетте TikTok, Telegram, Instagram және басқа танымал платформалардағы аккаунттарды сатып алу-сатуға қатысты алаяқтық схемалар белсенді түрде таралуда.

    Мәселен, жоқ шоттарды сату. Сізге «миллион жазылушысы» бар шот ұсынылады, бірақ ақша аударылғаннан кейін сатушы жоғалып кетеді.

    Сатудан кейінгі тосқауыл. Есептік жазба сізге аударылған болса да, алаяқ байланысқан электрондық пошта немесе телефон нөмірі арқылы кіруді қалпына келтіре алады.

    Сатып алынған есептік жазба бұғатталуы мүмкін. Әлеуметтік желілер қайта сатуға қарсы белсенді түрде күреседі және ережелерді бұзғаны үшін есептік жазбаңыз жабылуы мүмкін.

    Ұрланған тіркелгілерді пайдалану. Кейде алаяқтар заңсыз жолмен алған шоттарын сатады.

    Оларды сатып алу арқылы сіз өзіңіз схеманың бір бөлігі боласыз.

    Фишингтік сілтемелер. «Транзакцияны растау» үшін сізге жалған кіру парағы жіберілуі мүмкін, деректеріңіз ұрлануы және негізгі тіркелгіңізге шабуыл жасалуы мүмкін.

    Тіркелгілерді сатып алмаңыз, бұған көптеген платформалардың ережелері тыйым салады.
    «Тамаша» ұсыныстарға сенбеңіз, әсіресе кепілдіксіз.

    Ешқашан бейтаныс адамдарға алдын ала ақша аудармаңыз. Тіркелгілеріңізді қорғау үшін екі факторлы аутентификацияны пайдаланыңыз. Сатушының беделін тексеріңіз, бірақ шолулар жалған болуы мүмкін екенін ескеріңіз.

    Егер сізге шотты сатып алу немесе сату ұсынылса, абай болыңыз. Ақшаны және жазылушылардың сенімін жоғалтқанша, өз профиліңізді дамытуға уақыт жұмсаған дұрыс.

  • Қарт кісі баспанасын сатып, түскен ақшаны алаяқтарға аударып жіберген

    Қарт кісі баспанасын сатып, түскен ақшаны алаяқтарға аударып жіберген

    Көкшетауда 74 жастағы зейнеткер пәтерін сатып, түскен ақшаны алаяқтарға беріп жіберген.

    Облыстық ПД мәліметінше, қылмыскерлер әйелді арнайы операцияны өткізуде құқық қорғау органдарына көмектесетініне сендірді.

    Көкшетауда полицейлер 74 жастағы зейнеткер құрбан болған ірі алаяқтық фактісі бойынша қылмыстық істі тергеп жатыр. Сенімге кіргеннен кейін қылмыскерлер әйелді өз пәтерін сатуға және барлық ақшаны белгісіз бір шоттарға аударуға көндірген.

    «Қылмыстық іс материалдарынан көрініп тұрғандай, 3 ақпанда жәбірленушінің «WhatsApp мессенджері арқылы хабарлама келген. Белгілі болғандай, қазіргі уақытта құқық қорғау органдары қызметкерлері, оның ішінде зейнеткерлікке шыққан қызметкерлер де, ақпараттық ағындардың заңсыз кетуі мен террористік ұйымдардың қаржылық демеушілігіне қатысты тексерулер жүргізіп жатыр. Күні бойы зейнеткерге ҰҚКД және Ұлттық Банктің қызметкерлері ретінде жалған қоңыраулар түсіп, алаяқтар оның атынан тыйым салынған ұйымдарға қаржы аударайын деп жатқанын айтып сендірген. Алайда, бұл қылмыстық әрекеттерді тоқтату үшін әлі де мүмкіндік бар екенін айтып, алаяқтық әрекетін іске асырды.

    Банктің жалған менеджері ақмолалық әйелге өз пәтерін алаяқтарға сату қажеттігін түсіндірген. Ол пәтерді сатқан соң, қауіпсіздік қызметкерлері алаяқтарды ұстап, сатып алу-сату мәмілесі жойылады деп сендірген. Сонымен қатар, әйелге бұл арнайы операцияға қатысатыны туралы ешкімге айтуға болмайтыны ескертілген. Алаяқтар оған жергілікті пәтер сатып алушысы болып көрінетін адамның нөмірін беріп, 18,5 миллион теңгеге пәтер сатып алу туралы келісім жасалған. Осыдан кейін әйел мен риэлтор мәмілені рәсімдеп, ол түскен ақшаны толық көлемде үшінші тұлғалардың шоттарына аударған. Барлығы 30-дан астам транзакция жасап, әртүрлі жерлерде ақша аударымдарын жүргізген», — делінген ПД хабарламасында.

    11 ақпанда ақмолалық полицияға алаяқтық әрекеттер туралы арыз жазды. Қазіргі уақытта сотқа дейінгі тергеп-тексеру және жедел іс-шаралары жүргізілуде.

  • 14 жыл бойы іздеуде жүрген алаяқ Алматыда ұсталды

    14 жыл бойы іздеуде жүрген алаяқ Алматыда ұсталды

    Шығыс Қазақстан облысында алаяқтық жасағаны үшін 14 жыл бойы іздеуде болған әйел Алматыда қолға түсті. Белгілі болғандай, қылмыскер Өскемен қалалық полициясынан ұзақ жыл бойы жасырынып жүрген.

    32 жастағы әйел алаяқтық жасағаны үшін іздеуде болған. Ол құқық қорғау органдарынан 14 жыл бойы жасырынып келді. Полицейлер оны Алматы қаласынан тапты. Қазіргі уақытта әйел адам сол жақтағы полиция департаментінің уақытша ұстау изоляторына қамалды, – деп хабарлады ШҚО ПД баспасөз қызметінен.

    Айта кетейік, 2025 жылдың басынан бері тәртіп сақшылары іздестіру шаралары барысында бес қылмыскерді ұстаған. Олардың екеуі бұрын жасаған қылмыстары үшін іздеуде болған.

     

  • 88 адамды алдаған күдікті Грузиядан экстрадицияланды

    88 адамды алдаған күдікті Грузиядан экстрадицияланды

    Бас прокуратураның мәліметінше, 2020 жылы аталған тұлға адамдар тобының алдын ала сөз байласуымен және субсидия алуға көмек көрсету сылтауымен Ұлытау облысының 88 тұрғынының қаражатын иемденіп, жалпы сомасы 30 миллион теңгеден астам шығын келтірген.

    «Екі сыбайласы әр түрлі жазаға тартылды. Ал күдікті қылмыс жасағаннан кейін жасырынған. Сондықтан ол  халықаралық іздеуге жарияланды.

    2024 жылы ол Грузия аумағында анықталып, Қазақстан Республикасы Бас прокуратурасының сұрау салуы бойынша отанына экстрадицияланды.

    Қазір күдікті Ақтау қаласының тергеу изоляторына қамауға алынды», – делінген хабарламада.

    Айыпталған қылмысты жасағаны үшін мүлкі тәркіленіп, үш жылдан жеті жылға дейін бас бостандығынан айыру жазасы қарастырылған.

    Бас прокуратура азаматтарды алаяқтардың құрбаны болудан сақ болуға шақырады. Өзіңізді және жақындарыңызды қаржылық шығындардан қорғаңыз.

  • Астанада 35 зейнеткер алаяққа 286 млн теңге жинап берген

    Астанада 35 зейнеткер алаяққа 286 млн теңге жинап берген

    Астанада бір адам 2016 жылдан бастап 2024 жылға дейін «Happy Life KZ» атты қаржы пирамидасын құрып, 35 зейнеткерді сан соқтырған.

    Қаржы мониторинг агенттігінің баспасөз қызметі хабарлағандай, алаяқ зейнеткерлерге биологиялық белсенді қоспа сатамын деп әрі оны өзгелерге сатса, мол табысқа кенелесіздер деп олардан кемі 7500 теңге, ал ең көбі 2 млн теңге алған. Жалпы, 35 адамты тартқан алаяқ 286 млн теңге жинап алған.

    «Зардап шеккендердің бәрі – жеңіл табыс туралы құрғақ уәдеге сеніп қалған зейнеткерлер екенін атап өту керек», – дейді ҚМА агенттігі.

    Қаржы пирамидасын құрған адам жиналған ақшаны өз мүддесіне жұмсап, Астанадан қымбат пәтер сатып алған. Қазір сот оның пәтеріне арест қойып, өзінен ешқайда кетпеу туралы қолхат алған.