67 жастағы қарияның үйіне өзін электрикпіз деп таныстырған жасөспірімдер кіріп, оны соққыға жығып, балағаттап, қорлаған. Қарт кісі жалғыз тұрады, жақындары өмірден өткен.
Полиция қылмыстық іс қозғап, күдіктілерді уақытша ұстау изоляторына қамады. Олардың ата-аналары да жауапқа тартылады.
Сатушымен алдын ала келісіп, 100 мың теңге алдын ала төлем жасаған. Алайда мәміле жасалар күні сатушының орнына сенімхатпен келген туысы құжаттарды рәсімдеген.
Нотариус пәтер құжаттарында ескі мекенжай көрсетілгенін анықтап, алдын ала келісімшарт рәсімдеуді ұсынған. Отбасы пәтер үшін 11 млн теңге төлеп, қалған 5 млн теңгені құжаттар түзетілген соң беруге келіскен.
Келесі күні сатушы ақшаны алмағанын айтып, оның орнына келген адамның алаяқ екенін мәлімдеген. Жәбірленуші осы уақытқа дейін ақшасын қайтара алмай жүр.
Jibek Joly телеарнасындағы журналист Ерболат Мұхамеджанның авторлық «Уәде» бағдарламасына Қазақстан Республикасы Парламенті Мәжілісінің Аграрлық мәселелер комитетінің төрағасы, «Ауыл» партиясының төрағасы Серік Егізбаев қатысты.
Бағдарлама барысында спикер агроөнеркәсіп кешеніндегі жалған статистика мәселесін ашық көтерді.
«Мен эфирде ашық айтып отырмын, Айдарбек Сейпелұлы президенттің қабылдауында болды. Сол кезде ол статистика мәселесін көтерді. Жалған статистика, миллиондаған припискаларды айтты», – деді Серік Егізбаев.
Журналист мемлекет басшысы бұл деректерді көріп таңғалғанын естігенін айтты. Спикер бұл пікірді растады:
«Иә, таңқалды. Миллиондаған тонна сүт, миллиондаған тонна көкөніс, миллиондаған тонна астық – бәрі приписка болып кеткен. Өтірік. Жоқ», – деді ол.
Бағдарламада жалған дерек бергендерге қатысты жауапкершілік мәселесі де қозғалды. Журналистің «Жалған статистика үшін жазалану керек қой» деген сауалына Серік Егізбаев:
«Мен ондай ұсыныспен келісемін. Жазалану керек. Күні кеше ғана Үкіметтің картоп жөніндегі отырысында белгілі болды: жүз есе картоптың қоры өтірік, жалған. Маңғыстау алға шығыпты дейді. Жүз есе көбейтіп жіберіпті. 20 тонна ғана бар картопты, 2000 тонна деп жазып жіберіпті. Анау картоптың бағасы неге шарықтап кетті деп Үкіметте қаралды ғой. Бүкіл өңірлер мыңдаған тонна жоқ картопты жазып қойған. Неге олай істейді? Неден қорықпайды? Себебі статистика үшін жазаға тартылмайды», – деп жауап берді Аграрлық мәселелер комитетінің төрағасы.
Әлеуметтік желілерде бұл туралы ақпарат тарады, оны полиция растады.
Алматы облыстық ПД мәліметінше, қазір күдікті анықталып, оны ұстау бойынша жедел-іздестіру шаралары жүргізіліп жатыр. Сондай-ақ оқиғаға қатысы бар тұлғалар мен куәгерлерден жауап алынуда.
Аталған факті бойынша “Кісі өлтіру” бабы бойынша сотқа дейінгі тергеу басталды. Іс облыстық полиция департаменті басшылығының ерекше бақылауында.
Қазақстандық балуан 74 келіге дейінгі салмақта Қырғызстан спортшысы Орозбек Токтомамбетовпен кездесті. Нәтижесінде Нұрқожа Қайпанов 2:1 есебімен басым түсті.
Айта кетейік, Нұрқожа өткен жылы олимпиадалық емес салмақта (70 келі) әлем чемпионатында жеңіске жеткен болатын.
Сондай-ақ, бұған дейін Ризабек Айтмұхан (97 келіге дейін) екінші орын алса, Рахат Қалжан (57 келіге дейін) қола медаль иеленген еді.
«Қазақстан Республикасы Төтенше жағдайлар министрлігі «ҰТКЖҒЗИ» АҚ сейсмикалық стансалар желісі 30 наурызда Астана уақытымен сағат 17:24-те жер сілкінісін тіркеді.
«Жер сілкінісінің ошағы Қытайда, Алматыдан оңтүстік-шығысқа қарай 584 км қашықтықта орналасқан. Болжалды қарқындылық (баллмен) Қазақстан Республикасының аумағында сезілмейді», – делінген хабарламада.
Айта кетейік, жуырда Жамбыл облысының Меркі ауданында 5 баллдық жер сілкінісі болғаны хабарланған.
Олар әлеуметтік осал топтағы азаматтарға мемлекеттік тұрғын үй бағдарламасына көмектесеміз деп, ірі көлемде қаражат алған.
Қазір тергеу жүріп жатыр, күдіктілер қамауға алынды. Полиция зардап шеккендерді анықтауда.
Қазақстандық мәнерлеп сырғанаушы Михаил Шайдоров Бостонда өткен әлем чемпионатында 287,47 ұпай жинап, екінші орын алды. Бұл – оның ересектер арасындағы ең үздік нәтижесі.
Ол 2026 жылғы Олимпиадаға қатысу нормативін орындады.
Эпицентр Мандалай қаласынан 17 шақырым жерде орналасқан. Табиғи апаттан кейін елде төтенше жағдай жарияланды. Бангкокта 30 қабатты ғимарат құлап, ондаған адам үйінді астында қалды.
Жер сілкінісі Таиланд, Бангладеш, Лаос, Қытай және Үндістанда да сезілді. Мьянма билігі халықаралық гуманитарлық көмек сұрады.
2024 жылы Қазақстан Республикасы халқының туғандағы күтілетін өмір сүру ұзақтығы 75,44 жасты құрады, бір жыл бұрын бұл көрсеткіш 75,09 жыл деңгейінде болған, деп хабарлайды Ұлттық статистика бюросы.
Қалалық жерлерде өмір сүру ұзақтығы ауылдық жерлерге қарағанда жоғары, сәйкесінше 76,14 және 74,26 жас.
Гендерлік тұрғыдан алғанда, 2024 жылы әйелдердің күтілетін өмір сүру ұзақтығы 79,42 жас (2023 ж. – 79,06), ерлер арасында 71,33 жасты (2023 ж. – 70,99 жас) құраған.
Туған кезде күтілетін ең жоғары өмір сүру ұзақтығы Алматыда тіркелген – 78,78 жас, ең төмені Ұлытау облысында – 72,48 жас.
Туғандағы күтілетін өмір сүрү ұзақтығы – бұл белгілі бір жылы туылған адамның орташа өмір сүру ұзақтығын көрсететін статистикалық көрсеткіш, бұл ретте ұрпақтың бүкіл өміріндегі өлім-жітім деңгейі осы көрсеткіш есептелген жыл деңгейінде өзгеріссіз қалу шарты бар.