Sona.kz

Метка: Басты оқиғалар

  • Полиция Хасан Қасымбаевты қамауға алды

    Полиция Хасан Қасымбаевты қамауға алды

    Алматы облысының құқық қорғау органдары күтпеген операция жүргізіп, Талғардағы атышулы Хасанды он жыл бұрын жасалған қылмыс үшін қамауға алды.

    Ол марқұм Шерзаттың өлімінен кейін «Хуторлықтар» деп аталатын қылмыстық топтың серкелерінің бірі деп аталып келді. Алайда оны полиция 2021 жылы біреудің денсаулығына ауыр зақым келтіргені үшін ұстады.

    Қасымбаевты кейбір дереккөздер «Хуторские» қылмыстық тобының жетекшісі ретінде атаса, өзі бұл айыптарды жоққа шығаруда. Ішкі істер министрлігі де мұндай қылмыстық топтың бар екендігін растаған жоқ.

    «Бас прокуратураның мәліметінше, Қасымбаевтың 2021 жылы болған қылмысқа қатысы бар болуы мүмкін. Сол жылы Алматы облысындағы бір ауылда 1984 жылы туған тұрғынды ұрып-соққан соң, оны әлдекімдер тонап кеткен. Аталған қылмысқа байланысты үш ер адам қылмыстық жауапкершілікке тартылып, кейін шартты түрде жаза алған еді», – делінген жазбада.

    Қадағалау органы осы істің барлық мән-жайын қайта қарастырып, Қасымбаевтың аталған қылмысты тапсырыс беруі мүмкін деген қорытындыға келді. Қазіргі уақытта оған қатысты жаңа іс қозғалды. Ол ҚР Қылмыстық кодексінің 106-бабының 1-бөлігі (Денсаулыққа қасақана ауыр зиян келтіру) және 125-бабының 2-бөлігі (Адамды алдын ала сөз байласу арқылы топпен ұрлау) бойынша тергелуде.

  • Еліміздің кей өңірінде қар аралас жаңбыр жауады

    Еліміздің кей өңірінде қар аралас жаңбыр жауады

    «Қазгидромет» мәліметі бойынша, бүгін еліміздің көптеген өңірлерінде жаңбыр мен қар аралас жауын жауады. Кей жерлерде тұман түсіп, көктайғақ болады деп күтілуде. Сондай-ақ, солтүстік пен шығыс өңірлерде желдің екпіні күшейіп, ауа температурасы төмендеуі ықтимал.

    Астана

    Түнде және таңертең оңтүстік-батыстан, солтүстік-батысқа ауысатын жел соғады екпіні 15-20 м/с. Күндіз жолдарда көктайғақ күтіледі.

    Қарағанды облысы

    Түнде және таңертең Қарағанды облысының солтүстігінде, шығысында тұман күтіледі. Оңтүстіктен, оңтүстік-шығысытан жел соғады, облыстың батысында, солтүстігінде, шығысында екпіні 15-20 м/с. Қарағанды қ.: 04 қарашада оңтүстіктен, оңтүстік-шығысытан жел соғады, екпіні 15-20 м/с.

    Ұлытау облысы

    Ұлытау облысында оңтүстік-батыстан соғатын жел солтүстік-батысқа ауысады, облыстың шығысында екпіні 15-20 м/с.

    Жамбыл облысы

    Түнде және таңертең Жамбыл облысының таулы аудандарында тұман күтіледі. Оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында таңертең және күндіз 15-20, екпіні 25 м/с күтіледі. Тараз қ.: 04 қарашада оңтүстік-батыстан жел соғады, күндіз екпіні 15-20 м/с күтіледі.

    Ақтөбе облысы

    Түнде және таңертең Ақтөбе облысының солтүстігінде тұман күтіледі. Ақтөбе қ.: 04 қарашада түнде және таңертең тұман күтіледі.

    Солтүстік Қазақстан облысы

    Күндіз Солтүстік Қазақстан облысының батысында, солтүстігінде, шығысында оңтүстік-батыстан жел соғады, екпіні 15-20 м/с. Петропавл қ.: 04 қарашада күндіз оңтүстік-батыстан жел соғады, екпіні 15-20 м/с күтіледі.

    Жетісу облысы

    Жетісу облысында оңтүстік-шығыстан жел соғады, Алакөл көлдері ауданында екпіні 15-20 м/с.

    Батыс Қазақстан облысы

    Күндіз Батыс Қазақстан облысының батысында, солтүстігінде, шығысында көктайғақ күтіледі. Түнде және таңертең облыстың солтүстігінде, шығысында тұман күтіледі. Жел солтүстік-батыстан, батыстан соғады, облыстың батысында, солтүстігінде, шығысында екпіні 15-20 м/с. Орал қ.: 04 қараша күндіз көктайғақ күтіледі. Түнде және таңертең тұман күтіледі. Жел солтүстік-батыстан, батыстан соғады, екпіні 18 м/с.

    Шығыс Қазақстан облысы

    Түнде және таңертең Шығыс Қазақстан облысының солтүстігінде, шығысында тұман күтіледі. Жел шығыстан, оңтүстік-шығыстан соғады, облыстың батысында, солтүстігінде, орталығында 15-20, күндіз екпіні 23 м/с. Өскемен қ.: 04 қарашада оңтүстік-шығыстан жел соғады, күндіз екпіні 15-20 м/с күтіледі.

    Абай облысы

    Түнде және таңертең Абай облысының шығысында тұман күтіледі. Жел оңтүстік-шығыстан, оңтүстіктен соғады, облыстың батысында, солтүстігінде, орталығында 15-20, күндіз екпіні 23 м/с күтіледі. Семей қ.: 04 қарашада оңтүстік-шығыстан, оңтүстіктен жел соғады, таңертең және күндіз екпіні 15-20 м/с күтіледі.

    Қызылорда облысы

    Қызылорда облысының солтүстігінде тұман күтіледі. Жел оңтүстік-батыстан солтүстік-батысқа ауысып соғады, облыстың батысында, орталығында күші 15-20 м/с күтіледі.

    Ақмола облысы

    күндіз Ақмола облысының оңтүстігінде, шығысында қатты жауын-шашын (жаңбыр, қар) күтіледі. Облыстың солтүстігінде, батысында, оңтүстігінде көктайғақ, тұман күтіледі. Оңтүстік-батыстан соғатын жел солтүстік-батысқа ауысады, облыстың солтүстігінде, шығысында екпіні 15-20 м/с күтіледі. Көкшетау қ.: 04 қарашада түнде және таңертең тұман күтіледі. Жолдарда көктайғақ күтіледі.

    Қостанай облысы

    Қостанай облысының оңтүстігінде, шығысында көктайғақ күтіледі. Түнде және таңертең облыстың оңтүстігінде тұман күтіледі. Оңтүстік-батыстан жел соғады, күндіз облыстың солтүстігінде екпіні 15-20 м/с.

    Маңғыстау облысы

    Түнде және таңертең Маңғыстау облысының солтүстік-шығысында тұман күтіледі. Солтүстік-батыстан оңтүстік-шығысқа ауыспалы жел соғады, түнде облыстың батысында, оңтүстігінде, орталығында екпіні 15-20 м/с күтіледі. Ақтау қ.: 04 қарашада солтүстік-батыстан оңтүстік-шығысқа ауыспалы жел соғады, түнде екпіні 15-18 м/с күтіледі.

    Түркістан облысы

    Күннің соңында Түркістан облысының таулы аудандарында қатты жаңбыр, тұман күтіледі. Оңтүстік-батыстан солтүстік-батысқа ауысатын жел соғады, таңертең және күндіз облыстың солтүстігінде, батысында, таулы және тау бөктерлі аудандарында күші 15-20, облыстың тау асуларында екпіні 23 м/с. Шымкент қ.: 04 қарашада оңтүстік-батыстан солтүстік-батысқа ауысатын жел соғады, күндіз екпіні 15-20 м/с. Түркістан қ.: 04 қарашада оңтүстік-батыстан солтүстік-батысқа ауысатын жел соғады, күндіз екпіні 15-20 м/с.

  • Демалыс күндері ауа райы қандай болады?

    Демалыс күндері ауа райы қандай болады?

    2024 жылдың 2 қарашасы мен 4 қарашасы аралығында еліміздің үш ірі қаласында ауа райы жауын-шашынды болады. Ал Астанада қар жауып, жел күшейеді, деп хабарлайды Zakon.kz.

    Астана қаласының ауа райы болжамы

    2 қараша: көшпелі бұлтты, өткінші жауын-шашын (жаңбыр, қар). Түнде және таңертең тұман. Күндіз желдің екпіні секундына 15-20 метрге жетеді. Ауа температурасы түнде 0-2, күндіз 3-5 градус жылы.

    3 қараша: көшпелі бұлтты, түнде жаңбыр. Оңтүстік-батыстан 9-14, екпіні 15-20 м/с жел соғады. Ауа температурасы түнде 3-5, күндіз 11-13 градус жылы.

    4 қараша: көшпелі бұлтты, түнде жауын-шашын (жаңбыр, қар), күндіз жаңбыр, кей уақытта қатты жаңбыр, көктайғақ. Қатты жел. Ауа температурасы түнде 3-5, күндіз 6-8 градус жылы.

    Алматы қаласының ауа райы болжамы

    2 қараша: көшпелі бұлтты, жауын-шашынсыз. Ауа температурасы түнде 5-7 градус жылы, күндіз 15-17 градус жылы.

    3 қараша: көшпелі бұлтты, жауын-шашынсыз. Жеңіл жел болуы мүмкін. Ауа температурасы түнде 6-8, күндіз 17-19 градус жылы.

    4 қараша: көшпелі бұлтты, жауын-шашынсыз. Ауа температурасы түнде 8-10, күндіз 18-20 градус жылы.

    Шымкент қаласының ауа райы болжамы

    2 қараша: көшпелі бұлтты, жауын-шашынсыз. Ауа температурасы түнде 6-8, күндіз 18-20 градус жылы.

    3 қараша: көшпелі бұлтты, жауын-шашынсыз. Оңтүстік-батыстан 8-13 м/с жел соғады. Ауа температурасы түнде 6-8, күндіз 23-25 ​​градус жылы.

    4 қараша: көшпелі бұлтты, күндіз жаңбыр жауады, күннің аяғында қатты жаңбыр жауады. Күндіз желдің екпіні секундына 15-20 метрге жетеді. Ауа температурасы түнде 8-10, күндіз 19-21 градус жылы.

    Бұған дейін метеорологтар бүкіл ел бойынша болжам жасаған болатын.

  • Оқушы итті аяусыз пышақтап тастады

    Оқушы итті аяусыз пышақтап тастады

    Иттің ішек-қарны түскенше пышақтап, теуіп тастаған әрекет Ақтөбе облысының Темір ауданы Кеңқияқ ауылында болды. Әлеуметтік желіде тараған видеодан оқушының қансырап жатқан итті бірнеше жерден тілгілеп, соққы жасағанын көруге болады.

    Видеодан бірнеше адам көрінеді. Олар жануарды қорлап, мойнына байланған жіпті босатпастан бірнеше рет пышақ сұғады. Видеоның сыртындағы дауыс “теп, пышақ тық” деп айқайлап жатыр.

    Облыстық Полиция департаменті мәліметінше, оқиға мамыр айында болған. Әлеуметтік желіге талдау жүргізу барысында бала итті қорлап, пышақ сұққан бейнежазба анықталды. Тексеріс барысында оқиға биыл мамырда Темір ауданында болғаны және жануарға қатігездік танытқан 9-сынып оқушысы екені анықталды, – деп жазылған полиция хабарламасында.

    Оқушы ата-анасымен бірге полиция бөліміне жеткізілген. Қазір тексеріс жүргізіліп жатыр.

  • Испанияда су тасқынынан қаза тапқандар саны 158-ге жетті

    Испанияда су тасқынынан қаза тапқандар саны 158-ге жетті

    Испанияда болған су тасқыны салдарынан 158 адам қаза тапты. Бұл оқиға 1973 жылдан бері ең алапат тасқындардың бірі болды. Су тасқыны елдің кейбір аймақтарына жауған нөсер жаңбырдан туындаған. Бұл туралы BBC арнасы хабарлады.

    «Қазіргі таңда ең маңыздысы – мүмкіндігінше көп адамның өмірін құтқару», – деп мәлімдеді Испания премьер-министрі Педро Санчес.

    Қаза болғандардың көбісі Валенсия автономдық қауымдастығында тіркелді, мұнда 155 адам қайтыс болды. Сонымен қатар Кастилия-Ла-Манча аймағында екі адам, ал Андалусияда бір адам су тасқынынан мерт болды. Валенсияның оңтүстік-батысында орналасқан Пайпорта муниципалитетінде өзен арнасынан асып, кем дегенде 40 адамның өлімі тіркелді.

    Ресми өкілдер жоғалған адамдардың нақты санын ашып айтпағанымен, олардың санының айтарлықтай көп екенін хабарлады. Испанияға бір күнде жауған жауын-шашынның мөлшері бір жылдық нормаға жетті.

    Қазақстан президенті Қасым-Жомарт Тоқаев Испания Королі VI Фелипеге табиғи апат салдарынан көптеген адамның қаза табуына байланысты көңіл айтқан еді.

  • Қайрат Боранбаевқа тиесілі компания «Самұрық-Қазынаға» өтті

    Қайрат Боранбаевқа тиесілі компания «Самұрық-Қазынаға» өтті

    Бұрын бизнесмен Қайрат Боранбаевқа тиесілі болған «АзияГаз Чунджа» ЖШС «Самұрық-Қазына» қорына өтті. «Самұрық-Қазына» АҚ «АзияГаз Чунджа» ЖШС жарғылық капиталындағы 100% қатысу үлесін сатып алған. «Самұрық-Қазына газ тарату компаниясына осы жылдың 30 қыркүйегінен иелік ете бастаған. Бұл туралы Қазақстанның қор биржасы мәлімдеді.

    Айта кетері, «АзияГаз Чунджа» тауарлық газды тасымалдау және сатумен айналысады. Былтыр күзде Қайрат Боранбаевтың осы компаниясы мемлекет меншігіне өткен еді. Бизнесмен тергеу барысында компанияны мемлекетке өз еркімен берген.

    Қайрат Боранбаев – қазақстандық кәсіпкер, Қазақстанның тұңғыш президенті Нұрсұлтан Назарбаевтың бұрынғы құдасы. Былтыр Боранбаев ресейлік газ импорты кезінде ақша жымқырғаны үшін кінәлі деп танылып, 6 жылға бас бостандығынан айырылған. Алайда кейін сот жазаның өтелмеген бөлігін бас бостандығын шектеу түріне ауыстырып, 2023 жылғы 6 қарашада Боранбаев түрмеден босап шықты.

  • Ақмола облысында көлік пойызбен соқтығысып, үш адам қаза тапты

    Ақмола облысында көлік пойызбен соқтығысып, үш адам қаза тапты

    30 қазанда түнде Степногорск-Заводский тасжолында жолаушылар мінген жеңіл көлік пойызбен соқтығысты. Апат салдарынан үш адам қаза тапты.

    Ақмола облысы Полиция департаментінің мәліметінше, Audi B4 маркалы автокөлік үш бос цистернасы бар локомотив құрамымен бір жолды теміржол өткелінде соқтығысқан.

    «Апат салдарынан оқиға орнында көлік жүргізушісі қаза болды, екі жолаушы ауруханада қайтыс болды, тағы үш жолаушы түрлі жарақаттармен Степногорск ауруханасына жеткізілді», — деп хабарлады полиция.

    Қазіргі уақытта тергеу аясында жол-көлік оқиғасының мән-жайы мен себептері анықталып, қажетті тергеу әрекеттері жүргізіліп жатыр.

  • «Костенко» шахтасындағы апат: 10 күдіктінің аты-жөні белгілі болды

    «Костенко» шахтасындағы апат: 10 күдіктінің аты-жөні белгілі болды

     Қайғылы оқиғаға айыпталып отырған күдіктілердің аты-жөні белгілі болды. Қадағалаушы орган олардың аты-жөні мен қандай қызмет атқарғандарын және не үшін айыпталып отырғандарын толық баяндады.

    1. С. И. Мустивко (шахта директоры, тау-кен қазбаларын апатсыз күйде ұстауды, шахта қызметкерлерінің өнеркәсіптік және өртке қарсы қауіпсіздік ережелерін сақтауын, жабдықтарды уақытылы жөндеуді қамтамасыз етуге және көмір өндіру технологиясының сақталуын бақылауға міндетті);

    2. Н.Н. Грознов (шахтаның бас инженері, өндірісті инженерлік қамтамасыз етуді бақылауға, шахтаның газ бойынша санатын, шаңның жарылғыштығын, кенет газ шығарындылары бойынша қабаттардың қауіптілігін анықтауға, өнеркәсіп қауіпсіздігінің жай-күйін тексеруге міндетті);

    3. В.А. Еремин (шахта директорының өндіріс жөніндегі орынбасары, технологиялық процестерге тұрақты бақылау жүргізуге, шахта жабдықтарының қауіпсіз және сенімді жұмысын қамтамасыз етуге, қауіпсіздік ережелері мен технологиялардың бұзылуын жоюды ұйымдастыруға, өнеркәсіптік қауіпсіздік пен еңбекті қорғаудың жай-күйін тексеруге міндетті);

    4. Д.Ю.Федоренко (бас инженердің қауіпсіздік техникасы жөніндегі орынбасары, шахтадағы қауіпсіздік техникасы бойынша жұмысты ұйымдастыруға және бақылауға, өнеркәсіптік қауіпсіздік жағдайын тексеруге, шахтадағы жол берілмейтін және қауіпті тәуекелдерді анықтауға, желдету учаскесінің жұмысына жетекшілік етуге міндетті);

    5. В.В. Шишканов (желдету және қауіпсіздік техникасы учаскесінің бастығы, шахтада желдету мен газ режимінің сенімділігін қамтамасыз етуге, желдету, газсыздандыру, газ сору, көмір шаңымен күресу, көмір шаңының жарылыстарының алдын алу және оқшаулау жөніндегі іс-шараларды әзірлеуге міндетті);

    6. Ю.Пестряков (желдету және қауіпсіздік техникасы учаскесінің шаң жарылысынан қорғау жөніндегі бастығының көмекшісі, көмір шаңынан және шаң жарылысынан қорғау жөніндегі іс-шаралардың уақтылы жүргізілуін қамтамасыз етуге міндетті);

    7. В.П. Коптенков (апат басталған №6 учаскенің бастығы, желдету, шаң-газ режимі, өрт сөндіру құралдары, адамдарды құтқару жағдайын қолдауға, шаңға, кенеттен шығарындыларға және жерасты өртіне қарсы іс-шаралардың толық орындалуын қамтамасыз етуге міндетті);

    8. Т.Х. Габдушев (конвейерлік көлік учаскесінің бастығы, учаскедегі шаң-жарылыстан қорғау іс-шараларын, көмір шаңын тазалауды, ылғалдандыруды қамтамасыз етуге міндетті);

    9. В.В. Гонноченко (бас инженердің үңгілеу жөніндегі орынбасары, қыркүйекте бас инженердің міндетін атқарды, өндірісті инженерлік қамтамасыз етуді бақылауға, газ бойынша шахтаның санатын, шаңның жарылғыштығын, кенет шығарындылар бойынша қабаттардың қауіптілігін анықтауға, өнеркәсіптік қауіпсіздік жағдайын тексеруге міндетті);

    10. Д.С. Коцар ешқайда кетпеу туралы қолхат арқылы қамауға алынбаған. Ол шахтаның бас механигі тергеу қорытындысы бойынша күдікті ретінде танылған, кетпеу және тиісті мінез-құлық туралы қолхат түріндегі бұлтартпау шарасы қолданылған, ол шахта жабдықтарында тау-кен жұмыстарын қауіпсіз жүргізу жөніндегі өз міндеттері мен бақылауын тиісінше орындамаған деген күдікке ілінген.

    Айта кетейік, күні кеше Бас прокурордың орынбасары Ғалымжан Қойгелдиев Сенат кулуарында Костенко шахтасындағы қайғылы оқиғаға байланысты тергеу әлі аяқталмағанын мәлімдеді.

    «Бұл оқиға – біз үшін аса ауыр трагедия. 46 кенші қайтыс болды. Қазіргі уақытта шамамен 10 адам тергелуде. «АрселорМитталға» қатысты да тергеу жүріп жатыр, бірақ нақты қандай кезеңде тұрғанын айта алмаймын», – деді ол.

    Еске салайық, 2023 жылдың 28 қазанында Қарағанды облысындағы Костенко атындағы шахтада метан газы жарылды. Қаза болған кеншілерге байланысты 29 қазан Қазақстанда жалпы ұлттық аза тұту күні деп жарияланды.

    Жарылыс кезінде шахтада 252 адам болған. Олардың 206-сы жер бетіне шыға алды, ал қалғандары қаза тапты.

  • Алматыдағы автобус апаты: іс сотқа жолданды

    Алматыдағы автобус апаты: іс сотқа жолданды

    Іс одан әрі қарау және кінәлілердің жауапкершілігін анықтау үшін сотқа жіберілді.  Алматы сотының баспасөз қызметі мәліметінше, іс 30 қазанда Алмалы аудандық қылмыстық істер жөніндегі сотына жолданып, судьяның қарауына жіберілген. Процестің басталу күні әлі белгісіз.

    Еске салайық, Алматыда KIA маркалы көлік жүргізушісі Мақатаев көшесін оңтүстік бағытта кесіп өтіп, «City bus» ЖШС жеке тасымалдаушысы қызмет көрсететін 18-бағыттағы автобуспен соқтығысқаны, ол кейіннен кедергіге соқтығысқаны хабарланды.

    Оқиға салдарынан автобустың 25 жолаушысы зардап шегіп, тағы бір жолаушы оқиға орнында көз жұмған. Адам өліміне әкелген жол-көлік оқиғасы бойынша қылмыстық іс қозғалды.

  • Шавкат Рахмонов мәлімдеме жасады

    Шавкат Рахмонов мәлімдеме жасады

    30 жастағы қазақстандық файтер  Шавкат Рахмонов титулдық жекпе-жегі өтпейтіннен кейін жартылай орта салмақтағы UFC чемпионы америкалық Белал Мұхаммедке жүгінді. Ол өзінің үндеуін X (Twitter) әлеуметтік желісіндегі жеке парақшасында жариялады.

    Рахмонов ең алдымен Белалдың тезірек сауығып кетуін тіледі. Содан кейін ол өзінің жоспарлары туралы айтты.

    «Сізді 100% қалпына келтірген кезде көреміз, мен UFC310-да уақытша титул үшін кез келген қарсыласпен күресуге дайынмын», – деді Ш.Рахмонов. 

    Тарихи титулдық жекпе-жектің жойылғаны 2024 жылдың 31 қазанында белгілі болды. Жартылай орта салмақтағы чемпиондық белбеу үшін жекпе-жек 8 желтоқсан күні таңертең Лас-Вегаста (АҚШ) өтуі керек еді, бірақ америкалық спортшы тарапынан белгісіз себептермен кездесу белгіленген уақытта өтпейді.

    Қазір Nomad енді UFC 310 турниріне қатыса ма, әлде палестиналықтың қайтып келуін күте ме деген келіссөздер жүріп жатыр.