Sona.kz

Метка: Басты жаңалықтар

  • «91» тобын Сәтпаев қаласынан концертке кіргізбей қойған — Alem

    «91» тобын Сәтпаев қаласынан концертке кіргізбей қойған — Alem

    «91» тобының мүшесі Alem «Айқап» подкастында топтың кейбір қалаларда концерт өткізуіне тосқауыл қойылғанын айтты. Оның сөзінше, Түркістанда жоспарланған шара өтпей қалған. Ал Сәтпаевта жағдай одан да күрделі болған.

    «Сәтпаев қаласына кіре алмадық. Бір рет барғанымызда артымыздан көлікпен қуды. Формалы ағалар бізді қонақүйге кіргізіп, ертесіне ұшаққа салып кері қайтарды», — дейді Alem.

    Музыкант бұл оқиғаның ушығуына әлеуметтік желілер мен мессенджерлерде тараған арандатушылық хабарламалар себеп болғанын айтты. «WhatsApp-та «91 тобын ұрып-соғып, видеоға түсірсеңдер — ақша береміз» деген ақпарат тараған», — дейді ол.

    Дегенмен, Alem Атырау мен Ақтауда мұндай қиындықтар болмағанын атап өтті.

  • ZAQ: «Қызым Айрин маңдайымен өмірге келді — мұндайды акушердің өзі алғаш көрген»

    ZAQ: «Қызым Айрин маңдайымен өмірге келді — мұндайды акушердің өзі алғаш көрген»

    Музыкант үшін ең ауыр әрі ең бақытты күн — қызы Айриннің дүниеге келген сәті болыпты.

    ZAQ-тың айтуынша, Айрин маңдайымен туған. Бұл — өте сирек әрі ана мен бала үшін аса қауіпті жағдай. «Бала негізі желкесімен туады. Ал бізде маңдаймен келді. Мұндайда толық ашылу 14 см-ге жетуі керек екен. Бұл — мүмкін емес нәрсе», — дейді ол. Дәрігерлер УЗИ кезінде бұл қиындықты байқамай, босану бөліміне жібере салған. Ал Жадыраға жүктілік те қауіпті болған, себебі жүрегіне ота жасалған. Дәрігерлер табиғи жолмен босануға болмайды деген.

    «Акушердің өзі таңғалды. Бір сәтте «кіндігі үш жерден оралып қалыпты» деген дауыс шықты. Бірақ дәрігерлер дереу әрекет етіп, қызымды аман алып шықты», — дейді ZAQ.

    Жадыра босанғаннан кейін есінен танып, 10 күн бойы қалпына келді. Қан құю керек болғанмен, фобиясына байланысты бас тартқан. Осы күндері ZAQ өзі жаңа туған сәбиіне қарап, жұбайының күтімін де қатар алып жүрген.

    «Басында «қырқынан шығарып, жұмысқа қайта ораламын» деген едім. Бірақ Жадыраның толық қалпына келуіне 2-3 ай кетті», — дейді музыкант.

  • Астанадағы айуандық: «Көзіме шөп салды» деген жігіт бұрынғы сүйіктісін өлтірді

    Астанадағы айуандық: «Көзіме шөп салды» деген жігіт бұрынғы сүйіктісін өлтірді

    Астанада тағы бір ауыр қылмыс. 22 маусым күні кешкісін Millennium Park тұрғын үй кешенінде ер адам бұрынғы қызын пышақтап өлтіріп, оның туған бауырын жаралады.

    Әлеуметтік желіде тараған видеода күдіктіні полицейлер тұтқындап жатқаны көрінеді. Ол қолын беріп, қарсылық көрсетпей-ақ ұсталған. «Қызды не үшін өлтірдің?» деген сұраққа: «Көзіме шөп салды», – деп салқынқанды жауап берген. Ал полицейдің «кішкентай қыз ғой» деген сөзіне боқтап жауап қайтарады.

    Куәгерлердің сөзінше, пәтерден айқай-шу шыққан. Қылмыскер қызды бірнеше жерден пышақтаған. Оқиға болған соң, көшеге шыққан жігіт кездейсоқ өтіп бара жатқан адамдарға да шапқан. Сол кезде марқұмның 16 жастағы інісін жаралаған. Жасөспірім пышақ жарақатымен ауруханаға түсті. Қазір жағдайы тұрақты.

    Қанды оқиға қоғамда резонанс тудырды. Қылмыстық іс қозғалды.

  • Экс-судья Қарлығаш Тәткеева іздеуде: сот сұранысы негіз болды

    Экс-судья Қарлығаш Тәткеева іздеуде: сот сұранысы негіз болды

    53 жастағы бұрынғы судья Қарлығаш Тәткееваға ресми түрде іздеу жарияланды. Бұл туралы құқықтық статистика порталында мәлімет шықты. Іздеуді бастауға бастама көтерген – сот органдары.

    Қарлығаш Тәткеева Жамбыл облысында дүниеге келген. 1990 жылы Қарағанды мемлекеттік университетінің заң факультетіне түсіп, 1995 жылы бітірген. Алғашқы еңбек жолын Шу қалалық прокуратурасында тергеуші көмекшісі болып бастаған. 1995–2002 жылдары Жамбыл облысының прокуратурасында түрлі лауазымдарда қызмет атқарды:
    – азаматтардың өтініштерін қарау бөлімінің аға прокуроры,
    – кадрлық бөлімнің аға прокуроры,
    – Сарысу ауданы прокурорының аға көмекшісі,
    – әлеуметтік-экономикалық саладағы заңдылықты қадағалау бөлімінің прокуроры.

    2002–2003 жылдары Таразда жеке компанияда заң кеңесшісі болып жұмыс істеген. 2003 жылдан бастап Қарағанды облысының мамандандырылған экономикалық сотында судья қызметін атқарды.

    Қазір оның нақты қандай іс бойынша іздеуде екені ресми айтылмады.

  • 2,3 млрд теңге: Антикор іздеудегі күдіктіден элиталы мүлік пен жасырын шоттарды тәркіледі

    2,3 млрд теңге: Антикор іздеудегі күдіктіден элиталы мүлік пен жасырын шоттарды тәркіледі

    Сыбайлас жемқорлыққа қарсы қызмет 2022 жылдан бері халықаралық іздеуде жүрген күдіктіден 2,3 миллиард теңгеден астам қаражат пен мүлікті тәркілеп, оны мемлекет пайдасына өткізді. Тергеу дерегінше, күдікті заңсыз ақшаға Алматы мен облыс аумағында люкс көліктер, пәтерлер, жер телімдері мен үйлер сатып алған. Бұл мүліктің жалпы құны 1,5 млрд теңгеге бағаланған.

    Сонымен қатар, күдікті мен жұбайының атына тіркелген банктік шоттардан 47 млн теңге мен 1,7 млн АҚШ доллары табылып, олардың ресми табыстарымен сәйкеспейтіні анықталған. Тергеу бұл қаражаттың да қылмыстық жолмен алынғанын дәлелдеген. Биылғы 16 маусымда сот бұл активтерді мемлекет кірісіне тәркілеу туралы үкім шығарды.

    Антикордың мәлімдеуінше, күдіктілер ақшаны жасыру үшін туыстары мен байланысты компаниялардың атын пайдаланып, қымбат мүлік, криптовалюта, бағалы қағаздар сатып алған. Мысалы, бұрынғы бір лауазымды тұлға спортты дамытуға бөлінген 745 млн теңгені жымқырып, ол қаражатқа екі люкс автокөлік сатып алған және 240 млн теңгені өзі басқаратын компания шотына аударған.

    Тағы бір қылмыстық істе күдіктілер құрылыс жобаларына бөлінген 237 млн теңгені қолма-қол ақшаға айналдырып, жылжымайтын мүлік пен көліктер сатып алған. Бұл мүліктерге де сот шешімімен тыйым салынды.

    Антикор ақшаны жылыстату жолымен алынған мүліктерді анықтау мен мемлекетке қайтару жұмыстарын жалғастыратынын мәлімдеді. Тергеу амалдары ҚПК-нің 201-бабы негізінде жалғасуда.

  • Қонаев жағажайларындағы тазалық: күн сайын 20 тоннаға жуық қоқыс шығарылады

    Қонаев жағажайларындағы тазалық: күн сайын 20 тоннаға жуық қоқыс шығарылады

    Қаланың «Жасыл қала Қонаев» кәсіпорнының мәліметінше, №6 және №7 жағажайларда тазалық жұмыстарына күн сайын 10-нан астам қызметкер мен 3 техника жұмылдырылады. Таңғы 05:00-ден бастап кешкі 20:00-ге дейін қоқыс жинау, сыпыру, арықтарды тазалау, жәшіктерді босату сынды жұмыстар жүргізіледі. Апта ішіндегі бір күнде 8 тоннаға дейін, ал демалыс күндері 15 тоннаға жуық қоқыс шығарылады. Қазіргі таңда бұл аймақта 10 үлкен контейнер мен 60 бөшке орнатылған.

    Ал №5 жағажайда көгалдандыру мен тазалыққа 15 адам тұрақты түрде жауапты. Мұнда да 30-дан астам контейнер мен бөшке қойылып, қоқыс жәшіктері су қоймасының бойына орналастырылған. Бұл аумақтан күн сайын 4–5 тонна тұрмыстық қатты қалдық шығарылады. Демалыс күндері көлем айтарлықтай артады.

    Мамандар тұрғындарды қоғамдық мәдениетті сақтап, қоқысты арнайы орындарға тастауға шақырады. «Тазалық – ортақ жауапкершілік» екенін еске салады.

  • Қонаевта шегірткеге қарсы 4750 гектар жер өңделді

    Қонаевта шегірткеге қарсы 4750 гектар жер өңделді

    Қонаев қаласында ауыл шаруашылығы алқаптарын зиянды шегірткеден қорғау мақсатында жоспарлы химиялық өңдеу жұмыстары жалғасып жатыр. Бұл шаралар өнім көлемін сақтап, агросекторды қолдауға бағытталған.

    ? Итальян (топтық) шегірткеге қарсы өңдеу
    2025 жылы 2525 гектар жерді өңдеу жоспарланған.
    Бүгінде Шеңгелді ауылдық округінде 2300 гектар алқап өңделді, оның ішінде:
    • 2100 гектар — әуеден,
    • 200 гектар — жерүсті техникасымен.

    ? Жеке (жалғыз) шегірткеге қарсы шаралар
    Жергілікті бюджет есебінен 2450 гектар жерге химиялық өңдеу толық жүргізілді:
    • 1700 гектар — авиациялық тәсілмен,
    • 750 гектар — арнайы техникамен.

    ? Жалпы қорытынды
    Қала аумағында барлығы 4750 гектар жер өңделді. Қосымша 225 гектар резервте ұсталып отыр — қажет болған жағдайда шұғыл шара қолдануға дайын.

    Профилактикалық жұмыстар агроөнеркәсіп кешенін зиянкестерден қорғауға, олардың таралуын тежеуге және өнім шығынын болдырмауға бағытталған. Барлық жұмыстар Қонаев қаласы әкімдігінің тұрақты бақылауында.

  • Қонаев қаласында 11 кәріздік сорғы станциясы жаңартылып жатыр: жұмыстардың 95%-ы аяқталды

    Қонаев қаласында 11 кәріздік сорғы станциясы жаңартылып жатыр: жұмыстардың 95%-ы аяқталды

    Қонаев қаласында коммуналдық инфрақұрылымды жаңғырту аясында 11 кәріздік сорғы станциясы (КСС) қайта жөндеуден өтуде. Жұмыстар 2023 жылдың қазанында басталған. Жобаға тапсырыс беруші – Қонаев қаласының ТҮКШ және тұрғын үй инспекциясы бөлімі.

    Қазіргі нәтижелер:
    • 11 станцияның 9-ында жер қазу мен құбыр төсеу толық аяқталған;
    • №1, 3, 4, 4А, 5, 6, 7, 8, 9 КСС-те резервтік сорғылар орнатылған;
    • №1, 4, 5, 6 (жартылай), 7, 8 (1 сорғы), 9 КСС-те горизонталды сорғылар қойылған;
    • Электр желісіне қосу бойынша техникалық шарттарға өтінімдер беріліп, монтаж жұмыстары жүргізілуде;
    • Көптеген нысандарда ішкі және сыртқы әрлеу аяқталған;
    • Кейбір жерлерде абаттандыру, қоршау орнату және асфальт төсеу жүргізілген.

     Жүріп жатқан жұмыстар:
    • №4А, 6, 11 КСС-те ішкі әрлеу, электрмен қамту, аумақты абаттандыру және жол төсеу жалғасып жатыр;
    • №11 КСС-те 8 резервтік және 2 горизонталды сорғы орнату жоспарланған – бұл ең ірі жұмыс көлемі;
    • Барлық КСС-те электр жүйелерін қосу бойынша жұмыстар жалғасуда;
    • Құдықтар орнатылып, қоршаулар тартылуда.

     Негізгі көрсеткіштер:
    • Орнатылды: 9 резервтік сорғы станциясы, 11 горизонталды сорғы;
    • Жоспар: қосымша 8 резервтік және 6 горизонталды сорғы орнату (№3, 4А, 6 және 11 КСС).

    Жөндеу жұмыстары кезең-кезеңімен жүргізілуде. Жоба аяқталған соң Қонаев қаласының кәріз жүйесі анағұрлым сенімді әрі тиімді жұмыс істейтін болады.
  • Қонаевтағы жағымсыз иіс: себебі белгілі, шешім қабылданды

    Қонаевтағы жағымсыз иіс: себебі белгілі, шешім қабылданды

    Қонаев қаласының 4-шағынауданының тұрғыны қала әкімі Асхат Бердіхановқа кешкі уақытта сезілетін жағымсыз иіс жайлы шағым айтты. Арыз бірнеше жылдан бері көтеріліп келеді.

    Әкім бұл мәселеге қатысты нақты жауап берді. Оның айтуынша, иістің себебі – қаланың маңындағы тозығы жеткен кәріз суын тазарту қондырғылары. Нысан 100% тозған. Енді оны мемлекеттік-жекеменшік әріптестік аясында жаңарту жоспарланған. Жаңа кешен қаладан 18 шақырым жерде, Қазақстан ауылына қарай көшіріледі. Жобаның жалпы құны – 38 млрд теңге. Құрылысты екі жыл ішінде аяқтау жоспарланып отыр.

    «Бұл мәселе қала және облыс әкімдігінің бақылауында. Қажетті құжаттар рәсімделіп жатыр. Жақын арада мәслихат отырысы өтіп, тиісті келісімдер алынатын болады. Тұрғындардан түсіністікпен қарауды сұраймын», – деді Асхат Бердіханов.

    Кездесу барысында газдандыру, қоқыс жәшіктерін орнату, автотұрақтар мен аулаларды көгалдандыру мәселелері де көтерілді. Әкім ҚБҰ-ларды тұрғындармен тығыз жұмыс істеуге, аулаларды таза ұстап, гүл егуге белсенді атсалысуға шақырды.

  • Асхат Бердіханов: Шаруаларға қолдау – ауылдың дамуы

    Асхат Бердіханов: Шаруаларға қолдау – ауылдың дамуы

    Қонаев әкімі Асхат Бердіханов Шеңгелді округіндегі бірқатар шаруа қожалықтарын аралап, олардың жұмысымен танысты.

    «Smart Adam Agro» 900 гектар жерді игеруді көздеп отыр. Қазір жоңышқа мен қызанақ егілген, жаңбырлатып суару жүйесі енгізілген. Электр желісіне қосылу құжаттары кешеуілдеп жатыр. Әкім бұл мәселені шешуді тапсырды.

    «Болашақ» ШҚ 20 гектар алқапта қарақат, бақша және көкөніс өсіреді. 2026 жылға қарай қарақат алаңын 30 гектарға жеткізу, шағын цех пен агротуризмді дамыту жоспарлануда. Әкім қосымша жер телімін беруді ұсынды.

    «Марьям» ШҚ 230 гектарда егін егеді. 70 млн теңгеге су қоймасы мен сорғылар орнатқан. Көкөніс көлемін 100 гектарға дейін арттыру көзделген. «Кең Дала» бағдарламасы аясында 40 млн теңгеге өтінім тапсырған.

    2025 жылы округтегі егіс көлемі 8 150 гектарды құрады. Әкім бұл бағыттағы қолдаулар жалғасын табатынын айтты.