Sona.kz

Метка: Басты жаңалықтар

  • Шерзат Полаттың нақты неден көз жұмғаны белгілі болды

    Шерзат Полаттың нақты неден көз жұмғаны белгілі болды

    Талдықорғанда өтіп жатқан атышулы сот отырысында Шерзат Полаттың өліміне қатысты медициналық сараптама қорытындысы жария етілді. 

    Бұл – істегі ең маңызды деректердің бірі. Марқұмның нақты неден қаза тапқаны туралы алғаш рет ресми түрде мәлімдеме жасалды.

    Прокурор Дана Сәрсенбайдың айтуынша, 2024 жылы 4 қазанға қараған түні «Қамажай» дүкенінің жанында болған жанжалдан кейін Шерзаттың әкесі Қаржаубай Нұрымов жарақат алған ұлын және оның ағасы Нұрқанатты көлігіне отырғызып, бар жылдамдықпен Талғар аудандық орталық ауруханасына жеткізуге асыққан.

    «Сот-медициналық сараптама қорытындысына сәйкес, Шерзаттың өлімі көп қан жоғалтудан болған. Жара сол жақ өкпенің жоғарғы тұсына түскен, пышақ жүрек тұсына өте жақын орналасқан көкірек қуысына сұғылған», – деп оқыды прокурор сот залында.

    Дәрігерлер оның өлімін 2024 жылы 4 қазан күні түнгі 01:30-да Талғар аудандық ауруханасында тіркеді.

    Еске сала кетсек, Талғарда 4 қазан күні бір топ адам келіп дүкен иесі Қаржаубай Нұрымов, ұлы Шерзат Полат және ағасы Нұрқанатпен жанжалдасып, арты кісі өліміне ұласты. 16 жасар Шерзат Полат қаза болды. Бұл іс қоғамда үлкен резонанс тудырды.

  • Астаналық тұрғын: Балама «кішкентай Бишімбаев» деп тіл тигізіп, балабақшадан заңсыз шығарды

    Астаналық тұрғын: Балама «кішкентай Бишімбаев» деп тіл тигізіп, балабақшадан заңсыз шығарды

    Сарайшык ықшамауданының тұрғыны әкім Жеңіс Қасымбекке шағымданып, екі жасар баласының жеке балабақшада буллингке ұшырағанын айтты. Айтуынша, 2024 жылы тамызда барған балабақшадан ұлын 26 қыркүйекте ешбір ресми себепсіз шығарып жіберген.

    Бұған дейін балабақша қызметкерлері балаға «бейәдеп», «агрессивті», тіпті «кішкентай Бишімбаев» деген сөздер айтқан. Анасы бұл әрекеттерді әлеуметтік буллинг деп бағалап, прокуратураға, білім басқармасына және полицияға жүгінгенімен, іс қозғалмаған.

    Әкім Жеңіс Қасымбек жағдайды бақылауға алатынын айтып, құқық қорғау органдарына ресми арыз түсіруді ұсынды. Фактілер расталса, жауаптылар заң алдында жауап береді деді.

  • Астана әкімі LRT-де жол жүру бағасы қанша болатынын айтты

    Астана әкімі LRT-де жол жүру бағасы қанша болатынын айтты

    Астана әкімі Жеңіс Қасымбек Сарайшық ауданы тұрғындарымен кездесуде LRT-де жол жүру билетінің бағасы қанша болатынын айтты.

    – LRT билетінің бағасы бойынша айтсақ, жобалық баға белгіленген. 100 теңгеден 200 теңгеге дейін деп жобалап отырмыз. Әзірге осындай меже қала береді, – деді әкім.

    Еске салсақ, биыл күзде LRT-ні тестілік режимде іске қосу жоспарланған.

    Сондай-ақ Астана әкімі елордадағы ақылы тұрақтар жаңа инвесторға берілуі мүмкін деген мәліметтерді теріске шығарған еді.

    Әкім ақылы тұрақтарды жаңа инвесторға беру мәселесі күн тәртібінде жоқ екенін мәлім етті.

    – Мен осыдан 2-3 ай бұрын алдын ала хабарлаған едім. «Астана тұрақ кеңістігі» мекемесін коммуналдық меншікке өткізетінімізді айтқанмын. Бұл мәселемен Көлік басқармасы тікелей айналысады. Қазіргі таңда инвестормен келісімшартты тоқтату бағытында жұмыс жүріп жатыр. Мекеме коммуналдық меншікке беріледі, – деді Жеңіс Қасымбек.

  • Қазақстанның Украинадағы жаңа елшісі тағайындалды

    Қазақстанның Украинадағы жаңа елшісі тағайындалды

    Бұған дейін Президенттің жарлығымен Дархан Кәлетаев Қазақстан Республикасының Украинадағы Төтенше және Өкілетті Елшісі лауазымынан босатылған еді.

    Төлежан Барлыбаев Қазақстанның Украинадағы төтенше және өкілетті елшісі болып тағайындалды.

    Төлежан Барлыбаев 1970 жылы Теміртауда дүниеге келген. Ресей мемлекеттік гуманитарлық университетін тәмамдаған.

    Еңбек жолында әр жылдары Қазақстанның Украинадағы Елшілігінде бірінші хатшы, кеңесші, Польша Республикасындағы Елшілікте кеңесші қызметтерін атқарған. Сонымен қатар, Қазақстан Республикасы Президенті Әкімшілігінің Мемлекеттік бақылау және ұйымдастыру бөлімінде бас инспектор болған.

    Сыртқы саясат саласында Қазақстанның Хорватиядағы елшісі, сонымен қатар қосалқы негізде Босния және Герцеговина мен Черногориядағы елші қызметін атқарған. Соңғы қызметі – Қазақстан Республикасының Словакиядағы төтенше және өкілетті елшісі болған.

  • Шерзаттың өліміне қатысты сотта әжесіне жедел жәрдем шақырылды

    Шерзаттың өліміне қатысты сотта әжесіне жедел жәрдем шақырылды

    Шерзат Полаттың өліміне қатысты сот отырысында оның әжесі Жұмабике Қадирова өзін жайсыз сезініп, сот залынан жедел жәрдеммен шығарылды. Ол — марқұмның анасы жағынан әжесі, Каржаубай Нұрымовтың анасы. Бұған дейін де Жұмабике денсаулығына байланысты сот процесін ұйымдастыруда ескеруді сұраған болатын.

  • Шерзат ісі: дүкен алды жанжалды кім бастағаны белгілі болды

    Шерзат ісі: дүкен алды жанжалды кім бастағаны белгілі болды

    2023 жылғы 3 қазан, түнгі 23:22. Сотталушы Әскентай мас күйінде «Қамажай» дүкеніне кіріп, сыра мен темекі алады. Ақшаны танысы Асқарбек арқылы аудартып, чекті көрсетіп, үстінен тағы 1000 теңге қолма-қол береді. Сатушы Нұрымов ақшасын алып, қайтаратын ақшаны беріп, Әскентаймен қол алысып қоштасады.

    Арада жарты сағат өтпей, Әскентай дүкенге қайта оралып, телефонын қуаттауға сұрайды. Бұл кезде іште Нұрымовтың ұлы Шерзат отырған. Сыртта тұрған Әскентайды бақылап, артынан өзі де шығады. Содан 23:52-де Әскентайға әкесін балағаттады деген желеумен екі рет жұдырықпен ұрады.

    Бәрін көріп тұрған Нұрымов араша түсіп, ұлын тоқтатып, Әскентайдан кешірім сұрайды. Қанын жуып, жағдайын түзетуге тырысады. Бірақ Әскентай бұл үшін тоқтамай, дүкен алдына достарын шақырады. Соңы қайғылы оқиғаға ұласқаны белгілі.

    Сараптама бойынша, Шерзат сол түні Әскентайдың бет сүйегін сындырған.

  • Шерзаттың өліміне қатысты айыпталушылардың көбі бұрын сотты болған

    Шерзаттың өліміне қатысты айыпталушылардың көбі бұрын сотты болған

    Талғардағы Шерзат Полаттың өліміне қатысты басталған басты сот процесінде айыпталушылардың көбі бұған дейін де қылмыстық жауапкершілікке тартылғаны анықталды.

    Мәселен, 1998 жылғы Сәкиев — бұрынғы мейрамхана администраторы. Ол 2021 жылы екі жыл алты айға бас бостандығы шектелген, қазір соттылығы жойылған. Сотта адвокатымен сөйлеспегенін айтып, дайын еместігін жеткізді.

    Белғожаев (2000 ж.) — спорт мектебінің бұрынғы қызметкері, ол да бұған дейін сотты болған. 2015 жылы Қылмыстық кодекстің 106-бабы бойынша жаза алған. Сотқа толық дайын екенін мәлімдеді.

    Тізімде тағы бірнеше есім бар: Тоқтаубаев пен 1993 жылғы Әскентай – екеуі де бұрын істі болғандар. Азамат Тоқтаубаев 2020 жылы жеті жылға бас бостандығынан айырылған. Ал 1996 жылы туған Нұрбол Тоқтаубаев бұрын сотты болмаған, үйленген.

    Айыпталушы Ілиясовтың 2023 жылы сотталғаны белгілі болды. Ол 107-баппен екі жыл алты айға бас бостандығы шектелген. Жазасы әлі аяқталмаған. Жұмыссыз, бойдақ.

    Тек Дидар Қалиахмет (1998 ж.) ғана бұрын сотты болмаған. Үйленген, екі баласы бар.

    Сот отырыстары жалғасып жатыр. Жүйелі тергеу барысы қоғам назарында.

  • Зейнетақы жинағы тіс емдеуге және бала денсаулығына жұмсалуы мүмкін

    Зейнетақы жинағы тіс емдеуге және бала денсаулығына жұмсалуы мүмкін

    Бұл туралы Денсаулық сақтау министрінің 2025 жылғы 9 сәуірдегі бұйрығында жазылған.

    Негізгі талаптар:
    • Жинақты пайдалану үшін БЖЗҚ-дан қолжетімді соманы анықтап, уәкілетті оператор сайтында ЭЦҚ арқылы өтініш беру қажет.
    • Бала немесе туыстарды емдету үшін келісім мен растайтын құжаттар керек.
    • Ем бастау үшін ВКК (дәрігерлік-консультациялық комиссия) қорытындысы қажет.
    • Тіс емдеу кезінде төлем екі кезеңмен жүреді: хирургиялық және ортопедиялық.
    • Құжаттар толық болмаса, ақша БЖЗҚ-ға 45 күн ішінде қайтарылады.

    Рұқсат етілген ем түрлері:
    • Сирек кездесетін аурулар
    • Стоматология (протездеу, имплантация)
    • Пластикалық операциялар
    • Радиойод, радионуклид, протон терапиясы
    • Көзге лазерлік түзету

    Жаңа ереже зейнетақы жинағын нақты медициналық мақсатқа бағыттауға мүмкіндік береді.

  • Самокатқа нөмір тағу міндетті бола ма?

    Самокатқа нөмір тағу міндетті бола ма?

    Қазақстанда электросамокат иелері үшін жаңа талап енгізілуі мүмкін. Ішкі істер министрлігі самокаттарға мемлекеттік нөмір тағу тәртібін қарастырып жатыр.

    Министрдің міндетін атқарушы Санжар Әділовтің айтуынша, бұл мәселе белсенді түрде пысықталуда. Швейцария тәжірибесіне сүйене отырып, самокаттар мен велосипедтерге нөмір беру ұсынысы дайындалған.

    Жоба әлі талқылау сатысында, бірақ ІІМ бұл норманы өзекті деп отыр.

  • Ақтаудағы ұшақ апатында қаза тапқандарға арнап мемориалды тақта орнатылды

    Ақтаудағы ұшақ апатында қаза тапқандарға арнап мемориалды тақта орнатылды

    Ақтау маңында құлаған ұшақ апатына байланысты Әзербайжанда қаза тапқан экипаж мүшелері мен жолаушыларды еске алу рәсімі өтті. Бұл туралы Azertag.az басылымы хабарлайды.

    Әзербайжандық альпинистер ұшақ апатында қаза тапқан батырлардың есімдері жазылған мемориалды тақтаны «Хыналық және көшпенділер жолы» мемлекеттік тарихи-мәдени-этнографиялық қорығының аумағына орнатты.

    Онда экипаж мүшелерінің аты-жөні – Игорь Кшнякин, Александр Кальянинов және Окюма Алиева жазылған, сондай-ақ «Қайтыс болған экипаж мүшелері мен жолаушыларды еске алуға арналған» деген жазуы бар.

    Айта кетейік, 25 желтоқсанда Бакуден Грозныйға ұшқан Әзербайжан әуе жолдарының Embraer 190 ұшағы Ақтау әуежайынан үш шақырым жерде апатқа ұшыраған болатын.