Sona.kz

Метка: Басты жаңалықтар

Қаскелеңде соттан қашқан күдікті әлі ұсталған жоқ

Ішкі істер министрінің орынбасары Игорь Лепеха зорлау дерегі бойынша ұсталған күдіктінің Қаскелең қаласындағы аудандық сот залынан қашып кетуі оқиғасына қатысты түсінік берді.

– Күдіктінің қашып кетуі бойынша іс қозғалды, әлі іздестіріп жатырмыз, – деді И.Лепеха.

Оның айтуынша, жұмысына селқос қараған ішкі істер органдары қызметкерлеріне қатысты іс қозғалды.

Бұдан бұрын хабарданғандай, адам зорлады деген күдікпен ұсталған айыпталушы Қаскелең қаласындағы аудандық сот залынан қашып кетті.

Желіде Алматы облысындағы автожолдарда полиция қызметкерлерінің тексеріс жүргізіп жатқан бейнежазбалары тарады.

Қамауға алынған күдіктінің қашып кету фактісі бойынша қылмыстық іс қозғалып, қашқынды ұстау бойынша іс-шаралар кешені қабылданды. Сонымен қатар болған оқиғаның барлық мән-жайын анықтау мақсатында қызметтік тексеру тағайындалғаны хабарланды.

2 апреля 2025, 14:33
Антикордың лауазымды қызметкері пара алды деген күдікке ілінді

Қарағанды облысы бойынша Сыбайлас жемқорлыққа қарсы қызмет облыстық департаменттердің бірінің басшысына және оған бағынысты қызметкеріне қатысты сотқа дейінгі тергеу аяқталды.

Департамент басшысы орындалған жұмыстар актісіне қол қойғаны үшін кәсіпкерден 1 млн теңге көлемінде пара алды деген күдікке ілінді.

«Сонымен қатар, айыпталушылар жалған жұмыспен қамтылған қызметкерлердің шоттарына жалпы сомасы 2,5 млн теңгеге жалақы, сыйлықақы және іссапар шығыстарын негізсіз аудару арқылы адамдар тобында бюджет қаражатын жымқырды деп айыпталуда.

Айыпталушылар сотқа тартылды. Қылмыстық-процестік кодекстің 201-бабына сәйкес өзге ақпарат жария етуге жатпайды.

Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі», – делінген хабарламада.

2 апреля 2025, 13:48
Теміртауда бозбалалардың қарт кісіні соққыға жығу оқиғасы: облыс әкімі мәлімдеме жасады

Қарағанды облысының әкімі Ермағанбет Бөлекпаев Теміртауда қария кісіні соққыға жығып, қорлаған жасөспірімдер ісіне қатысты мәлімдеме жасады.

Әкімнің айтуынша, өзінің орынбасары Әлібек Әлденей Қарағанды облысы бойынша кәмелетке толмағандардың істері және олардың құқықтарын қорғау жөніндегі комиссияның отырысын өткізді.

«Теміртау қаласы әкімінің әлеуметтік мәселелер жөніндегі орынбасарына кәмелетке толмағандарға тиісінше бақылау жасамағаны үшін қатаң сөгіс жариялауды тапсырдым. Сондай-ақ, жасөспірімдер оқыған білім беру мекемелері директорларының орынбасарлары тәртіптік жауапкершілікке тартылды.

Біз жасөспірімдер агрессиясына сөзсіз алаңдаймыз және болашақта осындай оқыс оқиғаларды азайту бойынша қосымша шаралар әзірлеуге кірісеміз. Кінәлілер қолданыстағы заңнама аясында жауапкершілікке тартылады. Бұл оқиға бойынша полиция тергеу жүргізуде.

Сондай-ақ ата-аналардан, педагогтардан балаларды тәрбиелеуге және олардың басқа адамдарға құрметпен қарауын, дұрыс құндылықтарды қалыптастыруға көбірек көңіл бөлуді сұраймын. Біз өз тарапымыздан жасөспірімдерді әлеуметтік қолдау мен алдын алу шараларын күшейту жұмыстарын жалғастырамыз», — дейді Ермағанбет Бөлекпаев.

Айта кетейік, осыған дейін Теміртауда бір топ бозбала қарт кісінің үйіне баса-көктеп кіріп, соққыға жыққаны хабарланды.

2 апреля 2025, 13:23
Қазақстандық азамат Таиландта жол апатынан қаза тапты

аиландтың Пхукет қаласында 1 сәуірде түн ортасында мотоцикл мінген шетелдік жол апатының құрбаны болды, деп хабарлайды Пхукет жаңалықтары.

Жергілікті басылымның хабарлауынша, Bypass Rd күре жолы бойындағы жол апатында қаза тапқан шетелдік мотоциклшінің Қазақстан азаматы екені анықталды. Қаза тапқан адамның жеке басын Vachira Phuket Hospital ауруханасы растады.

Куәгерлердің Facebook желісінде таратқан ақпаратына сәйкес, Honda Forza мінген мотоциклші қатты жылдамдықпен келе жатып, жарық бағанасына соғылған. Kusoldharm қорының құтқарушылары ұялы телефонының экранында орыс тілінде жазбалар тұрған соң бастапқыда оны Ресей азаматы болуы мүмкін деп шамалаған.

2 апреля 2025, 12:45
Қаражал қаласында 50-ге жуық киік суға батып кеткен

Ұлытау облысының Қаражал қаласының маңынан суға батып кеткен 50-ге жуық киіктің өлексесі табылды.

Қазір өлекселерді жою бойынша санитарлық жұмысты ТЖМ қызметкерлері жүргізіп жатыр.

«Осы жылдың 1 сәуірінде Қаражал қаласының төтенше жағдайлар бөлімінің күштерімен қала аумағында су және мұз үстіндегі 50-ге жуық киік өлекселерін шығардық», — дейді Қаражал қаласы 3-ӨСБ бастығының орынбасары Ерсұлтан Аманжанов.

2 апреля 2025, 12:21
Солтүстікте 2 миллиард теңгеге салынған жағалау қыстан қалай шықты

Жергілікті тұрғындар жаңа нысанның кейбір жерлері бүлініп, плиталардың қисайғанын байқаған. Жағалау өткен жылы пайдалануға берілген болатын. Құрылысшылардың айтуынша, мұндай өзгерістердің негізгі себебі – қатты аяз, өзен суының көтерілуі және мұздың қозғалысы.

Жергілікті билік жағдайды бақылауға алғанын мәлімдеді. Жөндеу жұмыстары жоспарланып, сапаны тексеру үшін қосымша сараптама жүргізілмек. Құрылысқа жауапты мердігерлер кемшіліктерді жоюға міндеттелуі мүмкін.

2 апреля 2025, 11:10
Қазақстан халқының саны 20 316 155 адамға жетті
2025 жылғы мәліметтер бойынша, Қазақстанның тұрғындары жалпы 20 316 155 адамды құрайды. Олардың ішінде:
- қала тұрғындарының саны 12 813 769,
- ал ауыл тұрғындары 7 502 386 адамды құрайды.
Өткен жыл басынан бері халық саны 282 313 адамға артқан. Халық санының ең жоғары өсуі Астана, Алматы және Шымкент қалаларында байқалды.

Республикалық маңызы бар қалалардан басқа, бір миллионнан астам тұрғыны бар облыстар қатарына Түркістан (2,1 млн), Алматы (1,5 млн), Жамбыл (1,2 млн) және Қарағанды (1,1 млн) облыстары кіреді.
2 апреля 2025, 10:47
Алматыдағы алғашқы крематорий ашылмай тұр

Құрылыс толық аяқталып, объект ресми тіркеуден өткен. Бірақ әкімдік Әділет және Денсаулық сақтау министрліктерімен ғимараттың түпкілікті баланс ұстаушысын анықтау мәселесін талқылап жатыр.

Министрлік кремацияға қатысты санитарлық нормаларға өзгерістер енгізуді мақұлдау кезеңінен өткізуде. Ал крематорийдің нақты ашылу мерзімі белгісіз.

Нысан бастапқыда 2021 жылы іске қосылуы керек еді, алайда мерзім бірнеше рет шегерілді. Бұған дейін әкімдік крематорийге инженерлік желілерді уақытында жүргізбеген мердігер компанияны сотқа беріп, оны мемлекеттік сатып алудан шеттеткен.

2 апреля 2025, 10:40
Адамды өлтіріп, көлікпен бірге өртеп жіберген

Өртеніп кеткен көліктің ішінен мәйіт қалдықтары табылған. Аталған жағдайға қатысты Алматы облысының Полиция департаментінің баспасөз қызметі пікір білдірді.

Полицейлер кісі өлтіру дерегі бойынша сотқа дейінгі тергеуді бастады.

Жедел іздестіру шаралары барысында 43 жастағы күдікті анықталып, ұсталып, уақытша ұстау изоляторына қамалды. Қылмыстың барлық мән-жайларын объективті түрде анықталып, тергеу әрекеттері жүргізіліп жатыр, – деді Алматы облысының полиция департаменті.

2 апреля 2025, 10:29
Шәууәл 2025: Алты күндік оразаны қалай ұстайды және оның сауабы қандай?

Пайғамбарымыз (оған Алланың салауаты мен сәлемі болсын):

“Кімде-кім Рамазан оразасын ұстап, оған Шәууәлден алты күн қосса, бір жыл ораза ұстағандай болады”, – деген (Мүслим).

Қалай ұстайды?
• Алты күн оразаны қатарынан да, үзіліспен де ұстауға болады.
• Ниет: таң атпай ниет ету қажет.
• Қаза оразасы барлар алдымен қазасын өтеп, кейіннен Шәууәл оразасын ұстаса, сауапқа кенеледі.

Сауабы қандай?
• Рамазан оразасымен бірге бір жылдық оразаның есебін береді.
• Алланың разылығына жақындатады.
• Рамазаннан кейінгі құлшылықты жалғастыруға септігін тигізеді.

Бұл – иманды күшейтіп, рухани дамуға ықпал ететін сүннет оразалардың бірі.

2 апреля 2025, 10:05