Sona.kz

Метка: Басты жаңалықтар

  • Павлодарда қыз бала қатарласын соққыға жықты

    Павлодарда қыз бала қатарласын соққыға жықты

    Павлодарда адам шошырлық оқиға болды. Мектеп оқушысы қатарласын соққыға жыққан, ал қасындағы қыз балалар оқиғаны видеоға түсіріп алды.

    Желіде №16 мектеп оқушысының басқа қыз баланы ұрып-соққан сәті түсірілген видео жарияланды. Қауіпті кадрлар «Молодой Кабылтаев» Telegram-арнасында жарияланды.

    Төбелеске қатысушылардың жеке басы анықталды. Қазақстан Республикасы ӘҚБтК-нің 127-бабының 3-бөлігімен («Кәмелетке толмаған баланы тәрбиелеуге байланысты міндеттерді тиісінше орындамау») қол сұғушылық жасаған кәмелетке толмағанның заңды өкіліне қатысты әкімшілік хаттама толтырылды.

    Қатарласын соққыға жыққан оқушы қыз қылмыстық жауапкершілікке тартылатын жасқа толмағандықтан, оның мінез-құлқын Павлодардың кәмелетке толмағандар істері және олардың құқықтарын қорғау комиссиясы қарайтын болады.

    «Кәмелетке толмағандар ісі жөніндегі комиссияда Шығыс Қазақстан облысы Серебрянск қаласындағы «Девианттық мінез-құлықты балаларға арналған арнайы мектеп-интернаты» ММ-ге кәмелетке толмаған баланы жіберу мәселесі қаралды», — деп хабарлады Павлодар облысының полиция департаменті.

    Жасөспірімдер оқитын жалпы білім беретін мектеп әкімшілігіне құқық бұзушылық жасауға ықпал еткен себептер мен жағдайларды жою туралы ұсыныс жолданды.

  • АҚШ Ұлттық қауіпсіздік кеңесінің құпия чатына журналист кездейсоқ қосылды

    АҚШ Ұлттық қауіпсіздік кеңесінің құпия чатына журналист кездейсоқ қосылды

    The Atlantic бас редакторы Джеффри Голдберг 13 наурызда жабық Signal чатында кездейсоқ пайда болды. Бұл чатта Пентагон басшысы Пит Хегсет, мемлекеттік хатшы Марко Рубио, вице-президент Джей Ди Вэнс және басқа жоғары лауазымды тұлғалар Йемендегі хуситтерге қарсы операция жоспарын талқылады. Журналист чаттағы жазбалардан АҚШ-тың Еуропаны қайтадан «құтқару» жөніндегі пікірталастарға көңіл бөлінгенін байқады.

    Ақ үй осы жазбалардың шынайылығын растады. Сонымен қатар, заңгерлер чатты құрған Майк Уолтцтың әскери құпияларды сақтау міндеттемелерін бұзуы ықтимал екенін атап өтті – қатысушылардың құрылғылары жоғалған жағдайда ұлттық қауіпсіздікке айтарлықтай қауіп төнуі мүмкін.

  • Еуропа аспанында жұмбақ спиральдар пайда болды

    Еуропа аспанында жұмбақ спиральдар пайда болды

    Британия, Германия, Польша, Франция, Венгрия және басқа да елдер тұрғындары жарық шашқан спиральдарды көріп, әлеуметтік желілерде қызу талқылай бастады.

    Сондай-ақ, бұл таңғажайып көрініс Украина мен Ресейдің бірнеше қаласынан да байқалған.

    Алдын ала мәлімет бойынша, спиральдар SpaceX ұшырған NROL-69 спутнигінің артық отынын тастауынан пайда болған. Бұл аппарат Falcon 9 зымыранымен орбитаға шығарылған болатын.

    “Бүгін түнде Британия аспанында белгісіз спиральдар пайда болды. Бұл SpaceX зымырағының қатып қалған отыны болуы мүмкін”, – деп жазды батыстық БАҚ.

    Ғалымдар бұл құбылысты зерттеуге кірісті.

  • Үкімет қайтарылған 1,7 млрд теңгенің қайда жұмсалатынын мәлімдеді

    Үкімет қайтарылған 1,7 млрд теңгенің қайда жұмсалатынын мәлімдеді

    Президент Қасым-Жомарт Тоқаевтың тапсырмасына сәйкес, заңсыз шығарылған активтер есебінен әлеуметтік инфрақұрылым жобалары жүзеге асырылуда.

    25 наурызда ҚР Үкіметінің баспасөз қызметі қайтарылған қаражаттың бағытталуы туралы хабарлады.

    “Арнайы мемлекеттік қордан 1,7 млрд теңге бөлініп, Ақмола облысының бірнеше ауылында жаңа фельдшерлік-акушерлік пункттер (ФАП) мен дәрігерлік амбулаториялардың құрылысын аяқтауға жұмсалады”, – делінген ресми мәлімдемеде.

    Билік әлеуметтік нысандардың құрылысын жеделдетіп, өңірлердегі медициналық қызмет сапасын жақсартуды көздеп отыр.

     

  • 12 жастағы баланың үстіне қораның қабырғасы құлап, мерт болды

    12 жастағы баланың үстіне қораның қабырғасы құлап, мерт болды

    12 жасар Елжанның үстіне жеке үйдің ауласындағы қораның қабырғасы опырылып құлап, көз жұмды.

    Полицияның мәліметінше, төтенше жағдай сағат 19:35 шамасында болған. Алған жарақатынан бала сол жерде көз жұмды.

    «Аталған факті бойынша қылмыстық іс қозғалып, тергеу амалдары жүргізіліп жатыр», – деп хабарлады Солтүстік Қазақстан облысы полиция департаментінің баспасөз қызметі.

  • Криштиану Роналду тағы бір рекорд орнатты

    Криштиану Роналду тағы бір рекорд орнатты

    Бұл туралы Report жазды. 40 жастағы шабуылшы бір күн бұрын Ұлттар лигасының ширек финалдық қарымта кездесуінде Дания құрамасына қарсы ойында гол соққан болатын.

    Португалиялықтар скандинавиялықтарды қосымша уақытта 5:2 есебімен жеңді.

    Криштиану Роналдудың еншісінде 929 гол бар. Жалпы, Роналду Португалия құрамасының сапында 217 матч өткізіп, 136 гол соққан. Португалия құрамасының құрамында Роналду 2016 жылы Еуропа чемпионатында жеңіске жетті.

  • Түркияда толқу: Имамоглу президенттікке үміткер атанды

    Түркияда толқу: Имамоглу президенттікке үміткер атанды

    Түркияның оппозициялық Республикашыл халық партиясы (CHP) праймериз өткізіп, түрмеде отырған Стамбұлдың бұрынғы мэрі Экрем Имамоглуды президенттікке үміткер ретінде бекітті. Оған 15 миллионнан астам адам дауыс берген.

    Имамоглу қаржылық қылмыстар бойынша айыпталып, қамауға алынған. Бірақ бұл шешім елде жаппай наразылық тудырып, мыңдаған адам көшеге шықты. Стамбұл қор биржасы үш күнде 16%-ға құлдырап, ұлттық валютаға қауіп төнді.

    Оппозиция Ердоғанды мерзімінен бұрын сайлау өткізуге шақырып отыр.

  • Air Astana ұшағы Бакуге шұғыл қонды

    Air Astana ұшағы Бакуге шұғыл қонды

    Себебі – жолаушылардың бірі бортта өзін нашар сезініп, экипаж дереу қонуға шешім қабылдаған. Airbus A321 лайнері Гейдар Әлиев атындағы халықаралық әуежайға жергілікті уақытпен 00:25-те аман-есен қонды. Дәрігерлер науқасқа алғашқы медициналық көмек көрсетіп, жедел жәрдеммен ауруханаға жеткізді.

    Бұл жағдайға байланысты рейс кейінге шегерілді. Экипаждың жұмыс уақыты аяқталғандықтан, әуе компаниясы жолаушыларға қонақүй, тамақ және көлік қызметін ұйымдастырды. Ұшақтың Алматыға қайта ұшуы 24 наурызда 13:40-қа жоспарланған.

  • Маңғыстау музейіндегі ерекше жәдігер: адам терісінен жасалған әмиян

    Маңғыстау музейіндегі ерекше жәдігер: адам терісінен жасалған әмиян

    Бұл жәдігерді 1995 жылы Ақтау қаласының тұрғыны Лесицын музейге сыйға тартқан. Әмиян қоңыр түсті, төрт бөлімнен тұрады. Бір бөлігінің аузы теріден жасалған жапқышпен жабылады, ал екі бөліктің арасын жібек мата бөліп тұр. Жан-жағы жіппен тігілген, тігінен екі жағына қарай ашылады.

    Әмиянның нақты қай майданнан табылғаны белгісіз, ғылыми сипаттамасы жоқ. Дегенмен, бұл жәдігер соғыстың адамзатқа әкелген қасіретін айқындайтын символ ретінде музейдің тарих залында сақталуда.

    Әмиянның түгендеу карточкасында оның материалы ретінде адамның терісі және жіп көрсетілген, ал қолданылған кезеңі 1941-1945 жылдар аралығы деп белгіленген.

  • Медеу ауданының тұрғындары көршісіне көмектесті

    Медеу ауданының тұрғындары көршісіне көмектесті

    Қоғам белсендісі Дмитрий Бузинскийге төрт жыл бұрын қатерлі ісік диагнозы қойылды. Еміне 30 миллион теңге қажет екенін білген көршілері қайырымдылық жәрмеңкесін ұйымдастырып, қолдан келген көмектерін аямады.

    “Халық арена” маңында киіз үй тігіліп, кәсіпкерлер мен тұрғындар өнімдерін сатылымға шығарды. Жәрмеңкеден түскен қаражат Дмитрийдің еміне аударылды.

    “Бұл жағдай бәрімізді одан әрі жақындатты. Бірлігіміз – ең үлкен күшіміз”, – дейді көршілері.

    Дмитрий халықтың жанашырлығына алғыс білдіріп, “Осындай елде өмір сүріп жатқаным үшін шүкір етемін”, – деді.