Sona.kz

Метка: Басты жаңалықтар

  • Қазақстан «ішкіштер» елі ме?

    Қазақстан «ішкіштер» елі ме?

    Әрбір отбасы орташа есеппен 5,5 мың теңгесін алкогольдік сусындарға жұмсайды, бұл өткен жылмен салыстырғанда 8,1% көп екен.

    Energyprom мәліметтеріне сүйенсек, алкогольге ең көп ақша жұмсайтын аймақтар арасында Шығыс Қазақстан облысы көш басында екен. Өңір тұрғындары 9,5 мың теңге жұмсаған, бұл жыл басымен салыстырғанда 14,8% артық. Үштікке Павлодар облысы мен Алматы кіреді.

    Әлемдік контексте Қазақстан жан басына шаққанда алкоголь тұтыну бойынша 100-орында. Яғни, жылына 5 литр. Бұл тізімде Латвия, Молдова және Германия алдыңғы қатарда, онда көрсеткіш жылына 13 литрге дейін жетеді.

    Бір қызығы, Қытай алкоголь өндірісінен түскен кірістер бойынша көшбасшы болып отыр (336 миллиард АҚШ доллары). Бірақ адам басына шаққанда алкоголь тұтыну бойынша 87-орында, яғни жылына 6 литр.

  • Қорғаста жүк-жолаушылар әуежайы салынады

    Қорғаста жүк-жолаушылар әуежайы салынады

    «SKYHANSA» Қазақстан-Германия консорциумы жаңа жүк-жолаушылар әуежайын салады

    Германияның федералды канцлері Олаф Шольцтың Қазақстанға ресми сапары аясында Көлік министрлігі мен «SKYHANSA» компаниясы арасында «Қорғас – Шығыс қақпасы» арнайы экономикалық аймағында жүк-жолаушылар әуежайын салу жобасын іске асыру туралы негіздемелік келісім жасалды.

    Жоба қуаты 500 адам/сағ дейін жолаушылар терминалы бар әуежай инфрақұрылымын, сыйымдылығы жылына 550 000 тоннаға дейінгі отын қоймасын, жылына 250 000 тоннаға дейін жүктерді толық өңдейтін жүк терминалын салудың, әуе кемелеріне қызмет көрсету үшін авиациялық-техникалық орталық құрудың, сондай-ақ басқа да туристік және сауда-ойын-сауық қызметтерін дамытудың үш кезеңдік бағдарламасын көздейді.

    Жетісу облысының әкімдігі әуежай салу үшін жер телімін бөлді.

  • Жаппай улану:мектеп асханасының 7 қызметкерінен жұқпалы ауру анықталды

    Жаппай улану:мектеп асханасының 7 қызметкерінен жұқпалы ауру анықталды

    Маңғыстауда оқушылар жаппай тамақтан уланған мектеп асханасының 7 қызметкерінен жұқпалы ауру анықталды.

    Еске салайық, өткен аптада Мұнайлы ауданы Бесшоқы ауылында №8 жалпы білім беру мектебінің 466 оқушысы тағамнан уланып қалған еді.

    https://sona.kz/kk/mangystawlyq-43-oqwshy-awrwhanadan-shyqty-5278/ 100-ге жуық бала ауруханада емделіп, үйлеріне шықты. Мамандар асханадағы дайын тамақ өнімдерінен, су және асхана қызметкерлерінен бактериологиялық тексеруге сынамалар алған. Нәтижесінде картоп езбесі, құс етінен әзірленген котлет және соус пен компоттан патогенді бактериялар анықталған.

    Ыдыстардан ішек таяқшалары табылды. Сондай-ақ 6 адамның стафилокок жұқтырғаны, ыдыс жуушы әрі оқушыларға ас таратқан қызметкердің дизентерия бактериясын тасымалдаушы екені белгілі болды. Бұған қоса, 4 қызметкердің медициналық құжаты жалған болып шықты. Осы оқиға бойынша қылмыстық іс қозғалды.

  • Жамбыл облысында бірнеше мектеп оқушысы отырған автокөлік апатқа ұшырады

    Жамбыл облысында бірнеше мектеп оқушысы отырған автокөлік апатқа ұшырады

    Жамбыл облысында бірнеше студент пен мектеп оқушысы отырған автокөлік апатқа ұшырады. Салдарынан 16 жастағы екі бала мен 17 және 18 жастағы Жаңатас қаласының тұрғындары ауыр хәлде аудандық ауруханаға жеткізілді.  Жасөспірімнің бірі әкесіне тиесілі көлікті рұқсатсыз мініп кеткен.  Таңғы төрттер шамасында ол  «Тараз-Жаңатас» бағытында жоғары жылдамдықпен келе жатып, көлікті басқара алмай, жол жиегіне аударылған.  Қазір төртеуі де жансақтау бөліміне жатыр.  Артынша 16 және 18 жастағы науқастар шұғыл облыстық ауруханаға ауыстырылды. Көлік жүргізу куәлігі болмаған жас баланың ата-анасына қатысты іс қозғалды.

     

  • Подвалдан Паралимпиадаға:Еркін Ғаббасов қалай жаттыққанын айтты

    Подвалдан Паралимпиадаға:Еркін Ғаббасов қалай жаттыққанын айтты

    41 жастағы Еркін Ғаббасов Паралимпиадаға қалай жаттыққанын айтты.

    «Подвалдан Паралимпиадан бірақ шықтың деп жолдастарым қалжыңдайды. Бұл әрине қалжың, себебі үлкен жаттығудан өттік. 2021 жылдан дайындалдым»,- деді Паралимпиада ойындарының нысана атудан күміс жүлдегері Еркін Ғаббасов.

    Жеңімпаз, дайындықтың басым бөлігі мектептің жертөлесінде өткенін айтады. Ал, жеңімпаздың жанында жары Шынар әркез қолдау білдіріп жүреді.

    «Біздің үш баламыз бар. Үлкеніміз 21 жаста. Алдағы мақсатымыз Алтын медальға қол жеткізду»,- деді Еркін Ғаббасовтың жары Шынар.

    https://www.instagram.com/reel/C_-ExMyMa5n/?igsh=azBtNnFmZHc4NW0x

     

    Естеріңізге сала кетейік, бүгін Қазақстан Республикасы Президентінің Жарлығымен Париж қаласында өткен XVII жазғы Паралимпиада ойындарында жоғары жетістіктерге жеткен спортшылар мен атлеттердің жаттықтырушылары мемлекеттік наградалармен марапатталды.

     

     

  • 20 жастан әскерге: петицияға қол жинап жатыр

    20 жастан әскерге: петицияға қол жинап жатыр

    Қазақстандықтар әскерге шақыру жасын өзгерту туралы петицияға қол жинап жатыр. Бастамашы топ, азаматтарды армияға 18 жастан емес, 20 жастан бастап қабылдауды сұрайды. Бұдан әскери қызметтің тиімділігі артып, қорғаныс жүйесінде оң өзгерістер болады делінген құжатта. Яғни, оқу оқып, оң солын ажырата білген кезде, әскерге барғандардың ел алдындағы жауапкершілігі артады дегенді алға тартады. Сондай-ақ, бұл казармадағы әлімжеттік мәселесін де шешпек. Сонымен бірге, петицияда Швеция, Германия, және Австрия елдерінде әскерге шақыру жасы 19-20 жастан басталатыны жазылған. Бұл бастаманы қолдайтындар да, бұдан әскердегі бассыздық тыйылмайды дейтіндер де бар.

    E-Petition сайтында  https://epetition.kz/petition/ee8de9f5-fcb7-4eb7-bb37-b73a50b42be2?petitionDetailTab=SIGNERS&commentPage=0 «Мерзімді әскери қызметке шақыру жасын көтеру туралы» жаңа петиция жарияланды. Қазір петиция 50 дауыс жинап, модерациядан өтіп жатыр.

     

  • Қоғамдық көлік көпірден құлап, жүргізуші жансақтауда жатыр

    Қоғамдық көлік көпірден құлап, жүргізуші жансақтауда жатыр

    Алматы облысында қоғамдық көлік көпірден құлап, ішінде 15 жолаушысы бар шағын автобустың үстіне құлаған. Апат салдарынан 7 адам зардап шегіп, қоғамдық көліктің жүргізушісі аурухананың жансақтау бөліміне жатқызылған. Қалғандары жеңіл жарақат алған. Полицияның хабарлауынша, қос көлік айып тұрағына жеткізіліп, осы оқиғаға қатысты тергеу басталған. Оқиға 12 қыркүйек күні кешке Қаскелеңге бұрылар тұстағы жол айырығында болды. Куәгерлердің сөзінше, №78 автобустың салонында жүргізушіден басқа ешкім болмаған. Алдын-ала болжам бойынша ол өзін жайсыз сезініп, рөлге ие бола алмай қалған.https://www.instagram.com/reel/C_2HSn2sWwL/?igsh=ZTZkM3pxbmVoMXNv

  • Көшпенділер ойындарының жабылу рәсімі көрерменсіз өтеді

    Көшпенділер ойындарының жабылу рәсімі көрерменсіз өтеді

    Бүгін — Дүниежүзілік көшпенділер ойындарының жабылу салтанаты. Ұйымдастырушылар, бюджеттің қысқартылуына байланысты салтанатты шара хаттамалық форматта көрерменсіз өтетінін хабарлады. Оған тек, спортшылар қатысады. Сондықтан, билеттердің сатылмайтынын және кез келген ұсыныстың алаяқтық екенін ескертеді. Ал, көшпенділер ойындарының жабылу рәсімі сағат 16:00-де Қазақстан Ұлттық арнада тікелей эфирде көрсетіледі.

  • Гавайлық турист: Қазақтың рухы ат үстінде

    Гавайлық турист: Қазақтың рухы ат үстінде

    V дүниежүзілік көшпенділер ойындарын көруге  шет елден көптеген туристер келді. Солардың бірі Гавай аралдарынан арнайы келген Томас Борланд. Ол өзінің жарымен бірге келген.

    «Біз Гавай аралдарынан Көшпенділер ойындарын тамашалау үшін арнайы келдік. Көкпар деп аталатын ұлттық ойын түрін бірінші рет тамашаладық. Қазақтардың атқа міну мәдениеті ерекше әсер берді. Қазақтың рухы ат үстінде екенін түсіндім», — дейді гавайлық Томас Борланд.

    V Дүниежүзілік көшпенділер ойындарына қатысуға әлемнің 89 елінен 2500-ге жуық спортшы мен арнайы делегация өкілдері келген.

     

  • Оқушылар құрылысы аяқталмаған мектепте оқып жатыр

    Оқушылар құрылысы аяқталмаған мектепте оқып жатыр

    Алматы облысында «Жайлы мектеп» жобасы шеңберінде 4 оқу ошағы қолданысқа берілді. Жаңа мектептерде 4200 оқушы оқуға барлық жағдайлар қарастырылған. Дегенмен, нысандар салтанатты түрде ашылса да, білімгерлерді қабылдауға дайын емесі анықталды.

    Нысанның бірі Қошмамбет ауылында бой көтерген. Ресми шарада Ғылым және жоғары білім министрі Саясат Нұрбек пен облыс басшысы Марат Сұлтанғазиев болды. Сонда министр «Жайлы мектептің» маңыздылығына тоқталған еді.

    Sona.kz тілшілері нысанды аралап шықты. Мектептің төңірегі қазылған, кіреберіс әлі жөнделуде. Алаңда құрылыс қалдықтары мен ішімдіктер шөлмегі араласып жатыр. Ал оқу ошағының ішінде ашық сымдар салбырап тұр. Мұның барлығы мұғалімдер мен оқушылардың қауіпсіздігіне әсер ететіні айтпаса да түсінікті.

    Кабинеттерде жарық орнатылмаған. Жұмысшылар ауы мен бауын бітіре алмай әлекке түсуде.

    Мектеп директорының оқу жөніндегі орынбасары балалардың 1-ші ауысымда ғана оқып жатқанын айтты. Одан кейін жөндеу жұмыстары жалғасады.

    «Біз мектепті ашу туралы шешім қабылдадық. Негізгі мерзімі екі ай кейін еді. Ескі мектепке оқушылар сыймай жатқан соң, мәжбүр болдық. Қазір 1000 бала оқуда, олардың саны күннен-күнге артып жатыр», — деді директордың орынбасары.

    Аталған 4 мектеп үшауысымды оқу ошақтарының мәселесін шешуі қажет еді. Бірақ, ағымдағы проблемалар ол мақсаттың орындалуына күмән туғызуда. Жобаның жетекшісі «Samruk-Kazyna Construction» компаниясының берген уәделеріне қарамастан, шынтуайтында жағдай басқаша болып шықты. 

    Sona.kz редакциясы жағдайдың қалай өрбитінін бақылап, қосымша ақпарат жариялайды.