Балабақша бухгалтері өзінің қызмет бабын пайдалана отырып, аса ірі көлемде өзіне сеніп тапсырылған бюджет қаражатын ұрлаған (ҚК 189-бабы 4-бөлігінің 2-тармағы). (далее…)
Бүгін екі жолбарыс Іле-Балқаш мемлекеттік табиғи қорығына жіберілді.
Дүниежүзілік жабайы табиғат қоры (WWF) мен Қазақстанның Экология және табиғи ресурстар министрлігі жолбарыстарды елге әкелу туралы келіссөз жүргізілді. Дәлірегінде, 27 маусымда Орман шаруашылығы және жануарлар дүниесі комитеті голландиялық Stichting Leeuw орталығымен келісімге қол қойды. «Жолбарыстардың Қазақстанға оралуы маңызды экологиялық жоба ғана емес, сонымен қатар табиғат сыйлаған мұрагы қалпына келтіруге деген ұмтылыстың белгісі», – делінген-ді хабарламада.
Редакция дереккөзінің хабарлауынша, 2024 жылдың 21-22 қыркүйегінде Қазақстанға Нидерландыдан екі Амур жолбарысын жеткізу сирек кездесетін жыртқыштардың популяциясын қалпына келтіру бағдарламасы аясында жүзеге асты.
Халықаралық экологиялық ұйымдармен бірлесіп атқарылған жоба нәтижесінде жолбарыстар Іле-Балқаш мемлекеттік табиғи қорығына қоныстанады. Бұл екі жыртқыш тұқымы ауасы салқын, қысы суық мекенде қыстауға жақсы бейімделген.
Айта кету керек, Қазақстанда Амур жолбарыстарының популяциясын қалпына келтіру бағдарламасы 2010 жылы басталған. Ал алғашқы жолбарыстарды 2025 жылға қарай табиғатқа шығару жоспарланған.
Посмотреть эту публикацию в Instagram
Қазақстан Республикасының Президенті жанындағы Қазақстанның стратегиялық зерттеулер институтының тапсырысы бойынша «Демократия институты» ҒЗҚ ҚҰ 2024 жылғы 18 тамыз бен 17 қыркүйек аралығында әлеуметтану зерттеуін жүргізді.
XXI ғасырда энергетика экономикалық тұрақтылыққа, қоршаған ортаға және адамдардың өмір сүру сапасына әсер ететін жаһандық дамудың негізгі факторларының біріне айналды. Уранның орасан қорына ие Қазақстан маңызды таңдау – электр қуаты тапшылығы мәселесін шешудің жолы ретінде АЭС салу мәселесін қарастыруда.
Сауалнамада респонденттердің 59,2%-ы дауыс беруге қатысуға дайын екенін білдірді. Оның 41,6 пайызы нақты ниет танытты.
Бір қызығы, электораттық белсенділік көрсеткіші осы жылдың тамыз айында өткен қоғамдық сауалнамада алынған деректермен сәйкес келеді. Ол кезде сайлауға қатысудың әлеуетті деңгейі 59,0%-ды құраған еді.
Ал әрбір бесінші респондент әлі түпкілікті шешім қабылдаған жоқ, ал 17%-ы референдумға қатыспайтынын атап өтті.
Жалпы, қазақстандықтардың 60,2 пайызы Қазақстанда атом электр станциясын салу идеясына оң көзқарас білдірген. Оның 38,6%-ы оң, 21,6%-ы біршама оң көзқараста. Тамызда жүргізілген сауалнамамен салыстырғанда, АЭС салу идеясын қолдаушылар саны 53,1%-дан 60,2%-ға өскенін байқауға болады.
24,9%-ы атом электр станциясын салу идеясына теріс көзқарас танытса, оның 9,1%-ы мүлдем теріс, ал 15,8%-ы теріс көзқараста. 14,9%-ы жауап беруге қиналатынын жеткізген.
Сауалнама нәтижесі қазақстандықтарды бірінші кезекте АЭС-ның адам денсаулығы мен қоршаған ортаға тигізетін әсері толғандыратынын көрсетті.
Мысалы, «Сіз бірінші кезекте құрылысы жоспарланған атом электр станциясы (АЭС) туралы қандай ақпаратты білгіңіз келеді?» деген сұраққа: 49,5%-ы «халықтың денсаулығына әсерін» атап өтсе, ал 42,9%-ы «қоршаған ортаға әсеріне» тоқталған. Респонденттердің тағы 22,8%-ы «авариялар мен төтенше жағдайлардың алдын алу шаралары» деген жауап нұсқасын таңдаған.
Бұл қорытынды үкімет, сарапшылар және қоғам арасындағы ашық диалогтың маңыздылығын көрсетеді. Атом электр станциясының құрылысы тек техникалық ғана емес, сонымен қатар азаматтардың белсенді қатысуын талап ететін әлеуметтік жоба.
Сауалнаманы 2024 жылғы 18 тамыз бен 17 қыркүйек аралығындағы кезеңде «Демократия институты» ҒЗҚ ҚҰ жүргізді. Зерттеуде жеке сұхбат (face-to-face) әдісі қолданылды. Оған 17 облыс пен республикалық маңызы бар Астана, Алматы және Шымкент қалаларының 18 жастан асқан респонденттері қатысты. Іріктеу көлемі 8000 респондентті құрады.
Себебі, әскери қызметкердің, сарбаздың өлімі туралы ақпарат жиілеп кетті. Ал министр бұған генералдарды кінәлап, үстел ұрып, зекіп сөйледі.
«Біз Беларусияға айналып барамыз ба? Әлде жоғары лауазымға қол жеткізіп алған соң босаңсып қалдыңдар ма? Дегендеріңе қол жеткіздіңдер, болды ма? Бірінше кезекте, қоғам сендерден нені талап етеді? Жастардың өмірін сақтап қалу. Сендер алдымен қол астындағы адамдардың өміріне жауаптысыңдар. Олардың жұмыс істеуіне барлық жағдайды жасауларың керек», – деді Жақсылықов.
Қорғаныс министрі Жақсылықов үстелді тоқпақтап, генералдарға айқай салды
Ол Әуе қорғанысы күштері бас қолбасшысының орынбасары полковник Талғат Сыздықовқа ескерту жасап, әуе шабуылына қарсы қорғаныс әскерлерінің қолбасшысы генерал-майор Нұртас Қабақовты лауазымынан алу туралы өтініш беретінін айтты.
Айта кетейік, елімізде 2020 жылдан бері әскерде қаза тапқан сарбаздардың саны 310 адамға жеткен.
Посмотреть эту публикацию в Instagram
Аягөз гарнизонының баспасөз қызметінің дерегінше, қайғылы оқиға 19 қыркүйекте жұмыстан тыс уақытта болған. 10810 әскери бөлімінің лейтенанты Нұрсұлтан Алдамұратовтың денесі өзінің тұрғылықты жерінде табылды.
Гарнизондағы әскери бөлімдердің бірінде қызмет ететін офицердің денесі үйінен табылды. Алдын ала ақпарат бойынша офицер өзіне-өзі қол жұмсаған. Оқиғаның жай-жапсары анықталып жатыр. Бұл дерек бойынша қылмыстық іс қозғалды, – деп жазылған хабарламада.
Сенат Мәжіліс қабылдаған «Қазақстан Республикасының кейбір заңнамалық актілеріне жекелеген көлік құралдары түрлерінің жүруін ұйымдастыру және жол қауіпсіздігін цифрландыру мәселелері бойынша өзгерістер мен толықтырулар енгізу туралы» Заңы мен оған ілеспе құжатты екінші оқылымда қабылдады.
Парламент депутаттары бастамашылық жасаған Заң жол жүрісін ұйымдастыру мәселелері бойынша заңнаманы одан әрі жетілдіруге бағытталған.
Заң келесі негізгі ережелерді:
— мопедтерді механикалық көлік құралдары тізбесіне енгізуді, сондай-ақ мопедтерді міндетті мемлекеттік тіркеуді белгілеуді көздейді. Тиісті норма Заң қабылданған кезден бастап 6 ай өткен соң қолданысқа енгізіледі;
— мопедтерді басқару және пайдалану талаптарын белгілеуді;
— «көлік құралының орташа жүру жылдамдығы» ұғымын енгізуді;
— көлік құралдарына техникалық қарап-тексеру өткізетін ұйымдарға қойылатын талаптарды қайта қарауды көздейді. Рұқсат беру тәртібі арқылы олардың жұмысын реттеуді енгізуді көздейді;
— көлік құралының габариті мен салмағы бөлігінде жолдардағы цифрлық жүйелердің бұзушылықтарды автоматты түрде тіркеу тәртібі өзгереді;
— жолаушылар тасымалы қауіпсіздігіне, көлік құралдарының жүргізушілерін оқытуға қатысты бірқатар қосымша талаптар енгізіледі.
Заң жекелеген көлік құралдары түрлерінің, оның ішінде мопедтердің жүруін ұйымдастыру саласында туындайтын мәселелерді құқықтық реттеудің тиімділігін арттыруға және жол-көлік оқиғаларының деңгейін төмендетуге мүмкіндік береді.
Жаға ұстатарлық жағдай туралы алғаш ақпаратты жариялаған Бала құқықтары жөніндегі уәкіл Динара Зәкиева болды. Мәліметінше, СҚО-да анасы қызын үй тапсырмасын орындамағаны үшін пышақтап тастаған. Қыз облыстық балалар ауруханасына жатқызылған.
«Оқушының жағдайы өте ауыр. Қылмыстық іс қозғалды. Комиссия құрылып, экспертиза жасалуда», — деп жазды Динара Зәкиева.
Артынша комитет жергілікті әкімдік пен комиссияның әйелді қалған балаларын тәрбиелеуден шеттетуге шешім қабылдағанын хабарлады.
«Медициналық көмек көрсетілуде. Алдағы уақытта психологиялық көмек көрсетіледі. Аталған факті бойынша сотқа дейінгі тергеп-тексеру амалдары жүріп жатыр», — делінген комитет мәлімдемесінде.
Жағдай жергілікті балалардың құқығын қорғау уәкілінің бақылауына алынды.
«Майқайыңалтын» АҚ-ның бұрынғы бас директоры Қуаныш Ботин және кәсіпорындағы өндірістік учаскелерді басқару, инженерлік құрамдағы бес адам уақытша ұстау изоляторына қамалды. Сот оларды үйқамақта ұстау немесе түрмеге жабу туралы шешім шығарады деп күтіліп отыр.
«Майқайыңалтын» АҚ-ның алтын кенішінде төрт құтқарушының өмірін қиған апатқа кінәлі тұлғалар ретінде 6 адам ұсталды. Олар — «Майқайыңалтын» АҚ-ның бұрынғы бас директоры Қуаныш Ботин және өндірістік учаскелерді басқару, инженерлік құрамдағы бес адам.
— Павлодар облысының полициясы тау-кен және құрылыс жұмыстарын жүргізу кезінде қауіпсіздік ережелерін бұзу фактісі бойынша қылмыстық істі тергеу шеңберінде «Майқайыңалтын» АҚ-ның алты жауапты қызметкері ұстап, Павлодар қалалық полиция басқармасы уақытша ұстау изоляторына қамауға алынды. Тергеу амалдары жалғасып жатыр, — деп мәлімдеді департаменттің баспасөз қызметінен.
Павлодар облыстық полиция департаменті аталған деректі растады.
Дерек көздеріне сүйенсек, бұрынғы бас директор Қуаныш Ботин Екібастұздағы үйінде ұсталған.
Еске сала кетейік, 4 қаңтарда Павлодар облысындағы Майқайың алтын кенішінде ішінде адамдар бар автобус жер астына түсіп кетті.
Апат болған күні оқиға орнынан екі құтқарушының мүрдесі табылды.
19 шілдеде Майқайыңда алты айдан соң үшінші құтқарушының мүрдесі табылған еді.
25 шілде күні Майқайыңдағы ойыққа түсіп кеткен автобус табылып, жердің астына түсіп кеткен соңғы адамның денесі жоғарыға шығарылды.
Атап айтқанда, осы күнге дейін қаладағы Орталық саябақ, Жеңіс паркі жөндеуден өтсе, Қонаев көшесінің бойында воркаут алаңы және скейт парк қолданысқа берілді. Сонымен қатар №5 жағажай толығымен абаттандырылып, биылғы шомылу маусымында халыққа тегін қызмет көрсетті.
Халық үшін тегін қызмет ететін тағы бір нысан жақында ғана ашылды. Ол — «Кроссфит» алаңы. Аз ғана уақытта салынған алаңның ашылу салтанатына қала әкімі Асхат Бердіханов қатысты.
«Қалада спортқа қызығушылар саны жыл санап артып келеді. Бұл өте қуантарлық жағдай. Бұқаралық спортты дамыту үшін жылына жүздеген шаралар ұйымдастырылуда. Түрлі деңгейде чемпион атанып жүрген спортшыларымыз да көп. Аталған нысан ел игілігіне жарайды деген сенімдеміз», — деді ол құттықтау сөзінде.
Аталған нысанда армрестлинг, үстел теннисі, стритбол, баскетбол, бокс, йогамен айналысуға болады. Жаттығуға арналған түрлі жабдықтар орнатылған. Балалар үшін музыкалық құралдар қойылған. Жасыл аймағы да бар. Жалпы аумағы 1,4 гектарды құрайды. Қауіпсіздікті сақтау мақсатында бірнеше бейнебақылау камералары орнатылған. Тапсырыс беруші – қалалық ТҮКШ бөлімі. Алаңның құрылысы 10 айға созылды.
Мұнда тұрғындар спортпен тегін айналысады. Олар да ерекше алаңның ашылғанына дән риза.
«Кешке балаларымызды алып шығып, қыдыруға, демалуға болатын керемет алаң екен. Үлкендер спортпен шұғылданып жатқанда балалар жүгіріп, ойнауына бар жағдай жасалған. Әдемі, көрікті ғимараттар мен алаңдар көптеп салынса деген арманымыз бар», — деді Мақпал есімді тұрғын.
Салтанатты шарамен қоса, бүгін стритбол, соккербол, кросфиттен жарыс өтті. Оған 130-ға жуық спортшы қатысты. Жеңімпаздар арнайы сыйлықтармен марапатталды.
Қазақстан Республикасының Бас мемлекеттік санитариялық дәрігерінің 2024 жылғы 17 қыркүйектегі № 11 қаулысына сәйкес 11 жастағы қыздар жоспарлы тәртіппен вакцинациялауға жатады. Сондай-ақ 12 жастан бастап 13 жасты қоса алғандағы жастағы қыздарға толықтыра иммундау жүргізіледі.
Екпе мектептердің медициналық кабинеттерінде ата-аналардың немесе заңды өкілдерінің хабардар етілген келісімін алғаннан кейін жүргізіледі. Сондай-ақ ата-аналардың қалауы бойынша вакцинация тіркелген жердегі емханаларда да жүргізілуі мүмкін.
Жатыр мойны обыры Қазақстандағы барлық жастағы әйелдер арасында таралуы бойынша екінші орындағы және 25 пен 44 жас аралығындағы әйелдер өлімінің себептері бойынша екінші орындағы қатерлі ісік болып табылады. Жыл сайын елде бұл аурудың 1900-ға жуық жаңа жағдайы тіркеледі. Ғылыми зерттеулер жатыр мойны обырының негізгі себебі АПВ инфекциясын жұқтыру екенін дәлелдеді.
АПВ-ға қарсы вакцина халықаралық деңгейде өзінің тиімділігі мен қауіпсіздігін дәлелдеді. Бүгінгі таңда АПВ-ға қарсы вакцина әлемнің 135 елінде, соның ішінде Өзбекстан, Қырғызстан және Түрікменстанда қолданылады. Бүгінгі таңда бірқатар елдерде вакцинацияның арқасында әйелдер арасында АПВ-ның таралуы 90%-ға төмендеді.