Sona.kz

Метка: Басты жаңалықтар

  • Жаңа «Су кодексі» қабылданады

    Жаңа «Су кодексі» қабылданады

    Жыл соңына дейін елімізде жаңа «Су кодексі» қабылданады. Бұл туралы Су ресурстары және ирригация вице-министрі айтты.

    «Қазіргі таңда су кодексі Мәжілісте қаралуда. Осы жылдың аяғына дейін қабылдауды жоспарға қойып отырмыз. Одан бөлек иесіз қалған су шаруашылық нысандар мемлекеттік меншікке қабылданды», — деді ҚР Су ресурстары және ирригация вице-министрі Нұрлан Алдамжаров.

    Вице-министр 2030 жылға дейін су ресурстарын басқаруды дамытудың тұжырымдамасы бекітілгенін хабарлады. Тұжырымдамада 42 жаңа су қоймасын салу, тағы 37 су қоймасын қалпына келтіру жоспарланып отыр. Бұл 2 млрд текше метр суды жинауға мүмкіндік береді.

  • Вице-министр: Суицидті насихаттаған 157 факті анықталды

    Вице-министр: Суицидті насихаттаған 157 факті анықталды

    Бұл туралы Мәдениет және ақпарат министрінің орынбасары Қанат Ысқақов мәлім етті.

    «Биыл 9 айда заңсыз суицид және заңсыз контентті насихаттайтын 157 факті анықталды. Оның  ішінде 20 факті әлеуметтік желідерде жарияланған. Сол сияқты 50 астам интернет ресурс  бұғатталды», —  деді Мәдениет және ақпарат министрінің орынбасары Қанат Ысқақов.

    Сондай-ақ, вице-министр бүгінде ведомствоның Telegram, Meta, TikTok секілді онлайн-платформалардың өкілдерімен бірлескен белсенді жұмыстың жүріп жатқанын айтты.

  • Тальго пойызына билет 10 мыңнан 12 мың теңгеге қымбаттайды

    Тальго пойызына билет 10 мыңнан 12 мың теңгеге қымбаттайды

    1 қазаннан бастап пойыз билеттері 20 пайызға қымбаттайды. Көлік министрлігінің мәліметінше, елімізде 140 бағыт бойынша қатынайтын пойыздар бар. Келесі айда соның 62-сінің тарифі өседі. Мәселен, стандарт вагондардың құны 6300 теңгеден 7500 теңгеге көтеріледі. Ал тальго пойызына жолаушы билеттері 10 мың теңгеден 12 мың теңгеге қымбаттайды.

    «Билет құнын арттыру вагондар паркін жаңарту, көрсетілетін қызметтер сервисін жақсарту және қызметкерлердің жалақысын арттыру үшін қажет. Соңғы 10 жылда әлеуметтік маңызы бағыттар бойынша билет құны қымбаттамағанын (инфляция деңгейіне индекстеуді қоспағанда) ескеру маңызды»,- делінген ведомствоның хабарламасында. 

    Үкімет тарифті өсіру арқылы теміржол паркін жаңартуды көздеп отыр. Себебі, 2 600-ден астам вагонның 44 пайызы әбден тозған.

     

  • Президент Ұлттық ұлан сарбазына қатысты оқиғаны бақылауына алды

    Президент Ұлттық ұлан сарбазына қатысты оқиғаны бақылауына алды

    ҚР Президентінің кеңесшісі – Президенттің Баспасөз хатшысы Берік Уәли Мемлекет басшысының әскердегі әлімжеттікке қатысты Ішкі істер министріне шұғыл тапсырма жүктегенін мәлімдеді.
    Ол: «Президент белгісіз адамдардың Ұлттық ұлан сарбазын пойыз тамбурында ұрғаны таспаланған бейнематериалмен танысып шықты. Мемлекет басшысы Ішкі істер министрі Ержан Сәденовке қаскөйлерді ұстап, заңнамаға сәйкес жауапқа тарту үшін шұғыл шаралар қабылдауды тапсырды. Әскердегі және басқа да күштік ұйымдардағы зорлық-зомбылықтың барлық фактісі Президентке баяндалады. Мұндай жағдайлар бақылауға алынады», – деді әлеуметтік желідегі жазбасында.
    Айта кету керек, Қасым-Жомарт Тоқаев биылғы 2 қыркүйектегі Жолдауында жас сарбаздардың денсаулығы мен абырой-беделіне қол сұғуға жол бермеу қажет екеніне назар аударған еді. Сонымен қатар бұл мәселеге әскери құрылымдардың басшылары тікелей жауапты екенін айтқан болатын.
  • Бишімбаевқа лайықты бос жұмыс орны жоқ па?

    Бишімбаевқа лайықты бос жұмыс орны жоқ па?

    Сотталған экс-шенеунік жұмысқа орналаспаған. Азаматтық жұбайын өлтіргені үшін сотталған Қазақстанның бұрынғы ұлттық экономика министрі Қуандық Бишімбаев колонияда жұмыс істемейді. Бұл туралы қылмыстық-атқару жүйесі комитеті хабарлады.

    «Сотталған адам жазасын қауіпсіздік максималды мекемеде өтейді. Бос жұмыс орындарының болмауына байланысты ол жұмысқа орналаспады», – деді ҚАЖК.

    Ведомство Бишімбаевтың күн тәртібі осындай мекемелердің ішкі тәртіп ережелерінің талаптарына сәйкес сақталатынын атап өтті.

  • «Әскердегі әлімжеттік»: Ұлттық ұлан желіде тараған бейнежазбаға қатысты түсініктеме берді

    «Әскердегі әлімжеттік»: Ұлттық ұлан желіде тараған бейнежазбаға қатысты түсініктеме берді

    «Әлеуметтік желілерге мониторинг жүргізу барысында ҚР Ұлттық ұланының формасын киген азаматқа азаматтық киімдегі белгісіз тұлға қорлық көрсетіп жатқан бейне анықталды.

    2024 жылғы 23 қыркүйекте Батыс өңірлік қолбасшылығы әскери полициясы әскери қызметшілер арасындағы өзара қарым-қатынастардың уставтық ережелерін бұзу туралы ҚР ҚК 440-бабының 1-бөлігі бойынша алдын ала тергеу бастады» деп мәлімдеген Ұлттық ұланының «Батыс» ӨңҚ баспасөз қызметі.

    Қазір бұл іске қатысты тергеу басталды.

     

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • «Алтыналмас» кен орнында жұмысшының мәйіті табылды

    «Алтыналмас» кен орнында жұмысшының мәйіті табылды

    «Алтыналмас» кен орнында үйінді астында қалған жұмысшы Нұрдәулет Нұрмахановтың мәйіті табылды. Бұл туралы компанияның ресми сайтында хабарланды.

    Қайғылы оқиға Жамбыл облысында 18 қыркүйекте болған.

    Нұрдәулет Жексенұлы 2012 жылдың 1 қаңтарынан бастап «Алтыналмас АК» АҚ «Ақбақай» тау-кен байыту кешенінің жылжымалы және стационарлық жабдықтарына күтім жасау және жөндеу учаскесінде сорғы қондырғыларының машинисі болып жұмыс істеген. 2017 жылы жабдыққа техникалық күтім жасау және жөндеу слесары болды.

    «Алтыналмас АК» АҚ қаза тапқан қызметкердің отбасына материалдық көмек көрсетеді және тиісті төлемдер бойынша өзінің барлық міндеттемелерін орындайды, — делінген ресми ақпаратта.

  • Ермек Маржықпаев – ҚР Премьер-министрінің кеңесшісі

    Ермек Маржықпаев – ҚР Премьер-министрінің кеңесшісі

    Ермек Маржықпаев 1969 жылы Астана қаласында дүниеге келген.

    С. Сейфуллин атындағы Ақмола мемлекеттік педагогикалық институтын, «Тұран» университетін, Көкшетау университетін бітірген.

    Әр жылдары түрлі лауазымдарды атқарды.

    2019-2023 жылдары Ақмола облысының әкімі болып қызмет етті.

    2023-2024 жылдары – ҚР Туризм және спорт министрі.

  • Болат Жәмішев: «Қазақстандағы қоғамдық қорлардың қызметі ашық емес»

    Болат Жәмішев: «Қазақстандағы қоғамдық қорлардың қызметі ашық емес»

    Ол  бұл туралы «Уәде» бағдарламасына берген сұхбатында айтты.

    «Біздің қордың қызметіне үкімет те, әкімдіктер де араласпайтыны алдын ала анық болды. Иә, біз серіктеспіз. Әкімдіктердің немесе басқа да мемлекеттік құрылымдар жанынан қор құру идеясын мүлдем қажет емес деп ойлаймын. Биыл еліміздегі қайырымдылық деңгейін бағалайтын халықаралық рейтингтердің бірін көріп таң қалдым.

    Су тасқынына қатысты мәселелерді шешуге ұйымдардың қыруар қаржы бөлгеніне қарамастан, біз бұл рейтингтің төменгі жағында тұрмыз. Неліктен? Өйткені бұл қорлардың көпшілігінің жұмысы ашық емес».

    Журналистің «Барлық қордың жұмысы мөлдір емес пе?» деген сұрағына Болат Жәмішев былай деп жауап берді.

    «Иә, олардың есептерін еш жерден таба алмайсыз. Мен мұны жайдан жай айтып отырған жоқпын. Егер бұл қорлардағы қаражатты мемлекеттік құрылымдар басқаратын болса, олар жекеменшік пе, жоқ па, маңызды емес, бірақ кез келген жағдайда бақылауда болады. 

    Ал қайырымдылық жөнінен біздің еліміздің дүниежүзілік рейтингте соңғы орында тұрғаны мені қатты таң қалдырды. Бұл негізінен қайырымдылыққа жұмсалған сомамен өлшенеді. Мұның себебін – қаражаттың ашық еместігінен деуге болады», – дейді бұрынғы Қаржы министрі.

  • Трамп 2028 жылы сайлауға түспейтінін мәлімдеді

    Трамп 2028 жылы сайлауға түспейтінін мәлімдеді

    АҚШ-тың бұрынғы президенті Дональд Трамп қарашада жеңілсе, 2028 жылы сайлауға түспек емес. Мұны ол жергілікті телеомпаниялардың біріне берген сұқбатында хабарлады.

    Осыған дейін Трамп сайлауда ұтылу туралы өте сирек айтатын. Өзінің митингілерінде экс-президент үнемі келешектегі жеңіс жайында мәлімдеме жасады. Алайда, кейінгі төрт күнде ол жеңілу туралы екі рет айтқан.

    Ал жексенбіде NBC телеарнасы сауалнама жүргізді. Оған қатысқан мың респонденттің 48 пайызы демократ Камала Харристі, 40 пайызы Трампты қолдайтындарын білдірген.

    Айта кетсек, Солтүстік Каролинадағы жақтаушыларымен кездесуде Трамп Харриспен теледебат өткізуге келіспейтінін тағы да ескертті.

     

    «Проблема сол — тағы бір дебат өткізу тым кеш. Дауыс беру басталып қойды. Пікірсайысты Fox телекомпаниясында ұйымдастыруға болатын еді. Бірақ Харрис келіспеді. Ол CNN  арнасының эфиріне шыққысы келеді. Жеңілетінін түсінгесін дәл сайлау алдында осындай ұсыныс жасап отыр деп ойлаймын», — АҚШ-тың бұрынғы Президенті Дональд Трамп.