Sona.kz

Метка: Қонаев

  • Қонаевта «KitapTime – 2025» республикалық фестивалі өтті

    Қонаевта «KitapTime – 2025» республикалық фестивалі өтті

    Қонаев қаласында ел мәдениеті мен руханиятына серпін беретін айтулы шара – «KitapTime – 2025» республикалық кітап фестивалі ұйымдастырылды. Қонаев қаласының 55 жылдық мерейтойына орай өткізілген бұл ауқымды мәдени басқосу рухани құндылықтарды дәріптеуді, оқырман мен қаламгер арасындағы байланысты нығайтуды мақсат тұтты.

    Фестивальдің шымылдығы Дінмұхамед Ахметұлы Қонаевтың жеке заттарынан құралған көрмемен түрілді. Тарихи жәдігерлермен танысқан қонақтар ұлт тұлғасының өмірі мен өнегелі жолынан тағылым алды.

    Үш бірдей алаңда қатар өрбіген фестиваль мазмұны мен мәні жағынан көпшілікті баурап алды:
    • «BOOK TALK: Әдебиет алаңы» – зиялы қауым өкілдері, ҚР Жазушылар одағының мүшелері, Мәжіліс депутаттары, жас қаламгерлер мен белсенді оқушылар бас қосып, кітаптың құдіреті мен әдебиеттің қоғамдағы орны жайында пікір алмасты.
    • «Поэзия Party» – жас ақындар жырдан шашу шашып, жүрек түкпірінен шыққан өлең жолдарымен тыңдарманды тәнті етті.
    • «Кітап – фэнтези қақпасы» – зияткерлік ойындар мен әдеби викториналар арқылы балалар мен жасөспірімдердің қиялына қанат бітірді.

    Шара аясында тоғызқұмалақ үйірмесінің тұсауы кесіліп, ұлттық мұраға негізделген ойын түрі қала жастарына жаңа мүмкіндік сыйлады. Сондай-ақ рухани-танымдық кітап көрмесі мен түрлі инсталляциялар ұсынылып, көпшіліктің қызығушылығын тудырды.

    Фестиваль соңында белсенді қатысушылар арнайы марапатталып, сахна төрінде ән мен күйден шашу шашылды. Қонаев тұрғындары үшін бұл күн нағыз әдеби мерекеге айналып, жас ұрпақтың жүрегінде кітап пен өнерге деген сүйіспеншілікті тереңдете түсті.

  • «Қонаев – менің сүйікті қалам»: мектептерде ашық сабақтар өтуде

    «Қонаев – менің сүйікті қалам»: мектептерде ашық сабақтар өтуде

    Қонаев қаласының 55 жыл мерейтойы аясында шаһарда түрлі іс-шаралар ұйымдастырылуда. Оның бірі – балалардың ой-өрісін кеңейтуге, патриоттық тәрбие беруге бағытталған ашық сабақтар. Тақырыбы – «Қонаев – менің сүйікті қалам».

    Ашық сабақтар барысында мұғалімдер тарихтың қойнауынан сыр шертетін деректермен, Д.А.Қонаев атамыздың өмірінен үзінділермен бөлісуде. Сондай-ақ оқушыларға шаһар іргетасының қалануы жайлы да ақпараттар беріліп жатыр.

    «Өз тарихын білген оқушының болашаққа бағдары мықты болады. Мұндай сабақтардың арқасында олардың сана-сезімі оянып, көңіл көкжиегі ашылады. Тарихқа үңіліп, бойлау – баланың келешегіне алынбас қамал. Қаламыздың 55 жылдығы құтты болсын!» — деді білім бөлімінің басшысы Қаламқас Сәрсенбаева өз пікірімен бөлісіп.

    Ал ертең оқушылар Қапшағай ГЭС пен десанттық-шабылдау әскери бөлімінің жұмысымен танысуға барады.

  • Қонаев қаласы мен облыс аумағында «World Clean Up Day» аясында 638 тонна қоқыс жиналды

    Қонаев қаласы мен облыс аумағында «World Clean Up Day» аясында 638 тонна қоқыс жиналды

    2025 жылғы 20 қыркүйекте «Таза Қазақстан» экологиялық акциясы және дүниежүзілік тазалық күні «World Clean Up Day» аясында Қонаев қаласы мен облыс аумағында кең ауқымды сенбілік өтті.

    Шараға 100 мыңнан астам адам қатысты. Олардың қатарында 10 581 мемлекеттік қызметші, 31 582 ерікті және 55 114 тұрғын болды. Сенбілік жұмыстарына 89 арнайы техника тартылды.

    Нәтижесінде 327 гектардан аса аумақ қоқыстан тазартылып, 638 тонна тұрмыстық қалдық арнайы полигондарға шығарылды. Сонымен қатар ағаштар отырғызылып, көшелердің бойындағы бордюрлер сырланды. Қоғамдық орындарда да тазалық жұмыстары жүргізіліп, қала абаттандырылды.

    Бұл бастама өңірдің экологиялық жағдайын жақсартуға, тұрғындарды табиғатты қорғау мен қоршаған ортаға жанашырлықпен қарауға шақыруға бағытталды.

    «Таза Қазақстан» экологиялық жобасы – қоршаған ортаға деген жауапкершілікті арттырып, қоғамды тазалық пен тәртіпке үндейтін бастама ретінде жүзеге асырылып келеді.

  • Қала әкімі №6 жағажай жайлы шешімді айтты

    Қала әкімі №6 жағажай жайлы шешімді айтты

    Қонаев қаласының әкімдігінде шаһар басшысы Асхат Бердіханов бұған дейін №6 жағажайда 5-6 жыл қызмет етіп келген 42 кәсіпкермен кездесті. Кездесуге ЖСДП-ның өкілдері де қатысты.

    Басқосуда №6 жағажайды абаттандыру мәселесі тағы да қарастырылды. Нақтырақ айтқанда, биыл кәсіпкерлермен келісімшарт 15 қыркүйекке дейін жасалғанымен, кейбірі жағажайды босатпай отыр. Сондықтан сенімгерлік басқарудағы «Жасыл қала Қонаев» мекемесі кәсіпкерлердің үстінен арыз жазып, жергілікті сотқа жүгінген. Кәсіпкерлердің бұл іс-әрекеттері алдағы уақытта құрылыс жұмыстарын жүргізуге кедергі келтіруі мүмкін. Ал абаттандыру жобасы дайын, жақын арада мемлекеттік сараптамадан өтеді деп күтілуде. Жиында осы проблемалық сұрақ талқыға салынды.

    Бұдан бөлек, кәсіпкерлер келісімшартты ұзақ мерзімге созу түйткілі жайлы айтып өтті. Қала әкімі Асхат Бердіханов оларға барлық мән-жайды түсіндіріп, толыққанды жауап берді.

    «Сотқа арыз берілгені дұрыс. Өйткені, бұған дейін де жағажайды босату қажеттілігі жайында сіздерге айтылған. Премьер-Министрдің орынбасары Ермек Көшербаев Қонаев қаласына іссапармен келгенде, әсіресе, №6 жағажай бойынша кемшіліктер көп айтылды. Ең алдымен жағажай санитарлық талаптарға сәйкес келуі қажет. Талап сондай. Осы себептен жоба әзірленді. Құны – 1 млрд теңгеден астам. Қазан айында бюджет талқылауы болғанда жобаға қаражат бөлу мәселесі қарастырылады. Келесі шомылу маусымына дейін құрылыс жұмыстарын аяқтауымыз қажет», — деді әкім.

    Сонымен қатар ол жобаны таныстырды. Оның сөзіне сүйенсек, бұл жағажайға инженерлік желілер тартылады, оның ішінде кәріз және су құбырлары, туристер мен демалушыларға ыңғайлы орындықтар, фудкорттар қойылады, сәйкесінше, бизнес орындары да болады. Қапшағай су қоймасының жазда тартылуы да есепке алынған.

    «Жоба жүзеге асып, қаланы, туристік саланы дамытамыз десек, ортақ мәмілеге келгеніміз жөн. Жағажайды босатыңыздар. Құрылыс аяқталғаннан кейін бұл аймақ сенімгерлік басқаруға әкімдікке қарасты мекемеге беріледі. Ол мекеме бұған дейін қызмет еткен кәсіпкерлермен ұзақ мерзімге келісімшартқа отырады. Онда да заң шеңберінде жұмыс жасайтынымызды ескертемін. Ал келісімшарт бойынша бизнес орынын алған кәсіпкер оны күтіп ұстауға жауап беретін болады. Бұрынғыдай жауапкершіліксіз қарауға, олқылықтарға орын жоқ. Келісімшарт құны биылғы жылғыға қарағанда өзгеруі бек мүмкін», — деді шаһар басшысы.

    Айта кетейік, Қонаев қаласында 6,1 шақырым жағажайды абаттандыру көзделген. Қазіргі таңда оның 1 шақырымнан астамы ғана жаңартылған күйде.

  • Қонаев қаласының 55 жылдығы 6 күн қатарынан атап өтіледі

    Қонаев қаласының 55 жылдығы 6 күн қатарынан атап өтіледі

    Мерекелік бағдарлама алты күнге жалғасады. 22-27 қыркүйек аралығында қала тұрғындары мен қонақтары мәдени, спорттық, танымдық іс-шараларға қатысып, ерекше мерекелік атмосфераны сезінетін болады.

    27 қыркүйектегі бағдарлама сағат 11.00-ден 21.00-ге дейін жалғасады. Гала-концерт аясында ұзындығы 30 метр болатын алма бәліші дайындалады. «Алма бәліші» фестиваліне түрлі ұлт өкілдері қатысады. Бұл шараның негізгі мақсаты – бір шаңырақ астында, бір дастарқан басында дәм бөлісіп отырған халықтың ынтымағын көрсету. Яғни, «бір нанды бөлісіп жеген» дәстүріміз бүгінгі күнде бейбіт өміріміздің, береке-бірлігіміздің айқын көрінісіне айналмақ.

    Б.Соқпақбаев атындағы орталық саябақта балаларға арналған тегін ойын алаңдары, сурет көрмелері, фото-аймақтар, TikTok алаңдары мен түрлі инсталляциялар орнатылады. Қала кәсіпкерлері өз өнімдерін таныстырып, жергілікті өндіріс әлеуетін көрсетеді.

    Сондай-ақ, мерекелік театрландырылған қойылымда қала тарихы сахналанып, әсерлі мотошеру ұйымдастырылады. Ардагерлер құрметтеліп, шомылу маусымының қорытындысы және «Таза аула» байқауының жеңімпаздары марапатталады.

    Кештің басты сахнасына қазақстандық жұлдыз Мирас Жүгінісов пен Bellucci тобы шығып, мерекелік концертті отшашу түйіндейді.

    6 күндік жоспар келесідей:

    Мәдени іс-шаралар
    22 қыркүйек сағат 18.00-де – «Қонаев әуендері» концерттік ансамблінің тұсаукесері (Мәдениет үйі)
    25-27 қыркүйек – тегін кино көрсетілімдер («Шағала» кинотеатры, Б.Соқпақбаев ат.орталық саябақ)
    27 қыркүйек сағат 11.00-21.00 – Қала күнінің қорытынды гала-концерті

    Спорттық іс-шаралар
    23 қыркүйек сағат 9.00 — «Qonaev 55» атты ересектер арасында шағын футболдан қала әкімінің кубогі
    25 қыркүйек сағат 9.00 – баскетболдан қала әкімінің кубогі (Кроссфит алаңы)

    Танымдық іс-шаралар
    22-27 қыркүйек – барлық білім ошақтарында «Менің қалам – жарқын болашақтың есігі» атты ашық сабақтар
    23 қыркүйек – Қапшағай ГЭС-те ашық есік күні
    24 қыркүйек – ҚР ҚК десанттық-шабуылдау бригадасы әскери бөлімінің ашық есік күні
    26 қыркүйек – «Kitap fest» фестивалі (қалалық кітапхана)

    Жаңа нысандардың ашылуы

    23 қыркүйек – қалалық кітапханада «Қонаев қаласының тарихы» бұрышы ашылады
    «Отбасы банк» АҚ-ның Алматы облысындағы қосыны өз жұмысын бастайды
    26 қыркүйек – «Selfie zone» сквері қолданысқа беріледі (Қойшыманов к.)

    Аталғандардан бөлек, 25 қыркүйекте «Таза қала – таза сана» тазалық акциясы өтеді. Қайырымдылық іс-шаралары да ұйымдастырылады. Ал 27 қыркүйек күні Қала күніне орай, қоғамдық көліктер тегін қызмет көрсетеді

  • Қонаев қаласының әкімі пәтері өртенген тұрғынды қабылдады

    Қонаев қаласының әкімі пәтері өртенген тұрғынды қабылдады

    Қонаев қаласында 16 қыркүйек күні кешкі сағат 20.56-да Графтио көшесі №2В мекенжайындағы тұрғын үй өртенді.

    Аталған тұрғын үй апатты деп танылып, «Реновация» бағдарламасына енгізілген. Бағдарлама бойынша үйдің басқа тұрғындары бұған дейін пәтерлерінен көшірілген. Пәтерлерді сатып алуға бюджеттен қаражат бөлініп, конкурстық рәсімдер ТҮКШ бөлімі арқылы жүргізілген.

    Қазіргі таңда мұндағы бір пәтерде зейнеткер қоныстанған. Абырой болғанда, өрт зейнеткердің пәтеріне жетпеген, зақым келтірмеген. Қонаев қаласының әкімі Асхат Бердіханов оны қабылдап, әкімдіктің алдағы уақытта жасайтын іс-әрекеттері туралы айтып берді. Шаһар басшысының сөзінше, зейнеткердің пәтерінің орнына басқа тұрғын үй кешенінен пәтер сатып алынып, беріледі. Барлық шаралар заңды түрде «Реновация» бағдарламасы аясында жүзеге асады. Зейнеткер бүгінде туыстарының үйінде орналасқан.

    Пәтер кілті табысталғанда қосымша хабарлайтын боламыз. Өрттің шығу себептері анықталуда.

  • Президент Жолдауы: Қонаевты дамытуда басымдықтар айқындалды

    Президент Жолдауы: Қонаевты дамытуда басымдықтар айқындалды

    Экономика және қаржы бөлімінің басшысы Ляйля Келдібекова бюджет түсімдері мен инвестиция саласына тоқталып өтті.

    «ҚР Президенті өзінің Жолдауында ел экономикасын ілгерілету, инвестиция тарту бағытындағы жұмыстар жайлы айрықша айтты. Жалпы Қонаев қаласы облыс орталығы статусына ие болғалы негізгі капиталға 309 млрд. теңге инвестиция тартылса, өнеркәсіпте 410 млрд теңгеге өнім өндірілді, ауыл шаруашылығында 132 млрд теңгеге өнім алынды. Мемлекет басшысы назарды өңдеу өнеркәсібіне бағыттауды міндеттеді. Қаламызда 217 кәсіпорын өнеркәсіп өндірісі саласында жұмыс жасаса, соның 50 пайызы өңдеу өнеркәсібімен айналысатын кәсіпорындар», — деді бөлім басшысы.

    Айтуынша, өңдеу өнеркәсібінде негізгі жүйені құрушы 2 мекеме (КнауфГипс Қапшағай, Маревен Фуд Тяньшань), 3 ірі кәсіпорынның Алатау қаласына өтуіне байланысты өнім көлемінің үлесі 76%-дан 36%-ға төмендеді.

    «Өңдеу өнеркәсібінде бүгінгі күнге 19 млрд. теңгенің ғана өнімі өндірілуде. Алдағы уақытта осы бағытта жүйелі жоспарлар құрып, жұмыстарды қолға алу қажет деп есептеймін», — деді Ляйля Келдібекова.

    Сонымен қатар ол Қонаевта құрылыс қарқын алуына байланысты инвестициялық портфельге өзгерістер енгізу керек екенін сөз етті. Оның ішінде, құрылыс материалдарын өндіретін кәсіпорындар үлесін арттыру қажет. Бүгінгі күнге қалада 11 кәсіпорын құрылыс материалдарын шығарумен айналысса, олардан 43,1 млрд. теңгеге өнім өндірілген.

    Басқосуда Кешенді даму жоспары жайлы да айтылды.

    «Инвестицияны тартудың бір тетігі – инфрақұрылымды жетілдіру. Осы бағытта шаһарымызда Кешенді даму жоспары бекітілді. Аталған жоспар шеңберінде 187 іс-шараны іске асыру көзделуде. Бүгінде бірқатар жобалардың мемлекеттік сараптамадан толық өту кезеңі аяқталуға жақын болса, кейбір жобаларға қаржыландыру басталды. Яғни, таяу жылдары қаламызда нағыз құрылыс қарқыны күтілуде», — деді бөлім басшысы.

    Ал аурухананың мамандары қолданыстағы заманауи қосымшалар жайында сөз қозғады. Қазіргі таңда Дамумед арқылы науқастарға көмек көрсетілуде. Барлық медициналық сараптамалардың қорытындысын смартфондағы қосымша арқылы көруге болады. Одан бөлек, заманауи жабдықтар мен аппараттар дәрігерлердің жұмысын жеңілдеткен. Мысалы, онлайн анкета өту, МӘМС жүйесін ЖИ арқылы реттеу, онлайн кеңес беру секілді озық технологиялар кеңінен қолданылуда. Алдағы уақытта Қонаевтағы көпбейінді ауруханаға телемедицина құралдары сатып алынбақ және ЖИ негізінде мұрағат жасау көзделуде.

    Ал «Алатау хаб» технопаркінің мамандары «Qonaev AI» жүйесі пилоттық режимде жұмыс істеп жатқанын айтты. Бұл қосымша «ChatGPT» секілді қызмет ететін өңірдің маңызды құралына айналмақ. Сондай-ақ «Алатау хабта» ЖИ құралын тиімді пайдалану жолдары азаматтарға үйретіледі.

    Актив отырысында ЖИ-дің әлеуметтік салаға әкелетін өзгерістері де аталып өтті.

    «Жолдауда көрсетілген бағыттар алдағы жұмысымызда негізгі назарда болмақ. Ендігі міндет – актив жиынында айтылғандарды іс жүзінде жүзеге асырып, қала тұрғындарының өмір сапасын жақсартуға нақты үлес қосу», — деді активке төрағалық еткен қала әкімінің орынбасары Сәуле Нұрсолтанова.

    Жиын нәтижесінде хаттама әзірленіп, тиісті бөлімдерге орындауға жолданды.

  • Қонаевта «Таза Қазақстан» акциясы өтті

    Қонаевта «Таза Қазақстан» акциясы өтті

    Қонаев қаласында «Таза Қазақстан» республикалық акциясы өтті. Іс-шараға Green Land Alatau жылыжай кешенінің қызметкерлері қала әкімдігімен бірлесіп қатысты, деп хабарлайды Sona.kz қала әкімдігінің баспасөз қызметіне сілтеме жасап.

    Сенбілік Достық көшесінің жағалау аймағында ұйымдастырылды. Қатысушылар жазғы маусымнан кейін қалған қоқысты жинап, жол бойын тазалады.

    ? Акция тек экологиялық қана емес, әлеуметтік маңызға да ие. Оның мақсаты — табиғатқа ұқыпты қарау мәдениетін қалыптастыру, халық арасында экологиялық жауапкершілікті арттыру және қоғамдық орындарда тазалықты сақтау әдетін орнықтыру.

    Ұйымдастырушылардың айтуынша, мұндай шаралар қаланы таза әрі жайлы етіп қана қоймай, ұжымдық бірлікті нығайтып, командалық рухты көтеред

  • Базарбай Оралбаев, Қонаев қалалық ардагерлер кеңесінің төрағасы

    Базарбай Оралбаев, Қонаев қалалық ардагерлер кеңесінің төрағасы

    Қазақстан Республикасының Президенті Қасым-Жомарт Тоқаевтың Қазақстан жыл сайынғы маңызды қадамдарды көрсетіп, ел дамуына негізделген жұмыстарды жүктейтін Жолдауын зор ықыласпен тыңдағандардың қатарында болдым. Мемлекет басшысының осы жолғы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауы цифрлы трансформация мен әлеуметтік жаңғыруды үйлестіре отырып, еліміздің болашағын айқындайтыны сөзсіз. Цифрландыру халыққа қызметті қолжетімді ету үшін керек болса, жасанды интеллект өмірді жеңілдету үшін қажет.
    Елді үш жыл ішінде толық цифрлы мемлекетке айналдыру міндеті қойылуының уақыт талабынан туындап отырғаны анық. Бұл еліміздің ұлттық қауіпсіздігі мен экономикалық тұрақтылығын қамтамасыз етудегі маңызды қадам болмақ. Қасым-Жомарт Кемелұлының жасанды интеллект саласына арнайы министрлік құру туралы бастамасы елдің технологиялық тәуелсіздігін нығайтып, инновациялық дамуға серпін беретіні сөзсіз. Сондай-ақ Цифрлық кодекс қабылданатыны – технологиялық дамудың бағытын анықтайтын стратегиялық қадам. Жасанды интеллект қазірдің өзінде медицинадан бастап білім, ауыл шаруашылығы салаларында да қолданыла бастады.
    Мемлекет басшысы Жолдауда жастарға қатысты көтерген маңызды мәселенің бірі – оқу гранттарының тиімділігі. Жыл сайын жоғары оқу орындарын бітірген жастардың көпшілігі мамандығы бойынша жұмыс істемейді. Осы бір олқылықты жою мақсатында Президент еңбек нарығына қажет мамандықтарға ғана грант бөлуді, техникалық және жұмысшы мамандықтар мәртебесін көтеруді, түлектердің нақты жұмысқа орналасуын қадағалауды тапсырды.

  • Биыл Қонаевта кардиологиялық орталық ашылады

    Биыл Қонаевта кардиологиялық орталық ашылады

    Қонаев қаласында халықтың тұрмыс-тіршілігіне тікелей әсер ететін, денсаулық сақтау саласында көрсетілетін қызмет сапасын арттыратын бірегей нысан – кардиологиялық орталықтың құрылысы жүріп жатыр.

    Нысан инвесткомпанияның қаржысына салынуда. Тартылатын инвестиция көлемі — 1,5 млрд.теңгеден астам. Орталықта үш ота залы, 21 диагностикалық және емдеу, 20 науқас кабинеті, 48 төсек-орындық стационар бөлімі болады. Медициналық мекемені заманауи аппараттармен жабдықтау көзделуде. Жылына орталықта 15000 адам ем қабылдайды, жаңадан 100 жұмыс орны құрылады.

    Қалада қолға алынған тағы бір ірі жоба – 4 немесе 5 жұлдызды қонақ үй кешенінің құрылысы. Шаһарда бұрын-соңды мұндай нысан болмаған. Кешен Аладдин ойынханасының аумағында тұрғызылуда. Аумағы 3 гектарды құрайды. Мұнда тек қонақ үй емес, отбасылық демалыс аймағы тұрғызылады.

    Нысан құрылысына 50 млн. АҚШ доллары көлемінде инвестиция тартылмақ. Ашылатын жұмыс орындарының саны – 500-ден астам. Қонақ үй кешені 2027 жылы ашылады деп жоспарлануда.

    «Қонаев қаласында жалпы сомасы 2,4 трлн.теңге болатын 39 инвестжоба жүзеге аспақ. 2025 жылдың басынан негізгі капиталға 58,0 млрд. теңге инвестиция тартылды. Қазіргі таңда шетелдік компаниялармен жаңа жобалар бойынша келіссөздер жүргізілуде», – деп жазды әкімдіктің кәсіпкерлік бөлімі.

    Алдағы уақытта Қонаев қаласында түрлі серіктестіктермен бірлесе отырып, өңдеу өнеркәсібін дамыту жоспарлануда. Бүгінде шаһар аумағында 12 өндіріс ошағы жұмыс істеп тұр.