Sona.kz

Метка: Қонаев қаласы

  • Былтыр Қонаев қаласына тартылған инвестиция көлемі 103,1 млрд теңгені құрады

    Былтыр Қонаев қаласына тартылған инвестиция көлемі 103,1 млрд теңгені құрады

    Қонаев қаласының 2024 жылдағы әлеуметтік-экономикалық даму көрсеткіштері белгілі болды.

    1. Салық және бюджетке төленетін басқа да міндетті төлемдер 142,0 млрд теңгені құрады, оның ішінде республикалық бюджетке 88,3 млрд теңге түсім түсті.

    2. Қаланың өнеркәсіп орындары 80,5 млрд теңгеге өнім өндірді.

    3. Негізгі капиталға 103,1 млрд теңге инвестиция тартылды.

    4. Қала және ауылдық округтер аумағында 6 599 шағын және орта бизнес субъектілері жұмыс істейді. Онда жұмыспен қамтылғандардың саны – 16930 адам. ШОБ субъектілері 324,4 млрд теңгеге өнім өндіріп, қызмет көрсетті.

    5. Бөлшек сауда айналымы 40,2 млрд. теңгені құрады.

    6. Жұмысқа орналасуға көмек сұрап, өтініш білдірген азаматтардың саны – 2 911 адам, оның 1 295-і жұмысқа орналастырылды. Жұмыспен қамту көрсеткіші 44,5%-ды құрады. Жыл соңына қарай 484 адам жұмыссыз ретінде тіркелді.

    7. Ауылшаруашылығы өнімдерінің жалпы көлемі 26,5 млрд. теңгені, нақты көлем индексі 100,0%-ды құрады. Ірі қара мал бас саны – 8,0% , жылқы бас саны – 47,2 %, ет өндіру – 0,9 %, сүт өнімділігі – 3,8%, жұмыртқа шығымы 3,4% өсті. 2024 жылы 8050,4 гектар егістік алқабы игерілді: дәнді дақылдар – 3073,8 га, майлы дақылдар – 533,0 га, көкөністер – 927,7 га, жем-шөп – 2030,5 га, көпжылдық өсімдіктер – 744,1 га, картоп және бақша дақылдары – 623,8 га.

    8. 2024 жылы туу көрсеткіші – 17,6%, табиғи өсім – 905 адам. Ана өлімі тіркелмеді.

    9. Құрылыс жұмыстарының көлемі 22,9 млрд. теңге болды.

    10. Құқық қорғау саласында 469 қылмыс тіркеліп, 2023 жылмен салыстырғанда 18%-ға азайды (2023 ж. –551). Қылмысты ашу көрсеткіші – 77,6%.

    Жалпы қаладағы қоғамдық-саяси жағдай тұрақты, алға қойылған міндеттерді жүзеге асыру үшін барлық шаралар атқарылуда.

  • Қонаев қаласы әкімдігі жылдық жоспарын жария етті

    Қонаев қаласы әкімдігі жылдық жоспарын жария етті

    Қонаев қашласы әкімдігінің баспасөз қызметнің хабарлауынша, биыл халықты әлеуметтік қамсыздандыру саласына 1 млрд 87 млн теңге көзделіп отыр.

    Оның ішінде АӘК төлеу, тұрғын үй көмегі, мұқтаж жандарды гигиеналық жабдықтармен қамту, жәрдемақылар, біржолғы әлеуметтік көмек, мүгедектігі бар адамдарға үйде әлеуметтік көмек көрсету, азаматтардың жекелеген санаттарын қоғамдық көлікте жеңілдікпен, тегін жол жүру түрінде әлеуметтік қолдау сияқты бағыттар қарастырылған. Сондай-ақ әлеуметтік осал топтағы азаматтар үшін пәтерлер сатып алынады.

    Инфрақұрылымды дамыту бойынша жоспар:

    • Ауылдарда бағдаршамдар, жол белгілері орнатылады
    • 10-шы шағынауданда учаскелік полиция пунктін салуға, қаңғыған иттер мен мысықтарға уақытша ұстау пунктін салуға жобалық-сметалық құжаттама әзірленеді.
    • 8-10-шы шағынауданның жолын күрделі жөндеу жұмысы жалғасады. Қала көшелеріне 35 дана аялдама орнатылып, ағымдағы жөндеу жасалады. Сонымен қатар жолаушылар тасымалдау шығындарын субсидиялауға 335 млн 624 мың теңге бөлінді.
    • Қонаев қаласын әлеуметтік-экономикалық дамыту жоспарына сәйкес, 2025 жылы 56 жобаның құжаттамаларын әзірлеу жұмысы жалғасады. Бірқатар жоба мемлекеттік сараптамадан өтеді деп жоспарлануда. Оның ішінде сумен қамту, абаттандыру, жылумен және электр энергиясымен қамту, жолдарды күрделі жөндеу жобалары қарастырылған.
    • 60 пәтерлік тоғыз тұрғын үй мен 50 пәтерлік тұрғын үйдің жобалық-сметалық құжаттарын әзірлеу аяқталады.
    • Қаланың детальды жобасы әзірленеді.
    • «Халық қатысатын бюджет» жобасы биыл да жалғасын табады. 32 Тұрғын үйдің қасбеті мен шатыры жөнделеді. Қаладағы ағаштар мен гүлдерді, газондарды суару жүйесін жаңарту үшін жоба дайындалады. Тұрғындар демалатын бірқатар орынға шағын сәулеттік нысандар қойылады
    • Самал, Ардагер шағынаудандарына инженерлік желілерді тарту жұмысы жалғасады
    • Бірнеше трансформатор ауыстырылып, 1000 В дейінгі және одан жоғары қуатты электр желілеріне ағымдағы жөндеу жасалады.

    Мәдениет және спорт

    «Қонаев әуендері» ансамблін құру жоспарлануда. Мәдениет үйінің штаттық бірлігі кеңейтіледі. Қонаев қаласының 55 жылдығы кең көлемде аталып өтеді. Дене шынықтыру және спорт орталығының қызметін қамтамасыз етуге 23 млн 468 мың теңге бөлініп отыр.

    Ауыл шаруашылығы

    Ауыл шаруашылығы саласы бойынша ауылдарға жұмыс істеуге және тұруға келген 25 маманға 393 мың 200 теңгеден көтерме жәрдемақы төлеуге 9 млн 830 мың теңге, 10 маманға тұрғын үй сатып алу үшін бюджеттік кредиттер беруге 78 млн 640 мың теңге бөлінді.

    Қонаев қаласының әкімдігі ҚР Президенті Қасым-Жомарт Тоқаев айқындаған тапсырмаларды орындау бағытындағы жұмысын тұрақты түрде жалғастырады.

  • 7 жасар қонаевтық оқушы ашық суда жүзуден күміс жеңіп алды

    7 жасар қонаевтық оқушы ашық суда жүзуден күміс жеңіп алды

    Дубайда өткен «Оушенмен» жарысында Қонаев қаласының спортшысы, 7 жасар Дмитрий Кремпин күміс медаль жеңіп алды.

    Халықаралық додаға 20 елден 4 пен 17 жас аралығындағы 100-ден астам бала мен жасөспірім қатысып, ашық суда жүзуден жарысты. Жас спортшылардың қатарында Дмитрий де болды. Ол 500 метр қашықтықты бағындырып, жүлделі ІІ орынға табан тіреді. Қазақстан намысын қорғаған Дмитрий 5 жасынан бастап жүзумен айналысып келеді.

    Дмитрий Қонаев қаласындағы «Айдария» бассейнінде жаттығады. Анасы Лариса Кремпина ұлының осы спорт түрін таңдағанына қуанышты.

    Ал Дмитрийдің жаттықтырушысы – Мадияр Кемелжан. Ол осы жетістіктермен шектеліп қалмай, келесі жылы өз шәкірттерін ірі додаларға көбірек қатыстыруды жоспарлап отыр.

    Облыс орталығы Қонаев қаласында жүзу спортына арналған тек бір бассейн ғана бар. Оның қызметі ақылы. Мекеме көпбалалы отбасылар мен мүмкіндігі шектеулі адамдарға арнайы жеңілдіктер ұсынады. Бүгінгі күні мұнда 115 бала жаттығады, олардың шамамен 20-сы мүмкіндігі шектеулі балалар.

  • Д.Қонаев туған күні: қонаевтық 80 отбасы баспаналы болды

    Д.Қонаев туған күні: қонаевтық 80 отбасы баспаналы болды

    Алдымен барша жұрт Д.Қонаевтың туғанына 113 жыл толуына орай, ескерткішіне гүл шоқтарын қойды. Кейіннен Мәдениет үйінде мемлекет және қоғам қайраткерін еске алу кеші өтті.

    Шараға қала әкімі Асхат Бердіханов қатысып, Д.Қонаевтың өр тұлғалы азамат болғаны жайында маңызды деректерге тоқталды.

    «Бүгін біз үшін ерекше күн. Себебі, дәл осы күні, 1912 жылдың 12 қаңтарында қаламызға есімі берілген еліміздің даңқты перзенті, мемлекет және қоғам қайраткері Дінмұхамед Ахметұлы Қонаев дүние есігін ашты. Қонаев атамыз ел басқарған жылдары кең байтақ қазақ жерінде 68 жұмысшылар кенті мен 43 қала салынды. Ол Іле өзенінің бойына бөген салдырып, жаңа су электр стансасының бой көтеруіне, осы маңда жаңа Қапшағай қаласының іргетасы қалануына еңбек сіңірді», – деді Асхат Бердіханов.

    Содан кейін әлеуметтік осал топтағы отбасыларға және кезекте тұрған азаматтарға 80 пәтердің кілті табыс етілді. Шағын концерттік бағдарламадан соң, шаһар басшысы бүгін баспаналы болған екі отбасының үйіне барып, құттықтап шықты.

    «Өзім көпбалалы анамын, 7 балам бар. Үй кезегінде 17 жылдан бері тұрғанмын. Бүгін атамыздың туған күнінде жақсы жаңалық болып, үйге қолымыз жетті. Қуаныштымын! Әлеуметтік осал топтағыларды, көпбалалы аналарды, жетімдер мен ардагерлерді қолдап жүрген мемлекеттік қызметкерлерге алғысым шексіз», – деді үй иесі Назым Ахметова.

    Айта кетейік, пәтерлер жекешелендіру құқығынсыз жалға берілді. Жалға алу құны – қолжетімді. Былтыр Қонаевта 85 отбасыға пәтер кілті табысталған болатын.

  • Көшпенділер қалашығына жол салынады

    Көшпенділер қалашығына жол салынады

    «Былтыр Көшпенділер қалашығына жол салу үшін жобалық-сметалық құжаттары әзірленді. Мемлекеттік сараптаманың оң қорытындысы алынған жағдайда бюджеттік өтінім беріліп, құрылысқа ақша бөлу мәселесі қарастырылады», – деді бөлім басшысы.

    Сонымен қатар Бағдат Алиев былтырғы жылғы атқарылған жұмыстармен бөлісті.
    Жолаушылар тасымалы бойынша:
    • 9 маршрут бойынша 28 дана қоғамдық көлік қатынауда. Оның 2-уі былтыр сатып алынды. Биыл автобус паркі жаңа 5 көлікпен толықтырылады деп жоспарланған;
    • Әлеуметтік маңызы бар маршруттарды субсидиялауға 2024 жылы Қонаев қаласына 602,2 млн. теңге бөлінді. Биылға келісімшарт қаңтар айында жасалады.

  • Қонаевта мұз айдыны ашылды

    Қонаевта мұз айдыны ашылды

    Нысанның ашылуына орай, балалар арасында эстафета ұйымдастырылды.

    «Мұз айдынының ашылуына қош келдіңіздер. Бұл нысан бұқаралық спортты дамыту, сондай-ақ тұрғындардың ойын-сауық құру орталығын жасау бағытында ашылды. Жарысқа қатысушыларға сәттілік тілейміз!» – деді қала әкімінің орынбасары Төлеген Кенжебеков.

    Эстафета нәтижесінде ІІІ орынды №3 орта мектебі, ІІ орынды Ш.Уәлиханов атындағы №2 мектеп гимназиясы, І орынды №2 орта мектебі иеленді.

    Айта кетейік, мұз айдынына өз конькиі барларға кіру – тегін, конькиді жалға алуға болады. Мұнда бір уақытта 50-60 адам коньки тебе алады.

    Алдағы уақытта №5 жағажайдан да мұз айдынын ашу жоспарлануда.

    Сонымен қатар ірі инвестжобаның шеңберінде ASP аренада мұз айдыны ашылады. Онда 16-18 қаңтар аралығында қысқы дрифт шоу өтеді. Нысанның аумағы Медеу мұз айдынынан да үлкен, 20600 шаршы метрді құрайды. Билеттерді @wads.kz парақшасынан сатып алуға болады.

  • Қонаевта мәдениет пен спорт саласының жұмысы қорытындыланды

    Қонаевта мәдениет пен спорт саласының жұмысы қорытындыланды

    Қонаев қаласының мәдениет, тілдерді дамыту, дене шынықтыру және спорт бөлімі 2024 жылдың қорытындысын шығарды.

    Мәліметтерге сүйенсек:

    • қалалық Мәдениет үйінде өткен шаралар саны – 376;
    • Шеңгелді ауылдық Мәдениет үйінде өткен шаралар саны – 91;
    • Сондай-ақ ауылда 10 адамға эстрада-вокал, жыр-терме бойынша 14 адамға, домбыра үйрету бойынша 20 адамға, хореография бойынша 30 адамға үйірме өткізілді;
    • қалалық кітапхана мен Шеңгелдідегі кітапханада 156 іс-шара өтті. Оның қатарында кездесулер, ұлы тұлғаларды еске алу, әдеби кештер, кітап көрмесі секілді шаралар бар.

    Аталғандардан басқа, былтыр Қонаевта креативті индустрияны дамытып, мәдени ортаны қалыптастыру үшін алғаш рет кең ауқымда «Qonaev таланттары», «Жайдарлы Jaidarman» шаралары ұйымдастырылды. Жыл соңында әр саланың мамандарына қала әкімінің «Жыл үздігі» марапаты табысталды. Бердібек Соқпақбаевтың 100 жылдығына орай, қаладағы орталық саябаққа оның жазушының шағын сәулеттік нысаны қойылды.

    Тілдерді дамыту бойынша да бірқатар жұмыс атқарылып, Центральная көшесіне Б.Соқпақбаевтың, Фрунзе көшесіне Сағадат Нұрмағанбетовтің есімі берілді.

    Сонымен қатар былтыр Жеңіс паркінде Тәжік-ауған соғысына қатысқан ардагерлерге арналған мемориалды тақта ашылды.

    Ал спорт саласына келер болсақ, 2024 жылдың басынан 196 спорт шарасы өтті. Оған барлығы 12 260 адам қатысты. Бұл шараларда барлық жас санаттары қамтылды. Ірі спорттық шаралардың қатарына футболдан өткен «Qonaev Cup» жарысын, Кроссфит алаңының ашылуына байланысты өткен жарыс пен Қонаев қаласы әкімінің түрлі спорт түрлерінен өткен кубогын қоссақ болады. Туризмді дамыту мақсатында былтыр ашық суда жүзуден «Oceanman» халықаралық жарысы 2-ші мәрте ұйымдастырылды.

    Ең маңыздысы – Қонаев қаласының спортшылары түрлі біріншіліктерден 121 алтын, 90 күміс, 103 қола жеңіп алды.

    Қарттардың уақытын тиімді пайдалануы үшін былтыр қалада Белсенді ұзақ өмір сүру орталығы жұмыс істей бастады.

  • Қонаев көшелеріне 1020 «ақылды шам» орнатылды

    Қонаев көшелеріне 1020 «ақылды шам» орнатылды

    Қонаев қаласында электр желілерінің тозуы 40%-ды құрайды. 2024 жылы бұл көрсеткішті төмендету бағытында бірқатар жұмыстар атқарылды. Мұны Қонаев қаласы әкімдігінің Тұрғын үй-коммуналдық шаруашылығы бөлімінің басшысы Тимур Ақмырзаев мәлімдеді.

    Оның айтуынша, соңғы бір жыл ішінде қаладағы негізгі көшелердің бойына 1020 «ақылды шам» орнатылды. Бұл шамдар автоматты түрде өздігінен қосылып, сөнеді. Сондай-ақ энергияны үнемдейді. Алдағы уақытта осындай шамдардың 3500-і тағы орнатылады деп жоспарланған. Былтыр тротуарлар бойындағы 284 дана, жаяу жүргіншілер көпіріндегі 47 дана сәндік шамдар жаңартылды.

    Ал тозығы жеткен желілерді жаңғырту мақсатында 18,19,20, Спутник, Рауан ықшамаудандарында трансформаторлар ағымдағы жөндеуден өтті. 8-10 шағынауданда 3 трансформатор орнатылып, 4 трансформаторына жөндеу жұмыстары жүргізілде, 8000 метр электр сымдары жаңартылды. Сонымен бірге Арна, Гүлдер, Восточный, 8,10,12А,12Б шағынаудандарын электрмен жабдықтаудың сапасы мен тұрақтылығын едәуір жақсартуға мүмкіндік беретін орталық тарату пунктіне (ЦРП) күрделі жөндеу жасалды.

    «Алтын алма» саяжайында 3 трансформатор, 510 жарық бағанасы қойылып, 47 шақырым желі тартылды. 7-ші саяжайдың 21 көшесін электр энергиясымен қамтып тұрған РУ-04 құрылғысының желілері ауыстырылды. Бұл шара да үздіксіз жарық таратып, тозу көрсеткішін азайту мақсатында қолға алынған», — деді ТҮКШ бөлімінің басшысы.

    Оның ақпаратынша, былтыр Энергетическая, Набережная көшелері мен 1,2,3,4,5-ші шағынаудандарға, қалалық жағажайға көше жарығының 68 бағанасы орнатылып, жарықтандырылды. Мира, Октябрьская, Соболева, Қазыбек би, Гүлдер, Ақжол, МО-25 көшелеріндегі 70 дана шам орнатылды.

    «Рауан шағынауданында электрмен жабдықтау желілерін реконструкциялау бойынша жобалалық сметалық құжаттамасының әзірленуі аяқталуда. Құрылыс жұмыстары 2025-2026 жылдар аралығына жоспарланған. Биыл Спутник шағынауданындағы көше жарығы жоқ жерлерге бағаналар орналастыру көзделуде», — деді Тимур Ақмырзаев.

    ТҮКШ бөлімінің басшысы Кешенді даму жоспары аясында электр желілерімен қамту бойынша 13 жоба жүзеге асатынын айтты. Барлық шаралар нәтижесінде желілердің тозуы айтарлықтай төмендейді деп жоспарланған.

  • Қонаевтағы орталық саябаққа Б.Соқпақбаевтың есімі берілді

    Қонаевтағы орталық саябаққа Б.Соқпақбаевтың есімі берілді

    Былтыр балалар жазушысы Бердібек Соқпақбаевтың 100 жылдығы ЮНЕСКО көлемінде аталып өтті. Қонаевта ұлы тұлғаны есімі әлі де ұлықталуда. Орталық саябаққа Б.Соқпақбаевтың есімі берілді.

    Бұл саябақ 2023 жылы 25 қазанда күрделі жөндеуден өтіп, қолданысқа берілген болатын. Аумағы – 8 гектар. Паркте субұрқақтар, сахна, көрермен орны, дүңгіршектер, түрлі шағын сәулеттік нысандар қойылған.

    Саябақ заманауи стильдегі жабдықтармен жабдықталған. Оның қатарында орындықтар, жарық шамдары, қоқыс жәшіктері бар. Сондай-ақ күрделі жөндеуден өткенде мұнда қосымша 584 түп ағаш егілген. Бұл саябақта спорт алаңы мен футбол алаңы да салынған. 2024 жылдың соңында орталық саябақта Б.Соқпақбаев пен оның танымал туындысы «Менің атым Қожаның» шағын сәулеттік нысаны ашылса, 11 қаңтар күні мұз айдыны қолданысқа берілмек. Сонымен қатар қаладағы Центральная көшесіне жазушының есімі берілген болатын.

    Айта кетейік, Б.Соқпақбаев (1924-1991) – қазақтың көрнекті жазушысы, драматург, аудармашы. Ол балалар мен жасөспірімдерге арналған әдебиеттің дамуына үлкен үлес қосқан.

  • Қонаевта көшпенділер қалашығына жол салынады

    Қонаевта көшпенділер қалашығына жол салынады

    Бұл туралы Қонаев қаласы әкімдігінің жолаушылар тасымалы және автомобиль жолдары бөлімінің басшысы Бағдат Алиев айтты.

    «Былтыр Көшпенділер қалашығына жол салу үшін жобалық-сметалық құжаттары әзірленді. Мемлекеттік сараптаманың оң қорытындысы алынған жағдайда бюджеттік өтінім беріліп, құрылысқа ақша бөлу мәселесі қарастырылады», – деді бөлім басшысы.

    Сонымен қатар Бағдат Алиев былтырғы жылғы атқарылған жұмыстармен бөлісті.
    Жолаушылар тасымалы бойынша:
    • 9 маршрут бойынша 28 дана қоғамдық көлік қатынауда. Оның 2-уі былтыр сатып алынды. Биыл автобус паркі жаңа 5 көлікпен толықтырылады деп жоспарланған;
    • Әлеуметтік маңызы бар маршруттарды субсидиялауға 2024 жылы Қонаев қаласына 602,2 млн. теңге бөлінді. Биылға келісімшарт қаңтар айында жасалады.

    Автомобиль жолдары:
    • Жақсы және қанағаттанарлық жағдайдағы жолдардың үлесі 85%-ға жетті
    • 22 көшеде шұңқырларды жабу, 9 көшеге ағымдағы жөндеу жасалды
    • 8-10-шы шағынаудандар жолын күрделі жөндеу басталды
    • «Morelux» демалыс орнына апаратын Речников көшесі ағымдағы жөндеуден өтті
    • Жол қауіпсіздігін қамтамасыз ету мақсатында 700 дана жол белгісі орнатылды, 2000-ға жуық жол белгілерінің тірегі боялды. Бұдан бөлек, 200 шаршы метр жасанды жол дөңес орнатылды.
    • 34 жаңа аялдама қойылды.

    Ал Кешенді даму жоспары аясында 16 жобаның құжаттары дайындалып, мемлекеттік сараптамаға жіберілді.