Sona.kz

Метка: Шерзат өлімі

  • «Сені де өлтіремін» – Шерзаттың анасы сұмдық жайттарды айтып берді

    «Сені де өлтіремін» – Шерзаттың анасы сұмдық жайттарды айтып берді

    Оның айтуынша, ол баласын қалай соққыға жыққанын және пышақтағанын өз көзімен көрген.

    «Шерзаттың аузынан қан ақты. Ол: “Анашым, сол жақ бүйіріме бірдеңе кіріп кеткен сияқты” деді. Қарасам — пышақ қадалып тұр екен. Кейін Нұрқиястың қолында мылтық барын көрдім. Алдымен олар Нұрғанатты ұрды, содан кейін Шерзатқа ауысты. Нұрқияс мылтықпен ұрды. Мен баламды қорғамақ болдым, соққы қолыма тиді. Сол кезде ол: “Үніңді шығарма, әйтпесе сені де өлтіремін” деді»,- деді марқұмның анасы.

    Бишембаева Шерзаттың аузынан қан ағып жатса да, айыпталушылар оны ұруды тоқтатпағанын айтты — олар оның басынан пышақпен ұрып, теуіп жатқан.

  • Шерзат Полаттың нақты неден көз жұмғаны белгілі болды

    Шерзат Полаттың нақты неден көз жұмғаны белгілі болды

    Талдықорғанда өтіп жатқан атышулы сот отырысында Шерзат Полаттың өліміне қатысты медициналық сараптама қорытындысы жария етілді. 

    Бұл – істегі ең маңызды деректердің бірі. Марқұмның нақты неден қаза тапқаны туралы алғаш рет ресми түрде мәлімдеме жасалды.

    Прокурор Дана Сәрсенбайдың айтуынша, 2024 жылы 4 қазанға қараған түні «Қамажай» дүкенінің жанында болған жанжалдан кейін Шерзаттың әкесі Қаржаубай Нұрымов жарақат алған ұлын және оның ағасы Нұрқанатты көлігіне отырғызып, бар жылдамдықпен Талғар аудандық орталық ауруханасына жеткізуге асыққан.

    «Сот-медициналық сараптама қорытындысына сәйкес, Шерзаттың өлімі көп қан жоғалтудан болған. Жара сол жақ өкпенің жоғарғы тұсына түскен, пышақ жүрек тұсына өте жақын орналасқан көкірек қуысына сұғылған», – деп оқыды прокурор сот залында.

    Дәрігерлер оның өлімін 2024 жылы 4 қазан күні түнгі 01:30-да Талғар аудандық ауруханасында тіркеді.

    Еске сала кетсек, Талғарда 4 қазан күні бір топ адам келіп дүкен иесі Қаржаубай Нұрымов, ұлы Шерзат Полат және ағасы Нұрқанатпен жанжалдасып, арты кісі өліміне ұласты. 16 жасар Шерзат Полат қаза болды. Бұл іс қоғамда үлкен резонанс тудырды.

  • Шерзаттың өліміне қатысты айыпталушылардың көбі бұрын сотты болған

    Шерзаттың өліміне қатысты айыпталушылардың көбі бұрын сотты болған

    Талғардағы Шерзат Полаттың өліміне қатысты басталған басты сот процесінде айыпталушылардың көбі бұған дейін де қылмыстық жауапкершілікке тартылғаны анықталды.

    Мәселен, 1998 жылғы Сәкиев — бұрынғы мейрамхана администраторы. Ол 2021 жылы екі жыл алты айға бас бостандығы шектелген, қазір соттылығы жойылған. Сотта адвокатымен сөйлеспегенін айтып, дайын еместігін жеткізді.

    Белғожаев (2000 ж.) — спорт мектебінің бұрынғы қызметкері, ол да бұған дейін сотты болған. 2015 жылы Қылмыстық кодекстің 106-бабы бойынша жаза алған. Сотқа толық дайын екенін мәлімдеді.

    Тізімде тағы бірнеше есім бар: Тоқтаубаев пен 1993 жылғы Әскентай – екеуі де бұрын істі болғандар. Азамат Тоқтаубаев 2020 жылы жеті жылға бас бостандығынан айырылған. Ал 1996 жылы туған Нұрбол Тоқтаубаев бұрын сотты болмаған, үйленген.

    Айыпталушы Ілиясовтың 2023 жылы сотталғаны белгілі болды. Ол 107-баппен екі жыл алты айға бас бостандығы шектелген. Жазасы әлі аяқталмаған. Жұмыссыз, бойдақ.

    Тек Дидар Қалиахмет (1998 ж.) ғана бұрын сотты болмаған. Үйленген, екі баласы бар.

    Сот отырыстары жалғасып жатыр. Жүйелі тергеу барысы қоғам назарында.

  • Шерзат Полаттың өліміне қатысты қылмыстық іс бойынша екінші сот отырысы басталды

    Шерзат Полаттың өліміне қатысты қылмыстық іс бойынша екінші сот отырысы басталды

    Бүгін Жетісу облысының қылмыстық істер жөніндегі мамандандырылған ауданаралық сотының ғимаратында Шерзат Полаттың өліміне қатысты қылмыстық іс бойынша екінші сот отырысы өтеді.

    Шерзат Полаттың өліміне айыптау жөніндегі іс бойынша басты сот талқылауы бүгін, 2025 жылы 17 сәуірде сағат 10.00-ге белгіленген.

    Сот отырысының онлайн трансляциясын Жоғарғы Соттың YouTube-каналынан көруге болады.

  • Шерзаттың әпкесі неге өзіне қол салмақ болды?

    Шерзаттың әпкесі неге өзіне қол салмақ болды?

    Марқұм Шерзат Болаттың әпкесі Бақыт Реймова Райымбек даңғылындағы көпірден секіріп, өзіне қол жұмсамақ болды. Бірақ оны полиция қызметкерлері дер кезінде байқап, құтқарып қалды.

     Бұл туралы қоғам белсендісі Жан Ахмадиев хабарлады. Белгілі болғандай, Шерзаттың туыс әпкесі Бақыт Реймова алдымен видео түсіріп, інісі Нұрқанаттың өліміне Бауыржан Абдрахманов есімді дәрігерді кінәлаған.

    Бақыт Реймованың мұндай қадамға баруына әлеуметтік желідегі қысым итермелеген.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған. Туыстары Нұрғанаттың өз-өзіне қол жұмсағанына сенбейді, сол себепті әділдікті талап етуде.

  • Шерзат Болаттың өліміне қатысты алдын ала сот тыңдалымы өтетін күн белгілі болды

    Шерзат Болаттың өліміне қатысты алдын ала сот тыңдалымы өтетін күн белгілі болды

    Талғарда кісі қолынан қаза тапқан Шерзат Болаттың өліміне қатысты іс бойынша алдын ала сот тыңдалымы өтетін күн белгілі болды. 

     Алдын ала сот тыңдалымы 10 сәуірде Талдықорған қаласында қылмыстық істер жөніндегі мамандандырылған сотта өтеді.

    Алдын ала тыңдалымның Талдықорғанда өтуіне күдіктілердің көпшілігінің осы қаладағы уақытша ұстау изоляторында отырғаны себеп.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған.

  • Шерзат Болаттың ісі сотқа түсті

    Шерзат Болаттың ісі сотқа түсті

    Осы іс бойынша жәбірленушілердің құқығын қорғайтын адвокаттар командасы жасақталған.

    Ол қатарда Мейірман Шекеев, Әлім Мұстапаев, Жандос Палманов, Бекзат Ниязов, Бағдат Амандосұлы, Нұрболат Ибраев, Дина Досаева сынды адвокаттар бар.

    «Құрметті достар, біз іске кірістік. Барлық құжаттармен таныстық. Біздің пайымдауымызша алғашқы сот отырысы сәуірдің ортасынан басталуы керек», – дейді Мейірман Шекеев.

    Айта кету керек, Қаржаубай Нұрымов адвокаттарынан бас тартқан еді.  Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

  • Шерзат Болаттың ісі осы аптада сотқа түседі

    Шерзат Болаттың ісі осы аптада сотқа түседі

    Ішкі істер министрінің орынбасары Санжар Әділов Талғарда 16 жастағы Шерзат Полатты өлтіру ісі бойынша материалдар алдағы күндері сотқа жіберілетінін хабарлады.

    Бұл туралы ол журналистердің сұрағына жауап берген кезінде айтты. Алайда негізгі сот процесінің қашан басталатынын нақтылай алмады.

    Шерзаттың ісі қазір прокуратурада қаралып жатыр. Алдағы күндері, осы аптада сотқа жіберіледі деп күтеміз. Бұл – соттың прерогативасы. Сот ісін қарайтын судья тағайындалады. Кейінірек бұл мәселеге қатысты соттың өзі түсініктеме бергені дұрыс деп есептеймін, – деді ол.

    Санжар Әділов сонымен қатар, Шерзат Полаттың ағасы Нұрқанат Ғайыпбаевтың ісі бойынша тергеу жүргізіліп жатқанын, ол істе ешкім күдікті ретінде танылмағанын айтады. Бұған дейін Шерзат ісі бойынша тергеудің аяқталғаны хабарланған болатын.

    Қылмыстық іс 62 томнан тұрады. Бұған дейін тергеу толық аяқталып, іс прокурорға жолданғанын хабарлаған едік. Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

  • Шерзат ісі: Түрмеде туған күн тойлауға жол берген полицейлерді қандай жаза күтіп тұр?

    Шерзат ісі: Түрмеде туған күн тойлауға жол берген полицейлерді қандай жаза күтіп тұр?

    Алматы облысының прокуратурасы қоғамда дау туғызған түрмедегі туған күнге қатысты пікір білдірді. 

    Шерзат Болат ісі бойынша қамауға алынғандардың уақытша ұстау изоляторында туған күн тойлауына жол берген полицейлерге қатысты тергеудің егжей-тегжейі айтылды.

    Прокуратура 18 ақпанда полиция қылмыстық кодекстің 371-бабының 1-бөлігі «Немқұрайлылық» бойынша соталды тергеу бастағанын растады. Тергеуді Алматы облысы полициясының жеке қауіпсіздік басқармасы жүргізеді.

    «Полиция қызметкерлері жол берген заңбұзушылықтар бойынша Еңбекшіқазақ ауданының прокуратурасы 16 ақпанда заңбұзушылықтарды жою туралы ұсыныс енгізді», – деп хабарлады прокуратура. 

    Қылмыстық кодекстің 371-бабының 1-бөлігіне сәйкес заңбұзушыларға 1 мың АЕК-ке дейін (2025 жылы 3,9 миллион теңге) айыппұл, 400 сағатқа дейінгі қоғамдық жұмыстарға тарту немесе бір жылға дейінгі мерзімге бас бостандығынан айыру жазасы төніп тұр.

  • Шерзат Болаттың өлімі: іс прокурорға жолданды

    Шерзат Болаттың өлімі: іс прокурорға жолданды

    Шерзат Полатты өлтіру ісі бойынша тергеу аяқталды. Алматы облысының полиция департаменті мән-жайды айтты.

    Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

    Қылмыстық іс 62 томнан тұрады, оның ішінде барлық жиналған дәлелдемелер, сараптама қорытындылары, жауап алу хаттамалары және басқа да маңызды материалдар бар. Әрбір тергеу әрекеті қылмыстық заңнама талаптарына сәйкес жүргізілді, тергеудің барлық кезеңдерінде заңдылық, ашықтық және объективтілік қамтамасыз етілді. Тергеудің барысы және процесс қатысушыларының конституциялық құқықтарының сақталуы прокуратура органдарының бақылауында болды.