Атырауда Яна Легкодимованың өліміне қатысты сот процесі жалғасуда, деп хабарлайды Sona.kz Atyrau.today -ге сілтеме жасап.
Сот отырысында айыпталушы Ризван Хайыржанов жаңа айыптау актісімен танысқанын растады. Құжатта Қылмыстық кодекстің үш бабы бойынша айып тағылған. Алайда ол кісі өлтіру үшін адамдарды жалдағанын мойындамады.
Хайыржанов жаңа айыптау бойынша жауап беруден бас тартты және Яна Легкодимованы өлтіргені үшін Алтынбек Қакимовқа ақша бермегенін айтты.
Іс бойынша сот тергеуі жалғасуда
Атырауда Яна Легкодимова өліміне қатысты қылмыстық іс қаралуда, деп хабарлайды Sona.kz Atyrau.today — ге сілтеме жасап.
Сот отырысында айыпталушы Алтынбек Қакимов жауап беруден бас тартты. Ол 202-баппен келіспейтінін және Янаның телефонын жоюға қатыспағанын мәлімдеді.
Қакимов тапсырыспен кісі өлтіруді мойындамаған, бірақ алдын ала сөз байласу арқылы жасалған қылмысты мойындап, өкінетінін айтты.
Оның сөзінше, ол Яна Легкодимова мен Ризван Хайыржановтың қызы Дананы, сондай-ақ марқұмның анасын танымайды.
Соттың қылмыстың себебі мен рөліне қатысты сұрақтарына Қакимов жауап беруден бас тартты.
Атырауда Яна Легкодимова өліміне қатысты сот процесі жалғасуда, деп хабарлайды Sona.kz Atyrau.today — ге сілтеме жасап.
Сот отырысы кезінде қорғаушы тарап әрбір айыпталушыдан моральдық зиян үшін 25 миллион теңге, ал іздеу жұмыстары мен жерлеу рәсіміне кеткен шығындар үшін 10 миллион теңге өтемақы төлеуді талап етті.
Бұған дейін сот отырыстары айыпталушы тарап адвокаттарының денсаулығына байланысты бірнеше рет кейінге қалдырылған болатын. Қазіргі уақытта іс Атырау облысының қылмыстық істер жөніндегі мамандандырылған сотында қаралып жатыр.
2025 жылдың 13 қарашасында Атырауда Яна Легкодимова өліміне қатысты қылмыстық іс бойынша кезекті сот отырысы өтіп жатыр, деп хабарлайды Sona.kz Atyrau.today — гесілтеме жасап.
Отырыс Атырау облысының қылмыстық істер жөніндегі мамандандырылған сотында өтуде. Зал толығымен лық толған, процессті судья Зарема Хамидуллина жүргізіп отыр.
Еске сала кетсек, Яна Легкодимова қаза тапқан қайғылы оқиға қоғамда кең талқылауға себеп болды. Бұған дейін сот отырыстары айыпталушы тараптың қорғаушыларының денсаулығына байланысты бірнеше рет кейінге қалдырылған еді.
Қоғам бұл істің барысын жіті бақылауда ұстап отыр.
Қасымбаевқа үш бап бойынша айып тағылған: адам ұрлау, ауыр дене жарақатын келтіру және бопсалау. Онымен бірге тағы бес адам сот алдында отыр. Жәбірленушілер — ММА жауынгері Арман Алимов пен кәсіпкер Арипжан Тажиев.
Соңғы сөзінде Қасымбаев өзіне тағылған айыпты жалған және дәлелсіз деп атады.
«Бұл істі қоғамды тыныштандыру үшін ойлап тапты. Менің кінәмді дәлелдейтін еш айғақ жоқ. Барлығы Алимовтың сөзіне ғана сүйенеді, ал ол есірткіге тәуелді әрі бұрын сотталған», — деді ол.
Оның айтуынша, оны «Хутор» тобы мен Шерзат Полат ісімен байланыстыру – негізсіз.
«Мені резонанс үшін соттап жатыр. Мен заң алдында да, Алла алдында да арым таза. Соттан әділ шешім шығаруды сұраймын», — деді айыпталушы.
Басқа айыпталушылар да Қасымбаевты қолдап, оны ақтауды өтінді. Кейбірі тергеуге сенбейтінін және айыптаулардың ойдан шығарылғанын айтты.
Сот ғимараты алдында ондаған адам айыпталушыны қолдап жиналды. Оқиға орнында полиция мен жедел жәрдем қызметі кезекшілікте тұрды.
Прокурор бұған дейін Қасымбаевқа 15 жыл түрме жазасын, ал өзгелерге — 9-22 жыл аралығында жаза сұраған. Үкім жақын күндері жариялануы мүмкін.
Алматы қаласында ALA Hostel-дегі өрт ісі бойынша апелляциялық сот отырысы аяқталды, деп хабарлайды Sona.kz Kazinform-ға сілтеме жасап.
Сот алқасы хостел директоры Адильбек Мұхамедьяровқа шығарылған 5 жыл бас бостандығынан айыру жазасын өзгеріссіз қалдырды.
Ал нысан иесі Александр Пекельникке қатысты моральдық зиянды өндіру туралы шешімнің бір бөлігі жойылды, бірақ оның кінәсі дәлелденген күйінде қалды.
Сот материалдарына сәйкес, хостелде өрт қауіпсіздігі талаптары өрескел бұзылған: эвакуациялық шығу жолдары, дабыл жүйесі және өрт сөндіру құралдары болмаған.
Еске салайық, қайғылы оқиға 2023 жылғы 3 қарашада Алматы қаласындағы жертөле ғимаратында болған. Өрт салдарынан 13 адам, негізінен 18 бен 25 жас аралығындағы жастар қаза тапты.
Қаза тапқандардың туыстары кінәлілерге қатаң жаза қолдануды және олардың әрекеттерін қасақана немқұрайлылық деп тануды талап етуде.
Алматыда әнші Индира Елеместің бұрынғы жұбайы және экс-КНБ басшысы Карим Масимовтің әкесі Қажымхан Масимовтің серіктесі Калелхан Иманмадиға қатысты сот үкімі шықты, деп хабарлайды Sona.kz Kazinform-ға сілтеме жасап.
Сот Иманмадиді алаяқтық жасағаны үшін кінәлі деп танып, оны 6 жылға бас бостандығынан айырды.
Іс материалдарына сәйкес, 2018 жылы марқұм композитор Арман Дүйсенов қызының Ұлыбританияда оқу ақысына төлем жасау үшін Иманмадиға 20 мың фунт стерлинг (шамамен 9 млн теңге) берген. Ақша толық түспеген. Кейін отбасы оған тағы 22 млн теңге оқу ақысы мен 37 млн теңге Түркиядан пәтер алу үшін аударған. Жалпы шығын — 66,7 млн теңге.
Иманмади сотта кінәсін мойындамай, бұл «өзара көмек» болғанын айтты. Сот дәлелденген шығынды 7,3 млн теңге көлемінде белгілеп, оны композитордың жесіріне өтеуге міндеттеді.
? Үкім заңды күшіне енді.
Астанада сот Асель Досаеваға қатысты дау шықты. Полиция мәліметінше, ол көлікті мас күйінде жүргізіп, ал жүргізуші куәлігінің мерзімі өтіп кеткені анықталған, деп хабарлайды Sona.kz соттың баспасөз қызметіне сілтеме жасап.
Сот өкілдері атап өткендей, сот мәртебесі заң алдындағы жауапкершіліктен босатпайды.
«Егер құқық бұзушылық фактісі расталса, сот заңға сәйкес жауапқа тартылады», – делінген ресми хабарламада.
Қазір материалдар Ішкі істер министрлігі тарапынан Бас прокуратураға жолданды. Асель Досаеваның ісі бойынша түпкілікті шешімді Жоғары сот кеңесі қабылдайды.
Қарағандылық 23 жастағы Алика Мұхамадиева ұлтаралық араздықты қоздырғаны үшін кінәлі деп танылып, 3,5 жылға сотталды.
Бұл іс қоғамда үлкен резонанс тудырған болатын. Жаздың ортасында Мұхамадиеваның Threads желісіндегі пікірлері әлеуметтік желілерде қызу талқыланды. Ол кей жазбаларында Қазақстан мен мұсылмандарға қатысты орынсыз пікір білдірген. Кейін көпшіліктен кешірім сұрап, елден кетуге тырысқан, бірақ ұсталып, шамамен төрт ай тергеу изоляторында болды.
Қазан айында ҚК 174-бабы 1-бөлігі (“Әлеуметтік, ұлттық, рулық, нәсілдік немесе діни араздықты қоздыру”) бойынша сот процесі басталды. Прокуратура 4,5 жыл сұраған болатын.
Бүгін өткен соңғы отырыста Мұхамадиева тағы да кешірім сұрап, өкінетінін айтты:
«Барлығына шын өкінемін. Ең қиыны — қызымнан алыстап қалу. Қазір бәрінен бұрын сонымен бірге болғым келеді», — деді ол көзіне жас алып.
Сот үкімі бойынша, оған 3,5 жыл бас бостандығынан айыру жазасы тағайындалды, бірақ жаза екі жылға кейінге қалдырылды.