Алматы облысында Іле ауданының бұрынғы әкімі Бағдат Карасаев пен оның үш сыбайласына қатысты қылмыстық іс сотқа өтті. Тергеу олардың тұрмыстық қалдықтар полигонын жеке компанияға заңсыз сенімгерлік басқаруға беріп, кірісті қалтаға басқанын анықтаған.
Прокуратура мәліметінше, Карасаевқа бір емес, Қылмыстық кодекстің жеті бабы бойынша айып тағылған. Атап айтқанда:
– бөтен мүлікті иемдену,
– алаяқтық,
– экологиялық талаптарды бұзу,
– өкілеттіктерді теріс және асыра пайдалану,
– заңсыз кәсіпкерлікпен айналысу және
– қызметтік жалғандық жасау.
Оның үстіне, экс-әкім аудандық қаржы және ТКШ бөлімдерінің басшыларын да қылмыстық схемаға тартқан. Полигонды басқарған компания өз міндеттемелерін орындамаған. Ал табыс – Карасаевтың жеке пайдасына жұмыс істеген.
Қазіргі уақытта ол ІІМ ҚАЖК №72 мекемесінде қамауда отыр.
