Талдықорғанда өтіп жатқан Шерзат Болат ісі бойынша тәуелсіз сарапшы Тахир Халимназаров сотта жауап берді. Оның айтуынша, пышақ қатты күшпен салынған.
Сарапшының сөзінше, жарақат тереңдігі пышақтың ұзындығынан асып кеткен. Бұл пышақ сабына дейін толық кіріп, күшпен салынғанын білдіреді.
— Егер пышақ 9-10 см болса, ал жара 12 см терең болса, онда бұл қатты күшпен сұғылған деген сөз, — деді ол.
Халимназаров жәбірленуші тараптың сұранысымен сараптама жасаған. Қорытындысында: Шерзат кеуде жарақатынан көз жұмған.
